ცესკოსთან აქცია გაიმართა

ცენტრალურ საარჩევნო კომისიასთან მიმდინარე საპროტესტო აქცია გაიმართა.

აქციის მონაწილეებმა რიგგარეშე საპრალემენტო არჩევნების ჩატარება მოითხოვეს და განაცხადეს, რომ არსებული საარჩევნო ადმინისტრაციის პირობებში სამართლიანი არჩევნების ჩატარება შეუძლებელია. მათ ასევე პერმანენტული აქციები დააანონსეს.

„ეს არჩევნები არ უნდა იყოს ლეგიტიმურად ცნობილი. ახალგაზრდები ყველა პარტიიდან, სამოქალაქო აქტივისტები ვიქნებით ყველგან და შევაწუხებთ „ქართულ ოცნებასა“ და თამარ ჟვანიას. ბოლომდე ვაპირებთ მათ შეწუხებას, ვიდრე ისინი გაყალბებული არჩევნების გამო პასუხს არ აგებენ და არ მიიღებენ იმ გადაწყვეტილებას, რომელიც რეალურად უნდა ყოფილიყო მიღებული 31 ოქტომბერს.

ცესკო-სთან აღმართული ეს კედლები უკვე ნიშნავს, რომ შეშინებული არიან. აღმართეს ბარიკადები და თავს იცავენ მშვიდობიანი აქტივისტებისგან. ამ კედელზე გაკეთებულ წარწერებს რომ დაინახავენ, მიხვდებიან, რომ გაყალბების ბიუროდ იქცნენ და თამარ ჟვანია აუცილებლად წავა ციხეში“, - განაცხადა აქტივისტმა ნიკა ფარულავამ.

საარჩევნო უბნებზე ხმების 100% დათვლილია. შედეგები ასეთია: „ქართული ოცნება“ - 48,22%; „ნაციონალური მოძრაობა - გაერთიანებული ოპოზიცია“ - 27,18%; „ევროპული საქართველო“ - 3.79%; „ლელო“ – 3,16%; „პატრიოტთა ალიანსი“ – 3,14%; „სტრატეგია აღმაშენებელი“ –3,15 %; „გირჩი“ – 2,89%; „ალეკო ელისაშვილი – მოქალაქეები“ – 1,33%; „ლეიბორისტული პარტია“ – 1%. რაც შეეხება დანარჩენ პარტიებს, მათ ამომრჩეველთა ხმების ერთ პროცენტზე ნაკლები აქვთ. საერთაშორისო დამკვირვებლებმა დაადასტურეს, რომ საქართველოში საპარლამენტო არჩევნებზე ფუნდამენტური თავისუფლება და პროცედურების უმეტესობა დაცული იყო.

საერთაშორისო დამკვირვებლებმა დაადასტურეს, რომ საქართველოში საპარლამენტო არჩევნებზე ფუნდამენტური თავისუფლება და პროცედურების უმეტესობა დაცული იყო.

ოპოზიციურმა პარტიებმა კი ოფიციალური დოკუმენტი მიიღეს და ხელმოწერით დაადასტურეს, რომ პარლამენტში არ შევლენ.