imedi /  07 ივნისი 2019, 09:29 / სანდო წყარო

ბახტაძე ამერიკელებს: შევეცდები, სამი რიცხვით დაგამახსოვროთ საქართველო, ესენია: 1, 28 და 8000

მამუკა ბახტაძე

მამუკა ბახტაძე

საქართველო პატარა, თუმცა დიდი ხედვის მქონე ქვეყანაა, რომელიც იმ გზაჯვარედინზეა, სადაც აღმოსავლეთი ხვდება დასავლეთს, ჩრდილოეთი - სამხრეთს, უძველესი ტრადიციები - ინოვაციებსა და თანამედროვე ტექნოლოგიებს და სადაც ეკონომიკური შესაძლებლობები უხვადაა, - ამის შესახებ საქართველოს პრემიერმინისტრმა მამუკა ბახტაძემ კალიფორნიის Commonwealth club-ში საჯარო გამოსვლისას განაცხადა.

“შევეცდები, სამი რიცხვით დაგამახსოვროთ საქართველო, ესენია: 1, 28 და 8000. პირველი რიცხვია 1. საქართველოში პირველად გვყავს ქალი პრეზიდენტი - სალომე ზურაბიშვილი. ის პირველი ქალი პრეზიდენტია საქართველოში და მთელ რეგიონში, და არჩეულია 2018 წლის საპრეზიდენტო არჩევნებზე 6-წლიანი ვადით. თავად არჩევნებიც ისტორიული მოვლენაა ჩვენი ქვეყნის წინსვლის გამო მრავალფეროვნებისა და დემოკრატიის მიმართულებით. მეორე რიცხვია 28. ზუსტად ამდენი წელია, გავთავისუფლდით საბჭოთა კავშირიდან და დემოკრატიული განვითარების საკუთარ გზას დავადექით, როგორც დამოუკიდებელი ერი. სიამაყით ვაცხადებ, რომ შეერთებული შტატები საქართველოს გვერდით იდგა ამ გზაზე ყველა ნაბიჯის გადადგმისას”, - განაცხადა პრემიერმინისტრმა.

მთავრობის მეთაურის შეფასებით, კომუნიზმისგან თავის დაღწევის შემდეგ, საქართველო მტკიცედ შეუდგა დემოკრატიული ინსტიტუტების მშენებლობის გზას, რაც მოიცავს ისეთი სასამართლო სისტემის ჩამოყალიბებას, რომელიც ქმედითი და წარმომადგენლობითი დემოკრატიაა და ამომრჩევლების წინაშეა ანგარიშვალდებული.

“განხორციელებული რეფორმების შედეგად, საქართველო ყველაზე რეფორმატორ ქვეყნად მიიჩნევა  მსოფლიოში. ეს არის ყველაზე სწრაფი ეკონომიკური ზრდის ტემპის მქონე ქვეყანა რეგიონში და ფართოდ არის აღიარებული ბიზნესის კეთების სიმარტივის გამო. მსოფლიოში მესამე ადგილზე ვართ საგადასახადო განაკვეთების სიმცირით. კაპიტალდაბანდება ჩვენს ხალხში და თანამედროვე ინფრასტრუქტურაში განვახორციელეთ, რაც ნაბიჯ-ნაბიჯ აყალიბებს საქართველოს რეგიონის ცენტრად. ჩვენი ძალისხმევის შედეგად, დღეს ნატო-სა და ევროკავშირის ზღურბლზე ვიმყოფებით, სავაჭრო შეთანხმებებს ვაფორმებთ ისეთ მეგობრებთან და მოკავშირეებთან, როგორიც ამერიკის შეერთებული შტატებია. მსოფლიო ბანკის ჯგუფის შეფასებებით, საქართველო მე-6 ადგილზეა ბიზნესის კეთების სიმარტივის ინდექსში, ხოლო „ფრეიზერის ინსტიტუტის“ რეიტინგით მე-7 ადგილზე ვართ ეკონომიკური თავისუფლების მხრივ, ხოლო ღია მმართველობაზე ნაკისრი ვალდებულების საფუძველზე მე-5 ადგილზე ვართ ღია ბიუჯეტის ინდექსში. ყველა მნიშვნელოვანი მაჩვენებელი სწორი მიმართულებით ვითარდება - იქნება ეს პრესის თავისუფლება, ეკონომიკური ზრდა, რომელიც 5 პროცენტს აღემატება და სამეზობლოზე ორჯერ მეტია, ადამიანურ კაპიტალში ინვესტიციები თუ სხვა”, - განაცხადა მამუკა ბახტაძემ.

მესამე რიცხვი, რომელზეც პრემიერმა სიტყვით გამოსვლისას ყურადღება გაამახვილა, 8 000-ია, ვინაიდან, მისი თქმით, სწორედ ამდენი წლის ისტორიას ითვლის ღვინის წარმოება საქართველოში.

“არქეოლოგების კვლევების შედეგად, საქართველო მსოფლიოში მეღვინეობის სამშობლოდაა აღიარებული. საქართველოში მეღვინეობის ტრადიცია 8 000 წლის წინ დაიწყო, დამწერლობის შექმნამდე 3 000, ხოლო რკინის ხანის დაწყებამდე 5 000 წლით ადრე. ქართული დამწერლობაც კი ვაზის ლერწმის მოხაზულობას წააგავს. ქართული წარმოშობისაა ვაზის ბევრი ჯიში, რომელიც დღეს ევროპასა და აზიაში მოჰყავთ. ამ სასმლის აღმნიშვნელი სიტყვა დასავლეთის ბევრ ქვეყანაში განსხვავებულადაა დამკვიდრებული, თუმცა ყველა მათგანი სავარაუდოდ ქართული ძირისაგან წარმოდგება და ჟღერადობითაც წააგავს ღვინოს. ახლა კალიფორნიამ უკვე ბევრი რამ იცის ღვინის შესახებ. ჩემი ინფორმაციით, პირველი კალიფორნიული ღვინო 1760 წელს ჩამოისხა. თქვენ მსოფლიოში ამ სასმლის მე-5 უმსხვილესი მწარმოებელი ხართ - წელიწადში 240 მილიონი კასრი ისხმება და 75 მილიარდი აშშ დოლარის ღირებულების ეკონომიკური საქმიანობა წარმოებს, 300 000 და მეტი სამუშაო ადგილი იქმნება - და ეს ყველაფერი კალიფორნიის ფარგლებში. სავსებით არ არის ცუდი მაჩვენებელი ორიოდე ასეული წლის მქონე საქმიანობისთვის. საქართველოში 8 000 წლის განმავლობაში ტემპი ცოტათი დაბალი იყო, თუმცა ჩვენს ღვინოს დაძველება უხდება. როდესაც ერთსა და იმავე საქმეს აკეთებ 8000 წლის განმავლობაში, საბოლოოდ ნამდვილად იხვეწები”, - განაცხადა პრემიერ-მინისტრმა.

მთავრობის მეთაურის შეფასებით, ქართველები გაუტეხელი, პირდაპირი, ერთგული, ოპტიმისტი და თავდაჯერებული ხალხია, თუმცა, კვლავ გამოწვევების წინაშე იმყოფება. მამუკა ბახტაძემ ყურადღება გაამახვილა რუსეთის მიერ საქართველოს ტერიტორიის 20%-ის ოკუპაციაზე, რომლის შედეგად მოსახლეობის 80 პროცენტზე მეტი, იძულებული გახდა, საკუთარი სახლი დაეტოვებინა.

“ახლა, 8000-წლიანი მეღვინეობის ტრადიციისა და საბჭოთა ოკუპაციის 70-წლიანი გამოცდილების შემდეგ რუსეთს არ მივცემთ ჩვენი მომავლის განსაზღვრის უფლებას. სრულად ვაკონტროლებთ ჩვენს ბედისწერას და მომავლის ხედვას, რაც შემდეგ ამბიციას ეფუძნება: საცხოვრებლად, სამუშაოდ და განსავითარებლად შევქმნათ მსოფლიო დონის  ქვეყანა. ჩვენი ტერიტორიების დაბრუნებას გარკვეული დრო დასჭირდება, მაგრამ საბოლოო ჯამში აუცილებლად მივაღწევთ მიზანს. ეს ნამდვილად არ მოხდება ძალის გამოყენებით. მხოლოდ დემოკრატიული გზით, შესაძლებლობების გაჩენის, განვითარებისა და ჰუმანური გზით”, - განაცხადა პრემიერმა.

მამუკა ბახტაძემ ილაპარაკა საქართველო-აშშ-ის სტრატეგიული პარტნიორობის ძირითადი ასპექტების შესახებ და ხაზი გაუსვა ძლიერ ორმხრივ სამხედრო თანამშრომლობას.

“საქართველო ძლიერი სამხედრო მოკავშირეა აშშ-ისთვის. ის არის რუსეთის აგრესიისთვის წინააღმდეგობის გამწევი დემოკრატიის შუქურა. ჩვენ მაღალ წონით კატეგორიაში ვასპარეზობთ გლობალური პოლიტიკის რინგზე. ქართველი სამხედროები ჩვენი მოკავშირეების მხარდამხარ იბრძვიან ავღანეთსა და ერაყში. მახარებს, რომ აშშ-ის  კონგრესმა ჩვენი სტრატეგიული მნიშვნელობა აღიარა და ორპარტიული მხარდაჭერით ვსარგებლობთ. გასულ თვეში წარმომადგენლობითი პალატის საგარეო საქმეთა კომიტეტმა საქართველოს მხარდამჭერი აქტი დაამტკიცა, რომელიც მიზნად ისახავს რუსეთის აგრესიისგან ჩვენი სუვერენიტეტის დაცვას და რუსეთის ავანტიურიზმი დასჯადი გახდება სანქციებისა და სხვა მნიშვნელოვანი ბერკეტების გამოყენებით. საქართველო დედამიწაზე ბოლო დიდი და ბოლომდე აღმოუჩენელი ადგილია. ჩვენი ბუნება შავი ზღვის სანაპიროდან იშლება ევროპაში ყველაზე მაღალ მთათა სისტემამდე და კავკასიონის დიდ კალთებს მოიცავს. ჩვენ გვაქვს ღვინის წარმოების ხელშემწყობი კლიმატი, რაც ჩრდილოეთ კალიფორნიის ამინდს წააგავს. ჩვენს კულტურას ფესვები გადგმული აქვს ევროპულ ღირებულებებსა და ცივილიზაციაში. გახსნილები ვართ ბიზნესის კეთებისთვის და მივესალმებით კალიფორნიელ მეწარმეებს, რომლებიც საქართველოში მრავლად არსებულ შესაძლებლობებს გამოიყენებენ. ჩვენი რეგიონული ბაზარი გულისხმობს ნახევარ მილიარდ მომხმარებელზე წვდომას. ჩვენი გეოგრაფიული ადგილმდებარეობის გამო უნიკალურ შესაძლებლობებს ვთავაზობთ ამერიკელ ბიზნესმენებს, რომლებიც ევროპისა და აზიის ბაზრებზე გასვლას ერთი გეოგრაფიული ადგილიდან მოახერხებენ”, - განაცხადა მამუკა ბახტაძემ.

მამუკა ბახტაძე ოფიციალური ვიზიტით აშშ-ს სტუმრობს.

ყველა სიახლე

თბილისი პრაიდი

18 ივნისი 2019, 23:29

საქართველო

Amnesty International-ი საქართველოს ხელისუფლებას მიმართავს

Amnesty International-ი „თბილისი პრაიდის“ შესახებ განცხადებას ავრცელებს, რომელშიც საქართველოს ხელისუფლებას მოუწოდებს, საჯაროდ გამოხატოს „თბილისი პრაიდის“ მხარდაჭერა, ეფექტურად გამოიძიოს მუქარები და თავდასხმის შესახებ გეგმები და დაუყოვნებლივ გაატაროს ძალადობის აღსაკვეთად რეალური და ეფექტური ზომები.

18 ივნისი 2019, 23:20

ტექნოლოგიები

როგორ მოვიშორო აქცენტი უცხო ენაზე საუბრისას. რეკომენდაცია

ძლიერმა აქცენტმა, ისევე როგორც ეგზოტიკურმა კილომ, შესაძლოა, თქვენს კარიერას ხელი შეუშალოს. კვლევის შედეგად დადგინდა, რომ მსოფლიოს პრესტიჟული ორგანიზაციები მაღალი რანგის თანამდებობებზე უპირატესობას ანიჭებენ იმ ადამიანების დანიშვნას, რომლებიც სტანდარტული ბრიტანული ან ამერიკული აქცენტით ლაპარაკობენ.

BMW E60

18 ივნისი 2019, 23:18

ეკონომიკა

მედია: BMW ევროპიდან 560 000 ავტომობილს გაიწვევს

ავტომობილების გაწვევის მიზეზი აკუმულატორის შემონაკერზე კოროზიის გაჩენის საშიშროება გახდა, რამაც თეორიაში შესაძლოა გაყვანილობასთან დაკავშირებული პრობლემები გამოიწვიოს. „ჩვენი გათვლებით, 60% შემთხვევაში რემონტი საჭირო არ გახდება“, - აცხადებს კომპანიის წარმომადგენელი.

სკუტერი

18 ივნისი 2019, 23:04

მსოფლიო

ევროპაში ელექტროსკუტერების გამო ავარიების შესამცირებლად რეგულაციები შემოიღეს

გასულ კვირას საფრანგეთში, პარიზში 25 წლის ბიჭი, რომელიც ელექტრონული სკუტერით გადაადგილდებოდა, ავტოავარიაში დაიღუპა. ეს ელექტრონული სკუტერის მძღოლის დაღუპვის პირველი შემთხვევა იყო საფრანგეთში. პარიზში ელექტრონულ სკუტერებთან დაკავშირებით კონტროლი ივნისიდან დაიწყო.

ალექსეი ნავალნი

18 ივნისი 2019, 22:29

მსოფლიო

WSJ: ისრაელური საგამოძიებო კომპანია ნავალნიზე კომპრომატების მოძიებას ცდილობდა

კომპრომატების შეგროვების მცდელობის შესახებ ფონდის აღმასრულებელმა დირექტორმა ვლადიმირ აშურკოვმა განაცხადა, რომელიც ლონდონში ცხოვრობს. მისი თქმით, 2017 წელს მათ შეხვდა პირი, რომელიც გაეცნო როგორც პატრიკ დაიანი, რომელმაც აშურკოვს ლონდონში ღონისძიების ორგანიზება შესთავაზა.

ჯო-ვილფრედ ცონგა - ბენუა პერი

18 ივნისი 2019, 22:15

სპორტი

ჩოგბურთელებმა მატჩი შეწყვიტეს და ფეხბურთის თამაში დაიწყეს. ვიდეო

ფრანგმა ჩოგბურთელებმა ჯო-ვილფრედ ცონგამ და ბენუა პერმა, რომლებიც ერთმანეთს გერმანიის ქალაქ ჰალეში მიმდინარე ტურნირის პირველ წრეში ხვდებოდნენ, მაყურებლები გაამხიარულეს. საბოლოო ჯამში მატჩში გამარჯვება ცონგამ იზეიმა - 6:4, 7:5.

პრაიდი

18 ივნისი 2019, 22:02

საქართველო

საპატრიარქო: ტრადიციული რელიგიებისთვის მიუღებელია როგორც ძალადობა, ისე ცოდვის აგიტაცია

საქართველოს საპატრიარქოში სხვადასხვა რელიგიური ორგანიზაციების წარმომადგენლებთან შეხვედრა გაიმართა, სადაც ქვეყანაში ბოლო დროს განვითარებულ მოვლენებზე ისაუბრეს. წერია, შეხვედრაზე ითქვა, რომ ტრადიციული რელიგიებისთვის მიუღებელია როგორც ძალადობა, ისე ცოდვის აგიტაცია და პროპაგანდა.

მიწისძვრა ცუნამი

18 ივნისი 2019, 21:46

მსოფლიო

იაპონიაში 6.8 მაგნიტუდის მიწისძვრის შემდეგ ცუნამის ელოდებიან

ივარაუდება, რომ ცუნამი გარდაუვალია იამაგატას, ნიიგატას და იშიკავას სანაპიროებზე. ჯამში ევაკუაციის რეკომენდაცია ოთხი დასახლებული სანაპიროს შესახებ გაიცა. სააგენტოს მოწოდებაა, რომ მოსახლეობამ დაუყოვნებლივ დატოვოს ტერიტორია, არ შევიდეს წყალში იქამდე სანამ ახალი რეკომენდაცია არ გამოიცემა.

მარკ ესპერი

18 ივნისი 2019, 21:40

მსოფლიო

პენტაგონის ხელმძღვანელის მოვალეობას მარკ ესპერი შეასრულებს

პენტაგონის ხელმძღვანელის მოვალეობას აშშ-ის არმიის მდივანი მარკ ესპერი შეასრულებს. ამის შესახებ Twitter-ის საკუთარ გვერდზე აშშ-ის პრეზიდენტმა დონალდ ტრამპმა დაწერა. აქამდე აშშ-ის თავდაცვის მინისტრის მოვალეობას პატრიკ შანაჰანი ასრულებდა, რომელიც ამ თანამდებობაზე 2019 წლის 1 იანვარს დაინიშნა.

კიბერთავდასხმა

18 ივნისი 2019, 21:29

ტექნოლოგიები

უკრაინის ეროვნული ბანკის ვებგვერდზე კიბერთავდასხმა მოხდა

ბანკის ძირითადი, მთავარი ინფრასტრუქტურა, მათ შორის გადახდების სისტემა არ დაზიანებულა. ამის შესახებ უკრაინის ეროვნულმა ბანკმა განცხადება Facebook-ზე გაავრცელა. ბანკი იძულებული გახდა ეროვნული ვალუტის, გრივნის 19 ივნისის კურსის შესახებ ცნობა Facebook-ზე გამოექვეყნებინა.

ბორის ჯონსონი

18 ივნისი 2019, 21:26

მსოფლიო

ჯონსონმა კონსერვატიული პარტიის ლიდერის არჩევნების მეორე ტურში პოზიციები გაიმყარა

დიდი ბრიტანეთის კონსერვატიული პარტიის ლიდერის არჩევნების მეორე ტურში ექსსაგარეო მინისტრმა ბორის ჯონსონმა საკუთარი უპირატესობა გაზარდა. ამის შესახებ BBC წერს. როგორც კენჭისყრის შემდეგ გახდა ცნობილი, მეორე ტურში ჯონსონს მხარი კონსერვატიული პარტიის 313 დეპუტატიდან 126-მა დაუჭირა, რაც პირველი ტურის შედეგებს 12 ხმით აღემატება.

ორბელიანების სასახლე

18 ივნისი 2019, 20:43

საქართველო

პრეზიდენტის რეზიდენციისთვის მეორად ავეჯს შეისყიდიან

საქართველოს პრეზიდენტის ადმინისტრაციის შენობის ისტორიული ნაწილის რემონტი დასრულდა და ორბელიანების სასახლე მეორადი ავეჯით აღიჭურვება. ამის შესახებ საქართველოს პრეზიდენტის პრესსპიკერმა ხატია მოისწრაფიშვილმა დღეს გამართულ პრესკონფერენციაზე განაცხადა.

სკოლები

18 ივნისი 2019, 20:37

საქართველო

სასწავლო დაწესებულებებში სპორტის საკითხების დასარეგულირებლად კანონპროექტი მომზადდა

6-თვიანი მუშაობის შედეგები, პრეზენტაციის ფორმით, კომიტეტის კონსულტანტმა, ანატოლი კორეპანოვმა წარმოადგინა და სხდომაზე შეკრებილ საზოგადოებას მისი მომზადების მიზნები, რეკომენდაციები და მოსალოდნელი შედეგები გააცნო. კომიტეტის თავმჯდომარემ მიხეილ ყაველაშვილმა სხდომის მონაწილეებს ინიციატივა გააცნო.

ფოთის საქალაქო სასამართლო

18 ივნისი 2019, 20:21

ძალოვნები

ფოთის სასამართლომ ტაეკვანდოს სამ მწვრთნელს გირაო შეუფარდა

მოსამართლემ ეს გადაწყვეტილება იმით ახსნა, რომ მათ ჰყავთ შვილები, სპორტსმენები არიან და წარსულში არ აქვთ ნასამართლეობა, თუმცა მისი თქმით, ამ ეტაპზე არ ირკვევა ვინ რა ჩაიდინა და ეს საკითხი კარგად უნდა გაირკვეს. თეიმურაზ კვირაიას, იოსებ ოსიძეს და მამუკა გეგეშიძეს გამოძიება ჯგუფურ ძალადობას ედავება.

Cardi B

18 ივნისი 2019, 20:09

ტაბლოიდი

Cardi B-ს სცენაზე ცეკვისას კომბინეზონი გაერღვა. ფოტო

ამერიკელ რეპერ Cardi B-ს სცენაზე ცეკვისას კომბინეზონი უხერხულ ადგილზე გაერღვა. გამოცემა Sun-ის ინფორმაციით, კონცერტი ქალაქ ტენესიში Bonnaroo Arts and Music Festival-ის ფარგლებში გაიმართა. ერთ-ერთი სიმღერის შესრულებისას 26 წლის რეპერს კომბინეზონი გაერღვა, თუმცა Cardi B-სთვის, რომელიც მუსიკალური კარიერის დაწყებამდე სტრიპტიზის მოცეკვავედ მუშაობდა, ამას ხელი არ შეუშლია.

ძილი

18 ივნისი 2019, 20:06

ტექნოლოგიები

კვლევა: ხელოვნური განათების თანხლებით ძილი წონის მატებას უწყობს ხელს

კვლევაში 35-დან 74 წლამდე 44 ათასი ქალი მონაწილეობდა, საკითხი ამერიკელმა მეცნიერებმა შეისწავლეს და შედეგები სამეცნიერო ჟურნალში JAMA Internal Medicine გამოქვეყნდა. კვლევა ხუთი წლის განმავლობაში მიმდინარეობდა. სპეციალისტების რჩევაა, დაძინების წინ სინათლე გამოვრთოთ.

იოჰანეს ჰანი

18 ივნისი 2019, 19:42

მსოფლიო

ალბანეთისა და ჩრდილოეთ მაკედონიის ევროკავშირში გაწევრიანებაზე მოლაპარაკებების დაწყება გადაიდო

ევროკავშირის საბჭო ალბანეთისა და ჩრდილოეთ მაკედონიის გაწევრიანების საკითხზე მოლაპარაკებების დაწყებაზე ვერ შეთანხმდა. ამის შესახებ გაფართოებისა და სამეზობლო პოლიტიკის საკითხებში ევროკომისარმა იოჰანეს ჰანმა განაცხადა. მოლაპარაკებების დაწყების საკითხი დღეს საერთო საკითხების საბჭოს სხდომაზე განიხილებოდა.

უძრავი ქონება

18 ივნისი 2019, 19:33

ეკონომიკა

ბერლინში ბინის გაქირავების ფასის ზედა ზღვარს შემოიღებენ

გეგმა ბერლინის მასშტაბით 1.4 მილიონ უძრავ ქონებას შეეხება და ის კანონის სახით იანვრიდან ამოქმედდება. დღეის მდგომარეობით ბერლინში საშუალოდ ბინის ქირის თვიური ღირებულება 1100 ევროა, თუმცა ამ მაჩვენებლით ბერლინი ევროპაში მაინც ყველაზე იაფ ქალაქად ითვლება.

18 ივნისი 2019, 19:32

ტექნოლოგიები

კვლევა: მეცნიერებმა ძაღლების მზერის საიდუმლო ამოხსნეს

მკვლევარებმა დაადგინეს, რომ ძაღლებს თვალების გარშემო მდებარე კუნთების საშუალებით ადამიანებზე მანიპულირება შეუძლიათ. კერძოდ კუნთის მოძრაობის შედეგად ძაღლები „ბავშვურ“ სახეს იღებენ, რაც ადამინებს მათზე ზრუნვის სურვილს უჩენს.

18 ივნისი 2019, 19:13

საქართველო

ლევან ვასაძის მხარდამჭერები აცხადებენ, რომ ლგბტ აქტივისტებს პრაიდს არ ჩაატარებინებენ

ლევან ვასაძის მხარდამჭერები "თბილისი პრაიდის" განცხადებას პასუხობენ და აცხადებენ, რომ ქვიარ აქტივისტებს პრაიდის მშვიდად ჩატარების საშუალებას არ მისცემენ. "თბილისი პრაიდმა" ცოტა ხნის წინ გაავრცელა განცხადება, რომელშიც ნათქვამი იყო, რომ ღირსების მარშის გაუქმებას არ აპირებენ. ლგბტქ+ აქტივისტები ხელისუფლებისგან ადამიანის უფლებების დაცვას და ქვეყნის კონსტიტუციით აღებული ვალდებულებები შესრულებას მოითხოვენ.