imedi /  29 ნოემბერი 2019, 15:52 / სანდო წყარო

რას გულისხმობს ოპოზიციის მიერ შემუშავებული არჩევნების „გერმანული მოდელი“

გერმანული მოდელი

ოპოზიცია ხელისუფლებას 2020 წლისთვის ახალ საარჩევნო მოდელს სთავაზობს. ოპოზიციური პარტიების ლიდერებმა დოკუმენტს ხელი დღეს მოაწერეს. მომზადებული ინიციატივა ეუთოსაც გადაეგზავნება, დადებითი რეკომენდაციის შემთხვევაში კი, ისინი დოკუმენტს საკანონმდებლო ინიციატივის სახით პარლამენტშიც შეიტანენ.

ოპოზიციური პარტიების შემუშავებულ პროექტს უცვლელად გთავაზობთ:

„საქართველოს პარლამენტის 2020 წლის არჩევნების კონსტიტუციური პირობები პარლამენტი შედგება პროპორციული სისტემით არჩეული 77 და მაჟორიტარული სისტემით არჩეული 73 პარლამენტის წევრისაგან. პროპორციული სისტემით ჩატარებული არჩევნების შედეგად პარლამენტის წევრთა მანდატები განაწილდება იმ პოლიტიკურ პარტიებსა და საარჩევნო ბლოკებზე, რომლებიც მიიღებენ არჩევნებში მონაწილე ამომრჩეველთა ხმების 3 პროცენტს მაინც. არჩევნებში მონაწილეობის წესი და პირობები, აგრეთვე პარლამენტის წევრთა მანდატების განაწილების წესი განისაზღვრება საარჩევნო კანონმდებლობით.

აქტიური საარჩევნო უფლება მრავალმანდატიან საარჩევნო ოლქში რეგისტრირებულ ყოველ ამომრჩეველს უფლება აქვს თავისი პირველი ხმა მისცეს ამ ოლქში მაჟორიტარული სისტემით ასარჩევად წარდგენილ ერთ კანდიდატს, ხოლო მეორე ხმა - იმავე ოლქში წარდგენილ ერთ პარტიულ სიას. პარტიისთვის/საარჩევნო ბლოკისთვის მანდატების მიკუთვნების პრინციპი პარტიის/საარჩევნო ბლოკის მიერ ორივე საარჩევნო სისტემით მიღებული მანდატების ჯამი არ უნდა აღემატებოდეს რიცხვს, რომელიც ტოლია 150-ის იმდენი პროცენტისა, ხმების რამდენი პროცენტიც მიიღო პარტიის/საარჩევნო ბლოკის პარტიულმა სიამ.

შენიშვნა: თუ მაჟორიტარული სისტემით რამდენიმე მანდატი მოიპოვეს „დამოუკიდებელმა“ კანდიდატებმა ან/და ისეთი პარტიების კანდიდატებმა, რომლებმაც ვერ გადალახეს საარჩევნო ზღურბლი, ამ რაოდენობით შემცირდება გასანაწილებელი 150 მანდატის რაოდენობა.

პარტია/საარჩევნო ბლოკი მიიღებს მაჟორიტარული სისტემით მოპოვებულ ყველა მანდატს და პარტიული სიიდან იმდენ მანდატს, რომ მანდატების ჯამური რაოდენობა გაუტოლდეს პირველ პუნქტში აღნიშნულ მაქსიმალურ რიცხვს. გამონაკლისია ერთადერთი შემთხვევა, თუ პარტიის/საარჩევნო ბლოკის მაჟორიტარმა კანდიდატებმა მოიპოვეს იმდენივე ან უფრო მეტი მანდატი, ვიდრე პირველ პუნქტში აღნიშნული მაქსიმალური რიცხვია - ასეთ შემთხვევაში პარტიული სიიდან მას მანდატები არ დაემატება. მაჟორიტარული სისტემით პარლამენტის წევრთა არჩევის პრინციპები მაჟორიტარული სისტემით არჩევნები იმართება მრავალმანდატიან საარჩევნო ოლქებში, რომლებშიც მანდატების რაოდენობა უნდა იყოს არანაკლებ 6-ისა და არაუმეტეს 8-ისა.

მრავალმანდატიანი საარჩევნო ოლქები იქმნება არსებული ერთმანდატიანი საარჩევნო ოლქების გაერთიანებით, იმ პირობით, რომ ერთი მანდატის წონა 10%-ზე მეტით არ განსხვავდებოდეს საქართველოში ერთი მანდატის საშუალო წონისაგან და მრავალმანდატიანი საარჩევნო ოლქი სრულად უნდა მოიცავდეს მხოლოდ მოსაზღვრე მუნიციპალიტეტებს, ხოლო ქალაქ თბილისში –მოსაზღვრე ადმინისტრაციულ-ტერიტორიულ ერთეულებს. მრავალმანდატიან საარჩევნო ოლქში კანდიდატების წარდგენის უფლება აქვთ:

ა) არჩევნებში დამოუკიდებლად მონაწილე პარტიასა და საარჩევნო ბლოკს - ყოველ საარჩევნო ოლქში არაუმეტეს იმდენი კანდიდატისა, რამდენიც აირჩევა შესაბამისი მრავალმანდატიანი ოლქიდან; ბ) ამომრჩეველთა საინიციატივო ჯგუფს - ერთ მრავალმანდატიან ოლქში ერთი კანდიდატისა. მრავალმანდატიანი საარჩევნო ოლქიდან არჩეულად ჩაითვლებიან შესაბამისი რაოდენობის ის კანდიდატები, რომლებიც სხვებზე მეტ ხმას მიიღებენ.

პარტიული სიებით მანდატების განაწილების პრინციპი

პარტიული სიის მიერ მიღებული ხმების რაოდენობად ითვლება პარტიული სიისთვის მიცემული ამომრჩეველთა მეორე ხმების ჯამი. ამომრჩევლის მეორე ხმა მხედველობაში არ მიიღება, თუ მას პირველი ხმა მიცემული ჰქონდა მაჟორიტარულ არჩევნებში გამარჯვებული „დამოუკიდებელი“ (საინიციატივო ჯგუფის მიერ წარდგენილი) კანდიდატისთვის; პარტიების/საარჩევნო ბლოკების კუთვნილი მანდატების რაოდენობა გამოითვლება ფორმულით: Mi = Ni x (150-K):N რიცხვის მთელი ნაწილი, სადაც Mi არის იმ პარტიის/საარჩევნო ბლოკის კუთვნილი მანდატების რაოდენობა, რომელმაც გადალახა საარჩევნო ბარიერი, Ni - მის მიერ მიღებული ხმების რაოდენობა, N-ასეთი პარტიების/საარჩევნო ბლოკების მიერ მიღებული ხმების ჯამი, ხოლო K - გამარჯვებულ „დამოუკიდებელ“ კანდიდატთა და მაჟორიტარული სისტემით იმ პარტიების/საარჩევნო ბლოკების წარდგენით არჩეულ პარლამენტის წევრთა რაოდენობა, რომლებმაც ვერ გადალახეს საარჩევნო ბარიერი.

დანართი 1

ამომრჩეველთა ხმების დათვლისა და მანდატების განაწილების წესი თავდაპირველად დაითვლება ამომრჩეველთა პირველი ხმები ანუ მაჟორიტარული წესით ასარჩევი კანდიდატებისთვის მიცემული ხმები და გამოვლინდება მაჟორიტარული სისტემით არჩეული კანდიდატები.

შემდეგ დაითვლება ამომრჩეველთა მეორე ხმები ანუ პარტიული სიებისთვის მიცემული ხმები იმის გათვალისწინებით, რომ მხედველობაში არ მიიღება იმ ამომრჩეველთა მეორე ხმები, რომელთა პირველი ხმების საფუძველზე არჩეულად გამოცხადდნენ ე.წ. „დამოუკიდებელი“ (საინიციატივო ჯგუფების მიერ წარდგენილი) კანდიდატები.

ამის შემდეგ განისაზღვრება პარტიები/საარჩევნო ბლოკები, რომელთაც გადალახეს საარჩევნო ზღურბლი და იმ პარტიათა წარდგენით არჩეულ მაჟორიტარ კანდიდატთა რაოდენობა, რომელთაც ვერ გადალახეს საარჩევნო ზღურბლი. შემდეგ გამოითვლება პარტიების/საარჩევნო ბლოკების კუთვნილი მანდატების რაოდენობა ფორმულით: Mi = Ni x (150-K):N რიცხვის მთელი ნაწილი, სადაც Mi არის იმ პარტიის/საარჩევნო ბლოკის კუთვნილი მანდატების რაოდენობა, რომელმაც გადალახა საარჩევნო ზღურბლი, Ni – მის მიერ მიღებული ხმების რაოდენობა, N – ასეთი პარტიების/საარჩევნო ბლოკების მიერ მიღებული ხმების ჯამი, ხოლო K - გამარჯვებულ „დამოუკიდებელ“ კანდიდატთა და მაჟორიტარული სისტემით იმ პარტიების/საარჩევნო ბლოკების წარდგენით არჩეულ პარლამენტის წევრთა რაოდენობა, რომლებმაც ვერ გადალახეს საარჩევნო ზღურბლი. შემდეგ განისაზღვრება პარტია/საარჩევნო ბლოკი, რომელმაც მაჟორიტარული წესით იმდენივე ან მეტი მანდატი მიიღო, ვიდრე მე-3 პუნქტის მიხედვით ეკუთვნოდა“. 

ინიციატივის ავტორია 30-მდე პარტია, მათ შორის „ევროპული საქართველო“, „ნაციონალური მოძრაობა“, „ლელო, „შენების მოძრაობა“, „დემოკრატიული მოძრაობა - ერთიანი საქართველო“.

ოპოზიცია არჩევნების „გერმანული მოდელით“ ჩატარებას ითხოვს, რისთვისაც სპეციალური კანონპროექტი შეიმუშავა.

14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. თამარ ჩუგოშვილმა ვიცესპიკერის თანამდებობა, ასევე საპარლამენტო უმრავლესობა რამდენიმე დეპუტატთან ერთად დატოვა. მათ შორის იყო მარიამ ჯაშიც.

მოგვიანებით, მმართველი გუნდი რუსთავის მაჟორიტარმა, გიორგი ბეგაძემ და ფრაქცია „ქართული ოცნება - კონსერვატორების“ სამმა წევრმა, ზვიად ძიძიგურმა, გიგა ბუკიამ და ნინო გოგუაძემ დატოვეს.

ყველა სიახლე

დამატებითი რეალობის სათვალე

08 დეკემბერი 2019, 15:31

ტექნოლოგიები

მედია: Magic Leap-ის დამატებითი რეალობის სათვალეს არავინ ყიდულობს

6 თვეში Magic Leap-მა ​მხოლოდ 6000 სათვალე გაყიდა, მიუხედავად იმისა, რომ კომპანიაში წელიწადში სულ მცირე 100 ათასი სათვალის გაყიდვას გეგმავდნენ, კომპანიის ხელმძღვანელი რონი აბოვიცი კი წელიწადში ერთი მილიონი სათვალის გაყიდვაზე საუბრობდა.

08 დეკემბერი 2019, 15:15

საქართველო

სამედიცინო უნივერსიტეტის კურსდამთავრებულებმა აქცია „ნუ გამხდი ხალათს“ გამართეს

„ნუ გამხდი ხალათს“, - ამ ლოზუნგით დღეს საპროტესტო აქცია რეზიდენტურაში ჩაბარების მსურველებმა, სამედიცინო უნივერსიტეტის კურსდამთავრებულებმა გამართეს. რეზიდენტურის გამოცდაზე დაწესებული საფასურის, ასევე სალიცენზიო გადასახადის გაუქმება და უფასო რეზიდენტურა - ეს ის სამი ძირითადი მოთხოვნაა, რომელმაც სტუდენტები ქუჩაში გამოიყვანა.

ჰონგ-კონგი საპროტესტო აქცია

08 დეკემბერი 2019, 14:54

მსოფლიო

ჰონგ-კონგში ხელისუფლების მიერ სანქცირებული მრავალათასიანი საპროტესტო აქცია მიმდინარეობს

ინფორმაციას ამის შესახებ BBC ავრცელებს. „ადამიანის უფლებათა ფრონტის“ მიერ ორგანიზებულ მსვლელობაში ათობით ათასი ადამიანი მონაწილეობს. მანიფესტაციის დაწყებამდე პოლიციამ ცეცხლსასროლი იარაღის უკანონო ტარების ბრალდებით 11 მომიტინგე დააკავა.

გიორგი ვაშაძე

08 დეკემბერი 2019, 14:51

საქართველო

გიორგი ვაშაძე: საერთაშორისო ასპარეზზე „ქართული ოცნების“ სტრატეგიები სრულად გავანადგურეთ

შეხვედრის შემდეგ „ახალი საქართველოს“ ლიდერმა გიორგი ვაშაძემ თქვა, რომ ევროპარლამენტარებმა დეტალურად იციან საქართველოში მიმდინარე მოვლენების შესახებ და შეშფოთებულები არიან საარჩევნო სისტემასთან დაკავშირებული პირობის არშესრულების გამო.

ილია მეორე

08 დეკემბერი 2019, 14:18

საქართველო

პატრიარქი: მიხედეთ თქვენს მამულს, ხელიდან გვეცლება მიწები

სრულიად საქართველოს კათოლიკოს-პატრიარქმა, ილია მეორემ სამების საკათედრო ტაძარში ქადაგებისას სოფლის გაძლიერებაზე ისაუბრა და თხოვა სამღვდელოებას, იყოს მაგალითი, სოფლის მეურნეობის განვითარების. „ხელიდან გვეცლება მიწები, ჩამოდიან უცხოელები, ყიდულობენ მიწებს და სახლდებიან“.

ჰასან როუჰანი

08 დეკემბერი 2019, 13:49

ეკონომიკა

​როუჰანი: სანქციების გამო ნავთობზე ბიუჯეტის დამოკიდებულება შევამცირეთ

ირანის 2020 წლის ბიუჯეტის პროექტში ნავთობის გაყიდვიდან მიღებულ შემოსავლებზე დამოკიდებულება შემცირდა, რაც თეირანს ამერიკულ სანქციებთან ბრძოლაში დაეხმარება. Reuters-ის ცნობით, ამის შესახებ ირანის პრეზიდენტმა ჰასან როუჰანიმ განაცხადა.

სიჩქარის კონტროლი

08 დეკემბერი 2019, 13:32

ძალოვნები

ცნობილია, სად ამოქმედდება საავტომობილო სიჩქარის კონტროლის კიდევ 12 სექცია

2019 წლის 9 დეკემბრიდან საგზაო უსაფრთხოების განმტკიცების მიზნით შიდა ქართლის რეგიონში, თბილისი-სენაკი-ლესელიძის საავტომობილო გზის მონაკვეთზე საავტომობილო სიჩქარის კონტროლის 12 სექცია ამოქმედდება. ინფორმაციას ამის შესახებ შინაგან საქმეთა სამინისტრო ავრცელებს.

მამუკა მდინარაძე

08 დეკემბერი 2019, 13:10

საქართველო

მდინარაძე: გერმანულ მოდელთან დაკავშირებით დღეს საუბარი არასერიოზული იქნება

ხელისუფლებისა და ოპოზიციის წარმომადგენლები დღეს უცხოელი დიპლომატების მონაწილეობით მეორე შეხვედრას გამართავენ. შეხვედრა სასტუმრო „შერატონში“ 18:00 საათზე დაიწყება. ოპოზიცია არჩევნების „გერმანული მოდელით“ ჩატარებას ითხოვს, რისთვისაც სპეციალური კანონპროექტი შეიმუშავა.

მამუკა ხაზარაძე

08 დეკემბერი 2019, 12:51

საქართველო

ხაზარაძე: ხელისუფლება ნელ-ნელა კომპრომისზე მიდის

მოძრაობა „ლელოს“ დამფუძნებლის მამუკა ხაზარაძის განცხადებით, ხელისუფლება ნელ-ნელა კომპრომისზე მიდის. ასე გამოეხმაურა „ლელოს“ დამფუძნებელი ხელისუფლებისა და ოპოზიციის წარმომადგენლებს შორის მოლაპარაკებების მეორე რაუნდს, რომელიც დღეს თბილისში, სასტუმრო „შერატონში“ გაიმართება.

ოზი ოსბორნი

08 დეკემბერი 2019, 12:30

კულტურა

ოზი ოსბორნი მეგობრის მოპარული ნივთების დასაბრუნებლად $25 ათასს იხდის

ლეგენდარული ბრიტანელი მუსიკოსი, ოზი ოსბორნი მისი გარდაცვლილი მეგობრის, რენდი როადსის მოპარული ნივთების დასაბრუნებლად 25 000 დოლარს გადაიხდის. Daily Mail-ის ცნობით, 25 000 დოლარს მიიღებს ადამიანი, ვინც გამოძიებას ქურდების დასაკავებლად ​და მოპარული ნივთების დასაბრუნებლად საჭირო ინფორმაციას მიაწოდებს.

კარლ ჰარცელი

08 დეკემბერი 2019, 12:08

საქართველო

ევროკავშირის ელჩი: იმედი მაქვს მხარეები შეთანხმების მისაღწევად გზებს მოძებნიან

ევროკავშირის ელჩი კარლ ჰარცელი ოპოზიციასა და მმართველ გუნდს შორის დღეს დაგეგმილ მორიგ შეხვედრას მიესალმება.ელჩი დიალოგს პოზიტიურ ფაქტად აფასებს. მხარეებს შორის შეხვედრების მეორე რაუნდი დღეს გაიმართება. ოპოზიცია არჩევნების „გერმანული მოდელით“ ჩატარებას ითხოვს.

ანდრიუს კუბილიუსი

08 დეკემბერი 2019, 11:50

საქართველო

ლიეტუვის ყოფილი პრემიერი: ჩვენი ხმა ოპოზიციას და მმართველ პარტიას შეთანხმების მიღწევაში დაეხმარება

„ამ დიალოგმა ნდობის აღდგენას უნდა შეუწყოს ხელი, ჩვენი ამის სურვილი გვაქვს. ის რომ, მმართველმა პარტიამ მიცემული პირობა არ შეასრულა, ცუდი გადაწყვეტილებაა, რადგან დიდი იმედგაცრუება გამოიწვია ხალხში და საქართველოს ბევრ მეგობარში ევროკავშირიდან“.

დეივიდ დათუნა

08 დეკემბერი 2019, 11:49

ტაბლოიდი

120 ათას დოლარად გაყიდული ბანანი ქართველმა არტისტმა შეჭამა

მაიამიში თანამედროვე ხელოვნების მუზეუმში კედელზე მიკრული ბანანი, რომელიც 120 ათას დოლარად გაიყიდა, ქართველმა პერფორმანს-არტისტმა დავით დათუნამ შეჭამა. ამის შესახებ გამოცემა TMZ წერს. დეივიდ დათუნამ თავის პერფორმანსს „მშიერი არტისტი“ უწოდა და განაცხადა, რომ არტინსტალაცია ძალიან გემრიელი იყო.

კარლ ჰარცელი

08 დეკემბერი 2019, 11:25

საქართველო

თბილისში ევრონესტის საპარლამენტო ასამბლეაზე მიმდინარე პოლიტიკურ საკითხებსაც განიხილავენ

ენერგოუსაფრთხოების, აღმოსავლეთ პარტნიორობის სამომავლო ხედვებისა და გეოპოლიტიკური გამოწვევების, ასევე ევროკავშირსა და აღმოსავლეთ პარტნიორობის ქვეყნებს შორის თანამშრომლობის სხვადასხვა აქტუალურ საკითხზე იმსჯელებენ.

პოლიცია

08 დეკემბერი 2019, 10:30

ძალოვნები

პოლიციამ აჭარაში განსაკუთრებით დიდი ოდენობით „ჰეროინი“ ამოიღო

ბრალდებულს სამგზავრო ჩანთის სახელურში ნარკოტიკული საშუალებების სპეციალური სამალავი ჰქონდა მოწყობილი. პოლიციამ დაკავებულის ბარგის ჩხრეკისას ნივთმტკიცებად ამოიღო „ჰეროინის“ შემცველი, 32,421 გრამი ნარკოტიკული საშუალება. ჩადენილი დანაშაული 8-დან 20 წლამდე ან უვადო თავისუფლების აღკვეთას ითვალისწინებს.

საკონსულო მომსახურების ცენტრი

08 დეკემბერი 2019, 10:09

საქართველო

საქართველოს საელჩოებში საკონსულო მომსახურების თანამედროვე ცენტრები იქმნება

ავსტრიაში საქართველოს საელჩოს შენობაში თანამედროვე სტანდარტების საკონსულო მომსახურების ცენტრი გაიხსნა. ე.წ. ფრონტ-ოფისს ერთდროულად ორი მოქალაქის მიღება შეუძლია. საკონსულო ცენტრში დაცულია უსაფრთხოების სტანდარტები, მოსაცდელი და მისაღები სივრცე მორგებულია მოქალაქეთა მოთხოვნებს.

დაბერება

08 დეკემბერი 2019, 09:58

მსოფლიო

ნიუ-დელიში ხანძარს 43 ადამიანი ემსხვერპლა

ინფორმაციას ამის შესახებ ადგილობრივი საინფორმაციო სააგენტო ANI ავრცელებს. დედაქალაქის სახანძრო სამსახურის წარმომადგენლის განცხადებით, ცეცხლი 55 კვადრატული მეტრის ფართობზე გავრცელდა. ხანძრის ჩაქრობის პროცესში 27 სახანძრო ბრიგადა მონაწილეობდა.

08 დეკემბერი 2019, 09:51

მსოფლიო

ბორდოში პოლიციელებზე თავდასხმის მომზადების ბრალდებით 16 ადამიანი დააკავეს

სამართალდამცველებზე თავდასხმა გუშინ, „ყვითელი ჟილეტების“ მანიფესტაციის დროს უნდა მომხდარიყო. პოლიციამ დაკავებულების ბინაში ქიმიური ნივთიერებები და ე.წ. მოლოტოვის კოქტეილებისთვის საჭირო ნივთები იპოვა. დაკავებულები ბორდოში საფრანგეთის სხვადასხვა დეპარტამენტიდან ჩავიდნენ.

ოცნება ოპოზიცია

08 დეკემბერი 2019, 09:19

საქართველო

დღეს ხელისუფლებისა და ოპოზიციის მეორე შეხვედრა გაიმართება

განხილვის მთავარი საკითხი კვლავ საარჩევნო სისტემა იქნება. ოპოზიცია ე.წ. გერმანული მოდელის მიხედვით შემუშავებული საარჩევნო სისტემის შემოღებას ითხოვს, რაზეც ხელისუფლებაში კი აცხადებენ, რომ აღნიშნული მოდელი საქართველოს კონსტიტუციასთან შეუსაბამოა.

ენტონი ჯოშუა ენდი რუისი

08 დეკემბერი 2019, 08:28

სპორტი

ენტონი ჯოშუამ ენდი რუისი დაამარცხა და ჩემპიონის 4 ქამარი დაიბრუნა

კრივის მსოფლიო ორგანიზაციის (WBO), კრივის საერთაშორისო ფედერაციის (IBF), კრივის მსოფლიო ასოციაციის (WBA) და ​კრივის საერთაშორისო​ ორგანიზაციის (IBO) ვერსიებით ჩემპიონის ტიტულისთვის ბრძოლაში ბრიტანელმა მძიმეწონოსანმა ენტონი ჯოშუამ ამერიკელი ენდი რუისი დაამარცხა. ინფორმაციას ამის შესახებ BBC ავრცელებს.