2018 წელს ანტიკორუფციულმა სააგენტომ 21 საქმეზე დაიწყო გამოძიება

სახელმწიფო აუდიტის ანგარიშების თანახმად, გურიაში არის მიწის ნაკვეთები, რომელთა გასხვისებასთან დაკავშირებითაც კითხვის ნიშნები არსებობს. მაგალითად, ნაკვეთი, რომელიც უწყების ანგარიშში მოხვდა, შეკვეთილის სანაპირო ზოლის გასწვრივ, კაპროვანში მდებარეობს. 

ანგარიშში წერია, რომ მიწა, რომელიც  მუნიცაპილიტეტისგან კერძო პირმა 2 ლარად და 60 თეთრად იყიდა, მალევე ნაკვეთებად დაიყო. მათგან ერთ-ერთი 20.1 ათასი კვადრატული მეტრი, კი უცვლელ ფასად 2 ლარად და 60 თეთრად გურიის გუბერნატორის პირველი მოადგილის ქეთევან მოისწრაფიშვილის ოჯახის წევრებმა იყიდეს.  

ასევე, სახელმწიფო აუდიტის ანგარიშის მიხედვით, 2016 -2017 წლებში ოზურგეთის მუნიციპალიტეტში საეჭვო გარემოებებში კიდევ 34 ნაკვეთი გაიყიდა. სოფელ შემოქმედში არსებული 18 350 კვადრატული მეტრი მიწის ნაკვეთი 9 633 ლარად ოზურგეთის ყოფილი გამგებლისა და გურიის ყოფილი გუბერნატორის მერაბ ჭანუყვაძის ტანასოფლელისა და მეგობრის ხელში აღმოჩნდა. 

მერაბ ჭანუყვაძემ "იმედის კვირას" უთხრა, რომ კანონი არ დარღვეულა და აუდიტის სამსახურის დასკვნა არაობიექტურია. ის ასევე ამბობს, რომ როცა ეს კონკრეტული მიწის ნაკვეთი გაიყიდა, ის არა გამგებლის, არამედ უკვე გუბერნატორის პოზიციას იკავებდა. 

ჭანუყვაძე ოზურგეთის მუნიციპალიტეტს 2016 და 2017 წლის პირველ ნახევარში ხელმძღვანელობდა. სწორედ ამ წლებს მოიცავს სახელმწიფო აუდიტის დასკვნაც. მთავარი კითხვა, რაც ისმის, ნაკვეთების ფასია, რომლის საბაზრო ღირებულება, გაყიდვამდე დამოუკიდებელმა აუდიტორმა დავით რობაქიძემ დაადგინა.

დამოუკიდებელი აუდიტორი, რომელიც "იმედის კვირასთან" შეხვედრას არ დათანხმდა, ადასტურებს, რომ ფასის განსაზღვრისას ადგილზე არ ყოფილა და დამქირავებლის მიერ მიწოდებულ ინფორმაციას დაეყრდნო. 

არჩილ ყაზაიშვილი ოზურგეთის გამგებლის მოადგილე  იყო. მისი თქმით, ის ხელმძღვანელობდა მიწის ნაკვეთების გასხვისების აუქციონებსაც. იმ დროინდელი საკრებულოს თავმჯდომარე დავით დარჩია, რომელიც ახლა თანამდებობა ისევ იკავებს ამბობს, რომ მიწები კანონიერად გასხვისდა. თუმცა რა ფასში ეს მას აღარ 

იყვნენ თუ არა საჯარო მოხელეები და რეგიონის მმართველი პირები კავშირში დამოუკიდებელ აუდიტორთან, რომელიც ნაკვეთების შეფასებას არარეალურ ფასებში ახდენდა, ამას გამოძიება დაადგენს. "იმედის კვირას" სახელმწიფო უსაფრთხოების სამსახურში უდასტურებენ, რომ ზღვისპირა მიწების გასხვისების საკითხზე გამოძიება ანტიკორუფციულ სააგენტოში 2018 წლის მარტიდან მიმდინარეობს. 

ანტიკორუფციული სააგენტო იძიებს კიდევ ერთ საქმეს, რომელიც იმერეთში წყალტუბოს მუნიციპალიტეტს უკავშირდება.  

წყალტუბოს საკრებულოს თავმჯდომარეს ბორკილები საკრებულოს სხდომაზევე დაადეს. გამოძიების ცნობით, გრიგოლ ივანეიშვილმა ირანელ ბიზნესმენს წყალტუბოს საკრებულოს ყოფილი შენობის წინასწარ შეთანხმებულ ფასად შესყიდვაში დახმარება აღუთქვა. ქრთამის სახით კი ბიზნესმენისგან 250 ათასი ლარი აიღო.

გამოძიების ინფორმაციით, წყალტუბოს საკრებულოს თავმჯდომარეს ამ ფულის აღებაში ვაკის გამგებლის მოადგილე თეუმურაზ ჩოჩუა დაეხმარა. ორივე მათგანი ახლა პატიმრობაშია.   

2018 წლის ბოლოს ანტიკორუციულმა სააგენტომ სისხლის სამართლის პასუხისგებაში მისცა სამეგრელო-სამეზო სვანეთის ყოფილი ბურენატორი;
-    დიდი ოდენობით ქრთამის აღების ფაქტზე ზუგდიდის ყოფილი მერი და ვიცემერი;
-    შეიარაღებული ძალების გენ. შტაბის ერთ-ერთი დეპარტამენტის განყოფილების უფროსი; 
-    ასევე ქრთამის აღების ბრალდებით დააკავეს საგარეჯოს მუნიციპალიტეტის საკრებულოს წევრი და ეროვნული სატყეო სააგენტოს თანამშრომელი;
-    ასევე შარშან დააკავეს სამტრედიის მუნიციპალიტეტის მერიის ინფრასტრუქტურის ერთ-ერთი სამსახურის განყოფილების უფროსი.  

2018 წელს სახელმწიფო უსაფრთხოების სამსახურის ანტიკორუციულმა სააგენტომ სულ 21 საქმეზე დაიწყო გამოძიება. 

საქართველოს კორუფციის აღქმის ინდექსი მსფლიოს მასშტაბით 2 ქულით გაუმჯობესებულია. საერთაშორისო გამჭვირვალობა საქართველოს ბერლინის კვლევის შედეგებით ქვეყანა 58 ქულით სხვა ქვეყნებს შორის 41 ადგილს იკავევებს.  

მიუხედავად ამ შედეგებისა ორგანიზაციის საქართველოს ოფისში ამბობენ, რომ მონაცემები არც თუ ისე სახარბიელოა. 

ამ ინდექსის მიხედვით, საქართველოს 2017 წელთან შედარებით პოზიცია გაუჯობესებული აქვს. მსგავსი ქულა აქვთ რეიტინგში ლატვიასა და ესპანეთს. შედარებით არასახარბიელო მდგომარეობა აქვს ევროპის რამდენიმე ქვეყანას - იტალიას, სლოვაკეთს, ხორვატიას, უნგრეთს, საბერძეთს, მონტენეგროს, სერბეთს. საშუალოზე მაღალი კორუფციის მაჩვენებელი აქვს უკრაინას. საქართველო აღმოსავლეთ ევროპისა და ცენტრალური აზიის ქვეყნებს შორის ლიდერია, თუმცა კვლევის ავტორები თანხმდებიან, რომ ხელისუფლებამ ანტიკორუფციულ საქმიანობაში მეტი პროგრესისთვის უფრო ქმედითი ნაბიჯები უნდა გადადგას.