IMEDI /  05 ივნისი 2021, 22:09 / სანდო წყარო

სახალხო დამცველის განცხადებით, სასამართლოს გადაწყვეტილება ნინოწმინდის ბავშვთა პანსიონთან დაკავშირებით დაუყოვნებლივ უნდა აღსრულდეს

ნინო ლომჯარია

ნინო ლომჯარია

საქართველოს სახალხო დამცველი ნინო ლომჯარია თბილისის საქალაქო სასამართლოს განაჩინებას ეხმაურება, რომელიც ნინოწმინდის ბავშვთა პანსიონთან დაკავშირებით გამოიცა და აცხადებს, რომ განჩინება დაუყოვნებლივ უნდა აღსრულდეს.

როგორც ომბუდსმენის განცხადებაშია აღნიშნული, სასამართლოს განჩინება კიდევ ერთხელ, ცალსახად მიუთითებს იმ რეალურ რისკსა და საფრთხეზე, რომელიც დაწესებულებაში ბავშვის უფლებათა დაცვის კუთხით არსებობს და საჭიროებს სახელმწიფო უწყებების მხრიდან დროულ და კოორდინირებულ მოქმედებას.

„საქართველოს სახალხო დამცველი ეხმაურება თბილისის საქალაქო სასამართლოს განჩინებას არასამთავრობო ორგანიზაცია „პარტნიორობა ადამიანის უფლებებისთვის“ სარჩელზე ა(ა)იპ ნინოწმინდის ბავშვთა პანსიონიდან არასრულწლოვნების გამოყვანასთან დაკავშირებით და აუცილებლად მიიჩნევს სასამართლოს განჩინების დაუყოვნებლივ აღსრულებას. სასამართლოს განჩინება კიდევ ერთხელ, ცალსახად მიუთითებს იმ რეალურ რისკსა და საფრთხეზე, რომელიც დაწესებულებაში ბავშვის უფლებათა დაცვის კუთხით არსებობს და საჭიროებს სახელმწიფო უწყებების მხრიდან დროულ და კოორდინირებულ მოქმედებას. სახალხო დამცველი აღნიშნავს, რომ პანსიონში არსებული მდგომარეობა არათუ არ შეესაბამება არასრულწლოვანთა ინტერესებს და არსებულ სტანდარტებს, საფრთხის შემცველია ბავშვებისთვის ძალადობისგან დაცვის, სრულფასოვანი განვითარების, სოციალიზაციისა და დამოუკიდებელი ცხოვრებისთვის მომზადების კუთხით.

არსებითად მნიშვნელოვანია ის ფაქტი, რომ სასამართლო განჩინებაში საფრთხის შემცველად აფასებს პანსიონში არსებულ ზოგად მდგომარეობას და მისი გადაწყვეტილება არ შეიძლება აღქმულ იქნეს, რომ თითქოს საფრთხე მხოლოდ შეზღუდული შესაძლებლობის მქონე ბავშვებისთვის არსებობს. საქართველოს კანონმდებლობიდან გამომდინარე, არასამთავრობო ორგანიზაცია „პარტნიორობა ადამიანის უფლებებისთვის“ წარმოადგენს სპეციალური მოსარჩელის სტატუსის მქონე სუბიექტს, რომელსაც მოსარჩელის სტატუსით სარგებლობის უფლება მხოლოდ შეზღუდული შესაძლებლობის მქონე პირებთან მიმართებით აქვს. შესაბამისად, სასამართლო, შეზღუდული იყო გადაწყვეტილება მიეღო პანსიონში მცხოვრებ ყველა ბენეფიციარზე.

აუცილებელია იმის გათვალისწინება, რომ დაწესებულებაში სახელმწიფოს ზედამხედველობა ფაქტობრივად 10 თვის განმავლობაში არ ხორციელდებოდა, აღდგენის შემდეგ კი ზედამხედველობა შეფერხებებით და არასრულფასოვნად მიმდინარეობს, რაც არასრულწლოვანთა ინდივიდუალური საჭიროებების შეფასების აშკარა ხარვეზებზე მეტყველებს. შესაბამისად, არსებობს გონივრული ეჭვი, რომ შესაძლოა, შშმ ბენეფიციარების ოფიციალური სტატისტიკა არ შეესაბამებოდეს არსებულ რეალობას და სინამდვილეში, მათი რაოდენობა ბევრად მეტი იყოს. აღნიშნული კიდევ ერთხელ უსვამს ხაზს განჩინების ყველა ბენეფიციარზე გავრცელებისა და პანსიონიდან თითოეული არასრულწლოვნის დაუყოვნებლივი გამოყვანის აუცილებლობას, რათა მოხდეს ბავშვების დროული შეფასება და მათი საჭიროებების იდენტიფიცირება.

სახალხო დამცველი ხაზს უსვამს, რომ ბავშვების პანსიონიდან გამოყვანისა და ალტერნატიულ ზრუნვაში განთავსების პროცესი უნდა მიმდინარეობდეს არასრულწლოვანთა უსაფრთხოებისა და ინტერესების მაქსიმალური დაცვით, რათა მათ შორის, მინიმუმამდე იყოს დაყვანილი ბავშვების ფსიქო-ემოციური მდგომარეობის გამწვავება. ყოველგვარი დაყოვნების გარეშე, მულტიდისციპლინური მიდგომით უნდა მოხდეს თითოეული ბენეფიციარის და მისი ოჯახის შეფასება და უპირატესად უნდა იქნეს განხილული ბავშვების ბიოლოგიურ ოჯახში დაბრუნების საკითხი, საჭიროებისამებრ ოჯახების მხარდაჭერა და გაძლიერება.

სახალხო დამცველი კიდევ ერთხელ მოუწოდებს ყველა შესაბამის სახელმწიფო უწყებას კოორდინირებული მოქმედებისკენ, რათა მყისიერად, ბავშვების ინტერესებისა და უსაფრთხოების მაქსიმალური დაცვით მოხდეს სასამართლო განჩინების აღსრულება“, – ნათქვამია ლომჯარიას განცხადებაში.

თბილისის საქალაქო სასამართლოს დროებითი განჩინების მიხედვით, არასამეწარმეო (არაკომერციული) იურიდიული პირის „პარტნიორობა ადამიანის უფლებებისთვის“ შუამდგომლობა ნინოწმინდის ბავშვთა პანსიონიდან ყველა ბავშვის გაყვანასთან დაკავშირებით ნაწილობრივ დაკმაყოფილდა.

შეგახსენებთ, არასამთავრობო ორგანიზაციამ „პარტნიორობა ადამიანის უფლებებისთვის“ თავმჯდომარე ანა აბაშიძემ დღევანდელ პრესკონფერენციაზე განაცხადა, რომ სასამართლომ ნინოწმინდის პანსიონიდან ბავშვების გაყვანის გადაწყვეტილება მიიღო.

PHR-მა 4 ივნისს მიმართა სასამართლოს შუამდგომლობით და მოითხოვა, უზრუნველყოფის ღონისძიების სახით ნინოწმინდის ბავშვთა პანსიონიდან დაუყოვნებლივ ყველა ბავშვის გამოყვანა.

ნინოწმინდის ბავშვთა პანსიონში, სავარაუდო ძალადობის შესახებ, თავად ბენეფიციარები „ქრონიკასთან“ ალაპარაკდნენ. ერთ-ერთი ასეთი ფაქტი, მათივე თქმით, ორი დღის წინ მოხდა. არასრულწლოვნები ამბობენ, რომ შემთხვევების შესახებ მეუფე სპირიდონი არ იყო ინფორმირებული, მათზე აღმზრდელები ზემოქმედებნენ. რომელთა ნაწილი გათავისუფლებულია, თუმცა ნაწილი ისევ ადგილზე რჩება. კითხვაზე - იცოდა თუ არა მეუფე სპირიდონმა ამ ფაქტების შესახებ, ბავშვები ამბობენ, რომ მათ ვერ შეძლეს მეუფესთვის ეთქვათ, როგორ ძალადობდნენ მათზე აღმზრდელები და ასევე ვერ მოახერხეს, რომ ეს ამბავი ვინმესთვის ეთქვათ.

3 ივნისს შსს-მ ნინოწმინდის ბავშვთა პანსიონში აღსაზრდელების მიმართ შესაძლო დანაშაულის ჩადენის ფაქტებზე გამოძიება დაიწყო.

სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს 4 მაისს გავრცელებული განცხადების თანახმად, ნინოწმინდის პანსიონის დატოვების სურვილი 6-მა არასრულწლოვანმა გამოთქვა და სააგენტომ უკვე უზრუნველყო მათი სხვა ზრუნვის ფორმაში გადაყვანა. ამავე განცხადების მიხედვით, კიდევ 10 ბავშვის გადაყვანაზე მიმდინარეობდა მუშაობა. 4 ივნისს ჯანდაცვის სამინისტროს წარმომადგენლებმა ნინოწმინდის პანსიონიდან რამდენიმე არასრულწლოვანი გამოიყვანეს.

ყველა სიახლე

კრისტიან ერიქსენი

17 ივნისი 2021, 13:01

სპორტი

კრისტიან ერიქსენს კარდიოვერტერ დეფიბრილატორს ჩაუდგამენ

დანიის ნაკრების ფეხბურთელს, კრისტიან ერიქსენს, რომელსაც ევრო 2020-ზე ფინეთთან მატჩის დროს გული გაუჩერდა, კარდიოვერტერ დეფიბრილატორს ჩაუდგამენ. ამის შესახებ ინფორმაციას დანიის ფეხბურთის ფედერაცია ავრცელებს.

მეუფე იაკობი

17 ივნისი 2021, 12:51

საზოგადოება

მეუფე იაკობი ნინოწმინდის პანსიონზე: ვახორციელებთ ცვლილებებს და დარჩებიან მხოლოდ ისინი, ვისთანაც პრეტენზიები არ გვაქვს

„მე რა ინფორმაციებსაც გავეცანი, ვთვლი რომ ყველა ამ პანსიონში მუშაობას არ იმსახურებს. ძალიან რთული სამსახურია. რაც არ უნდა მცირე დარღვევა იყოს, მე მივიღე გადაწყვეტილება“, - განაცხადა მეუფე იაკობმა.

მეუფე იაკობი

17 ივნისი 2021, 12:46

საზოგადოება

მეუფე იაკობი ჟურნალისტებს: დიდი მადლობა ამ აჟიოტაჟისთვის, სწრაფად და ხარისხიანად შევცვლით ყველაფერს

„ეს არის ძალიან მოძველებული ფორმა. არ შეიძლება ასეთები რომ იყოს. ამიტომ მიდის ეს ცვლილებები. ჩვენს ქვეყანაში ბავშვებს ვერ ვუვლიდით. ახლა 2022 წლის 1-ელ აპრილამდე არის ლიცენზირებული ასეთი სასწავლებლები. ჩვენ ვფიქრობთ, რომ მანამდეც შევძლებთ უკვე (ცვლილებების დასრულებას). დიდი მადლობა ამ აჟიოტაჟისთვის. სწრაფად და ხარისხიანად შევცვლით ყველაფერს“, - განაცხადა მეუფე იაკობმა.

მეუფე იაკობი

17 ივნისი 2021, 12:33

საზოგადოება

მეუფე იაკობი: ვცდილობთ, ბავშვების საუკეთესო ინტერესები გავითვალისწინოთ და დროზე დავასრულოთ ეს დაძაბულობა

ვცდილობთ, ბავშვების საუკეთესო ინტერესები გავითვალისწინოთ და დროზე დავასრულოთ ეს დაძაბულობა. ის აღარც არის დაძაბული, თუ ჟურნალისტები აღარ დაძაბავთ, - ამის შესახებ სახალხო დამცველთან შეხვედრის შემდეგ მეუფე იაკობმა ნინოწმინდის ბავშვთა პანსიონის ირგვლივ მიმდინარე მოვლენებთან დაკავშირებით განაცხადა.

ნინო ლომჯარია

17 ივნისი 2021, 12:32

საზოგადოება

ნინო ლომჯარია მეუფე იაკობთან შეხვედრის შემდეგ: ბევრ საკითხზე ჩვენ გვაქვს სრული თანხმობა

ეს იყო ძალიან პოზიტიური, კეთილგანწყობილი საუბარი, არანაირი დაძაბულობა არ ყოფილა, - ამის შესახებ სახალხო დამცველმა, ნინო ლომჯარიამ მეუფე იაკობთან შეხვედრის შემდეგ ჟურნალისტებს განუცხადა.

ნინო ლომჯარია

17 ივნისი 2021, 12:28

საზოგადოება

სახალხო დამცველი ნინოწმინდის პანსიონში მომავალ კვირას შევა

„ჩვენ შევთანხმდით იმაზე, რომ სოციალური მუშაკები გააგრძელებენ დარჩენილი ბავშვების საჭიროებების შეფასებას და შესაბამისად, როგორც ბავშვებისთვის, მათი საუკეთესო ინტერესებისთვის იქნება საჭირო, ისე განვითარდება მოვლენები. ვაპირებთ რომ შემდეგ კვირაში ერთობლივად ჩავიდეთ პანსიონში“, - განაცხადა ლომჯარიამ.

17 ივნისი 2021, 12:08

საზოგადოება

18 ივნისის, ნაძალადევის რაიონის ნაწილს წყალმომარაგება შეეზღუდება

18 ივნისს, “ჯორჯიან უოთერ ენდ ფაუერი” ნაძალადევის რაიონში, გურამიშვილის გამზირის N62-თან წყალარინების ქსელზე გადაერთებით სამუშაოებს განახორციელებს. აუცილებელი ტექნიკური სამუშაოები ინტენსიურ 24-საათიან რეჟიმში, ასევე შესრულდება წყალარინების სისტემის მაგისტრალურ კოლექტორსა და საკვანძო ჭაზე.

გიორგი კალანდია

17 ივნისი 2021, 12:07

კულტურა

გიორგი კალანდია: როგორ შეიძლება ისე გძულდეს საკუთარი ქვეყანა, რომ მისი ნგრევა გენატრებოდეს ან გელანდებოდეს

საქართველოს ხელოვნების სასახლის გენერალური დირექტორი, ისტორიულ მეცნიერებათა დოქტორი გიორგი კალანდია ნიკო დადიანის სასახლის რეაბილიტაციას ეხმაურება.

თავდაცვა

17 ივნისი 2021, 12:07

თავდაცვა

საქართველოს თავდაცვის ძალების მეთაური გერმანელ კოლეგას შეხვდა

„შეხვედრაზე მხარეებმა თავდაცვის სფეროში ორმხრივი თანამშრომლობის საკითხები განიხილეს. მათ ყურადღება ნატოს ეგიდით მიმდინარე „მტკიცე მხარდაჭერის“ მისიის დასრულებასა და ავღანეთის ისლამური რესპუბლიკიდან ჯარების გამოყვანის პროცესზე გაამახვილეს და ამ კუთხით ერთმანეთს მხარდაჭერა აღუთქვეს. შეხვედრას საქართველოს თავდაცვის ძალების მეთაურის მოადგილე, ბრიგადის გენერალი ირაკლი ჭიჭინაძე და გერმანიის ფედერაციული რესპუბლიკის თავდაცვის ატაშე, ვიცე-პოლკოვნიკი ლარს უკერვიცი დაესწრნენ“, - აღნიშნულია გავრცელებულ ინფორმაციაში.

17 ივნისი 2021, 11:50

პოლიტიკა

ლაშა დარსალიამ გაერთიანებული სამეფოს ელჩი მიიღო

საქართველოს საგარეო საქმეთა მინისტრის პირველმა მოადგილემ ლაშა დარსალიამ გაერთიანებული სამეფოს საგანგებო და სრულუფლებიანი ელჩი მარკ კლეიტონი მიიღო. ბრიტანელმა დიპლომატმა ლაშა დარსალიას დაწინაურება მიულოცა და ახალი საკურაციო მიმართულებით წარმატებები უსურვა.

გივი მიქანაძე

17 ივნისი 2021, 11:42

პოლიტიკა

არჩევნების შემსწავლელი დროებითი საგამოძიებო კომისია საზოგადოებას დასკვნას ივლისში წარუდგენს

მისი თქმით, საგამოძიებო კომისია ყველა მიმართულებით მუშაობს იმისთვის, რომ სრული სურათი გამოკვეთოს, არ დარჩეს პასუხგაუცემელი კითხვები და რაც მთავარია, ეს პროცესი მიმდინარეობს სრული საჯაროობის და გამჭვირვალობის პრინციპის დაცვით.

17 ივნისი 2021, 11:39

საზოგადოება

ავჭალა 2-ში, ვაჟა-ფშაველასა და ჭავჭავაძის ქუჩებზე საგზაო სამუშაოები მიმდინარეობს

გლდანის რაიონის გამგეობის მიერ, ავჭალა 2-ში, ილია ჭავჭავაძისა და ვაჟა-ფშაველას ქუჩაზე გზის მოწესრიგების სამუშაოები მიმდინარეობს. ამის შესახებ ინფორმაციას თბილისის მერია ავრცელებს. მათივე ცნობით, აღნიშნულ ქუჩებზე აქამდე ასფალტის საფარი არ არსებობდა. სამუშაოების შედეგად, ილია ჭავჭავაძის ქუჩაზე სანიაღვრე ქსელი მოეწყობა. დაახლოებით, 5 200 კვადრატულ მეტრ ფართობზე კი, ასფალტის საფარი დაიგება.

17 ივნისი 2021, 11:36

საზოგადოება

თსუ-ის ეკონომიკის საერთაშორისო სკოლის სასწავლო პროგრამების საერთაშორისო აკრედიტაციის აღსანიშნავი საზეიმო ღონისძიება გაიმართა

ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის საერთაშორისო სკოლის (ISET) სასწავლო პროგრამებმა საქართველოსა და რეგიონში პირველებმა მიიღეს ხარისხის უზრუნველყოფის საერთაშორისო სააგენტოს (FIBAA) ოფიციალური აკრედიტაცია. დღეისთვის რეგიონში ISET-ის ეკონომიკის პროგრამები ერთადერთი საერთაშორისოდ აკრედიტებული პროგრამებია ეკონომიკის მიმართულებით.

დროებითი საგამოძიებო კომისია

17 ივნისი 2021, 11:30

პოლიტიკა

პარლამენტის დროებითი საგამოძიებო კომისია, შერჩეული საარჩევნო უბნების კომისიის წევრებთან და ოლქების თავმჯდომარეებთან გასაუბრებას აგრძელებს

2020 წლის 31 ოქტომბრის საპარლამენტო არჩევნების შემსწავლელი საქართველოს პარლამენტის დროებით საგამოძიებო კომისიას დღევანდელ სხდომაზე დაგეგმილი აქვს გურჯაანის მე-3 და ნაძალადევის 66-ე საარჩევნო უბნების კომისიის წევრებთან და ამავე ოლქების თავმჯდომარეებთან შეხვედრა და მათგან კონკრეტულ საკითხებზე ახსნა-განმარტებების მიღება.

17 ივნისი 2021, 11:29

ეკონომიკა

სებ-მა ავტორიტეტული საერთაშორისო გამოცემა Central Banking-ის საუკეთესო ფინტექ პოლიტიკის ნომინაციაში გაიმარჯვა

საქართველოს ეროვნულმა ბანკმა საერთაშორისო ავტორიტეტული გამოცემა Central Banking-ის ამჯერად მეორე, Fintech & RegTech კონკურსშიც გაიმარჯვა და წლის საუკეთესო ფინტექ პოლიტიკის ჯილდო მოიპოვა, რომელიც ყოველწლიურად თანამედროვე ტექნოლოგიურ ინოვაციებზე ორიენტირებულ ცენტრალურ ბანკებს გადაეცემა. აღსანიშნავია, რომ წელს ეს ეროვნული ბანკისთვის Central Banking Awards-ის რიგით უკვე მესამე ჯილდოა, ყველაზე გამჭვირვალე ცენტრალური ბანკისა და საუკეთესო რისკმენეჯერის ჯილდოების შემდგომ.

ანდრია ჯაღმაიძე

17 ივნისი 2021, 11:27

საზოგადოება

ანდრია ჯაღმაიძე: ცოტა ხანში ტელევიზიებისგან იქნებიან ბავშვები დასაცავი

დღეს არის შეხვედრა ომბუდსმენთან. არის პოზიტიური პროცესები ამ დაძაბულ ვითარებაში. მეუფე იაკობმა უკვე მოასწრო გარკვეული ნაბიჯების გადადგმა ამ მცირე ხანში, - ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა, ანდრია ჯაღმაიძემ ჟურნალისტებს განუცხადა.

ეკატერინე ტიკარაძე

17 ივნისი 2021, 11:24

საზოგადოება

ეკატერინე ტიკარაძე: სახალხო დამცველის შესვლა ნინოწმინდის პანსიონში არა თუ საჭიროა, ეს მისი ვალდებულებაა

„დარწმუნებული ვარ, ჩვენი თანამშრომლობა საპატრიარქოსთან და (პანსიონის) ახალ ხელმძღვანელობასთან ძალიან პროდუქტიული იქნება. შესაბამისად, მოხდება ყველა იმ საკითხის უზრუნველყოფა, რომელიც იცავს მათ ინტერესებს. ჯანდაცვის სამინისტროს და ბავშვთა ზრუნვის სააგენტოს მთავარი საგანი ბავშვის ინტერესებია და ამ მნიშვნელოვანი რეფორმის მთავარი კრიტერიუმია, რომ ბავშვები უნდა გადავიდნენ მცირე ზომის პანსიონებში, სადაც მათ ექნებათ ოჯახის ტიპის სამყოფელი. შესაბამისად, გაცილებით უკეთ იქნება დაცული მათი კეთილდღეობა. გვაქვს ძალიან პროდუქტიული თანამშრომლობა ახალ ხელმძღვანელობასთან. ვფიქრობ, ჩვენ ყველა ადამიანს უნდა მივცეთ იმის დრო, რომ დასკვნები გავაკეთოთ მოგვიანებით, ფაქტების შემდეგ“, - განაცხადა მინისტრმა.

მეუფე იაკობი

17 ივნისი 2021, 11:13

საზოგადოება

მეუფე იაკობი სახალხო დამცველს ხვდება

ამ წუთებში მეუფე იაკობი სახალხო დამცველს, ნინო ლომჯარიას ხვდება. შეხვედრა თბილისში, საპატრიარქოს უნივერსიტეტში მიმდინარეობს. შეხვედრის ინიციატორი მეუფე იაკობია და საუბრის მთავარი თემა ნინოწმინდის ბავშვთა პანსიონში განვითარებული მოვლენებია.

17 ივნისი 2021, 11:09

COVID19

ევროპის საინვესტიციო ბანკი ვაქცინებისა და COVID-19-თან დაკავშირებული სამედიცინო აღჭურვილობის შესაძენად საქართველოს 50 მილიონი ევროს დახმარებას გაუწევს

ევროპის საინვესტიციო ბანკმა, რომელიც ევროკავშირის ბანკს წარმოადგენს, საქართველოს მთავრობას გამოუყო 50 მილიონი ევრო COVAX-ის პლატფორმიდან COVID-19-ის საწინააღმდეგო ვაქცინების და COVID -19-ით დაავადებული პაციენტების სამკურნალოდ აუცილებელი სამედიცინო აღჭურვილობის შესაძენად.

17 ივნისი 2021, 11:05

COVID19

რამდენი ადამიანი აიცრა კოვიდვაქცინით საქართველოში

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში, საქართველოში კორონავირუსის საწინააღმდეგო აცრა 4 302-მა ადამიანმა გაიკეთა. სულ ქვეყანაში 221 156 აცრა გაკეთდა.