ეკატერინე ტიკარაძე: სასწრაფო დახმარების​ ავტოპარკის განახლება მნიშვნელოვანია იმ სერვისის უზრუნველსაყოფად, რომელიც მოქალაქეს სჭირდება

„2014 წლიდან, ქვეყნის მასშტაბით, 362 მანქანა შევიძინეთ. დღეს, 2020 წელს ეს მანქანები ნაწილობრივ ჩავანაცვლეთ და წელს 140 მანქანით განახლდა ავტოპარკი. ეს ძალიან მნიშვნელოვანია იმისთვის, რომ უზრუნველვყოთ ის სერვისი, რომელიც მოქალაქეს სჭირდება. ამასთან, მნიშვნელოვანია მანქანების უსაფრთხო აღჭურვა“ - განაცხადა დევნილთა, შრომის, ჯანმრთელობისა და სოციალური დაცვის მინისტრმა, ეკატერინე ტიკარაძემ თბილისში, რესპუბლიკის მოედანზე გამართულ პრეზენტაციაზე.

უწყების ხელმძღვანელმა საგანგებო სიტუაციების კოორდინაციის და გადაუდებელი დახმარების ცენტრის დირექტორს, ავთანდილ თალაკვაძეს მადლობა გადაუხადა.

„მისი დამსახურებაა, რომ დღეს საქართველოში გვაქვს სრულიად განახლებული, ევროპული სტანდარტებით აღჭურვილი ავტოპარკი. ამასთან, ის ზრუნავს თითოეული თანამშრომლის სამუშაო პირობების გაუმჯობესებაზე. ასევე, მინდა, მადლობა გადავუხადო სასწრაფო დახმარების სამსახურის ექიმებს, მძღოლებს, ოპერატორებს, რომელთაც მთელ საქართველოს აჩვენეს, თუ რის სანაცვლოდ და როგორ გუნდურად შეუძლიათ ჩვენი ქვეყნის მოქალაქეების სიცოცხლის დაცვა. ეს კარგად დავინახეთ პანდემიის დროს“ - აღნიშნა მინისტრმა.

ეკატერინე თალაკვაძის განცხადებით, ის პროექტები, რომელსაც თბილისის მერია ახორციელებს ჯანდაცვისა და სოციალური კუთხით, დედაქალაქის მოსახლეობისთვის ძალიან მნიშვნელოვანია და ამაში, მერის, კახა კალაძის დამსახურება დიდია.

დღეს სამედიცინო დახმარების სამსახურს 60 მანქანა გადაეცა.