ეროვნული გამოცდებისთვის 39 300-ზე მეტი აბიტურიენტი დარეგისტრირდა
ფოტო: Shutterstock.com
ერთიანი ეროვნული გამოცდებისა და საერთო სამაგისტრო გამოცდის ჩაბარების მსურველთა, ასევე მასწავლებელთა კომპეტენციის დადასტურებისა და სტუდენტთა საგრანტო კონკურსის მონაწილეთა რეგისტრაცია დასრულდა. ინფორმაციას გამოცდების ეროვნული ცენტრი აქვეყნებს.
რეგისტრირებულთა რაოდენობა:
• აბიტურიენტები - 39 300-ზე მეტი;
• სტუდენტები - 3 600-ზე მეტი;
• მაგისტრობის კანდიდატები - 12 600-ზე მეტი;
• მასწავლებლები და მასწავლებლობის მსურველები - 19 600-ზე მეტი.
პანდემიის გამო შექმნილი ვითარებისა და გამოცდებში მონაწილეობის მსურველთა ინტერესების გათვალისწინებით, საქართველოს განათლების, მეცნიერების, კულტურისა და სპორტის სამინისტრომ შეფასებისა და გამოცდების ეროვნულ ცენტრთან ერთად გამოცდებზე რეგისტრაციის ვადის გახანგრძლივების გადაწყვეტილება მიიღო, რის შედეგადაც რეგისტრაცია (30 მარტის ნაცვლად) 30 აპრილის 18:00 საათზე დასრულდა.
ამ ეტაპზე ერთიანი ეროვნული გამოცდების ჩატარების ვადების ცვლილება არ განიხილება. ჩვეულებრივ, გამოცდები ივლისში ტარდება და მისი ჩატარების ზუსტი თარიღები ივნისში განისაზღვრება.
სამინისტრო და შეფასებისა და გამოცდების ეროვნული ცენტრი აქტიურად მუშაობენ საგამოცდო პროცესის უსაფრთხოდ ჩატარების გეგმაზე და მუდმივად გადიან კონსულტაციებს ჯანდაცვის სფეროს წარმომადგენლებთან.
ამ რეკომენდაციების შედეგად განისაზღვრება გამოცდების ჩატარების ზუსტი თარიღები. შეფასებისა და გამოცდების ეროვნული ცენტრი ადმინისტრირებისთვის სრულ მზადყოფნაშია და იმოქმედებს ეპიდსიტუაციისა და რეკომენდაციების შესაბამისად.
საგამოცდო პროცესის ორგანიზებისას გათვალისწინებული იქნება უსაფრთხოების ყველა ზომა, მათ შორის დისტანცირების, ჰიგიენური ნორმების დაცვისა და დეზინფექციის საკითხები.
შეფასებისა და გამოცდების ეროვნული ცენტრის მთავარი ამოცანაა, ერთი მხრივ, მაქსიმალურად დაიცვას გამოცდებში მონაწილეთა ჯანმრთელობა და უსაფრთხოება, მეორე მხრივ კი, საგამოცდო პროცესი სრულყოფილად წარმართოს. ნებისმიერი დამატებითი ინფორმაცია დაუყოვნებლივ გახდება ცნობილი საზოგადოებისათვის.
აბიტურიენტთა საყურადღებოდ: ერთიანი ეროვნული გამოცდებისათვის რეგისტრაცია წელსაც რამდენიმე ეტაპად ტარდება. ჩასაბარებელი საგნის შეცვლა (წაშლა, დამატება), გამოცდის ენის შეცვლა ან კონკურსის (შემოქმედებითი ტურის) არჩევა აბიტურიენტებს 2020 წლის 7 მაისის 18:00 საათამდე შეეძლებათ, საგანმანათლებლო პროგრამების შეცვლისა და დამატების შესაძლებლობა კი - აპელაციების შედეგების გამოქვეყნებიდან მომდევნო დღის ჩათვლით.
ცენტრი კვლავ მართავს ღია კარის დღეებს ონლაინრეჟიმში როგორც აბიტურიენტთა, ასევე მასწავლებლებისა და მასწავლებლობის მსურველთა მაქსიმალური ინფორმირების მიზნით.
აბიტურიენტებს მათთვის საინტერესო კითხვებზე პასუხის მიღება სხვადასხვა საგნობრივი ჯგუფის წარმომადგენლებისაგან შეუძლიათ ცენტრის ფეისბუქგვერდზე ყოველ ოთხშაბათს, 13:00 საათიდან 16:00 საათამდე, მასწავლებლებსა და მასწავლებლობის მსურველებს კი - ყოველ ხუთშაბათს, 13:00 საათიდან 16:00 საათამდე. გარდა ამისა, 24-საათიან რეჟიმში მუშაობს ცენტრის ცხელი ხაზი.
ყველა სიახლე
10 მაისი 2026, 17:59
პოლიტიკა
შალვა პაპუაშვილი 9 მაისისა და ევროპის დღის შესახებ: ეჭვი მაქვს, არის მცდელობა, ჩაანაცვლონ ფაშიზმზე გამარჯვების დღე სხვა დღეებით, რაც არის ისტორიული უმადურობა მსხვერპლის წინაშე, რომელიც გაიღეს სხვადასხვა ხალხმა
სამწუხაროდ, გუშინაც ვიხილეთ იგივე მცდელობა, რომ დაჩრდილონ გამარჯვების დღე და უკვე ეჭვი მაქვს, არის მცდელობა, ჩაანაცვლონ ფაშიზმზე გამარჯვების დღე სხვა დღეებით, ამ შემთხვევაში, ევროკავშირის დღით, რაც არის ისტორიული უმადურობა იმ მსხვერპლის წინაშე, - განაცხადა საქართველოს პარლამენტის თავმჯდომარემ, შალვა პაპუაშვილმა.
10 მაისი 2026, 17:55
პოლიტიკა
შალვა პაპუაშვილი გერმანიის საგარეო უწყების ვებგვერდზე საქართველოს შესახებ მონაცემების არგანახლებაზე: ეს არის თავდასხმა საქართველოს სუვერენიტეტზე, ამ თავდასხმას სათანადო პასუხი სჭირდება და ამას აკეთებს საგარეო საქმეთა სამინისტრო
ეს არის თავდასხმა საქართველოს სუვერენიტეტზე, ამ თავდასხმას სათანადო პასუხი სჭირდება და ამას აკეთებს კიდეც საქართველოს საგარეო საქმეთა სამინისტრო, - განაცხადა საქართველოს პარლამენტის თავმჯდომარემ შალვა პაპუაშვილმა.
10 მაისი 2026, 17:45
პოლიტიკა
შალვა პაპუაშვილი: უნდა შეწყდეს, გაუქმდეს ის მტრული რეზოლუციები, რომელიც საქართველოსთან დაკავშირებით მიიღება. კიდევ ერთხელ ვურჩევ ყველას ევროკავშირში, საქართველოსგან ნუ ქმნიან მტრის ხატს, რასაც ჩვენ დღეს ვაკვირდებით
ჩემი რჩევა იქნება, რომ გულმოდგინედ წაიკითხონ ეს წერილი და გაიაზრონ და მიიღონ იქ რაც წერია. ეს უპირველეს ყოვლისა გამოადგება თავად ევროკავშირს და გამოადგება ჩვენს ორმხრივ ურთიერთობებს, - განუცხადა ქართველ ჟურნალისტებს სლოვაკეთში საქართველოს პარლამენტის თავმჯდომარემ, შალვა პაპუაშვილმა.
10 მაისი 2026, 17:38
პოლიტიკა
პაპუაშვილი ეკლესიაზე თავდასხმაზე: ზოგადად არის მცდელობა, რომ ნებისმიერი მნიშვნელოვანი საკითხი გამოიყენონ, რომ საზოგადოება გაყონ - ასეთი მომენტები არის კარგი ინდიკატორი იმისთვის, რომ ამოვიცნოთ, ვინ არის, ვინც ქართულ საზოგადოებას მტრობს
ზოგადად არის მცდელობა, რომ ნებისმიერი მნიშვნელოვანი საკითხი გამოიყენონ იმისთვის, რომ საზოგადოება გაყონ და შეიტანონ დაპირისპირება. ამიტომ ასეთი მომენტები არის კარგი ინდიკატორი იმისთვის, რომ ამოვიცნოთ, ვინ არის ის, ვინც ქართულ საზოგადოებას მტრობს, - განაცხადა საქართველოს პარლამენტის თავმჯდომარემ შალვა პაპუაშვილმა ეკლესიის საწინააღმდეგო კამპანიის შეფასებისას.
10 მაისი 2026, 17:30
პოლიტიკა
შალვა პაპუაშვილი სლოვაკეთში ვიზიტზე: ორმხრივ ურთიერთობებთან ერთად მნიშვნელოვანია ევროპული ინტეგრაციის პროცესში იმ ქვეყნებთან ურთიერთობა, რომლებიც ქართველი ხალხის მიმართ მეგობრულ პოლიტიკას აწარმოებენ
გვაქვს შესაძლებლობა, რომ ოფიციალური ვიზიტის ფარგლებში ვეწვიოთ სლოვაკეთს, სლოვაკეთის პარლამენტის თავმჯდომარესთან და კოლეგებთან მექნება შეხვედრა, - განაცხადა ჟურნალისტებთან საქართველოს პარლამენტის თავმჯდომარემ შალვა პაპუაშვილმა.
10 მაისი 2026, 17:16
პოლიტიკა
შალვა პაპუაშვილი გერმანიის ელჩზე: ვფიქრობდი, რომ ბატონ პეტერს მხოლოდ ვენის კონვენციასთან ჰქონდა პრობლემა, მაგრამ როგორც ჩანს, მას ზრდილობასთანაც პრობლემა აქვს - ფაქტია, მთელი საზოგადოება სულმოუთქმელად ველით, როდის დატოვებს ის საქართველოს
ვფიქრობდი, რომ ბატონ პეტერს მხოლოდ ვენის კონვენციასთან ჰქონდა პრობლემა, მაგრამ როგორც ჩანს, მას ზრდილობასთანაც პრობლემა აქვს, - განაცხადა საქართველოს პარლამენტის თავმჯდომარემ შალვა პაპუაშვილმა მედიასთან საქართველოში გერმანიის ელჩთან, პეტერ ფიშერთან დაკავშირებით.
10 მაისი 2026, 16:12
საზოგადოება
შსს: საქართველოს პატრიარქის არჩევასთან დაკავშირებით ხვალ სამების საკათედრო ტაძრის მიმდებარე ტერიტორიაზე საავტომობილო მოძრაობა დროებით შეიზღუდება
საქართველოს პატრიარქის არჩევასთან დაკავშირებით 11 მაისს, 09:00 საათიდან 18:00-მდე სამების საკათედრო ტაძრის მიმდებარე ტერიტორიაზე საავტომობილო მოძრაობა დროებით შეიზღუდება, - აღნიშნულია შს სამინისტროს მიერ გავრცელებულ ინფორმაციაში.
10 მაისი 2026, 15:54
სამართალი
პროკურატურამ განზრახ მკვლელობის მცდელობის ფაქტზე ერთ პირს ბრალდება წარუდგინა
შინაგან საქმეთა სამინისტროს მიერ ჩატარებული გამოძიებით დადგინდა, რომ 8 მაისს, ლაგოდეხის მუნიციპალიტეტის სოფელ ვარდისუბანში, ბრალდებულმა სანადირო თოფიდან გასროლებით დაზარალებულს სიცოცხლისთვის სახიფათო დაზიანებები მიაყენა. გადაუდებელი სამედიცინო დახმარების შედეგად დაზარალებულის გადარჩენა მოხერხდა.
10 მაისი 2026, 15:45
მსოფლიო
რობერტ ფიცო: თუ უკრაინის პრეზიდენტი დაინტერესებულია პუტინთან შეხვედრით, მან თავის რუს კოლეგას ტელეფონით უნდა დაუკავშირდეს
„უკრაინის პრეზიდენტის, ვოლოდიმირ ზელენსკის გზავნილი რუსეთის პრეზიდენტს გადავეცი. სომხეთში ჩვენი პირადი შეხვედრისას ზელენსკიმ მითხრა, რომ მზად არის პუტინს ნებისმიერ ფორმატში შეხვდეს. პასუხი აშკარაა: თუ უკრაინის პრეზიდენტი დაინტერესებულია შეხვედრით, მან თავის რუს კოლეგას ტელეფონით უნდა დაუკავშირდეს“, - განაცხადა ფიცომ ვიდეომიმართვაში.
10 მაისი 2026, 15:19
პოლიტიკა
ცოტნე ანანიძე პოდოლიაკს: რატომ გამოუშვით სააკაშვილი სახელმწიფო გადატრიალების იმედით? საქართველოს ხელისუფლებას რომ მსგავსი სპეცოპერაცია დაეგეგმა თქვენ წინააღმდეგ, არ დარჩებოდა ადგილი, სადაც ამაზე არ ისაუბრებდით
„საქართველოს ხელისუფლებას რომ მსგავსი სპეცოპერაცია დაეგეგმა თქვენს წინააღმდეგ, ალბათ დედამიწის ზურგზე არ დარჩებოდა ადგილი, სადაც ამ აგრესიულ ჩარევაზე არ ისაუბრებდით. საკუთარ ქმედებებზე პასუხისმგებლობის აღებაც საჭიროა”, - წერს ცოტნე ანანიძე სოციალურ ქსელში.
10 მაისი 2026, 14:48
მსოფლიო
ესპანეთმა დაიწყო მგზავრების ევაკუაცია ლაინერიდან, რომელზეც ჰანტავირუსი დაფიქსირდა
საკრუიზო ლაინერი, რომელზეც ჰანტავირუსით მგზავრის გარდაცვალება დაფიქსირდა, კანარის კუნძულებზე, ტენერიფეში ჩავიდა. გრანადილის პორტში 100-ზე მეტი ადამიანის ნაპირზე გადასაყვანად და რეპატრიაციისთვის, ინტენსიური მზადება მიმდინარეობს. მგზავრების ხმელეთზე გადმოყვანამდე, ხომალდზე სამედიცინო ჯგუფები ავლენ, რათა ყველა ადამიანი ვირუსის ნიშნებზე შეამოწმონ.
10 მაისი 2026, 14:33
სპორტი
ზურიკო დავითაშვილმა „ამიენს“ გაუტანა⚽
საფრანგეთის ლიგა 2-ის ბოლო ტურში „სენტ-ეტიენმა“ საკუთარ სტადიონზე „ამიენი“ 5-0 დაამარცხა. მასპინძლების ქართველი ფეხბურთელი მოედანზე 56-ე წუთზე შევიდა და 69-ე წუთზე გოლი გაიტანა. შეხვედრის დასრულებამდე ხუთით ადრე კი საგოლე პასი შეასრულა.
10 მაისი 2026, 14:31
სპორტი
სტუდენტური ფესტივალის ფარგლებში 4 სპორტული შეჯიბრება გაიმართა
სტუდენტური ახალგაზრდული ფესტივალი აერთიანებს სპორტულ, კულტურულ, საგანმანათლებლო, ინტერმედიისა და მოხალისეობრივ მიმართულებებს.
10 მაისი 2026, 14:25
კულტურა
ბოლნისის თეატრის სცენაზე მესტიის კულტურისა და ხელოვნების ცენტრმა მაყურებელს სპექტაკლი „ბეთქილი“ წარუდგინა
სცენაზე გაცოცხლდა სვანური ლეგენდა მონადირე ბეთქილისა და ნადირობის ქალღმერთ დალის შესახებ, ისტორია სიყვარულზე, არჩევანზე და ბედისწერაზე, რომელიც თაობიდან თაობას გადაეცემა. სპექტაკლში წარმოდგენილი იყო სვანური მითოლოგიის გამორჩეული გმირების დრამატული ამბავი, რომელმაც მაყურებელში დიდი ინტერესი და მოწონება გამოიწვია.
10 მაისი 2026, 14:22
მსოფლიო
მაიამიში ნავზე ინციდენტის შედეგად რამდენიმე ადამიანი დაშავდა
ინციდენტის ოფიციალური მიზეზი ჯერ არ სახელდება. ნავით საკურორტო ქალაქის ღირსშესანიშნაობების დასათვალიერებლად ტურისტები მგზავრობდნენ.
10 მაისი 2026, 14:17
მსოფლიო
პაკისტანში აფეთქებას სულ მცირე 12 ადამიანი ემსხვერპლა
პაკისტანის ქალაქ ბანუში პოლიციის განყოფილებასთან ავტომობილის აფეთქების შედეგად სულ მცირე 12 სამართალდამცველი დაიღუპა. შემთხვევის ადგილზე სასწრაფო დახმარების და სამაშველო სამსახურების ბრიგადებია მობილიზებული. ადგილობრივ საავადმყოფოებში კი საგანგებო რეჟიმი გამოცხადდა.
10 მაისი 2026, 14:15
მსოფლიო
Bloomberg: ახლო აღმოსავლეთში ომის დროში გაწელვისა და ჰორმუზის სრუტის ბლოკადის ფონზე, ნავთობის მსოფლიო მარაგი იკლებს
სააგენტო Bloomberg-ის ინფორმაციით, ახლო აღმოსავლეთში ომის დროში გაწელვისა და ჰორმუზის სრუტის ბლოკადის ფონზე, ნავთობის მსოფლიო მარაგი იკლებს, რაც შესაძლოა საწვავის კიდევ გაძვირების მიზეზი გახდეს. სააგენტო სპეციალისტებზე დაყრდნობით იმასაც ვარაუდობს, რომ ენერგობაზარი კონფლიქტის დასრულების შემდეგაც გარკვეული ხნით მოწყვლადი დარჩება.
10 მაისი 2026, 14:10
საზოგადოება
მეუფე შიო: ისევე, როგორც 49 წლის წინ სრულიად საქართველოს კათოლიკოს-პატრიარქ ილია მეორის გამორჩევით მრავალი სიკეთე აღსრულდა ჩვენს ეკლესიასა და ერში, ხვალინდელი დღეც ყოფილიყოს საწინდარი ილია მეორის გზის გაგრძელებისა
„მხოლოდ ამ მადლის მეშვეობით შეგვეძლება ჩვენ, ღირსეულად და წარმატებით ჩავატაროთ ის დიდი მოვლენა, რაც ხვალ ყველას გველის - ეს არის დიდი, გაფართოებული საეკლესიო კრება, რომელზეც ახალი კათოლიკოს-პატრიარქის გამორჩევა უნდა მოხდეს. ვევედროთ უფალს, რომ მოგვცეს ეს მადლი, ეს ცოცხალი წყალი, რომ შეგვაძლებინოს მივიღოთ გადაწყვეტილება ბრძნული, გონიერი, ღვთის ნებით, ჩვენი ეკლესიისთვის და ჩვენი ერისთვის სასარგებლო და ისევე, როგორც 49 წლის წინ სრულიად საქართველოს კათოლიკოს-პატრიარქ ილია მეორის გამორჩევით მრავალი სიკეთე აღსრულდა ჩვენს ეკლესიასა და ერში, ხვალინდელი დღეც ყოფილიყოს საწინდარი კათოლიკოს-პატრიარქ ილია მეორის გზის გაგრძელებისა. ეს არის გზა მართლმადიდებელი ეკლესიის ერთგულების, ღვთის მსახურების, ხალხის სიყვარულის, ერთსულოვნებაზე ზრუნვის, საქართველოში მშვიდობისა და გაერთიანების თავგანწირული მსახურების“, - განაცხადა მეუფე შიომ.
10 მაისი 2026, 13:32
რეგიონი
დაბა ხულოში ცენტრალური სკვერი მოეწყო
ინფრასტრუქტურული პროექტის ფარგლებში აღიმართა საქართველოს ეროვნული დროშა და დაიდგა ქართველი პროზაიკოსის, ჰიმნოგრაფის, მწიგნობრისა და ასტრონომის, ტბელ აბუსერიძის ძეგლი. ასევე განხორციელდა გამწვანების სამუშაოები - ტერიტორიაზე სხვადასხვა სახეობის ხე-მცენარეები დაირგო
10 მაისი 2026, 12:37
თავდაცვა
ვაზიანში წვრთნისა და შეფასების სწავლება გაიმართა
საქართველოს თავდაცვის ძალების აღმოსავლეთის სარდლობის მე-4 ქვეითი ბრიგადის 42-ე შერეული ჯავშანსატანკო ბატალიონის სამხედროებმა ჩაატარეს ამოცანაზე ორიენტირებული საველე სწავლება, რომელშიც ბატალიონის სატანკო და მექანიზებული ასეულებიც მონაწილეობდნენ.