კახა კალაძე: სამგორის რაიონში, თაყაიშვილის ქუჩაზე, 8,000 კვ.მ. ფართობზე არსებული სკვერი რეაბილიტირდა

„დღეს მინდა წარმოგიდგინოთ ერთი პროექტი, გარემოს დაცვის საქალაქო სამსახურმა, სამგორის რაიონში, თაყაიშვილის ქუჩაზე, 8,000 კვადრატულ მეტრზე ძალიან მაგარი პროექტი განახორციელდა. ირგვლივ ბევრი ადამიანი ცხოვრობს და მის რეაბილიტაციაზე დიდი მოთხოვნა იყო, ხოლო რეაბილიტაციის შემდეგ გვაქვს ყველანაირად მოწესრიგებული პარკი. ამ პროექტის ფარგლებში ყველაფერი გაკეთდა, რაც სჭირდება სკვერებს, პარკებს“, - ამის შესახებ დედაქალაქის მერმა, კახა კალაძემ თბილისის მთავრობის სხდომაზე განაცხადა.

მისი თქმით, გაკეთდა სარბენი ველობილიკები, ასევე ბავშვებისთვის შესაბამისი ინფრასტრუქტურა, ატრაქციონები, სათამაშოები და აღნიშნული პროექტის ფარგლებში ახალი ხე-მცენარეები დაირგო, დაახლოებით 484 ძირი ხე და 62 ძირი ბუჩქი.

„მგონი, ყველა ხედავს და თვალშისაცემია, თუ რამდენი სკვერის პროექტი განხორციელდა, რამდენი პარკის რეაბილიტაცია განხორციელდა, ეს არის გზაგამყოფები, სადაც კი შესაძლებლობა გვეძლევა ყველგან ვამწვანებთ ყველაფერს, რადგან მართლაც ყველა ვთანხმდებით, რომ ყველაზე მეტად დღეს, რაც ჩვენს ქალაქს სჭირდება, ეს არის არსებული ეკოლოგიური მდგომარეობის გამოსწორება, რადგან ყველაფერი, რაც კი უკავშირდება ეკოლოგიას, ჰაერის დაბინძურებას, ეს ყველაფერი პირდაპირ აისახება თითოეულ ჩვენგანზე, ჯანმრთელობაზე, ჩვენს შვილებზე, მომავალ თაობებზე. ამიტომ არის, რომ ჩვენი ერთ-ერთი მთავარი პრიორიტეტი არის მწვანე სივრცეების, რეკრეაციული ზონების არსებობა, მათი განახლება და ახალი პარკების მშენებლობა.

დღეს მინდა წარმოგიდგინოთ ერთი პროექტი, გარემოს დაცვის საქალაქო სამსახურმა, სამგორის რაიონში, თაყაიშვილის ქუჩაზე, 8,000 კვადრატულ მეტრზე ძალიან მაგარი პროექტი განახორციელდა. ირგვლივ ბევრი ადამიანი ცხოვრობს და მის რეაბილიტაციაზე დიდი მოთხოვნა იყო, ხოლო რეაბილიტაციის შემდეგ გვაქვს ყველანაირად მოწესრიგებული პარკი. ამ პროექტის ფარგლებში ყველაფერი გაკეთდა, რაც სჭირდება სკვერებს, პარკებს. გაკეთდა სარბენი ველობილიკები, ასევე ბავშვებისთვის შესაბამისი ინფრასტრუქტურა, ატრაქციონები, სათამაშოები, ამ პროექტის ფარგლებში ახალი ხე-მცენარეები დაირგო, დაახლოებით 484 ძირი ხე, 62 ძირი ბუჩქი, ასევე მოეწყო სარწყავი სისტემა და განათების სისტემა.

ჩვენ რასაც მოსახლეობას ვპირდებით, იმას ვასრულებთ. შეიძლება, დღეს კონკრეტული ნაბიჯების გადადგმა არ შეგვეძლოს, მაგრამ ამის თქმის არ გვერიდება და ეს სწორი დამოკიდებულებაა. საზოგადოებამ უნდა იცოდეს, რატომ ვერ აკეთებ კონკრეტულ რამეს და მას როდის გააკეთებ. ეს კომუნიკაცია მომავალშიც გაგრძელდება. უკვე სამი წელია, რაც დედაქალაქის მთავრობაში ვართ. ბევრი მნიშვნელოვანი პროექტი განხორციელდა, მაგრამ ჯერ კიდევ არსებობს გამოწვევები, პრობლემები, რასაც მოგვარება სჭირდება. გუნდს, რომელსაც დედაქალაქის მთავრობის სახით წარმოვადგენთ, დიდი ენთუზიაზმი აქვს და მაქსიმალურად ვართ მობილიზებული, რომ ამ გამოწვევებს ღირსეულად ვუპასუხოთ. საზოგადოების მხრიდან მხარდაჭერა კი, რასაც ყოველდღიურად ვგრძნობთ, ჩვენთვის დამატებითი სტიმულია. გპირდებით, ყველაფერს გავაკეთებთ იმისთვის, რომ თბილისი გახდეს ყველაზე ლამაზი, მოწესრიგებული, გამწვანებული, გამართული ინფრასტრუქტურითა და განახლებული ტრანსპორტით“, - განაცხადა კახა კალაძემ.