imedi /  28 მარტი 2019, 16:04 / სანდო წყარო

ასოცირების კომიტეტმა საქართველოს მიერ მიღწეული პროგრესი დადებითად შეაფასა

ევროკავშირი

ასოცირების საპარლამენტო კომიტეტმა თანათავმჯდომარეების, ევროპასთან ინტეგრაციის კომიტეტის თავმჯდომარის თამარ ხულორდავასა და ევროპარლამენტის წევრის, საჯად კარიმის ხელმძღვანელობით, მერვე სხდომა გამართა. 

საქართველოს პარლამენტის ცნობით, სხდომაზე განიხილეს ასოცირების შეთანხმების განხორციელების პროცესი, ქვეყანაში მიმდინარე და დაგეგმილი დემოკრატიული რეფორმები, ადამიანის უფლებების დაცვის თვალსაზრისით არსებული მდგომარეობა, ღრმა და ყოვლისმომცველი თავისუფალი სავაჭრო სივრცის შესახებ შეთანხმების გამოყენების პერსპექტივები, სოფლის მეურნეობის განვითარება, ენერგეტიკის სფეროში ევროკავშირთან თანამშრომლობა.

პარლამენტის ცნობით, სხდომაზე დადებითად შეაფასეს საქართველოს მიერ 2014-2018 წლებში გაწეული პროგრესი. ხაზი გაესვა საქართველოს მიღწევებს ევროპასთან ინტეგრაციის პროცესში, რომლის ყველაზე მნიშვნელოვან წარმატებას წარმოადგენს საქართველოსა და ევროკავშირს შორის გაფორმებული ასოცირების შეთანხმება და ღრმა და ყოვლისმომცველი სავაჭრო სივრცის შესახებ შეთანხმება (DCFTA). ევროკავშირთან თანამშრომლობის ერთ-ერთი მნიშვნელოვანი მიღწევაა უვიზო მიმოსვლის ამოქმედება, რომელმაც უკვე მისცა 300 000-ზე მეტ საქართველოს მოქალაქეს შენგენის სივრცეში თავისუფლად გადაადგილების შესაძლებლობა.

,,უკანასკნელი 4-5 წლის განმავლობაში საქართველომ ევროკავშირთან დაახლოების გრძელი გზა წარმატებით განვლო. 2014 წელს ხელი მოვაწერეთ ასოცირების შეთანხმებას, ღრმა და ყოვლისმომცველი თავისუფალი სავაჭრო სივრცის შესახებ შეთანხმების ჩათვლით. 2017 წლიდან საქართველოს მოქალაქეები სარგებლობენ შენგენის ზონაში უვიზო მიმოსვლის შესაძლებლობით, რითაც უკვე 300 000-ზე მეტმა ადამიანმა ისარგებლა და რომლის მიღწევაშიც მნიშვნელოვანი წვლილი მიუძღვის ევროპარლამენტს. ევროკავშირი გახდა საქართველოს ძირითადი სავაჭრო პარტნიორი; ქართული ექსპორტის მესამედი სწორედ ევროკავშირის ბაზარზე თავსდება. საქართველო გაწევრიანდა ენერგეტიკულ გაერთიანებაში, შეთანხმებები გააფორმა Europol-სა და EuroJust-თან, რაც იძლევა ტრანსსასაზღვრო და ორგანიზებულ დანაშაულთან ბრძოლის საკითხებში თანამშრომლობის შესაძლებლობას. სამწუხაროდ, მთელი ეს დადებითი დინამიკა ხდება საქართველოს ტერიტორიების, აფხაზეთისა და ცხინვალის რეგიონის/სამხრეთ ოსეთის რუსეთის მიერ ოკუპაციის ფონზე. ამ გამოწვევების პირისპირ ჩვენ მარტო არ ვართ. ვხედავთ და ვაფასებთ ჩვენი სუვერენიტეტის, ტერიტორიული მთლიანობის, არაღიარების და ჩართულობის პოლიტიკის მიმართ ევროკავშირისა და მისი ინსტიტუტების მყარ და უწყვეტ მხარდაჭერას. განსაკუთრებით მნიშვნელოვანია, საქართველოს მხარდაჭერის გამომხატველი რეზოლუცია, რომელიც ევროპარლამენტმა 2018 წლის ივნისში რუსული აგრესიიდან 10 წლის თავზე მიიღო“, - განაცხადა ასოცირების საპარლამენტო კომიტეტის თავმჯდომარემ თამარ ხულორდავამ.

აღსანიშნავია, რომ ასოცირების საპარლამენტო კომიტეტი ევროპარლამენტის მერვე მოწვევის ამ შემადგენლობით ბოლოჯერ შეიკრიბა. 

,,ეს არის ასოცირების საპარლამენტო კომიტეტის ბოლო სხდომა ამ შემადგენლობით და მოხარული ვარ იმ მიღწევებით, რომელსაც საქართველომ ევროკავშირთან თანამშრომლობით ბოლო პერიოდში მიაღწია. აუცილებლად  უნდა აღინიშნოს რეზოლუცია საქართველოს შესახებ, პოლიტიკური და ეკონომიკური ინტეგრაციის გაძლიერება, ევროკავშირთან თანამშრომლობის საგზაო რუკა, საქართველოს ხელისუფლების აქტიური ქმედებები, რომ საფრთხე არ შეექმნას უვიზო მიმოვლის საკითხს. მნიშვნელოვანია საქართველოს ოკუპირებული ტერიტორიების თაობაზე ევროპარლამენტის მიერ  მიღებული რეზოლუცია, რომლითაც ჩვენ მხარს ვუჭერთ საქართველოს ტერიტორიულ მთლიანობას“, - განაცხადა ევროპარლამენტის წევრმა, ასოცირების საპარლამენტო კომიტეტის თანათავმჯდომარემ, საჯად კარიმმა. 

ასოცირების კომიტეტის სხდომაზე საქართველოს ოკუპირებულ ტერიტორიებზე არსებულ მდგომარეობაზე და ხელისუფლების სამშვიდობო პოლიტიკაზე მოხსენებით წარდგა შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი, რომელმაც ირაკლი კვარაცხელიას გარდაცვალების ფაქტზე გამოძიების მიმდინარეობის  და ბოლო პერიოდში ოკუპირებულ ტერიტორიებზე გახშირებულ უკანონო დაკავებების შესახებ ისაუბრა.

სხდომაზე, თავისუფალი უვიზო რეჟიმის განხორციელებაზე და ამ პროცესში არსებული გამოწვევების საპასუხოდ, საქართველოს ხელისუფლების მიერ გადადგმულ ნაბიჯებზე საგარეო საქმეთა მინისტრის მოადგილემ, ვახტანგ მახარობლიშვილმა და შინაგან საქმეთა სამინისტროს საერთაშორისო ურთიერთობათა დეპარტამენტის დირექტორის მოადგილემ ნინო გახარიამ ისაუბრეს.

„საქართველოსთვის უვიზო მიმოსვლის ამოქმედება არის ევროკავშირის მნიშვნელოვანი შეტყობინება. პირველივე დღიდან მიმდინარეობს პროცესის განხორციელების მონიტორინგი საქართველოს ხელისუფლების მიერ,  რათა საფრთხე არ შეექმნას საქართველოს მოქალაქეების უვიზო გადაადგილებას შენგენის ზონაში“, - განაცხადა ვახტანგ მახარობლიშვილმა.

ენერგეტიკის სფეროში საქართველოს ევროკავშირთან თანამშრომლობის, საქართველოს გაწევრიანების შესახებ ენერგეტიკულ გაერთიანებაში და შესაბამისად საქართველოს კანონმდებლობის ჰარმონიზაციის თაობაზე მოხსენებით წარდგა ეკონომიკისა და მდგრადი განვითარების მინისტრის მოადგილე ნათია თურნავა.

ევროპარლამენტარებს, საქართველოში ადამიანის უფლებათა მდგომარეობის შესახებ ინფორმაცია სახალხო დამცველის მოადგილემ, გიორგი ბურჯანაძემ გააცნო.

ასოცირების კომიტეტის მერვე სხდომის დასასრულს, ევროკავშირი-საქართველოს ასოცირების საპარლამენტო კომიტეტმა ერთობლივი განცხადება და რეკომენდაციები  მიიღო, სადაც საქართველოსთვის ყველა მნიშვნელოვანი საკითხი აისახა:

· მიესალმება ევროკავშირსა და საქართველოს ურთიერთობების მუდმივ განვითარებას და კვლავ ეხმიანება  საქართველოს ევროკავშირში გაწევრიანების პერსპექტივას, რომელიც ევროკავშირის ხელშეკრულების 49-ე მუხლით გათვალისწინებული შესაძლებლობაა;

· კომიტეტი ადასტურებს, რომ ახალი უმაღლესი დონის დიალოგი, რომელიც საქართველოს პრემიერ მინისტრისა და ევროკომისიის პრეზიდენტის ხელმძღვანელობით გაიმართა 2018 წლის ნოემბერში, მნიშვნელოვანია საქართველოს ევროკავშირთან დაახლოებისთვის, ისევე როგორც პარტნიორებს შორის დაწესებული ახალ უმაღლესი დონის დიალოგი უსაფრთხოების საკითხებში;

· კომიტეტი დადებითად აფასებს საქართველოს ხელისუფლების მიერ ევროკავშირთან ასოცირების ხელშეკრულების განხორციელებას და ღრმა და ყოვლისმომცველი თავისუფალი ვაჭრობის ხელშეკრულების გამოყენებას, რის შედეგადაც ევროკავშირი საქართველოსთვის მთავარი სავაჭრო პარტნიორია;

· კომიტეტი დადებითად აფასებს ხელისუფლების ძალისხმევას თავისუფალი სავიზო რეჟიმის შეუფერხებელი მუშაობისთვის, იწონებს ახალ საკანონმდებლო რეგულაციებს, მთავრობის ახლო თანამშრომლობას ევროპის სახელმწიფოების საპოლიციო და საბაჟო უწყებებთან, მუდმივ საინფორმაციო კამპანიებს მოქალაქეთა სათანადო ინფორმირებისთვის;

· კომიტეტი დადებითად აფასებს საქართველოს მზადყოფნას იყოს ევროპის მთავარი პარტნიორი რეგიონში ენერგეტიკული უსაფრთხოების გამყარებისთვის და ასევე იწონებს, რომ ევროპასა და საქართველოს შორის ახალი სატრანსპორტო კავშირები ვითარდება;

· კომიტეტმა დადებითად შეაფასა საქართველოს პარლამენტის ძალისხმევა, აქტიურად იყოს ჩართული როგორც ევროკავშირის კანონმდებლობასთან დაახლოების პროცესში, ისე  აღმასრულებელი ორგანოების მიერ ასოცირების შესახებ შეთანხმების შესრულებაზე საპარლამენტო ზედამხედველობაში; მოიწონა პარლამენტის რეგლამენტის რეფორმა, რომელიც საქართველოს ახალი კონსტიტუციის შესაბამისად,  საპარლამენტო ზედამხედველობის ეფექტიანობას აძლიერებს და თვისობრივად ახალ დონეზე აჰყავს პარლამენტის საზედამხედველო ფუნქცია;

· ასოცირების კომიტეტი კვლავ ადასტურებს საქართველოს სუვერენიტეტისა და ტერიტორიული მთლიანობის მიმართ ევროკავშირის ურყევ მხარდაჭერა, გმობს რუსეთის აგრესიას და მხარ უჭერს სამშვიდობო პროცესის და მის უალტერნატივობას, ასევე იწონებს მთავრობის პოლიტიკას მთელ ქვეყანაში თითოეული მოქალაქის მდგომარეობის გასაუმჯობესებლად, მათ შორის აფხაზეთსა და სამხრეთ ოსეთში;

ასოცირების კომიტეტი მორიგი სხდომას თბილისში 2019 წლის მეორე ნახევარში გამართავს.

ყველა სიახლე

ხანძარი

23 აგვისტო 2019, 17:55

ძალოვნები

ნაფეტვრების ტყეში ხანძარია. ვიდეო

ნაფეტვრების ტყეში ხანძარია. საგანგებო სიტუაციების სამსახურის ცნობით, ცეცხლი ეკალ-ბარდს უკიდია. ადგილზე 3 სახანაძრო ჯგუფი მუშაობს და დამატებით ძალას ელიან. უწყების ინფორმაციით, ცეცხლს უწყვეტ რეჟიმში აქრობენ.

დევიდ კოხი

23 აგვისტო 2019, 17:41

მსოფლიო

რესპუბლიკელების მილიარდერი დონორი დევიდ კოხი გარდაიცვალა

ამერიკელი ბიზნესმენი და მილიარდერი, მსოფლიოში ერთ-ერთი უმდიდრესი ადამიანი დევიდ კოხი გარდაიცვალა. ამის შესახებ The Wall Street Journal-ი მაგნატის ოჯახზე დაყრდნობით წერს. მილიარდერი გარდაცვალების მიზეზი ჯერჯერობით უცნობია. ის 79 წლის იყო.

უნგრეთი, ბუდაპეშტი.

23 აგვისტო 2019, 17:36

ეკონომიკა

Euronews-ი: უნგრეთი სიღარიბის ზღვარზეა

უნგრეთში სიღარიბის ზღვარი 256 ევროა. მაგრამ ღარიბი მოსახლეობის შემოსავალი ამ მაჩვენებელზე 25%-ით მცირეა, - ამის შესახებ Euronews-ი წერს. მოსახლეობის სიღარიბის მედიანა ევროკავშირში ყველაზე მარალი 2017 წელს რუმინეთში იყო, ყველაზე დაბალი კი ფინეთში. 2017 წლიდან სიღარიბის მაჩვენებელმა ზრდა უნგრეთში დაიწყო.

მოჰამედ ჯავად ზარიფი ირანის საგარეო საქმეთა მინისტრი

23 აგვისტო 2019, 17:17

მსოფლიო

მოჰამედ ზარიფი ირანის ბირთვული პროგრამის შეთანხმების გადახედვის წინააღმდეგია

ირანის საგარეო საქმეთა მინისტრი მოჰამედ ჯავად ზარიფი ირანის ბირთვული შეთანხმების გადახედვის წინააღმდეგია. ამის შესახებ მან საფრანგეთის პრეზიდენტთან ემანუელ მაკრონთან შეხვედრის შემდეგ განაცხადა. ზარიფმა შეხვედრას პროდუქტიული უწოდა, თუმცა დასძინა, რომ შეთანხმების გადახედვა შეუძლებელია.

ჟირაფები

23 აგვისტო 2019, 17:12

ტექნოლოგიები

მეცნიერები: დედამიწაზე ჟირაფები ქრებიან

ჟენევაში, მსოფლიო კონფერენციის ფარგლებში, რომელიც ცხოველების იშვიათი ჯიშების დაცვას ეხება, გადაწყდა, რომ ველურ ბუნებაში ჟირაფები დაიცვან. გადაწყდა, რომ ჟირაფის ხორცის, ძვლის და ტყავის გაყიდვაზე შეზღუდვები დაწესდეს. საბოლოო ვერდიქტი ამ საკითხზე მომავალ კვირას გახდება ცნობილი, რის შემდეგაც გაეროს კონვენციაში ცვლილება შევა.

საღეჭი რეზინი

23 აგვისტო 2019, 17:10

ტაბლოიდი

ინდოელი ცოლს საღეჭი რეზინის გამო გაშორდა

ქალმა იურისთან კონსულტაცია მას შემდეგ გაიარა, რაც ქმარმა მას საღეჭი რეზინი შესთავაზა. უარის თქმამ კაცი წყობიდან გამოიყვანა, მან 3-ჯერ წამოიძახა სიტყვა „ტალაკი“, რაც განქორწინებას ნიშნავს და ისლამური კანონების თანახმად იმას ნიშნავს, რომ ის ცოლს გაშორდა, რომელზეც 2004 წელს იქორწინა.

მარნეულის სასურსათო ქარხანა

23 აგვისტო 2019, 17:07

ეკონომიკა

მარნეულის ქარხანამ წითელი ტყემალი შემოწმებისთვის გერმანიის ლაბორატორიაში გააგზავნა

მარნეულის სასურსათო ქარხანამ თავისი წარმოების წითელი ტყემალი შემოწმებისთვის გერმანიის ფრეზენიუსის ინსტიტუტის ლაბორატორიაში გააგზავნა. მარნეულის სასურსათო ქარხანამ წითელი ტყემლის ნიმუშები აიღო და გერმანიის ლაბორატორიაში გააგზავნა. შემოწმდება წითელი ტყემალი და წიწაკა.

კობა გვენეტაძე 
Global Finance Magazine-ის
დაჯილდოებაზე

23 აგვისტო 2019, 17:00

ეკონომიკა

ექსპერტები და პოლიტიკოსები ეროვნულ ბანკს 50-მილიონიანი ოფისის მშენებლობის გამო აკრიტიკებენ

ეკონომკური სირთულეებისა და ლარის კურსის ისტორიული გაუფასურების ფონზე სებ-ის გადაწყვეტილებას საზოგადოების დიდი ნაწილის კრიტიკა მოჰყვა. ეროვნული ბანკის პრეზიდენტის, კობა გვენეტაძისადმი ბოლოდროინდელი პრეტენზიების გრძელ სიას ახალი ოფისის მიზანშეუწონლობის თემაც დაემატა.

ვიქტორ სანიკიძე

23 აგვისტო 2019, 16:59

სპორტი

ვიქტორ სანიკიძემ შესაძლოა „არისში“ იმუშავოს

ვიქტორ სანიკიძე შესაძლოა საბერძნეთის საკალათბურთო კლუბის, „არისის“ ტექნიკურ დირექტორად დაინიშნოს. ამის შესახებ ინფორმაციას ბერძნული ვებ-გვერდი, „სპორტ ეფემი“ ავრცელებს. „არისი“ სერიოზულ ფინანსურ კრიზისში იმყოფება და კლუბის პრეზიდენტი მიიჩნევს, რომ სანიკიძე გუნდს რთული ვითარებიდან გამოიყვანს.

მანაკორის სასაფლაო

23 აგვისტო 2019, 16:52

მსოფლიო

ესპანეთში ერთ-ერთ სასაფლაოზე ჩაკეტილ ოთახებში ასობით ცხედარი იპოვეს

ესპანეთში, კუნძულ მაიორკაზე, ქალაქ მანაკორში, ერთ-ერთ სასაფლაოზე ჩაკეტილ ოთახებში ასობით დაუმარხავი ცხედარი იპოვეს. გავრცელებული ინფორმაციით, ადგილობრივმა ჩინოვნიკებმა სასაფლაოს შემოვლისას ჩაკეტილი ოთახები აღმოაჩინეს. სასაფლაოს პერსონალს ოთახების გასაღები არ ჰქონდა, ამიტომ ინსპექტორებს კარების გატეხვა მოუხდათ.

23 აგვისტო 2019, 16:42

ტექნოლოგიები

ჩინეთში კაცს 30 წელი თავში 10 სანტიმეტრიანი ჭია ჰყავდა

ჩინეთში კაცმა 30 წლის განმავლობაში თავში იცხოვრა. მისი ჯანმრთელობის მდგომარეობა უარესდებოდა ვიდრე ექიმმა კომპიუტერული ტომოგრაფიის გადაღება არ დაუნიშნა. კაცს თავის ტკივილები სტანჯავდა, შემდეგ კი ეპილეფსიის შეტევა დაემართა და პერიოდულად გონებას კარგავდა.

მურას ტომი

23 აგვისტო 2019, 16:42

მსოფლიო

ამაზონის ტყეში მცხოვრები მურას ტომი თავისი მიწის დატოვებას არ აპირებს

ამაზონის ტროპიკულ ტყეში მცხოვრები მურას ტომის წარმომადგენლები თავიანთ მიწას სიცოცხლის ფასადაც არ დატოვებენ. ამის შესახებ მათ სააგენტო Reuter's-თან საუბარში განაცხადეს. დედამიწის ფილტვებად“ წოდებულ ამაზონის ტყეში ბოლო ათწლეულების მანძილზე ყველაზე ძლიერი ხანძარი უკვე მე-17 დღეა მძვინვარებს.

ბირთვული ელექტროსადგური

23 აგვისტო 2019, 16:40

მსოფლიო

რუსეთმა მცურავი ბირთვული ელექტროსადგურიც შექმნა

რუსეთმა მსოფლიოში პირველი მცურავი ბირთვული ელექტროსადგური შექმნა, - ინფორმაციას BBC რუსეთის ბირთვულ სააგენტოზე დაყრდნობით ავრცელებს. კერძოდ, მცურავი ბირთვული ელექტროსადგური მურმანსკის არქტიკული პორტიდან შორეულ აღმოსავლეთში - ჩუკოტკამდე იმოძრავებს. ეს მანძილი 5000 კილომეტრს მოიცავს. იდეა ელექტროენერგიის მიწოდებას ეფუძნება.

ტურისტი

23 აგვისტო 2019, 16:25

ეკონომიკა

საქართველოს მოქალაქეებმა საზღვარგარეთ 6 თვეში 617.5 მილიონი ლარი დახარჯეს

საქსტატი გამყვანი ტურიზმის სტატისტიკას აქვეყნებს, რომლის თანახმად 2019 წლის II კვარტალში საქართველოს ტერიტორიიდან დაფიქსირდა საქართველოს რეზიდენტი მოგზაურების 1 780.1 ათასი გასვლა საზღვარგარეთ. ქვეყნიდან გასვლების უდიდესი ნაწილი, 45.3%, 31-50 წლის მოგზაურების მიერ განხორციელდა.

23 აგვისტო 2019, 16:09

საქართველო

დაავადებათა კონტროლის ცენტრი სიცხეში ქცევის რეკომენდაციებს ავრცელებს

მეტეოროლოგიის საერთაშორისო ორგანიზაციის WMO Climate Watch Advisory-ს და გარემოს ეროვნული სააგენტოს ჰიდრომეტეოროლოგიის დეპარტამენტის მონაცემებზე დაყრდნობით, აგვისტოს ბოლო დეკადაში პროგნოზირებულია ცხელი ამინდით განპირობებული თბური ტალღები, რომელიც სამხრეთ და ჩრდილოეთ კავკასიას, ასევე აღმოსავლეთ ბალკანეთს და მათ შორის საქართველოს მოიცავს.

პოლიცია

23 აგვისტო 2019, 15:55

მსოფლიო

ბერლინში ველოსიპედისტმა გამვლელი მოკლა

ბერლინში მოაბიტის რაიონში სროლის შედეგად ერთი კაცი დაიღუპა. ამის შესახებ გერმანიის დედაქალაქის პოლიციაზე დაყრდნობით ადგილობრივი მედია იუწყება. ინციდენტი ადგილობრივით დროით 12:00 საათზე მოხდა. ველოსიპედისტმა ცეცხლი გამვლელს გაუხსნა. მომხდარის მოტივები და მსროლელის ვინაობა ჯერჯერობით უცნობია.

მეხი მეხის დაცემა

23 აგვისტო 2019, 15:35

მსოფლიო

პოლონეთში მეხის დაცემის გამო 4 ადამიანი დაიღუპა და 100-ზე მეტი დაშავდა

პოლონეთში ქალაქ ზაკოპანეს მახლობლად ტატრების მთის მასივში შტორმის დროს 4 ადამიანი დაიღუპა და 100-ზე მეტი დაშავდა. ამის შესახებ BBC წერს. გამოცემის ინფორმაციით ინციდენტი გევონტის მწვერვალის რაიონში მოხდა. მეხი ტურისტების ჯგუფს დაეცა. დაღუპულთა შორის 2 მცირეწლოვანია.

23 აგვისტო 2019, 15:16

ძალოვნები

ოკუპანტების მიერ არცევთან დაკავებული ახალგაზრდა გაათავისუფლეს

„უკანონო დაკავებისთანავე დაუყოვნებლივ ავამოქმედეთ ცხელი ხაზი, ინფორმირებული იყო ევროკავშირის სადამკვირვებლო მისია. აღნიშნული პირი უკანონო პატიმრობიდან უკვე გათავისუფლდა და იმყოფება ცენტრალური ხელისუფლების მიერ კონტროლირებად ტერიტორიაზე“, – აცხადებენ სუს-ში.

23 აგვისტო 2019, 14:51

ძალოვნები

ბათუმის საქალაქო სასამართლოსთან ხმაურია

ხმაურია ბათუმის საქალაქო სასამართლოსთან. „რესპუბლიკურ საავადმყოფოში“ ჩხუბის საქმე დაკავებულების ოჯახის წევრები აქციას მართავენ. ისინი დაკავებულების გათავისუფლებას ითხოვენ, წინააღმდეგ შემთხვევაში კი აპირებენ ცენტრალური ქუჩა გადაკეტონ.

ტყის ხანძრები

23 აგვისტო 2019, 14:40

საქართველო

გარემოს სააგენტო: საქართველოში ტყის ხანძრების რისკი იზრდება

საქართველოს მთიან რეგიონებში 3 სექტემბრის ჩათვლით მოსალოდნელია მაღალი, +36, +38 გრადუსამდე ტემპერატურა, - ამ ინფორმაციას გარემოს ეროვნული (WMO)-ს ევროპის კლიმატის რეგიონული ცენტრიდან მიღებულ ინფორმაციაზე დაყრდნობით ავრცელებს.