საგზაო უსაფრთხოება - რა არის ფატალური შედეგების გამომწვევი ძირითადი მიზეზები?

ყოველდღიური რუტინიდან ავტომობილის მართვა ერთ-ერთი ყველაზე რისკიანი საქმიანობაა. ყოველწლიურად ავტოავარიების ათასობით შემთხვევებია, რომლებიც ლეტალურად, ან სერიოზული დაზიანებებით სრულდება. მანქანის მართვა მარტივი სულაც არ არის, ეს პროცესი სხვადასხვა გამოწვევებითაა სავსე და უდიდეს ყურადღებას მოითხოვს.

გზებზე გადაადგილებისას, გარდა თქვენ უსაფრთხოებაზე ზრუნვისა, ასევე გასათვალისწინებელია სხვა ადამიანების ბედი. გამოცდილი მძღოლი ყოველთვის ცდილობს, იყოს პასუხისმგებელი საკუთარ ქცევასა და გადაწყვეტილებებზე, იმისათვის, რომ საფრთხის შემცველი შემთხვევების ალბათობა შედარებით შეამციროს.

უმჯობესია, თუ მოახერხებთ თადარიგის დაჭერას და გაუთვალისწინებელ შემთხვევებს უკვე მომზადებულები, ავტოდაზღვევით შეხვდებით. მნიშვნელოვანია ასევე, მესამე პირის წინაშე პასუხისმგებლობის დაზღვევა, რაც გიცავთ იმ შემთხვევებისგან, როდესაც თქვენი ბრალეულობით ზიანს აყენებთ სხვა ადამიანის ჯანმრთელობას, ავტომობილს ან/და ქონებას.

საავარიო რისკების შესამცირებლად პირველ რიგში უნდა ვიცოდეთ ასეთი შემთხვევების გამომწვევი ძირითადი მიზეზები. ესენია:

სიჩქარის გადაჭარბება გზის ისეთ მონაკვეთზე, სადაც ამის შესაძლებლობა არ არის, სიჩქარის გადაჭარბება უამინდობისას.

საჭესთან არაფხიზელ მდგომარეობაში ჯდომა.

ავტომობილის უსაფრთხოების ღვედის გარეშე მართვა.

მძღოლის ყურადღების გადატანა სხვადასხვა ქმედებებზე, მაგალითად საჭესთან ტელეფონზე ლაპარაკი.

მძღოლის გადაღლილობა.

სტატისტიკა აჩვენებს, რომ ახალგაზრდა მძღოლები, მართვის მოწმობის აღების შემდგომ, უახლოეს პერიოდში ყველაზე ხშირად ქმნიან საავარიო სიტუაციებს. დანარჩენი ასაკობრივი ჯგუფებისგან განსხვავებით, ახალგაზრდა მძღოლებში ასევე მკვეთრად დიდია სიკვდილიანობის მაჩვენებელი, მათ მიერ განვლილ კილომეტრაჟთან თანაფარდობით.

ერთია თეორიულად იცოდე ყველა საჭირო წესი თუ საგზაო ნიშანი, ხოლო მეორეა ამ ცოდნის პრაქტიკაში გამოყენება. მნიშვნელოვანია მძღოლს შეეძლოს როგორც ავტომობილის კონტროლი, ასევე გზის სავალ ნაწილზე ყველა დეტალის აღქმა და პოტენციური საფრთეების პრევენცია. ასეთი უნარების განვითარებას როგორც საჭესთან ყოფნის დიდი გამოცდილება, ასევე სტრესული სიტუაციებისა და ყურადღების კონცენტრაციის სწავლა სჭირდება.

მაღალი საფრთხის შემცველია ასევე გვიან ღამით მგზავრობა, სარისკო მანევრის შესრულება, ჭადრაკული გასწრება და ა.შ.

იმისათვის, რომ თქვენი საჭესთან ყოფნის პერიოდი მეტად უსაფრთხო იყოს ეცადეთ მიიღოთ რაც შეიძლება მეტი გამოცდილება. ნუ გადაიტვირთავთ თავს ავტომობილის მართვის პარალელურად სხვა საქმეების კეთებით, არ ატაროთ მანქანა არაფხიზელ მდგომარეობაში და გაითვალისწინეთ, რომ სიჩქარის გადაჭარბების შემთხვევაში გაგიჭირდებათ მოასწროთ და შეძლოთ საფრთხის თავიდან აცილება. მნიშვნელოვანია შეგეძლოთ წინასწარ განსაზღვროთ და აღმოფხვრათ საფრთხე. დარწმუნდით რომ ზედმიწევნით კარგად იცით მოძრაობის ყველა წესი და საგზაო ნიშანი, ისინი სწორედ თქვენი უსაფრთხოებისთვისაა შექმნილი.

(R)