ვინ განსაზღვრავს შვილებისთვის ალიმენტის ოდენობას

მშობლები მოვალენი არიან არჩინონ თავიანთი არასრულწლოვანი შვილები, აგრეთვე შრომისუუნარო შვილები, რომლებიც დახმარებას საჭიროებენ.

მოქმედი კანონმდებლობით, ალიმენტის კონკრეტული ოდენობა განსაზღვრული არ არის, შესაბამისად მისი განსაზღვრა დამოკიდებულია სასამართლოს შეფასებაზე.

საადვოკატო ბიუროს იურისტები განმარტავენ, რომ ალიმენტის დანიშვნის ეტაპზე თანხის დაკისრებას განაპირობებს გარკვეული სახის გარემოებები როგორიცაა, მოსარჩელისა და მოპასუხის მატერიალური მდგომარეობა, არასრულწლოვანი ბავშვის საჭიროებები, მხარეთა ოჯახური მდგომარეობა.

ამასთან, მხარემ რომელიც აპირებს საალიმენტო ვალდებულების შესრულების მიზნით სარჩელის წარდგენას, სასამართლოს უნდა მიაწოდოს აღნიშნული გარემოებების დამადასტურებელი მტკიცებულებები.

საადვოკატო ბიუროს იურისტის, ოთარ კაჭკაჭაშვილის განმარტებით, დღეს მოქმედი კანონმდებლობა არ ითვალისწინებს ალიმენტის კონკრეტულ ოდენობას, ასევე არ ახდენს მისი გამოთვლისათვის საჭირო რაიმე სახის კრიტერიუმების დაწესებას, შესაბამისად მისი ოდენობის დადგენა მნიშვნელოვნად არის დამოკიდებული მხარეთა მიერ წარდგენილ მტკიცებულებებზე.

ამასთან, საქართველოს კანონმდებლობა შეიცავს იმ პირთა ჩამონათვალს, რომელთაც ერთი მხრივ, ოჯახის წევრის რჩენის ვალდებულება ეკისრებათ, მეორე მხრივ კი, უფლებამოსილნი არიან მოითხოვონ ალიმენტი/სარჩო.

გარდა ამისა, არის საკითხები, რომლებიც ადვოკატებით რჩევით, გასათვალისწინებელია. მაგალითად ბევრმა არ იცის, რომ არსებობს რიგი გარემოებები, როცა ქმარს განქორწინების უფლება ეკრძალება.