imedi /  05 ნოემბერი 2018, 12:10 / სანდო წყარო

ბიძინა ივანიშვილი საქართველოს მოქალაქეებს მიმართავს. ვიდეო

ბიძინა ივანიშვილი

პარტია "ქართული ოცნება - დემოკრატიული საქართველოს" თავმჯდომარე ბიძინა ივანიშვილი საქართველოს მოქალაქეებს მიმართავს.

"მინდა მივმართო ჩემს ხალხს!
მინდა მივმართო იმ პასუხისმგებლობიდან გამომდინარე, რომელიც მაკისრია თქვენს წინაშე!
პირველ რიგში, მადლობა მათ, ვინც კიდევ ერთხელ გამოგვიცხადეთ ნდობა, მადლობა იმ ადამიანებს, ვისაც ბევრი პრობლემის მიუხედავად, სჯერა ჩვენი არჩეული გზის!
მაგრამ დღეს ჩემთვის ყველაზე მნიშვნელოვანია მივმართო მათ, ვინც გულგატეხილია!
მინდა გითხრათ, რომ მე კარგად მესმის თქვენი! მესმის თქვენი გულისტკივილის და იმედგაცრუების;
მესმის, რომ უკმაყოფილონი ხართ, რადგან მნიშვნელოვნად არ გაუმჯობესდა თქვენი ყოფა;
მესმის, რომ უკმაყოფილო ხართ, რადგან ფიქრობთ,  რომ ზოგიერთი მოხელე, ხალხზე ზრუნვაზე მეტად, პირად კეთილდღეობაზე ზრუნავს;
უკმაყოფილონი ხართ, რადგან ფიქრობთ, რომ დღევანდელმა ხელისუფლებამ ვერ მოახერხა სამართლიანობის აღდგენა;
ბევრი თქვენგანი გაბრაზებულია, რადგან დასაშვები გავხადეთ მოძალადე რეჟიმის დაბრუნების საფრთხე.
დღეს არ ვაპირებ ვისაუბრო არც იმ 9-წლიან რეჟიმზე, რომელმაც ფეხქვეშ გათელა ყველა უფლება, ყველა ღირსება, და ეს ბევრმა თქვენგანმა საკუთარ თავსა და ოჯახზე იწვნია, 
და არც ჩვენს მიღწევებზე.
დღეს ყველაზე მნიშვნელოვანია, რომ ჩვენი სამშობლო ისევ ისტორიულ გზაგასაყართან დგას -  არსებობს მცდარი გადაწყვეტილების მიღების მაღალი რისკი, მაგრამ ამავე დროს, ეს არის ახალი შესაძლებლობების, განახლების საუკეთესო მომენტი.
რამდენიმე თვის წინ მომიწია პოლიტიკაში დაბრუნება. მომიწია, რადგან ვხედავდი, რომ პრობლემები ღრმავდებოდა და მათზე რეაგირების ეფექტური მექანიზმი არ არსებობდა. თუმცა აღმოჩნდა, რომ ხალხი კიდევ უფრო ღრმად და ნათლად ხედავდა ამ პრობლემებს. დღეს არ შემიძლია არ დაგეთანხმოთ.
თუმცა, ერთი რამ ყველას უნდა გვახსოვდეს!
ჩვენი მოწინააღმდეგე არ არის პოლიტიკური პარტია. დღეს ჩვენ წინ, ჩვენ პირისპირ, სამწუხაროდ, ისევ  რევანშისთვის გაერთიანებული მოძალადეები დგანან. ჩვენ ვდგავართ განსაცდელის წინაშე და ეს განსაცდელი ჩვენ დავუშვით.
როცა ხელისუფლება შორდება ხალხს, ის კარგავს ხალხის ნდობას,  და ახლა მინდა ვთქვა ყველას გასაგონად:
ჩვენი პოლიტიკური გაერთიანება არსებობს მხოლოდ ხალხის მსახურებისთვის. არავინ იფიქროს, რომ პარტიას რაიმე  თავისთავადი ღირებულება გააჩნია. იგი არის საშუალება, რომლითაც უნდა მივაღწიოთ უზენაეს მიზანს - ხალხის უკეთეს მომავალს. ამიტომაც, თუ „ქართული ოცნება“ ვერ მუშაობს, თუ მისმა რომელიმე შტომ  ხალხის მსახურებაში არ ივარგა, მე პირველი წავალ მათ წინააღმდეგ. მაგრამ არ შეიძლება მივცეთ საშუალება ამ შეცდომებით ისარგებლოს ძალამ, რომელსაც სინამდვილეში ყველა იმ ღირებულების მოსპობა სურს, რომელიც ასე ძვირფასია ჩვენთვის. ამ შეცდომებს სწორი დანახვა და კრიტიკა უნდა. ოპონენტები კი სრული სიმძლავრით ჩართული სიცრუის მანქანით ცდილობენ ყველაფრის გადახაზვას. მათ შეცდომების გასწორება არ სურთ! მათ ყველაფრის დანგრევა უნდათ და, რაც ყველაზე სამწუხაროა, ნებისმიერ ფასად!
ოპონენტები მხოლოდ ტყუილზე დაფუძნებულ კამპანიას ატარებენ. ხალხს ურცხვად პირდებიან იმას, რაც საპარლამენტო წყობაში საპრეზიდენტო უფლებამოსილებას სრულად ცდება და, ამავე დროს, ღიად გვიანონსებენ ადამიანის წამებასა და ჩაგვრაში ბრალდებულების გათავისუფლებას, რაც საზოგადოების შეურაცხყოფის გარდა, პირდაპირ დესტაბილიზაციის საფრთხის მატარებელია.
2012 წელს ჩვენ მოვიშორეთ ძალადობაზე დაფუძნებული რეჟიმი. გავიარეთ ურთულესი პერიოდი და თან ვცდილობდით, ქვეყანა სტაბილური განვითარების რელსებზე გადაგვეყვანა. ამ გზაზე ბევრ მნიშვნელოვან წარმატებასაც მივაღწიეთ:
სახელმწიფო რეკეტისგან გათავისუფლდა ბიზნესი, თავისუფალია მედია, განხორციელდა არა ერთი უმნიშვნელოვანესი სოციალური პროგრამა; ურთულეს ეკონომიკურ გარემოში მოვიპოვეთ რეგიონული ლიდერობა და მრავალი სხვა.
საერთაშორისო ასპარეზზე  ჩვენი ამერიკელი და ევროპელი მეგობრები სულ უფრო რეალურ პერსპექტივაში განიხილავენ ჩვენი ქვეყნის ნატოსა და ევროკავშირში ინტეგრირებას. 
უამრავი რისკის მიუხედავად, დამოუკიდებლობის მოპოვების შემდეგ, საქართველოს არასდროს ჰქონია ასეთი სტაბილური განვითარების წლები.
და მიუხედავად ამ წარმატებებისა, ქვეყანაში მთავარ გამოწვევად რჩება არსებული სიდუხჭირე. შესაბამისად,  ჩვენ გვჭირდება გადამწყვეტი ცვლილებები, პირველ რიგში, სოციალურად ყველაზე მგრნობიარე ჯგუფებისთვის. ბევრი პოპულისტისგან განსხვავებით,  ბუნებრივია, არ ვისაუბრებ კონკრეტულ ციფრებზე, მაგრამ აუცილებლად ვიტყვი, რომ პენსიონრებისა და დევნილების შემწეობები და დახმარებები რადიკალურად უნდა გადაიხედოს! მათზე ზრუნვა ჩვენი ღირსების საქმეა და ჩვენ ეს უნდა შევძლოთ!
სასწრაფოდ უნდა შეიცვალოს საკადრო პოლიტიკა, რომელიც   დაეფუძნება გამოცდილ ადამიანებს და  მუდმივად მოიზიდავს ახალ კადრებს, განსაკურებით ახალგაზრდებს. ახალგაზრდები უნდა ჩაერთონ ქვეყნის მართვასა და პოლიტიკის შემუშავებაში!
ჩემო მეგობრებო, ქვეყნის ცხოვრებაში დგება ხოლმე გარდამტეხი მომენტები, როდესაც ხალხი ხდება ეპოქალური ცვლილებების ავტორი და ჩვენ ერს ასეთი სიბრძნე არა ერთხელ გამოუჩენია.
მინდა მივმართო „ქართული ოცნების“ ძველ გვარდიას, მათ, ვინც შეუძლებელი შეძლეს 2012 წლის იმ ისტორიულ დღეებში:  საქართველოს კიდევ ერთხელ დაჭირდა თქვენი ერთგულება და გამოცდილება,  თქვენი სამოქალაქო გმირობა. მე ვიცი თქვენი გულისტკივილი, მე ვიცი თქვენი გაბრაზების ყველა მიზეზი. გაძლევთ პირობას, რომ ყველა პატრიოტი იპოვის საკუთარ ადგილს თავისი დამსახურების მიხედვით  ჩვენს ერთიან ოჯახში, არავის ღვაწლი არ დარჩება უყურადღებოდ! 
მინდა შეგახსენოთ, რაც არჩევნებამდეც განვაცხადე - მე ვიღებ პასუხისმგებლობას, რომ ერთ წელიწადში გავასწორო მართვის ყველა ხარვეზი და მთელი ჩემი რესურსი გამოვიყენო, რომ ქვეყნის განვითარება  შეუქცევადი გახდეს.
ახლა მთავარია, ხელისუფლებასა და ცალკეულ ჩინოვნიკებზე გაბრაზებულებმა, ხელისუფლების დასჯის სურვილით, საკუთარი მომავალი და საკუთარი ქვეყანა არ დავსაჯოთ და არ გადავყაროთ წყალში ყველაფერი, რაშიც 2012-ში სიცოცხლე ჩავდეთ.
მე დარწმუნებული ვარ, რომ ჩვენ  არჩევანს გავაკეთებთ ჩვენი ხალხის კეთილდღეობის, თავისუფლების, ღირსების დასაცავად და ერთად შევძლებთ ადამიანზე ორიენტირებული, თანამედროვე საქართველოს შენებას!", - განაცხადა ბიძინა ივანიშვილმა საქართველოს მოქალაქეებისთვის გაკეთებულ ვიდეომიმართვაში.

ყველა სიახლე

კონგო

21 ოქტომბერი 2019, 19:25

მსოფლიო

კონგოში სამგზავრო ავტობუსის ავარიას სულ მცირე 31 ადამიანი ემსხვერპლა

დედაქალაქ კინშასაში მიმავალი ავტობუსი ქალაქ მბანზა-ნგუნგუში მოყვარა ავარიაში. შედეგად სულ მცირე 31 ადამიანი დაიღუპა. დაშავდა 18 ადამიანი. გავრცელებული ინფორმაციით, მძღოლმა საჭის დამორჩილება ვეღარ შეძლო და კონტროლი დაკარგა. დაშავებულები კლინიკაში გადაიყვანეს.

გაზმომარაგება

21 ოქტომბერი 2019, 19:10

ეკონომიკა

გლდანში 350 აბონენტს გაზმომარაგება ავარიულად შეუწყდა

უსაფრთხოების მიზნით შემოწმდა მიმდებარე ტერიტორიაზე არსებული შენობები. შემოწმებისას დადგინდა, რომ სავარაუდოდ მილის დაზიანების გამო ვენტილაციის არხებით გაზი შევიდა კაზინო „ბეთლაივში“ და აფთიაქ „ფარმადეპოში“. საპატრულო პოლიციის მიერ მოხდა ხალხის ევაკუაცია და შენობების განიავება.

Deutsche Bank-ი

21 ოქტომბერი 2019, 18:48

ეკონომიკა

Deutsche Bank-ი თანამშრომლებს 10%-ით ამცირებს

გერმანიის უმსხვილესი Deutsche Bank-ი თანამშრომლების 10%-ით შემცირებას გეგმავს. ბანკის მთავარი აღმასრულებელი დირექტორის კრისტიან შივნინგის განცხადებით, ამ გადაწყვეტილების მიზეზია ახალი ტექნლოგიების დანერგვის შედეგად ხარჯების შემცირება. მიმდინარე წელს ბანკის მოგება მნიშვნელოვნად შემცირდა.

ადგურ ხარაზია

21 ოქტომბერი 2019, 18:43

საქართველო

სოხუმის დეფაქტო მერი თანამდებობიდან გადადგა

სოხუმის დეფაქტო მერმა ადგურ ხარაზიამ თანამდებობა დატოვა. ხარაზიამ ამის შესახებ ბრიფინგზე განაცხადა და დასძინა, რომ მისი მიზანი "სავარაძელი არასდროს ყოფილა". მისი თქმით, ბევრი ღამე არ ძინებია ადამიანების პრობლემებზე ფიქრში. ადგურ ხარაზია სოხუმის მერის პოსტს 2014 წლიდან იკავებდა.

ქუთაისი აქცია

21 ოქტომბერი 2019, 18:42

საქართველო

ქუთაისში სტუდენტებმა ანტისაოკუპაციო აქცია გამართეს

,,რუსეთი ოკუპანტია“, ,,აფხაზეთი ჩვენი ტკივილია" - ამ სლოგანებით ქუთაისში ლადო მესხიშვილის თეატრის წინ სტუდენტების საპროტესტი აქცია გაიმართა. აქციის მონაწილეებმა სოფელ ატოცში მიმდინარე მოვლენები გააპროტესტეს.

21 ოქტომბერი 2019, 18:25

საქართველო

გახარიამ უზბეკეთის ვიცეპრემიერთან ეკონომიკური თანამშრომლობის საკითხები განიხილა

საქართველოს პრემიერმინისტრი გიორგი გახარია უზბეკეთის ვიცე პრემიერმინისტრ ელიორ განიევს შეხვდა. მთავრობის ადმინისტრაციის ცნობით, შეხვედრაზე საქართველოსა და უზბეკეთს შორის სხვადასხვა სფეროში არსებული თანამშრომლობის საკითხები განიხილეს.

ფოტოგრაფია

21 ოქტომბერი 2019, 18:22

ტაბლოიდი

ქუთაისში დანიელმა მოგზაურმა ფულის თხოვნის საინტერესო მეთოდს მიაგნო. ფოტო

დანიიდან საქართველოში ჩამოსასვლელად მან ორ მეგობართან ერთად დიდი გზა გამოიარა. ცოტა ხნის წინ თბილისშიც იყვნენ, ახლა კი ქუთაისში არიან და ბრაზილიაში წასასვლელად ფულს აგროვებენ. ერთი მათგანი ფულს მუსიკის მოსმენაში იღებს, მეორე სუვენირ მაგნიტებს ყიდის, მესამე კი ქუჩაში დახმარებას ითხოვს.

გაზით მოწამვლა

21 ოქტომბერი 2019, 18:19

ძალოვნები

თბილისში ერთ-ერთ სამორინეში ხუთი ადამიანი გაზით მოიწამლა

თბილისში ერთ-ერთ სამორინეში გაზის გაჟონვის შედეგად ხუთი ადამიანი მოიწამლა. შემთხვევა გლდანში მოხდა. დაშავებულები საავადმყოფოში გადაიყვანეს, მათი მდგომარეობა სტაბილურია. მომხდარზე გამოძიება 240-ე პრიმა მუხლით დაიწყო.

21 ოქტომბერი 2019, 18:02

საქართველო

ყაზბეგის ეროვნულ პარკში აღმოსავლეთ კავკასიური ჯიხვების არვე გამოჩნდა. ვიდეო

ყაზბეგის ეროვნულ პარკში აღმოსავლეთ კავკასიური ჯიხვების არვე გამოჩნდა. მათი ვიდეო დაცული ტერიტორიების სააგენტომ გაავრცელა. „მობეზრდათ კლდეებზე ხტუნვა და მრავალფეროვნებისთვის AltiHut-ს ესტუმრნენ, აღმოსავლეთ კავკასიური ჯიხვები ყაზბეგის ეროვნულ პარკში"-წერია ვიდეოს აღწერაში.

დომინიკ რააბი დავით ზალკალიანი

21 ოქტომბერი 2019, 17:59

საქართველო

დომინიკ რააბი საქართველოსთან სტრატეგიული პარტნიორობის შეთანხმების გაფორმებას ეხმაურება

დავით ზალკალიანმა და დომინიკ რააბმა ლონდონში „საქართველოსა და დიდი ბრიტანეთისა და ჩრდილოეთ ირლანდიის გაერთიანებულ სამეფოს შორის სტრატეგიული პარტნიორობისა და თანამშრომლობის შეთანხმებას“ დღეს მოაწერეს ხელი. შეთანხმება საქართველოსა და ევროკავშირს შორის არსებულ ასოცირების შეთანხმებას ჩაანაცვლებს.

სუდიტა ვაჟირალონგკორნი

21 ოქტომბერი 2019, 17:56

მსოფლიო

ტაილანდის მეფის მეუღლეს სამეფო ტიტულები ჩამოართვეს

ოფიციალურ განცხადებაში წერია, რომ ვაჟირალონგკორნი "ამბიციური" იყო და "მეფის სტატუსამდე ასვლას ცდილობდა". "სამეფო კონსორტის ქმედებები უპატივცემულობად განიხილეს", - წერია განცხადებაში. ის თითქმის საუკუნის განმავლობაში პირველი ადამიანი იყო, რომელსაც სამეფო კონსორტის წოდება მიენიჭა.

რომის პაპის ავტოგრაფი

21 ოქტომბერი 2019, 17:53

ეკონომიკა

რომის პაპის ავტოგრაფით Harley-Davidson-ი აუქციონზე £42 ათასად გაიყიდა

მოტოციკლი Harley-Davidson-ი რომის პაპის ფრანცისკეს ავტოგრაფით ქალაქ სტაფორდში გამართულ საქველმოქმედო აუქციონზე 42 ათას ფუნტ სტერლინგად გაიყიდა. ამის შესახებ BBC სააუქციონო სახლ Bonhams-ზე დაყრდნობით წერს.

სალომე ზურაბიშვილი ჯუნიჩი ნიჰეი

21 ოქტომბერი 2019, 17:29

კულტურა

ზურაბიშვილმა იაპონურ კომპანიას ტოკიოში ქართული ოპერის დადგმა შესთავაზა

საქართველოს პრეზიდენტმა იაპონურ კომპანიას-Japan Arts ტოკიოში ქართული ოპერის დადგმა შესთავაზა. პრეზიდენტის ადმინისტრაციის ინფორმაციით, ინიციატივა საქართველოს პრეზიდენტმა დღეს ტოკიოში, Japan Arts- ში შეხვედრაზე დააყენა. ეს კომპანია უკვე 40 წელზე მეტია, მთელ მსოფლიოში იაპონური კულტურის პოპულარიზაციას ეწევა

თბილისის საქალაქო სასამართლო

21 ოქტომბერი 2019, 17:20

ძალოვნები

20-21 ივნისის საქმეზე ერთ-ერთმა დაკავებულმა ბრალი აღიარა

20-21 ივნისის საქმეზე ერთ-ერთმა ბრალდებულმა, ილია მემარნიშვილმა, წარდგენილი ბრალი აღიარა. ამის შესახებ თავისმა ადვოკატმა, ალექსანდრე მუკბანიანმა, სხდომის დასრულების შემდეგ განაცხადა. ადვოკატის თქმით, მან სასამართლოს თხოვნით მიმართა, რომ ცალკე წარმოებად გამოიყოს მემარნიშვილის საქმე.

იური ვაზაგაშვილი

21 ოქტომბერი 2019, 17:12

საქართველო

იუსტიციის სამინისტრო: სახელმწიფო ვაზაგაშვილებს კომპენსაციას 18 იანვრამდე გადაუხდის

ერთ-ერთი მედიასაშუალებით გავრცელებული ინფორმაცია, თითქოს ე. წ. კორტების სპეცოპერაციის საქმეზე სახელმწიფო ადამიანის უფლებათა ევროპული სასამართლოს გადაწყვეტილების აღსრულებას და მოსარჩელე მხარისათვის კომპენსაციის გადახდას აგვიანებდეს, სიმართლე არ არის და საზოგადოების მოტყუების მცდელობაა.

მატარებელი

21 ოქტომბერი 2019, 17:04

ძალოვნები

მეტროს სადგურ „გოცირიძეზე“ მოზარდს მატარებელი დაეჯახა

როგორც imedinews-ს შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 275-ე მუხლით დაიწყო, რაც სარკინიგზო ტრანსპორტის მოძრაობის წესების ან ექსპლუატაციის წესის დარღვევას გულისხმობს.

ჰერმან მაშაბა

21 ოქტომბერი 2019, 16:42

მსოფლიო

იოჰანესბურგის მერი რასიზმზე თავისი მოსაზრებების გამო თანამდებობიდან გადადგა

სამხრეთ აფრიკის რესპუბლიკის ერთ-ერთი ყველაზე თვალსაჩინო პოლიტიკური ფიგურა, სამხრეთ აფრიკის ოპოზიციური დემოკრატიული ალიანსის წევრი, რასიზმთან დამოკიდებულებების გამო იოჰანესბურგის მერის თანამდებობიდან გადადგა და პარტიაც დატოვა.

ალექსანდრე ლუკაშენკო

21 ოქტომბერი 2019, 16:33

მსოფლიო

2016 წლის შემდეგ ლუკაშენკო ევროკავშირის წევრ ქვეყანას პირველად ესტუმრება

ალექსანდრე ლუკაშენკო ავსტრიაში ჩავა და ქვეყნის პრეზიდენტს, ალექსანდრ ვან დერ ბელენს შეხვდება. ვიზიტი 12 ნოემბრისთვის არის დაგეგმილი. ბოლოს ლუკაშენკო ევროკავშირში 2016 წლის მაისში იმყოფებოდა, როდესაც ის ვიზიტით იტალიაში ჩავიდა.

ფეხბურთი

21 ოქტომბერი 2019, 16:26

ტექნოლოგიები

კვლევა: ფეხბურთელებში დემენცია სხვა ადამიანებთან შედარებით სამჯერ უფრო ხშირია

კვლევის ფარგლებში მეცნიერებმა 7676 გარდაცვლილი ფეხბურთელის ავადმყოფობის ისტორიები შეისწავლეს და მონაცემები სხვა პროფესიების 23 ათასი წარმომადგენლის ავადმყოფობის ისტორიებს შეადარეს. თავდაპირველად სპეციალისტებს ბურთზე თავის დარტყმასა და ტვინის პათოლოგიების განვითარებას შორის კავშირის შესწავლა სურდათ.

ირანი მიწისძვრა

21 ოქტომბერი 2019, 16:19

მსოფლიო

ირანში 5,6 მაგნიტუდის სიმძლავრის მიწისძვრა მოხდა

ირანის სამხრეთ ნაწილში 5,6 მაგნიტუდის სიმძლავრის მიწისძვრა მოხდა. სტიქიის ეპიცენტრი თეირანიდან 1000 კილომეტრის მოშორებით მდებარე ჰორმაზაგანის პროვინციის ქალაქ კუხერდში იყო. მსხვერპლისა და ნგრევის შესახებ ინფორმაცია ჯერჯერობით არ გავრცელებულა.