„იმედის“ და 7 ნოემბრის აქციის საქმეზე სააკაშვილის, კეზერაშვილის და ადეიშვილის განაჩენი ძალაში დარჩა

საქალაქო სასამართლომ მი­ხე­ილ სა­ა­კაშ­ვილს, და­ვით კე­ზე­რაშ­ვილ­სა და ზუ­რაბ ადე­იშ­ვილს განაჩენი ახალი გარემოებების არარსებობის გამო, ძალაში დატოვა.

ყოფილი მაღალჩინოსნები, რომლებიც ამჟამად იძებნებიან, 7 ნო­ემ­ბრის აქ­ცი­ის დარ­ბე­ვი­სა და ტელეკომპანია „ი­მედ­ში“ შეჭ­რის საქ­მე­ზე სის­ხლის სა­მარ­თლის კო­დექ­სის 333-ე მუხ­ლით გათ­ვა­ლის­წი­ნე­ბუ­ლი და­ნა­შა­უ­ლი ედე­ბათ ბრა­ლად, რაც სამ­სა­ხუ­რებ­რი­ვი უფ­ლე­ბა­მო­სი­ლე­ბის გა­და­მე­ტე­ბას გუ­ლის­ხმობს. დანაშაული 5-დან 7 წლამდე თავისუფლების აღკვეთას ითვალისწინებს.

საქართველოს პროკურატურამ 2007 წელს ტელეკომპანია „იმედში“ შეჭრის და მისი დარბევის ფაქტზე შინაგან საქმეთა სამინისტროს სპეციალური ოპერატიული დეპარტამენტის ყოფილი დირექტორი ერეკლე კოდუა სამსახურებრივი უფლებამოსილების გადამეტების ბრალდებით სისხლის სამართლის პასუხისგებაში მისცა. სასამართლოში საქმის განხილვა 27 ივნისს დაიწყო.

სხვადასხვა დროს, სასამართლო მიმდინარეობისას მოწმეებმა ის ფაქტები გაიხსენეს, რაც 7 ნოემბრის აქციის დარბევას და ტელეკომპნია „იმედში" შეჭრას უკავშირდებოდა.

ყოფილმა პრემიერმინისტრმა ზურაბ ნოღაიდელმა სასამართლოზე თქვა, რომ მიხეილ სააკაშვილისთვის "იმედის" სარედაქციო პოლიტიკა ინტერესის ობიექტი იყო. მან ასევე თქვა, რომ 2007 წლის ზაფხულში, სააკაშვილის ინიციატივით, ბადრი პატარკაციშვილთან მოლაპარაკებები დაიწყო "იმედის" და რკინიგზის აქტივების გაცვლასთან დაკავშირებით, თუმცა პატარკაციშვილმა ტელევიზია არ დათმო.

მიმდინარე წლის 20 მარტს, სასამართლოზე ჩვენება მისცა ნინო ბურჯანაძემ. მან სასამართლოს სხდომაზე ის კონკრეტული სახელები და გვარებიც თქვა, ვინც მისი მტკიცებით, დარბევის და ტელეკომპანიაში შეჭრის ბრძანება გასცა და ეს ადამიანი მიხეილ სააკაშვილი იყო.

ნინო ბურჯანაძის თქმით, მას შემდეგ რაც "იმედმა" მაუწყებლობა განაახლა, გივი თარგამაძე და გიგი უგულავა პირადად ახორციელებდნენ მოლაპარაკებებს "იმედის" ჟურნალისტებთან, მათ თანხებს სთავაზობდნენ, წინააღმდეგ შემთხვევში კი აშანტაჟებდნენ.

საქმის გამოძიება გრძელდება, რომლის ფარგლებშიც აპრილში ყოფილი მთავარი პროკურორი მურთაზ ზოდელავა დაიკითხა. ზოდელავამ მოგვიანებით იმედის საქმეს „შეკერილი“ უწოდა.

საქართველოს პროკურატურამ 2007 წელს ტელეკომპანია „იმედში“ შეჭრის და მისი დარბევის ფაქტზე შინაგან საქმეთა სამინისტროს სპეციალური ოპერატიული დეპარტამენტის ყოფილი დირექტორი ერეკლე კოდუა სამსახურებრივი უფლებამოსილების გადამეტების ბრალდებით სისხლის სამართლის პასუხისგებაში მისცა.

მაისში "იმედში" შეჭრისა და 7 ნოემბრის საქმეზე დევნილთა მინისტრი სოზარ სუბარიც დაიკითხა. 

მიხეილ სააკაშვილს რამდენიმე სისხლის სამართლის საქმეზე საქართველოს პროკურატურა ედავება და მის ექსტრადიციას ითხოვს.

მი­ხე­ილ სა­ა­კაშ­ვილს, ზუ­რაბ ადე­იშ­ვილ­სა და და­ვით კე­ზე­რაშ­ვილს ტელეკომპანია „იმედში“ შეჭრისა და 7 ნოემბრის აქციის დარბევის საქმეზე 2014 წლის 1 აგვიტოს, აღკვეთის ღონისძიების სახით პა­ტიმ­რო­ბა შე­ე­ფარ­დათ.