Imedi /  19 დეკემბერი 2019, 10:41 / სანდო წყარო

პრემიერი: დღეს არ არის დრო ტრაგიკული მოვლენების პოლიტიზების, დღეს არის დრო კონკრეტული ნაბიჯების

გიორგი გახარია

გიორგი გახარია

დღეს არ არის დრო ტრაგიკული მოვლენების პოლიტიზირების, დღეს არის დრო კონკრეტული ნაბიჯების, - ამის შესახებ საქართველოს პრემიერმინისტრმა გიორგი გახარიამ მთავრობის სხდომაზე განაცხადა.

მთავრობის მეთაურის თქმით, რასაც სახელმწიფო აკეთებს განათლების გაუმჯობესების და სისტემური რეფორმის მიმართულებით, ყველაფერი, რაც ეხება მოზარდებზე, ახალგაზრდებზე ზრუნვას, უნდა იყოს კიდევ უფრო ეფექტური, შედეგიანი და თავიდან აგვარიდოს მსგავსი ტრაგიკული მოვლენები.

„კიდევ ერთხელ ღრმა მწუხარებას გამოვთქვამთ 15 წლის მოზარდის ტრაგიკული გარდაცვალების გამო. დარწმუნებული ვარ, სახელმწიფო ინსპექტორის აპარატი სრულად, გამჭვირვალედ და ღიად გამოიძიებს ამ საქმეს, ისე, რომ არ დარჩება არც ერთი კითხვის ნიშანი საზოგადოებაში. შესაბამისი დავალებები მიიღო ყველა უწყებამ, რომ სრულად ითანამშრომლონ სახელმწიფო ინსპექტორის გამოძიებასთან, თუმცა ჩვენ ასევე უნდა გავაკეთოთ გარკვეული დასკვნები, ჩვენ უფრო სწრაფად და სისტემურად უნდა ვიმოქმედოთ მოზარდების მართლმსაჯულების მიმართულებით და აქ კონკრეტული დავალებები უნდა მივცეთ შესაბამის უწყებებს.

როგორც პრემიერმა აღნიშნა, შინაგან საქმეთა სამინისტრომ უნდა იზრუნოს ბავშვზე მორგებული გარემოს უზრუნველსაყოფად - მოზარდების დაკითხვების სივრცის შექმნის თვალსაზრისით. რაც, მისი თქმით, ძალზედ მნიშვნელოვანია.

„განათლების სამინისტრომ ყველა სხვა უწყებასთან ერთად უნდა იზრუნოს მუდმივი და განგრძობადი კვალიფიკაციის ამაღლების მიმართულებით, ყველა იმ სახელმწიფო მოხელისთვის თუ პირისთვის, რომელსაც შეხება აქვს  მოზარდებთან.

ასევე ხაზგასმით უნდა აღვნიშნოთ, რომ განათლების სამინისტროს აქვს ერთ-ერთი ყველაზე მნიშვნელოვანი ფუნქცია - პრაქტიკულად, პრევენციულად იმ პრობლემების აღმოჩენის მიმართულებით, რომელიც სკოლაში მოზარდების ყოველდღიურ ცხოვრებაში შეიძლება მოხდეს.

იუსტიციის სამინისტრომ უნდა იზრუნოს მოზარდების საკანონმდებლო დაცვაზე, მაშინ, როდესაც სამართალდამცავ სისტემასთან მათ აქვთ შეხება. ეს ასევე ძალზედ მნიშვნელოვანია და რა თქმა უნდა, ჯანდაცვის სამინისტრომ სოციალური მიმართულებით უნდა იზრუნოს იმ პრობლემების მიმართულებით, რომელიც შესაძლოა მოზარდების ფსიქოლოგიაზე აისახოს“, - განაცხადა გიორგი გახარიამ.

პრემიერის თქმით, სახელმწიფოს მხრიდან ბევრი რამ გაკეთდა არასრულწლოვანთა მართლმსაჯულების მიმართულებით, განსაკუთრებით იუსტიციის სამინისტროს მხრიდან, თუმცა, სახელმწიფომ შემდგომი ნაბიჯები უნდა გადადგას უფრო სწრაფად.

„ეს არის ის მიმართულებები, რომლებზეც  ჩვენ სისტემურად უნდა ვიმუშაოთ და ეს არის ის მიმართულებები, რომლებზეც სწრაფი შედეგი უნდა დავაყენოთ. რა თქმა უნდა, ასევე უნდა ვთქვათ, რომ არასრულწლოვანთა მართლმსაჯულების მიმართულებით სახელმწიფოს მხრიდან ბევრი რამ გაკეთდა, განსაკუთრებით იუსტიციის სამინისტროს მხრიდან. თუმცა, ჩვენ შემდგომი ნაბიჯები უნდა გადავდგათ უფრო სწრაფად.

დღეს ადმინისტრაციაში გაიმართება სპეციალური შეხვედრა ამ პრობლემატიკაზე, რომელშიც მონაწილეობას მიიღებენ, როგორც დარგის სპეციალისტები, არასამთავრობო ორგანიზაციები, ასევე სახელმწიფოს ყველა უწყების წარმომადგენელი და ეს იქნება ის ნაბიჯი, როდესაც ჩვენ, კოორდინირებულად უნდა განვსაზღვროთ კონკრეტული ნაბიჯები. ვფიქრობ, რომ დღეს არ არის დრო ტრაგიკული მოვლენების პოლიტიზირების, დღეს არის დრო კონკრეტული ნაბიჯების, რათა ის, რასაც სახელმწიფო აკეთებს განათლების გაუმჯობესების და სისტემური რეფორმის მიმართულებით, ყველაფერი, რაც ეხება მოზარდებზე, ახალგაზრდებზე ზრუნვას, იყოს კიდევ უფრო ეფექტური, შედეგიანი და თავიდან აგვარიდოს მსგავსი ტრაგიკული მოვლენები“ - განაცხადა გიორგი გახარიამ.

ლუკა სირაძემ თვითმკვლელობა 12 დეკემბერს სცადა. შემთხვევას წინ უძღოდა „მწვანე სკოლაში“ მომხდარ ინციდენტთან დაკავშირებით მოზარდის პოლიციის განყოფილებაში მოწმის სახით დაკითხვა. ადვოკატის თქმით, მოზარდზე დაკითხვის დროს ფსიქოლოგიური ზეწოლა განხორციელდა. მოზარდის ჯანმრთელობის მდგომარეობა, ექიმების შეფასებით უკიდურესად მძიმე იყო. ექიმების თქმით, მოზარდს 17 დეკემბერს 20:10 საათზე გაუჩერდა გული. 

სახელმწიფო ინსპექტორის აპარატმა იმავე დღეს დიდუბე-ჩუღურეთის სამმართველოს პოლიციის პირველი განყოფილების გამომძიებელი მარიანა ჩოლოიანი, ჩვენების მიცემის იძულების ბრალდებით დააკავა. საიას ინფორმაციით, გამომძიებელი ყინწვისის სპეცოპერაციის გამოძიებაშიც ფიგურირებს.

ყველა სიახლე

თეა წულუკიანი

21 იანვარი 2020, 12:50

საქართველო

წულუკიანი ლომჯარიას: თქვენ არ ხართ ყველას ომბუდსმენი? სად არის მაგალითი, რომ პოლიციელი, დეპუტატი, მინისტრი ან სასჯელაღსრულების თანამშრომელი დაიცავით

„ახლახანს მოვისმინე, ისიც ცოტა დაგაგვიანდათ, ბატონი ანრის მცირეწლოვანი შვილები დაიცავით და როგორღაც, გახდით მათი ომბუდსმენიც. სხვა მაგალითი სად არის, რომ თქვენ პოლიციელი, დეპუტატი, მინისტრი ან სასჯელაღსრულების თანამშრომელი დაიცავით, რომლებსაც აფურთხებენ, ცემენ, წიხლებს ურტყამენ. ეს არ არის ამ ანგარიშში“, – მიმართა წულუკიანმა ლომჯარიას.

21 იანვარი 2020, 12:28

საქართველო

წულუკიანი ლომჯარიაზე: თქვენს წინაშეა სახალხო დამცველი, რომელიც პატიმრებთან არ დადის

საქართველოს იუსტიციის მინისტრი თეა წულუკიანი ადამიანის უფლებათა დაცვის კომიტეტის სხდომაზე სახალხო დამცველ ნინო ლომჯარიას მოხსენება მწვავედ გააკრიტიკა. „ჩვენ ამ ტრიბუნიდან მოვისმინეთ სიმართლეც, ჭორებიც, არაპროფესიონალიზმიც და მოვისმინეთ ბევრი სხვა იმგვარი რამ, რაზეც, თუ ხუმრობით დავიწყებდი ჩემს გამოსვლას, იმდენად ავღელდი, რომ ნამდვილად მჭირდება დეესკალაციის ოთახში 24 საათით მოთავსება,“- განაცხადა წულუკიანმა.

სახლები 1 ევროდ

21 იანვარი 2020, 12:26

ეკონომიკა

იტალიაში სახლების 1 ევროდ გაყიდვა დაიწყო

იტალიაში, ბიზაჩას კომუნაში 90ნ ისტორიული შენობის 1 ევროდ გაყიდვა დაიწყო. მთავარი მოთხოვნა მყიდველის მიმართ ისაა, რომ მათ შენობა უნდა გაარემონტონ. მჭიდრო დასახლების გამო სახლები ისე ახლოს დგას ერთმანეთთან, რომ ზოგიერთებს საერთო შესასვლელებიც კი აქვთ.

ნინო ლომჯარია

21 იანვარი 2020, 12:25

საქართველო

ნინო ლომჯარიამ დეპუტატებს პენიტენციურ სისტემაში არაფორმალური მმართველობის შესახებ ინფორმაცია მიაწოდა

საქართველოს სახალხო დამცველმა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე დეპუტატებს ომბუდსმენის სპეციალური პრევენციული ჯგუფის მიერ განხორციელებული მონიტორინგის შედეგები გააცნო.

ონლაინ რეგისტრაცია

21 იანვარი 2020, 12:09

ეკონომიკა

ეკონომიკური საქმიანობის რეგისტრაცია ონლაინ გახდა შესაძლებელი

საჯარო რეესტრის ეროვნული სააგენტოს ინფორმაციით, ბიზნესის რეგისტრაციის ელექტრონულ სერვისებს ეკონომიკური საქმიანობის რეგისტრაციასთან დაკავშირებული მომსახურებები დაემატა. პორტალზე www.my.gov.ge მეწარმეებს უკვე ონლაინ რეჟიმში შეუძლიათ განაცხადების გაკეთება ეკონომიკური საქმიანობის დარეგისტრირების, ვადის გაგრძელების, რეგისტრირებულ მონაცემებში ცვლილების, რეგისტრაციის გაუქმების შესახებ.

მენ ჰუნვეი

21 იანვარი 2020, 12:05

მსოფლიო

ინტერპოლის ყოფილ პრეზიდენტს ჩინეთში პატიმრობა მიუსაჯეს

მენ ჰუნვეი ინტერპოლს 2016 წლის ნოემბრიდან ჩაუდგა სათავეში. 2017 წლის სექტემბერში ჩავიდა ჩინეთში, რის შემდეგაც მასთან კავშირი გაწყდა. ჩინეთის ხელისუფლებამ მოგვიანებით აღიარა, რომ მენ ჰუნვეი კორუფციის ბრალდებით დააკავა.

დევიდ ლინჩი

21 იანვარი 2020, 12:03

კულტურა

დევიდ ლინჩის ახალი მოკლემეტრაჟიანი ფილმი გამოვიდა

17-წუთიან შავ-თეთრ ფილში ლინჩი დეტექტივს თანაშობს, რომელიც მოლაპარაკე მაიმუნს კითხავს. დევიდ ლინჩმა ის 2016 წელს გადაიღო და რამდენიმე ფესტივალზე აჩვენეს, თუმცა ფართო საზოგადოებას პირველად ახლა წარუდგინეს.

ისლამური სახელმწიფო

21 იანვარი 2020, 11:47

მსოფლიო

Guardian-მა „ისლამური სახელმწიფოს“ ახალი ლიდერის ვინაობა დაასახელა

ალ-სალბი, რომელიც ჰაჯი აბდულასა და აბდულა კადაშის სახელებითაა ცნობილი, დაჯგუფების ერთ-ერთ დამაარსებლად მიიჩნევა. ის ერაყში დაიბადა, წარმოშობით კინ თურქმენია. სპეცსამსახურის მონაცემებით, ალ-სალბი მოსულის უნივერისტეტში სწავლობდა. ამასთან, ის „ისლამური სახელმწიფოს“ ერთ-ერთ მთავარ იდეოლოგად მიიჩნევა.

ნათია თურნავა

21 იანვარი 2020, 11:46

ეკონომიკა

თურნავა: მივესალმებით, თუ რუსეთ-საქართველოს შორის პირდაპირი ფრენები აღდგება

საქართველოს ეკონომიკისა და მდგრადი განვითარების მინისტრის, ნათია თურნავას განცხადებით, რუსი ტურისტები ადასტურებენ, რომ მათთვის საქართველო უსაფრთხო ტურისტული ქვეყანაა, შესაბამისად, უსაფრთხოების თემები, რა საბაბითაც ფრენები აიკრძალა, დღის წესრიგში აღარ დგას. მისი თქმით, ამ ფონზე მიესალმებიან, თუ რუსეთ-საქართველოს შორის პირდაპირი ფრენები აღდგება.

პრინცი ჰარი

21 იანვარი 2020, 11:44

ტაბლოიდი

პრინცი ჰარი კანადაში ჩავიდა

ვანკუვერის საერთაშორისო აეროპორტში ჰარის პირადი დაცვის 2 წარმომადგენელი დახვდა. პრინცი ცოლს - მეგან მარკლს და თავიანთ შვილ არჩის შეუერთდება, რომლებიც კანადაში უკვე რამდენიმე კვირაა ცხოვრობენ. 18 იანვარს ცნობილი გახდა, რომ ჰარი და მეგანი სამეფო ტიტულებით აღარ ისარგებლებენ.

21 იანვარი 2020, 11:23

ეკონომიკა

2019 წელს წიაღის სექტორში ექსპორტი გაიზარდა

წიაღის ეროვნული სააგენტოს ინფორმაციით, 2019 წლის წინასწარი მონაცემებით, ექსპორტზე გატანილი სასარგებლო წიაღისეულის მოცულობა მნიშვნელოვნად გაიზარდა. გასულ წელს 651 606.2 ათასი აშშ დოლარის ღირებულების სპილენძის მადნები და კონცენტრატები გავიდა ექსპორტზე, რაც 2018 წლის მაჩვენებელზე დაახლოებით 150 000 დოლარით მეტია.

ახალი ავტობუსები

21 იანვარი 2020, 11:12

საქართველო

თბილისს 40 ახალი ავტობუსი შეემატა

40 ერთეული „Isuzu“-ს მარკის ავტობუსი წარუდგინა. 8-მეტრიანი, ევრო 6-ის ემისიის სტანდარტის ავტობუსები 23 იანვრიდან რამდენიმედღიანი ინტერვალით 8 მარშრუტზე გადანაწილდება. უახლოეს მომავალში თბილისს „Isuzu“-ს მარკის კიდევ 40 ავტობუსი შეემატება.

ირანი ავიაკატასტროფა

21 იანვარი 2020, 11:00

მსოფლიო

ირანმა დაადასტურა, რომ უკრაინულ ბოინგს ორი რაკეტა მოხვდა

ირანის სამოქალაქო ავიაციის ორგანიზაციამ „უკრაინის საერთაშორისო ავიახაზების“ ლაინერის ავიაკატასტროფის შესახებ მეორე წინასწარი ანგარიში გამოაქვეყნა. ირანის ხელისუფლებამ აღიარა, რომ შავი ყუთების გაშიფრვა არ შეუძლია, საფრანგეთმა და აშშ-მა კი თეირანს გაშიფრვისთვის საჭირო აღჭურვილობის მიწოდებაზე უარი განუცხადეს.

T-უჯრედი

21 იანვარი 2020, 10:43

ტექნოლოგიები

ბრიტანელმა მეცნიერებმა კიბოსთან ბრძოლის უნივერსალური მეთოდი აღმოაჩინეს

აღმოჩენა კარდიფის უნივერსიტეტის მეცნიერთა ჯგუფმა გააკეთა. მათი კვლევის მიზანი იმ უჩვეულო მეთოდების პოვნა იყო, რომლებითაც ადამიანის იმუნური სისტემა სიმსივნეებს ებრძვის. სპეციალისტებმა T-ლიმფოციტის განსაკუთრებული სახეობა იპოვეს.

და ჩვენ ვიცეკვეთ

21 იანვარი 2020, 10:37

კულტურა

„და ჩვენ ვიცეკვეთ“ შვედეთში წლის საუკეთესო ფილმად დაასახელეს

The Guldbagge Awards-ის დაჯილდოების ცერემონია სტოკჰოლმში ჩატარდა. ლევან აკინის სურათმა გამარჯვება ნომინაციაში „საუკეთესო ფილმი“ მოიპოვა. თავად აკინი კი საუკეთესო სცენარისთვის დააჯილდოვეს. მთავარი როლის შემსრულებელი ლევან გელბახიანი ჟიურიმ საუკეთესო მსახიობად აღიარა.

ვახტანგ რობაქიძე

21 იანვარი 2020, 10:24

ძალოვნები

ანრი ოხანაშვილის საქმეზე ბრალდებული სამხარაულის ბიუროში ექსპერტიზის ჩასატარებლად მივიდა

ვახტანგ რობაქიძე მის მიმართ სამართალდამცველების მხრიდან განხორციელებულ ფიზიკურ ძალადობაზე საუბრობს. ბიურომ დასკვნა სწორედ ამ ფაქტთან დაკავშირებით უნდა დადოს. ინციდენტი ბაკურიანში 14 იანვარს ერთ-ერთ კაფეში მოხდა, სადაც ოხანაშვილი ოჯახთან ერთად იმყოფებოდა.

აშშ აქცია

21 იანვარი 2020, 09:51

მსოფლიო

აშშ-ში იარაღის ტარების უფლების მხარდამჭერ აქციაზე 22 000 ადამიანი გამოვიდა

აქციის ორგანიზატორი მოძრაობა Virginia Citizens Defense League იყო. დემონსტრანტები შტატში ცეცხლსასროლი იარაღის ტარებაზე ახალი შეზღუდვების შემოღების წინააღმდეგ გამოდიან, რასაც ვირჯინიის გენერალური ასამბლეა გეგმავს. აქციას დაახლოებით 22 000 ადამიანი შეუერთდა.

ამინდის პროგნოზი

21 იანვარი 2020, 09:26

საქართველო

როგორი ამინდია მოსალოდნელი უახლოეს დღეებში საქართველოში

სინოპტიკოსების პროგნოზით, 24 იანვრამდე საქართველოს უმეტეს რაიონში ნალექია მოსალოდნელი. დასავლეთ საქართველოში ჰაერის ტემპერატურა მოიმატებს, აღმოსავლეთში კი ისევ შენარჩუნდება ცივი და ღრუბლიანი ამინდი, ზოგან მცირე თოვლი და ნისლი იქნება.

გლდანი

21 იანვარი 2020, 09:09

ეკონომიკა

ახმეტელის მეტროს მიმდებარე ტერიტორია ერთი თვით გადაიკეტება

თბილისის მერიის გადაწყვეტილებით, ახმეტელის მეტროს მიმდებარე ტერიტორია ერთი თვით გადაიკეტება. კახა კალაძის განცხადებით, ამ მონაკვეთზე მიწისქვეშა გადასასვლელები კრიტიკულ მდგომარეობაშია და რეაბილიტაცია სჭირდება. სამუშაოები მიმდინარე წლის გაზაფხულზე დასრულდება.

ანაკლიის პორტი

21 იანვარი 2020, 08:58

ეკონომიკა

ანაკლიაში პორტის მშენებელმა კომპანიამ ტერიტორიიდან სამშენებლო ტექნიკის გაყვანა დაიწყო

სააგენტოს ცნობით, იმის გამო, რომ სახელმწიფოსა და ანაკლიის განვითარების კონსორციუმს შორის ხელშეკრულება შეწყდა, კომპანია „ვანოორდს“ ტერიტორიიდან ტექნიკა უნდა გაეყვანა. კომპანიას ტექნიკის გასაყვანად და ტერიტორიის სრულად დასატოვებლად ვადა 30 იანვრამდე აქვს.