imedi /  08 დეკემბერი 2018, 11:09 / სანდო წყარო

მსოფლიოს 12-მა ქვეყანამ საქართველოს მხარდამჭერი ერთობლივი განცხადება მიიღო

ეუთო

მილანში ეუთოს საგარეო საქმეთა მინისტრთა საბჭოს 25-ე შეხვედრის ფარგლებში, მსოფლიოს 12-მა ქვეყანამ რუსეთ-საქართველოს კონფლიქტთან დაკავშირებით, საქართველოს მხარდამჭერი ერთობლივი განცხადება გაავრცელა.​ ​ქვეყნები ხაზს უსვამენ კონფლიქტის მშვიდობიანად მოგვარების აუცილებლობას, ასევე გამოხატავენ მზადყოფნას, გააორმაგონ ძალისხმევა რუსეთ-საქართველოს კონფლიქტთან დაკავშირებული საკითხების საერთაშორისო დღის წესრიგში მაღალ დონეზე შენარჩუნებისთვის.

განცხადებას ხელს აწერენ ბულგარეთის, კანადის, ჩეხეთის, ესტონეთის, ლატვიის, ლიეტუვის, პოლონეთის, რუმინეთის, შვედეთის, უკრაინის, გაერთიანებული სამეფოსა და ამერიკის შეერთებული შტატების წარმომადგენლები. 

„კიდევ ერთხელ ვადასტურებთ ჩვენს ურყევ მხარდაჭერას საქართველოს სუვერენიტეტისა და ტერიტორიული მთლიანობისადმი მის საერთაშორისოდ აღიარებულ საზღვრებში.

ვგმობთ, რომ საქართველოში რუსეთის მიერ განხორციელებული შეჭრიდან ათი წლის შემდეგაც, გრძელდება რუსეთის მიერ საქართველოს აფხაზეთისა და სამხრეთ ოსეთის რეგიონების ოკუპაცია, იმ ფონზე, როდესაც კონფლიქტით დაზარალებულ ადგილებში უსაფრთხოებისა და ჰუმანიტარული მდგომარეობა კიდევ უფრო უარესდება.
გამოვხატავთ მტკიცე მხარდაჭერას ამ რეგიონების არაღიარების პოლიტიკისადმი და მოვუწოდებთ ეუთო-ს მონაწილე ყველა სახელმწიფოს, მოიქცნენ ამგვარად.
მოვუწოდებთ რუსეთის ფედერაციას, გააუქმოს საქართველოს აფხაზეთისა და სამხრეთ ოსეთის რეგიონების ე.წ. დამოუკიდებლობის აღიარება.
ხაზს ვუსვამთ კონფლიქტის მშვიდობიანად მოგვარების საჭიროებას, გაეროს ქარტიის, ჰელსინკის დასკვნითი ოქმისა და საერთაშორისო სამართლის ფუნდამენტური ნორმებისა და პრინციპების სრული პატივისცემით. 
მივესალმებით საქართველოს პროგრესს ქვეყნის დემოკრატიისა და კარგი მმართველობის გაძლიერების, ინსტიტუტების გამჭვირვალობის გაუმჯობესების, ადამიანის უფლებების განმტკიცების, ასევე, ევროპული და ევროატლანტიკური ინტეგრაციის პროცესისა და ეკონომიკური განვითარების გზაზე. სამწუხაროა, რომ ამ უპირატესობებით ვერ სარგებლობს საქართველოს აფხაზეთისა და სამხრეთ ოსეთის რეგიონების მოსახლეობა. გვჯერა, რომ რუსეთ-საქართველოს კონფლიქტის მშვიდობიანი მოგვარება დიდ სასიკეთო გავლენას მოახდენს არა მხოლოდ საქართველოზე, არამედ მთლიანად რეგიონზე.

გამოვხატავთ ღრმა შეშფოთებას რუსეთის მიერ გახშირებულ სამხედრო წვრთნებთან და საქართველოს აფხაზეთისა და სამხრეთ ოსეთის რეგიონებში დამატებითი სამხედრო შენაერთების განლაგებასთან დაკავშირებით. რუსეთის მხრიდან ევროკავშირის შუამდგომლობით დადებული 2008 წლის 12 აგვისტოს ცეცხლის შეწყვეტის შესახებ შეთანხმების მუდმივი დარღვევით, ვითარება უარესდება და ზიანდება ის პრინციპები და ნორმები, რომლებზეც დამოკიდებულია ჩვენი უსაფრთხოება.

კიდევ ერთხელ ვადასტურებთ მტკიცე მხარდაჭერას ჟენევის საერთაშორისო მოლაპარაკებების, როგორც უნიკალური და მნიშვნელოვანი ფორმატისადმი, რომელიც პასუხობს რუსეთ-საქართველოს შორის არსებული მოუგვარებელი კონფლიქტიდან მომდინარე გამოწვევებს უსაფრთხოების, ადამიანის უფლებებისა და ჰუმანიტარული კუთხით. ვწუხვართ, რომ მოლაპარაკებების ძირითად საკითხებზე ვერ ხერხდება პროგრესის მიღწევა, მათ შორის, ძალის არგამოყენებისა და იძულებით გადაადგილებულ პირთა და ლტოლვილთა უსაფრთხო, ღირსეული და ნებაყოფლობითი დაბრუნების საკითხებზე და საქართველოს აფხაზეთისა და სამხრეთ ოსეთის რეგიონებში უსაფრთხოების საერთაშორისო მექანიზმების შექმნის საკითხზე, რომლითაც უზრუნველყოფილი იქნება ადგილზე უსაფრთხოება და სტაბილურობა. ხაზს ვუსვამთ, რომ გადამწყვეტი მნიშვნელობა აქვს მონაწილეების მიერ კონფლიქტით დაზარალებულთა უსაფრთხოებისა და ჰუმანიტარული გამოწვევების კეთილსინდისიერად, გრძელვადიანად გადაჭრას და მოლაპარაკებების ძირითად საკითხებზე რეალური შედეგების მიღწევას.

გამოვხატავთ მტკიცე მხარდაჭერას ინციდენტების პრევენციისა და მათზე რეაგირების მექანიზმებისადმი (IPRMs) და ხაზს ვუსვამთ მათ მნიშვნელოვან როლს კონფლიქტის გამწვავების პრევენციის საკითხში. უკიდურეს შეშფოთებას გამოვთქვამთ IPRM-ების უკანასკნელი შეხვედრების ჩაშლასთან დაკავშირებით როგორც გალში, ისე ერგნეთში. მოვუწოდებთ მონაწილეებს, გამონახონ კონფლიქტით დაზარალებული მოსახლეობის უსაფრთხოებისა და ჰუმანიტარული საჭიროებების გადაჭრის შესაბამისი გზები.

ვაფასებთ ევროკავშირის სადამკვირვებლო მისიის (EUMM) წვლილს ადგილზე დაძაბულობის ესკალაციის აღკვეთაში და კიდევ ერთხელ მოვუწოდებთ რუსეთის ფედერაციას, დაუშვას EUMM-ი საქართველოს ოკუპირებულ აფხაზეთისა და სამხრეთ ოსეთის რეგიონებში, რათა მისიამ სრულად განახორციელოს თავისი მანდატი.

ვგმობთ იძულებით გადაადგილებულ პირთა - არჩილ ტატუნაშვილის, გიგა ოთხოზორიასა და დავით ბაშარულის მკვლელობებს და მოვუწოდებთ რუსეთის ფედერაციას, როგორც საქართველოს აფხაზეთისა და სამხრეთ ოსეთის რეგიონებში ეფექტური კონტროლის განმახორციელებელ სახელმწიფოს, არ შეუქმნას დაბრკოლება გამოძიებას, რათა შესაძლებელი გახდეს დამნაშავეთა მართლმსაჯულების წინაშე წარდგენა. ამ კონტექსტში, ჩვენ მხარს ვუჭერთ საქართველოს მიერ გადადგმულ პრევენციულ ნაბიჯებს, რომელთა მიზანია დაუსჯელობის აღკვეთა და საქართველოს აფხაზეთისა და სამხრეთ ოსეთის რეგიონებში ადამიანის უფლებების დარღვევების აღმოფხვრა, ჩვენ ვითვალისწინებთ ტატუნაშვილი-ოთხოზორიას სიის დამტკიცებასთან დაკავშირებით საქართველოს მთავრობის დადგენილებას, რომელიც საქართველოს პარლამენტის რეზოლუციას ეფუძნება. 

ღრმა შეშფოთებას გამოვთქვამთ აფხაზეთისა და სამხრეთ ოსეთის რეგიონებში მცხოვრები ეთნიკურად ქართველი მოსახლეობის დისკრიმინაციასთან დაკავშირებით და ვგმობთ ადამიანის უფლებების ხელყოფის ფაქტებს, მათ შორის, წამების შესახებ ბრალდებებს და სასტიკი ან დამამცირებელი მოპყრობისა ან დასჯის ფაქტებს, ასევე თავისუფალი გადაადგილების, ცხოვრების, საკუთრებისა და მშობლიურ ენაზე განათლების მიღების უფლებების შეზღუდვის შემთხვევებს. შეშფოთებულები ვართ ე.წ. გადასასვლელი პუნქტების დახურვით გამოწვეული შედეგებით.

ვგმობთ იძულებით გადაადგილებულ პირთა საცხოვრებელი სახლების მასობრივი განადგურების ფაქტს, რაც აფხაზეთისა და სამხრეთ ოსეთის რეგიონებში ეთნიკურად ქართველი მოსახლეობისა და კულტურული მემკვიდრეობის კვალის სრული გაქრობისკენ რუსეთის მიზანმიმართული პოლიტიკის გამოხატულებაა. მხარს ვუჭერთ იძულებით გადაადგილებულ პირთა და ლტოლვილთა ნებაყოფლობით დაბრუნებას თავიანთი წარმოშობის ადგილებში.

ხაზგასმით აღვნიშნავთ, რომ მავთულხლართებისა და სხვა ხელოვნური ბარიერების აღმართვით საოკუპაციო ხაზის გამაგრების მიმდინარე პროცესი კიდევ უფრო ამძიმებს კონფლიქტით დაზარალებული მოსახლეობის ადგილზე არსებულ ჰუმანიტარულ მდგომარეობას.

მოვუწოდებთ რუსეთის ფედერაციას, შეფერხების გარეშე დაუშვას ადამიანის უფლებათა საერთაშორისო მონიტორინგის მექანიზმები აფხაზეთისა და სამხრეთ ოსეთის რეგიონებში. 

მხარს ვუჭერთ საქართველოს მთავრობის პოლიტიკას კონფლიქტის მშვიდობიან მოგვარებასთან დაკავშირებით. მივესალმებით საქართველოს მიერ ევროკავშირის შუამდგომლობით დადებული 2008 წლის 12 აგვისტოს ცეცხლის შეწყვეტის შესახებ შეთანხმების შესრულებას და მოვუწოდებთ რუსეთის ფედერაციას, პატივი სცეს მის მიერ აღებულ საერთაშორისო ვალდებულებებს და სრულად შეასრულოს ზემოხსენებული ცეცხლის შეწყვეტის შეთანხმება, მათ შორის, გაიყვანოს თავისი სამხედრო ძალები საქართველოს ოკუპირებული ტერიტორიებიდან.

მივესალმებით ძალის არგამოყენების შესახებ საქართველოს მიერ აღებულ ცალმხრივ ვალდებულებას და მოვუწოდებთ რუსეთის ფედერაციას, ნაცვალგების საფუძველზე მოიქცეს ამგვარადვე, დაადასტუროს და შეასრულოს ძალის არგამოყენების ვალდებულება.

მივესალმებით საქართველოს მთავრობის ძალისხმევას, რომელიც მიმართულია დაყოფილ საზოგადოებას შორის შერიგებისა და ნდობის აღდგენისაკენ. კიდევ ერთხელ ვუცხადებთ მხარდაჭერას საქართველოს მთავრობის სამშვიდობო ინიციატივას - „ნაბიჯი უკეთესი მომავლისკენ“, რომელიც მიზნად ისახავს დაყოფილ საზოგადოებას შორის ნდობისა და ურთიერთობის აღდგენას, ასევე, საქართველოს აფხაზეთისა და სამხრეთ ოსეთის რეგიონებში მცხოვრები მოსახლეობის ჰუმანიტარული და სოციალურ-ეკონომიკური მდგომარეობის გაუმჯობესებას.

მივესალმებით საქართველოს მთავრობის დიალოგის პოლიტიკას რუსეთის ფედერაციასთან, რომელიც მიმართულია დაძაბულობის დეესკალაციისკენ საქართველოს სუვერენიტეტისა და საერთაშორისოდ აღიარებულ საზღვრებში ტერიტორიული მთლიანობის სრული პატივისცემით.

მოვუწოდებთ ეუთოს, კიდევ უფრო აქტიურად ჩაერთოს რუსეთ-საქართველოს კონფლიქტის მშვიდობიანად მოგვარებაში და ხელი შეუწყოს ომითა და საოკუპაციო ხაზით დაყოფილ საზოგადოებას შორის ნდობის აღდგენასა და ჩართულობას. 

მოვუწოდებთ ეუთოს მონაწილე სახელმწიფოებს, შეთანხმდნენ საქართველოში ეუთოს მრავალგანზომილებიანი მისიის გახსნაზე, კონფლიქტით დაზარალებული ადამიანების სასარგებლოდ, რომელსაც, ექნება მონიტორინგის განხორციელების შესაძლებლობა როგორც აფხაზეთის, ისე სამხრეთ ოსეთის რეგიონებში. მისია მნიშვნელოვნად გააძლიერებს ეუთოს ჩართულობას როგორც ჟენევის საერთაშორისო მოლაპარაკებებსა და ინციდენტის პრევენციისა და მათზე რეაგირების მექანიზმებში, ასევე ნდობის აღდგენის მექანიზმების განხორციელებაში“, - წერია განცხადებაში.

ყველა სიახლე

ლეონარდო და ვინჩის „მონა ლიზა“

24 მაისი 2019, 17:04

ტექნოლოგიები

Samsung-ის ხელოვნურმა ინტელექტმა მონა ლიზა „გააცოცხლა“

მკვლევრებმა შექმნეს სისტემა, რომელიც შესაძლებლობას იძლევა ერთი ადამიანის პორტრეტით ანიმირებული სახე შექმნათ. ეს კი არამხოლოდ ფოტოთი, არამედ ნახატის მეშვეობითაც შესაძლებელია. პროექტის ფარგლებში Samsung-მა სალვადორ დალის, ალბერტ აინშტაინის, ფიოდორ დოსტოევსკისა და მერლინ მონროს ვიდეოები შექმნა.

24 მაისი 2019, 16:59

საქართველო

კვლევა: საქართველოში საწვავის არჩევისას მომხმარებელი ყურადღებას ჯერ ფასს აქცევს, შემდეგ კი ხარისხს

კვლევის მიხედვით, ბოლო 5 წელიწადში ნავთობის მსოფლიო ფასი 48%-ით შემცირდა, თუმცა საწვავი არ გაიაფდა იმის გამო, რომ ლარი დოლარის მიმართ 53%-ით გაუფასურდა და საწვავზე აქციზის გადასახადი გაიზარდა.

კვლევა

24 მაისი 2019, 16:59

ტექნოლოგიები

კვლევა: სითბოში ქალები უფრო კარგად მუშაობენ

როგორც სპეციალისტები განმარტავენ, ქალებისა და კაცების შრომისუნარიანობის მართვა შესაძლებელია, თუ ყურადღებას მივაქცევთ შენობაში ჰაერის ტემპერატურას. მეცნიერების თქმით, ასეთი განსხვავების მიზეზი შესაძალოა ნივთიერებათა ცვლა იყოს: კაცებში ბიოქიმიური პროცესები ორგანიზმში უფრო სწრაფია, ვიდრე ქალებში.

24 მაისი 2019, 16:29

სპორტი

სოციალურ ქსელში ტოჩინოშინის მხარდამჭერი პეტიცია გაჩნდა

ნაცუ ბაშოს ტურნირის მე-13 საშეჯიბრო დღეს, ტოჩინოშინი მერვე მაეგაშირა ასანოიამასთან ბრძოლაში დამარცხდა, თუმცა ამ ბრძოლამ კითხვის ნიშნები გააჩინა. სოციალურ ქსელში გაჩნდა პეტიცია, რომელშიც ქართველი სუმოისტისთვის სამართლიანობის აღდგენას ითხოვენ.

24 მაისი 2019, 16:23

მსოფლიო

ირანში პოლიციამ იოგას 30-კაციანი ჯგუფი დააკავა

ირანში პროფესიონალურ დონეზე იოგას სწავლება აკრძალულია, ასევე აკრძალულია სპორტულ აქტივობებში ქალებისა და კაცების ერთად მონაწილეობა.

Facebook

24 მაისი 2019, 16:20

ტექნოლოგიები

Facebook-ი საკუთარ კრიპტოვალუტას 2020 წელს გამოუშვებს

GlobalCoin-ი, ასეთი სახელწოდებით გამოჩნდება Facebook-ის ციფრული ვალუტა, რომელიც ონლაინ გადახდის სისტემაში პირველ ეტაპზე ათობით ქვეყანაში იქნება ინტეგრირებული. გამოცემის ინფორმაციით, სოციალური მედიის გიგანტს სურს თავისი კრიპტოვალუტა წლის ბოლომდე გამოსცადოს.

პატიმრები

24 მაისი 2019, 16:19

საქართველო

​პრეზიდენტმა 11 მსჯავრდებული შეიწყალა

დღეს საქათველოს პრეზიდენტმა, საქართველოს კონსტიტუციით მინიჭებული დისკრეციის ფარგლებში, 8 თავისუფლებააღკვეთილი მსჯავრდებული შეიწყალა, რომლებიც თავისუფლების აღკვეთის დაწესებულებებს დღესვე დატოვებენ

გიორგი მიქაუტაძე

24 მაისი 2019, 16:06

საქართველო

მიქაუტაძემ სააპელაციო სასამართლოს საქმეთა პალატიდან თავისი კანდიდატურა მოხსნა

სააპელაციო სასამართლოს ადმინისტრაციულ საქმეთა პალატაში კანდიდატურა მოხსნა იუსტიციის უმაღლესი საბჭოს მდივანმა გიორგი მიქაუტაძემ, თუმცა მასზე საქალაქო სასამართლოში უვადოდ გამწესებაზე უნდა იმსჯელონ

ბავშვი

24 მაისი 2019, 16:05

საქართველო

დასახელდა კომპანია რომელიც საბავშვო ბაღებს საკვებით მოამარაგებს

"მოლაპარაკების შედეგად შეირჩა კომპანია "მზიური", რომელსაც გააჩნია 15-წლიანი სადისტრიბუციო გამოცდილება (თვეში 4500 სავაჭრო ობიექტის მომარაგებას ახდენს). კომპანია საჯარო ბაგა-ბაღებს 60 დასახელების საკვებ პროდუქტს დროულად მიაწვდის და აიღებს სრულ პასუხისმგებლობას მათ ხარისხზე,"- წერია განცხადებაში.

24 მაისი 2019, 15:37

ტაბლოიდი

უცნობები ამერიკელი კაცის სახლში შეიჭრნენ და ოთახები დაულაგეს

ამერიკელი კაცი ნეიტ რომანი თავის შვილთან ერთად მასაჩუსეტსში სახლში დაბრუნდა, როდესაც აღმოაჩინა, რომ კარი ღია იყო. ამერიკელმა ივარაუდა, რომ სახლში ქურდები შეიჭრნენ, თუმცა შვილის ოთახი თავიდან ბოლომდე დალაგებული დახვდა და გარდა ამისა, საპირფარეშოში ტუალეტის ქაღალდისგან გაკეთებული ვარდი იპოვა.

ჟურნალისტები

24 მაისი 2019, 15:02

საქართველო

„რუსთავი 2“-ის ერთ-ერთი მეწილე პარტნიორთა კრებაზე მედიის დასწრებას ითხოვს

რაც შეეხება დავის საგანს, კერძო ტელეკომპანიის 9-პროცენტიანი წილის მფლობელი სხვა მეწილეებისა და არხის მენეჯმენტისგან 28 მილიონს ითხოვს, ადვოკატის განცხადებით ამ თანხიდან ზიანის მიყენებისთვის ნიჟარაძე მილიონნახევარს მიიღებს, დანარჩენ ფინანსებს კი ისევ ტელეკომპანიისკენ მიმართავს.

ირმა ხეცურიანი

24 მაისი 2019, 14:44

სპორტი

ირმა ხეცურიანმა მსოფლიო თასზე მე-16 ოქროს მედალი მოიპოვა

ქართველმა პარასპორტსმენებმა სან-პაულუს 2019 წლის მსოფლიო თასზე წარმატებით იასპარეზეს. ირმამ ოქროს მედალი დაისაკუთრა, ნინო თიბილაშვილმა კი ბრინჯაოს მედალი. სან პაულუმ ეტლით ფარიკაობაში 2019 წლის მსოფლიო თასის მორიგ გათამაშებას უმასპინძლა.

დავით გარეჯი

24 მაისი 2019, 14:38

საქართველო

დავით გარეჯში აღდგომის ტაძრამდე მისასვლელი გზა ჩაკეტილია. ვიდეო

ცნობილია, რომ შეხვედრის დაწყებამდე ქართული მხარე დაინტერესდა კონკრეტულად, რას ემსახურებოდა და რა ტიპის სამუშაოები მიმდინარეობდა სასაზღვრო ტერიტორიაზე. პროცესს თვალს ადევნებს საპატრიარქოც. აქვე გეტყგვით, რომ დავით გარეჯიდან ადგილობრივი გიდი აცხადებს, რომ სამონასტრო კომპლექსის ტერიტორიაზე, აზერბაიჯანულმა მხარემ გზის გაყვანა კვლავ დაიწყო.

კადრი ჩერნობილიდან

24 მაისი 2019, 14:00

კულტურა

„ჩერნობილი“ IMDb-ზე ყველაზე მაღალრეიტინგული სერიალია

სერიალის პრემიერა 3 კვირის წინ შედგა და ამჟამად მხოლოდ 5 ეპიზოდია გამოსული, თუმცა IMDb-ზე 9.5 შეფასებით უკვე მოახერხა "პლანეტა დედამიწა 2-ისთვის", სერიალ "მძიმე დანაშაულისა" და "სამეფო კარის თამაშებისთვის" გადაესწრო.

24 მაისი 2019, 14:00

საქართველო

ბსუ-ში მოუსმინეს სტუდენტს, რომელიც ლექტორს სექსუალურ შევიწროებაში ადანაშაულებს

ომარ მახარაძე საქართველოში 28 მაისს ჩამოვა, რის შემდეგაც მას არა მხოლოდ უნივერსიტეტში, არამედ სამართალდამცავ უწყებაშიც გამოკითხავენ. შინაგან საქმეთა სამინისტრომ ბათუმში ლექტორის მიერ სტუდენტის სავარაუდო სექსუალურ შევიწროებაზე გამოძიება დაიწყო.

24 მაისი 2019, 13:49

ტაბლოიდი

ტაივანში გეი წყვილების მასობრივი ქორწინება გაიმართა

17 მაისს, ტაივანი გახდა პირველი აზიური ქვეყანა, რომელმაც ერთნაირსქესიანთა ქორწინება დააკანონა. 23 მაისს, ქვეყანაში „საყოველთაო ქორწინება“ გაიმართა, რომლის დროსაც ხელი მოაწერეს როგორც ჰომოსექსუალმა ასევე ჰეტეროსექსუალმა წყვილებმა.

 სალომე ზურაბიშვილი და ვან ი

24 მაისი 2019, 13:46

საქართველო

ზურაბიშვილი ჩინეთის სახალხო რესპუბლიკის საგარეო საქმეთა მინისტრს შეხვდა

საქართველოს პრეზიდენტმა რეგიონში არსებული ვითარებისა და რეგიონის ქვეყნებთან ურთიერთობების შესახებ ილაპარაკა. თავის მხრივ, შეხვედრისას ჩინეთის სახალხო რესპუბლიკის საგარეო საქმეთა მინისტრი ჩინეთის საერთაშორისო გამოწვევებს, აშშ-სა და რუსეთთან ურთიერთობებს შეეხო.

ტერეზა მეი

24 მაისი 2019, 13:23

მსოფლიო

ტერეზა მეიმ ბრიტანელებისადმი მიმართვა ტირილით დაასრულა. ვიდეო

დიდ ბრიტანეთში პოლიტიკური კრიზისი Brexit-მა გამოიწვია. Brexit-ის ახალი გეგმა ტერეზა მეიმ ცოტა ხნის წინ თემთა პალატასაც წარუდგინა. პრემიერმინისტრმა დასძინა, რომ თუ კანონმდებლები დოკუმენტს მხარს დაუჭერდნენ, ის კომპრომისზეც წავიდოდა.

ევერესტი

24 მაისი 2019, 13:18

მსოფლიო

ალპინისტები ევერესტზე საცობში მოჰყვნენ

ევერესტის მწვერვალზე მიმავალ გზაზე ადამიანების ცოცხალი რიგი წარმოიქმნა, რის გამოც ორი ალპინისტი დაიღუპა. CNN-ის ცნობით, ალპინისტი ანჯალი კულკარნი მწვერვალიდან უკანა გზაზე დაიღუპა. მთამსვლელები, რომლებიც სოციალურ ქსელში ფოტოებს აქვეყენებენ, ამბობენ, რომ საცობში დაახლოებით 320 ადამიანი იდგა.

ყაველაშვილის ქუჩა #10, თბილისი

24 მაისი 2019, 13:09

საქართველო

თბილისში საცხოვრებელი სახლის აივანი ჩამოინგრა. ვიდეო

როგორც Imedinews-ს საგანგებო სიტუაციების სამსახურში განუცხადეს, მომხდარიდან რამდენიმე წუთში მეხანძრე-მაშველები გამოცხადდნენ და მოსახლეობის ევაკუაცია განახორციელეს. შემთხვევის შედეგად არავინ დაშავებულა.