ვინ არის ამერიკელი პატრიკ დაუნი, რომელიც რუსეთში პოლიტიკურ თავშესაფარს ითხოვს

ვინ არის ინგლისური ენის პედაგოგი პატრიკ დაუნი, რომელმაც გუშინ, „მთავარი არხის“ ეთერში ბიძინა ივანიშვილის ოჯახის მიმართ გარკვეული ბრალდებები გააჟღერა.

პატრიკ დაუნი წლების წინ რუსეთში, მოსკოვში, აშშ-ის საელჩოში მუშაობდა. როგორც თავად ამბობს, სწორედ ამ პერიოდში ირწმუნა, რომ რუსეთი არის ყველაზე დემოკრატიული ქვეყანა მსოფლიოში, ამერიკა და დასავლური ქვეყნები კი კორუფციაზე არიან დაფუძნებულები.

მოგვიანებით დაუნი სამშობლოში დაბრუნდა, საიდანაც გამოასახლეს. ჩავიდა ირლანდიის რესპუბლიკაში, სადაც დააკავეს. შემდეგ დეპორტაციის შედეგად კვლავ რუსეთში მოხვდა, სადაც პოლიტიკურ თავშესაფარს ითხოვს. რუსულ არხებს მის შესახებ არაერთი რეპორტაჟი აქვთ მომზადებული. ერთ-ერთ ინტერვიუში დაუნი ამბობს: „რუსეთი დიადი ქვეყანაა, დიდი მომავლით. ვერ ვხვდები, ამერიკა მასში მტერს რატომ ხედავს. მე აქ ყველაფერი მომწონს“.