imedi /  08 მარტი 2017, 14:05 / სანდო წყარო

პროკურატურამ დეკანოზის საქმეზე მტკიცებულებათა ნაწილი გაასაჯაროვა

მთავარმა პროკურატურამ დეკანოზის საქმეზე გამოძიების შუალედური შედეგები და მტკიცებულებათა ნაწილი გაასაჯაროვა:

"მაღალი საჯარო ინტერესის გათვალისწინებით, გვსურს, საზოგადოებას მივაწოდოთ ინფორმაცია გამოძიების შუალედური შედეგების შესახებ.

ჩატარებულია ოცდაათზე მეტი მოწმის დაკითხვა, ოთხმოცდაათამდე საგამოძიებო/საპროცესო მოქმედება, დათვალიერებული და ამოღებულია მობილური ტელეფონები, კომპიუტერები და ელექტრონული ინფორმაციის სხვა მატარებლები, დაინიშნა ექსპერტიზები, ნაწილზე მივიღეთ დასკვნები, რაც შესაძლებლობას გვაძლევს, ვისაუბროთ გამოძიების შუალედურ შედეგებზე და გავასაჯაროვოთ საქმეში არსებული მტკიცებულებების ნაწილი.

გამოძიება დაიწყო 2017 წლის 2 თებერვალს მოქალაქე ირაკლი მამალაძის განცხადების საფუძველზე, რომელმაც მომართა პროკურატურას და მიუთითა, რომ მისმა ნაცნობმა მამა გიორგი მამალაძემ სთხოვა შხამიანი ნივთიერების - კალიუმის ციანიდის მოძიებაში დახმარება. ირაკლი მამალაძემ პროკურატურაში წარმოადგინა მის მიერ ფარულად ჩაწერილი გიორგი მამალაძესთან შეხვედრის ამსახველი აუდიო-ვიდეო მასალა და ფურცელი, რომელზეც იყო ბრალდებულის ხელნაწერი სიტყვები "კალიუმ ციანიდი". ირაკლი მამალაძემ შეხვედრაზე გაარკვია, რომ გიორგი მამალაძე გეგმავდა მაღალი იერარქიის სასულიერო პირის სიცოცხლის ხელყოფას. გიორგი მამალაძე ირაკლი მამალაძეს სთხოვდა შემჭიდროვებულ ვადებში კალიუმის ციანიდის მოძიებას, რის სანაცვლოდაც მზად იყო, გადაეხადა ფული, ხოლო გაწეული დახმარებისთვის ჰპირდებოდა არამართლზომიერ სარგებელს. ბრალდებული გეგმავდა გერმანიაში გამგზავრებას, სადაც პატრიარქი იმყოფებოდა თანმხლებ პირებთან, მათ შორის შორენა თეთრუაშვილთან ერთად. იგი ცდილობდა, სასწრაფო წესით შხამიანი ნივთიერების გერმანიაში გამგზავრებამდე შეძენას.

ვინაიდან ირაკლი მამალაძემ ნებაყოფლობით გამოთქვა სურვილი გამოძიებასთან თანამშრომლობაზე და მზადყოფნა, ჩართულიყო შესაბამის ღონისძიებებში, დაიგეგმა განმცხადებლის და ბრალდებულის შეხვედრები და ფარული აუდიო-ვიდეო ჩაწერა. ფარული საგამოძიებო მოქმედებების მიზანს წარმოადგენდა, გამოაშკარავებულიყო ბრალდებულის რეალური განზრახვა, მიზანი, მოტივი და შესაძლო თანამზრახველები. სასამართლოს განჩინების საფუძველზე დაიგეგმა და განხორციელდა ირაკლი მამალაძის გიორგი მამალაძესთან შეხვედრების ფარული აუდიო-ვიდეო გადაღება.

ჩანაწერებით დადასტურდა გიორგი მამალაძის მიერ კალიუმის ციანიდის შეძენის განზრახვა, რომ იგი შხამიანი ნივთიერების გამოყენებას გეგმავდა ადამიანის წინააღმდეგ.

პირველი შეხვედრისას ირაკლი მამალაძემ დეკანოზს აცნობა, რომ კალიუმის ციანიდის მოძიება განსაკუთრებულ სირთულეებთან იყო დაკავშირებული და შესთავაზა მის ნაცვლად ნატრიუმის ციანიდის შეძენა, რომელიც აქტიურად გამოიყენება და იწარმოება საქართველოში. ბრალდებული დაინტერესდა, ნატრიუმის ციანიდს ექნებოდა თუ არა რეაქცია და მიიღებდა თუ არა სასურველ შედეგს. შეხვედრისას, 4 თებერვლის 16 საათსა და 28 წუთზე, ბრალდებულმა ტელეფონის ინტერნეტში მოიძია ინფორმაცია ნატრიუმის ციანიდის შესახებ, გაარკვია, რომ იყო ძლიერმოქმედი  შხამი და მისი ზემოქმედების მომწამვლელი ეფექტი ადამიანზე კალიუმის ციანიდის  ანალოგიურია. ბრალდებულმა, დარწმუნდა რა, რომ ნატრიუმის ციანიდის გამოყენების შემთხვევაშიც შესაძლებელი იყო სასიკვდილო შედეგის დადგომა, ირაკლი მამალაძეს სთხოვა მისი შეძენა. საუბარში ჩანს, რომ გიორგი მამალაძე მისი ქმედებების შედეგებს უკავშირებდა იერარქიულ წინსვლას, რაც გაზრდიდა მის ძალაუფლებას საპატრიარქოში და ირაკლი მამალაძესაც ჰპირდებოდა კარგ ადგილს.

2017 წლის 6 თებერვლის შეხვედრის შემდეგ ბრალდებული ელოდებოდა თანხის გამოგზავნას ირაკლი მამალაძისთვის გადასაცემად. შეხვედრა აღარ შედგა. ბრალდებულმა ნატრიუმის ციანიდი დაუდგენელი პირისგან შეიძინა, და აღარ დაკავშირებია ირაკლი მამალაძეს.

ბრალდებულს წინა თვეებშიც ჰქონდა მცდელობა, კალიუმის ციანიდი შეეძინა სხვა პიროვნებისგანაც, რომელსაც სთხოვდა შხამიანი ნივთიერების უცხოეთიდან ჩამოტანას.

2017 წლის 10 თებერვალს თბილისის საერთაშორისო აეროპორტში ბრალდებულის სახით დააკავეს გიორგი მამალაძე. ბარგის ჩხრეკისას ამოღებულია ფარულად შენახული შხამიანი ნივთიერება ნატრიუმის ციანიდი.

ბრალდებულის SAMSUNG-ის ფირმის მობილურ ტელეფონზე ჩატარებული ექსპერტიზით დადგინდა, რომ გიორგი მამალაძე მკვლელობის მიზნით კალიუმის ციანიდის შესახებ ინფორმაციის მოძიებას ცდილობდა ინტერნეტ საძიებო სისტემა GooGle-ში. 2016 წლის 27 დეკემბრიდან მოყოლებული სისტემატიურად, ყველა შემთხვევაში ინტერესდებოდა შხამიანი ნივთიერების ზემოქმედებით ადამიანის ორგანიზმზე და მოწამვლის სიმპტომებით.

ირაკლი მამალაძის მიერ გამოძიებისთვის წარმოდგენილ ფურცელზე, ხელნაწერით "კალიუმ ციანიდი", ჩატარებული კალიგრაფიული ექსპერტიზით დადგინდა, რომ ხელნაწერი შესრულებულია გიორგი მამალაძის მიერ.

გიორგი მამალაძის საცხოვრებელი ბინის ჩხრეკისას ამოღებულია კუსტარული წესით დამზადებული უნომრო ცეცხლსასროლი იარაღი და 6 ცალი საბრძოლო ვაზნა, რომლებიც მან მართლსაწინააღმდეგოდ შეიძინა.

მოპოვებული მტკიცებულებების საფუძველზე გიორგი მამალაძეს ბრალდება წარედგინა შორენა თეთრუაშვილის მკვლელობის მომზადების, ცეცხლსასროლი იარაღის მართლსაწინააღმდეგოდ შეძენისა და  შენახვის ფაქტებზე.

ვინაიდან არსებობდა ეჭვები, რომ გიორგი მამალაძე შესაძლოა ამზადებდა სხვა პირების მკვლელობასაც, რომ იგი სავარაუდოდ მოქმედებდა თანამზრახველებთან ერთად, გაძლიერდა გერმანიაში მყოფი პატრიარქის უსაფრთხოება.

ვარაუდის საფუძველზე მთავარი პროკურატურა აგრძელებს მუშაობას რამდენიმე ვერსიაზე და ყველა მიმართულებით ინტენსიურად მიმდინარეობს საგამოძიებო მოქმედებები.

ამ ეტაპზე გასაჯაროვდა მხოლოდ ვიდეოჩანაწერების და ბრალდებულის მობილური ტელეფონიდან ამოღებული ინფორმაციის ნაწილი.

რაც შეეხება დაკითხვას, ბრალდებულმა ვერცერთ მნიშვნელოვან შეკითხვაზე დამაჯერებელი პასუხი ვერ გასცა, ზოგზე პასუხის გაცემაზე საერთოდ უარი განაცხადა. ინფორმაცია, რაც გიორგი მამალაძემ მიაწოდა გამოძიებას, პირდაპირ წინააღმდეგობაში მოდის იმ მტკიცებულებებთან, რომლითაც დასტურდება დანაშაულის ჩადენის შესაძლო ფაქტი, მათ შორის იმ მტკიცებულებებთან, რომლებიც დღეს გასაჯაროვდა. გიორგი მამალაძის ვერსია, რომ თითქოს შორენა თეთრუაშვილის თხოვნით ცდილობდა კალიუმის ციანიდის შეძენას, რომელიც თითქოს საჭირო იყო საპატრიარქოში მომუშავე ოქრომჭედლისთვის, არის აბსურდული და ცალსახად ტოვებს შთაბეჭდილებას, რომ ცდილობს დანაშაული გადააბრალოს იმ მხარეს, ვისთანაც არის დაპირისპირებული და ვის წინააღმდეგაც მიმართული იყო მისი ქმედება. ბრალდებული ცდილობს ბრალდების მოწმეების დისკრედიტაციას. მიზნად ისახავს წარმოჩნდეს მსხვერპლად და თავი აარიდოს მოსალოდნელ მძიმე სასჯელს.

პროკურატურის მიერ უკვე უზრუნველყოფილია ბრალდებულის ოჯახის წევრების უსაფრთხოება. იმედს ვიტოვებთ, გიორგი მამალაძე შეასრულებს პირობას და გასცემს პასუხებს გამოძიების შეკითხვებზე.

პროკურატურამ საზოგადოებას მიაწოდა ის შუალედური შედეგები, რომელიც არ დააზიანებს გამოძიების ინტერესებს.

გაცნობიერებული გვაქვს საქმის მიმართ განსაკუთრებულად მაღალი საჯარო ინტერესი. გამოძიება ინტენსიურ რეჟიმში გრძელდება. ყველას მოვუწოდებთ მოთმინებისკენ, რომ გამოძიებას მიეცეს შესაძლებლობა, ნორმალურ ვითარებაში ჩაატაროს სრულყოფილი და ობიექტური გამოძიება, რომლის საფუძველზეც ბრალდების მხარე წარსდგება სასამართლოს წინაშე.

პროკურატურა პერიოდულად გააგრძელებს საზოგადოების ინფორმირებას გამოძიების შედეგების შესახებ.

გამოძიება გრძელდება სისხლის სამართლის კოდექსის 18-108-ე და 236-ე მუხლებით, რაც სასჯელის სახედ და ზომად ითვალისწინებს თავისუფლების აღკვეთას ვადით შვიდიდან თხუთმეტ წლამდე".

კომენტარები ()

არქივი

23 თებერვალი 2018, 15:41

მსოფლიო

დიდი ბრიტანეთის დატოვების მსურველი ევროპელების რიცხვმა პიკს მიაღწია

დიდი ბრიტანეთის ეროვნული სტატისტიკის სამსახურის მონაცემებზე დაყრდნობით, გასული წლის სექტემბრის მონაცემებით ქვეყანა 130 000-მა ადამიანმა დატოვა. პარალელურად, დროის ამ მონაკვეთში ევროკავშირის ქვეყნებიდან დიდ ბრიტანეთში საცხოვრებლად 220 000 ადამიანი გადავიდა.

23 თებერვალი 2018, 15:40

საქართველო

ქეთევან დედოფლის წმინდა ნაწილები საქართველოს მოლოცვას 1 მარტს დაასრულებს

ინდოეთის მუზეუმიდან წარმომადგენლები ჩამოვლენ და ჩაიბარებენ წმინდა ნაწილებს, რის შემდეგაც საქართველოდან გაიგზავნება. წმინდა ნაწილების ინდოეთში გადაბრძანება სავარაუდოდ 16 მარტს მოხდება. ამასთან დაკავშირებით, წინასწარ საზეიმო ღონისძიება ჯერ დაგეგმილი არ არის.

23 თებერვალი 2018, 15:32

საქართველო

დევნილთა სამინისტრო უცხოეთიდან გამოძევებულ მოქალაქეებს დაეხმარება

პროგრამით გათვალისწინებულია სამშობლოში დაბრუნებული მიგრანტებისთვის შემდეგი სერვისების მიწოდება: სამედიცინო მომსახურების და მედიკამენტების დაფინანსება, სოციალური პროექტების დაფინანსება.

23 თებერვალი 2018, 15:32

საქართველო

აბიტურიენტები უნარებში მომზადებას NAEC-ისა და ილიაუნის უფასო პროექტით შეძლებენ

რუბრიკა შესაძლებლობას მისცემს აბიტურიენტებს, ზოგადი უნარების გამოცდასთან დაკავშირებულ ყველა კითხვაზე პასუხი უშუალოდ ტესტის შემქმნელებისაგან მიიღონ. პროექტის ფარგლებში განხილული იქნება სხვადასხვა ტიპის დავალებები და ტესტზე მუშაობის პრინციპები.

23 თებერვალი 2018, 15:30

საქართველო

2017 წელს საქართველოში ლტოლვილის სტატუსის მინიჭება 951 ადამიანს სურდა

როგორც სამინისტროს მიერ გავრცელებულ ინფორმაციაშია ნათქვამი, მომართვები ჭარბობდა ეგვიპტიდან -105 პირი, ერაყიდან 93 პირი და ირანიდან 90 პირი. ამასთან, 2017 წლის განმავლობაში სტატუსი სულ მიენიჭა 89 პირს, აქედან, 53 პირს მიენიჭა ლტოლვილის სტატუსი, ხოლო 36 პირს - ჰუმანიტარული სტატუსი.

23 თებერვალი 2018, 15:19

ტექნოლოგიები

შვედეთში გარდაცვლილი ადამიანების იდენტურ რობოტებს დაამზადებენ

თავდაპირველად მეცნიერები ხელოვნური ინტელექტის მეშვეობით გარდაცვლილი ადამიანი ხმას აღადგენენ, რომელიც პირველ ეტაპზე მარტივ შეკითხვებზე პასუხის გაცემას ითვალისწინებს. ამ ეტაპზე კომპანია მოხალისეებს ეძებს, რომლებიც მეცნიერებს ნებას დართავს მათი გარდაცვლილი ახლობელის ასლი დაამზდონ.

23 თებერვალი 2018, 15:18

ეკონომიკა

თბილისში საეჭვო წარმომავლობის 500კგ ხორცი ამოიღეს

დარღვევები დაფიქსირდა შპს „ახალ ხორცის“ საბითუმო-სარეალიზაციო ობიექტში, რის გამოც თბილისის საქალაქო სამსახურის ინსპექტორებმა 500 კილოგრამზე მეტი ვადაგასული და ჯანმრთელობის ნიშანდების გარეშე ხორცი დალუქეს.

23 თებერვალი 2018, 15:18

საქართველო

ტატუნაშვილის გარდაცვალების გამო, ევროპული საქართველო ე.წ. ოთხოზორიას სიის შექმნას ითხოვს

სიაში ის ადამიანები შევლენ, რომლებიც ოთხოზორიას მკვლელობასა, თუ სხვა საქმეებში დამნაშავეები არიან და რომლებიც ასევე მალავენ დამნაშავეებს. სერგი კაპანაძის განცხადებით, ცხინვალში გარდაცვლილი ტატუნაშვილის საქმეზე სახელმწიფომ უნდა მოახდინოს უმკაცრესი რეაგირება.

23 თებერვალი 2018, 15:16

ვიდეო

ვინ არიან უვადოდ გამწესებული მოსამართლეები?

23 თებერვალი 2018, 15:13

საქართველო

ციხელაშვილი არჩილ ტატუნაშვილის გარდაცვალებაზე პასუხისმგებლობას რუსეთს აკისრებს

უკვე გააქტიურებულია ცხელი ხაზი, ფაქტის შესახებ უკვე ინფორმირებულია ევროკავშირის სადამკვირვებლო მისია და ჟენევის საერთაშორისო დისკუსიების თანათავმჯდომარეები, რათა დაუყოვნებლივ დადგინდეს მისი გარდაცვალების გარემოებები და შესაბამისი რეაგირება მიეცეს ამ უმძიმეს ფაქტს,“- განაცხადა ქეთევან ციხელაშვილმა.

23 თებერვალი 2018, 15:07

ვიდეო

უვადოდ 44 მოსამართლის გამწესების საკითხს არაერთგვაროვანი შეფასებები მოჰყვა

23 თებერვალი 2018, 15:00

ტაბლოიდი

ჯასტინ ტრიუდოს ოჯახი ბოლივუდს "შეცდომით" ინდური საქორწილო სამოსით ეწვია

ტრიუდო, რომელიც შეხვედრებს ინდურ ნაციონალურ სამოსში მართავს, ბოლივუდში გამართულ შეხვედრაზე იმ სამოსით მივიდა, რომელსაც ინდურ ფილმებში ქორწილის დროს ატარებენ კაცები. შერვანი ინდოელი სიძეების სამოსია.ტრუდოს მეუღლეს ყვავილებით მოქარგული სარი ეცვა და მისი შვილებიც ინდურ საქორწილო სამოსში იყვნენ გამოწყობილნი. აღსანიშნავია, რომ მასპიძლები მას პიჯაკებში გამოწყობილი დახვდნენ.

23 თებერვალი 2018, 14:58

საქართველო

მდინარაძე: მუხტარლის საქმეზე საგამოძიებო კომისიის შექმნაში ალოგიკური არაფერია

მუხტარლს აზერბაიჯანის სასამართლომ საზღვრის უკანონოდ გადაკვეთის, საზღვარზე 10,000 ევროს არადეკლარირებულად გადატანასა და მესაზღვრისთვის წინააღმდეგობის გაწევის გამო, 6 წლით თავისუფლების აღკვეთა მიუსაჯა.

23 თებერვალი 2018, 14:56

ტექნოლოგიები

Microsoft-მა Imagine Cup 2018-ზე განაცხადების მიღება დაიწყო

პროექტი ნიჭიერ ახალგაზრდებს საკუთარი პოტენციალის გამოვლენაში ეხმარება. Imagine Cup 2018-ის ადგილობრივი ტურის ფარგლებში, ექსპერტთა ჟიური გამორჩეულ იდეებს შეაფასებს. ამისვის დაინტერესებულმა საკუთარი პროექტი ინგლისურ ენაზე უნდა წარადგინოს. საპრიზო ფონდი 100 000 დოლარია.

23 თებერვალი 2018, 14:48

ძალოვნები

ოკუპირებულ ცხინვალში საქართველოს მოქალაქის გარდაცვალებაზე სუსი განცხადებას ავრცელებს

სუსი საერთაშორისო ორგანიზაციებსა და ჟენევის დისკუსიების თანათავმჯდომარეებს მომხდარზე მყისიერი და პრინციპული რეაგირებისკენ მოუწოდებს. ასევე მოითხოვს, სახელმწიფო უსაფრთხოების სამსახური ცხელი ხაზის მეშვეობით, დეფაქტო ხელისუფლების და რუსეთის საოკუპაციო ძალების მხრიდან, არჩილ ტატუნაშვილის გარდაცვალების და ყველა ზემოთხსენებული პირის დაკავების შესახებ ზუსტი და ამომწურავი ინფორმაციის მიღებას.

23 თებერვალი 2018, 14:37

ძალოვნები

შსს-მ ბოლო ერთ კვირაში გახსნილი საქმეების სტატისტიკა გამოაქვეყნა

უწყების ცნობით, ბოლო ერთი კვირის განმავლობაში, მთელი ქვეყნის მასშტაბით დიდი და განსაკუთრებით დიდი ოდენობით სხვადასხვა სახის ნარკოტიკული საშუალებები და იარაღი ამოიღეს. გამოვლინდა ქურდობის და თანხის გამოძალვის ფაქტები.

23 თებერვალი 2018, 14:23

ვიდეო

ბიბლიოთეკის რეფორმაზე მსჯელობა გრძელდება

23 თებერვალი 2018, 14:17

ძალოვნები

თემქაზე მომხდარი მკვლელობის ახალი დეტალები ხდება ცნობილი

თემქაზე, ახალგაზრდა გოგოს მკვლელობაში ბრალდებულის ადვოკატი არ გამორიცხავს, რომ მისი დაცვის ქვეშ მყოფი დანაშაულს იბრალებდეს. როგორც ადვოკატმა ნაირა ოტიაშვილმა განაცხადა, ის დაკავებულს ჯერ არ შეხვედრია და შესაბამისად, დადასტურებულად არ იცის, აღიარებს თუ არა ის დანაშაულს. ოტიაშვილის თქმით, ის ჯერ არც საქმის მასალებს არ იცნობს.

23 თებერვალი 2018, 14:16

ვიდეო

ერთი კვირის განმავლობაში შსს-მ ნახევარ კილომდე ნარკოტიკი ამოიღო

23 თებერვალი 2018, 14:06

საქართველო

უვადო მოსამართლეებზე პრემიერის განცხადებას იუსტიციის საბჭო და პარლამენტი ეხმიანება

კვირიკაშვილმა თქვა, რომ მმართველ გუნდში მძიმეა რეაქცია სულხან მოლაშვილის საქმის განმხილველი მოსამართლის მანუჩარ კაპანაძის თბილისის სააპელაციო სასამართლოს სისხლის სამართლის საქმეთა პალატაში უვადოდ გამწესებასთან დაკავშირებით.