imedi /  17 ოქტომბერი 2021, 16:46 / სანდო წყარო

მეუფე შიო: დღეს საუბრობენ საყოველთაო შერიგებაზე, ხშირად არასწორად განმარტავენ ქრისტიანულ სწავლებას, ამბობენ, რომ ყველას ყველაფერი უნდა აპატიო, ყოველთვის ყველას უნდა შეურიგდე, ასეთი რამ სახარებაში არ გვიწერია

მეუფე შიო

მეუფე შიო

დღეს საუბრობენ საყოველთაო შერიგებაზე. სხვათა შორის, ხშირად არასწორად განმარტავენ ქრისტიანულ სწავლებას, ამბობენ, რომ ყველას ყველაფერი უნდა აპატიო, ყოველთვის ყველას უნდა შეურიგდე. ასეთი რამ სახარებაში არ გვიწერია და, გარდა იმისა, რომ სამართლიანი სასჯელითაც უნდა აღიკვეთოს ბოროტება, ასევე ზოგჯერ, უკიდურეს შემთხვევებშიც, უნდა მოვიკვეთოთ ასეთი ადამიანი, პირად მტერზეა საუბარი, მოვიკვეთოთ ჩვენი ცხოვრებიდან ან საზოგადოებიდან, - ამის შესახებ საპატრიარქოს ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) საკვირაო ქადაგებაზე განაცხადა.

მისი თქმით, ბოროტება ზოგჯერ სამართლიანი სასჯელითაც უნდა აღვკვეთოთ და შევაჩეროთ.

„ქრისტეს მიერ საყვარელნო ძმანო და დანო, გილოცავთ დღევანდელ კვირა დღეს და გადმოგცემთ სრულიად საქართველოს კათოლიკოს-პატრიარქ ილია II-ის ლოცვა-კურთხევას. შეგვეწიოს ჩვენ და სრულიად საქართველოს მისი დალოცვა!

დღეს, როგორც ყოველ კვირა დღეს, როდესაც სიმრავლე ხალხისა იკრიბება ტაძრებში, იკითხება ხოლმე სახარების გამორჩეული მონაკვეთები. დღევანდელ სახარებაში იყო შემდეგი სიტყვები უფლისა ჩვენისა იესო ქრისტესი: „როგორც გსურთ, რომ მოგეცნენ ადამიანები, თქვენც ისევე მოექეცით მათ". აი, ასეთია უფლის ეს თითქოს მოკლე და მარტივი სწავლება; ეს კანონი, ეგრეთ წოდებული ოქროს წესი, ყველამ მშვენივრად ვიცით. იგი გვხვდება ძველ აღთქმაშიც, მაგალითად, „ზირაქის სიბრძნეში“, რომელშიც ნათქვამია: ,,ნუ დაუგებ სხვას მახეს, თორემ შენ თავადვე გაებმები მასში!" ე. ი. თუ ვინმეს ბოროტებას გაუკეთებ, აუცილებლად შენც იგივე ბოროტება შეგემთხვევა. მაგრამ, სამწუხაროდ, ჩვენ გვავიწყდება ეს სწავლება, ეს ოქროს წესი, ძალიან ადვილად განვიკითხავთ, უდიერად ვსაუბრობთ მოყვასებზე, საკუთარ თავს კი იშვიათად განვიკითხავთ.

თქვენ იცით, რომ უფალმა ბრძანა, ახალ მცნებას გაძლევთო; ანუ ამ სიტყვებთან ერთად ისიც თქვა, რომ მარტო თქვენს ახლობლებსა და მოყვარულებს თუ ჰყვარობთ და სიკეთეს უკეთებთ, რა საზღაური იქნება ეს ქრისტიანისთვის, რადგან წარმართებიცა და ცოდვილნიც - ცოდვილებში ამ შემთხვევაში წარმართები იგულისხმებიან - ჰყვარობენ და სიკეთეს უკეთებენ თავიანთ ახლობლებსო. და დასძენს უფალი: ,,ხოლო თქვენ გიყვარდეთ თქვენი მტრები და სიკეთეს უკეთებდეთ მათ და იქნება თქვენი საზღაური დიდი და იქნებით ძენი მაღლისა, ვინაიდან იგი ტკბილია, იგი კეთილია ბოროტთა და უმადურთა მიმართაც!" ასეთი საოცარი სიტყვებია დღევანდელ სახარებაში.

ე. ი. ,,გიყვარდეთ მტერნი თქუენნი!" ახალი აღთქმიდან ალბათ ეს არის ჩვენთვის ყველაზე რთული სიტყვები გასაკეთებლად, აღსასრულებლად და გასაგებად. თუმცა შეუძლებელი არ არის, ვინაიდან უფალი გვასწავლის ამას, რაც ნიშნავს, რომ ყოველივე შესაძლებელია ღვთის მადლით თუ ჩვენ ამას მოვისურვებთ.

აი, დღეს ძალიან მოკლედ გავერკვეთ, ვინ არის ჩვენი მტერი? აქ, რა თქმა უნდა, ვგულისხმობთ პირად მტერს და არა სამშობლოს დამპყრობელს, იმ გარემოებას, როდესაც ჩვენ იძულებული ვართ, იარაღი ავიღოთ ხელში და ვიომოთ. აქ ეს იმიტომ არ იგულისხმება, რომ ასეთ მტერთან შებრძოლება ყოველთვის გმირობად ირაცხებოდა ეკლესიის მიერ.

აქ საუბარია პირად მტრებზე. ვინ არიან ისინი? ვინც ჩვენ გარშემო იმყოფებიან, ეს არიან ადამიანები, რომლებიც, პირველ რიგში, ჩვენი სულის გადარჩენას უშლიან ხელს, ამაში გვებრძვიან. გარდა ამისა, ესენი არიან ადამიანები, რომლებიც ჩვენს სიცოცხლეს ემუქრებიან, ჩვენს სიცოცხლესა და ჯანმრთელობას ხელყოფენ, ჩვენს კეთილ სახელს ლახავენ ცილისწამებებით, შეგნებულად გვემტერებიან. აი, ასეთი ადამიანები არიან ჩვენი მტრები. ჩვენ ზოგჯერ ისეთ ხალხს ვუწოდებთ მტრებს, რომლებიც სინამდვილეში მტრები კი არ არიან, არამედ, ნებსით თუ უნებლიეთ, გარკვეულ უსიამოვნო მდგომარეობაში გვაყენებენ.

და რას ნიშნავს ,,გიყვარდეს მტერი", როგორ უნდა გამოხატო სიყვარული მტრისა?

აი, დღევანდელი სახარება გვასწავლის ამას: მოექეცი სხვას ისე, როგორც შენ გინდა, რომ მოგექცნენ. აქ არ წერია და არც იგულისხმება, რომ მტრისადმი სიყვარული უნდა იყოს რაიმე გრძნობა, რომელიც ჰგავს ემოციას ან ტრფიალებას. მტრის სიყვარულში იგულისხმება - არ გაუკეთო ბოროტი მას, შური არ იძიო მასზე და არ უპასუხო ბოროტებით. ეს ყველაფერი კი სულაც არ ნიშნავს, რომ წაახალისო ბოროტება, წაუყრუო, ვინაიდან ბოროტება ყოველთვის ბოროტებაა და მას უნდა ვებრძოლოთ, იგი უნდა შევაჩეროთ და, შეძლებისდაგვარად, ეს უნდა მოხდეს სიყვარულით, მოწყალებით, დარიგებით, ქველმოქმედებით.

ამასთან, მინდა, თქვენი ყურადღება იმაზეც გავამახვილო, რომ აქ ჩამოთლილი ხერხების გარდა, ბოროტება ზოგჯერ სამართლიანი სასჯელითაც უნდა აღვკვეთოთ და შევაჩეროთ.

დღეს საუბრობენ საყოველთაო შერიგებაზე. სხვათა შორის, ხშირად არასწორად განმარტავენ ქრისტიანულ სწავლებას, ამბობენ, რომ ყველას ყველაფერი უნდა აპატიო, ყოველთვის ყველას უნდა შეურიგდე. ასეთი რამ სახარებაში არ გვიწერია და, გარდა იმისა, რომ სამართლიანი სასჯელითაც უნდა აღიკვეთოს ბოროტება, ასევე ზოგჯერ, უკიდურეს შემთხვევებშიც, უნდა მოვიკვეთოთ ასეთი ადამიანი, პირად მტერზეა საუბარი, მოვიკვეთოთ ჩვენი ცხოვრებიდან ან საზოგადოებიდან.

შეგახსენებთ პავლე მოციქულის სიტყვებს: ,,მოიკვეთეთ უკეთური!" იგი პირდაპირ აცხადებს ამას. და უფალი იესო ქრისტეც ამბობს, რომ ,,თუ შენს წინააღმდეგ შესცოდავს შენი ძმა, მიდი და ამხილე იგი, თუ გაგიგონებს და მოინანიებს, შეგიძენია შენი ძმა, თუ არა, ორი ან სამი ადამიანი წაიყოლე და მათი თანდასწრებით ამხილე. თუ მათაც არ გაუგონებს, კრებულთან მიიყვანე და კრებულის თანდასწრებით უთხარი ეს ყველაფერი, და თუ კრებულსაც არ გაუგონებს და არ მოინანიებს";

და გახსოვთ რას ამბობს უფალი? ,,იყოს ასეთი ადამიანი შენთვის, როგორც წარმართი, მებაჟე და მეზვერე!" თუ რას ნიშნავს ებრაელისთვის წარმართი, მებაჟე და მეზვერე, თქვენ მშვენივრად გემახსოვრებათ: როდესაც ებრაელი ხვდებოდა მეზვერეს ან წარმართს ქუჩაში, იგი ქუჩის მეორე მხარეს გადადიოდა.

სწორედ აქ ჩანს მშვენივრად, თუ რა არის საფუძველი შერიგებისა, შენდობისა. ამიტომ ჩვენ, როდესაც ხდება რაღაც გარემოებები, ქრისტიანები უნდა ვეცადოთ, ვიაზროვნოთ სახარებისეულად და გავიხსენოთ, რას ამბობს ამაზე უფალი ჩვენი იესო ქრისტე. აი, ეს მინდიდა, მეთქვა თქვენთვის.

ამგვარად, ვეცადოთ, ჩვენს მტრებში ღვთის ქმნილება დავინახოთ. თუ ის დაცემულია, სულიერად დაავადებული, მაშინ სჭირდება მკურნალობა, მიდგომა ზემოთ ჩამოთვლილი სხვადასხვა საშუალებით და არა ბოროტებითა და სიძულვილით. საბოლოო ჯამში, აქ საუბარია იმაზე, რომ ჩვენს გულში არ იყოს სიძულვილი, შურისძიება, რადგან მაშინ სულიწმიდის მადლი არასოდეს შემოვა ჩვენში და, შესაბამისად, სულის გადარჩენასაც ვერ მივემთხვევით. ე. ი. ჩვენ უნდა ვისწავლოთ, რომ არ ვიძიოთ შური, არ ვუსურვოთ ბოროტი ჩვენს მტერს. თუ ამას მივაღწევთ, უკვე დიდი გამარჯვება იქნება საკუთარ თავზე. და უფრო მეტიც, უფალი მოგვიწოდებს, რომ არა თუ ვიძიოთ შური, არამედ სიყვარულიც გამოვავლინოთ. ვიმეორებ, ეს სიყვარული არ არის ემოცია, გრძნობა, როგორც ბევრს ჰგონია, არამედ გაუკეთო სიკეთე მტერს, მოექცე სიყვარულით, ანუ ეს არის სახარებისეული არა გრძნობა, არამედ ადამიანის თვისება.

ღმერთმა დაგლოცოთ, გაგახაროთ და გაგაძლიეროთ. ვეცადოთ, ღვთის შეწევნით, ეს მცნება უფლისა ჩვენისა იესო ქრისტესი - „გიყვარდეთ მტერნი თქვენი და ისე მოექეცით ადამიანებს, როგორც გინდათ, რომ თქვენ მოგექცნენ“, - შევასრულოთ, რადგან ადამიანთა სიყვარული მეშვეობით, ჩვენ შევიყვარებთ ღმერთსაც, შევიმეცნებთ ღმერთსაც. რატომ? იმიტომ, რომ „ღმერთი სიყვარულ არს“! და სიტყვებისამებრ პავლე მოციქულისა: ,,ვინც შეიყვარებს მოყვასს, მან აღასრულა რჯული". ამინ!

ჩვენ დღეს ვაჯილდოებთ დეკანოზ კონსტანტინე გიორგაძეს გამშვენებული ჯვრითა და მიტრით! იგი მიემგზავრება პეტერბურგში ჩვენს ქართულ სამრევლოში სამოღვაწეოდ და ამასთან დაკავშირებით, ასევე მის მსახურებასთან დაკავშირებით , მისი უწმიდესობისა და უნეტარესობის, სრულიად საქართველოს კათოლიკოს პატრიარქის ილია II-ის ბრძანებულებით, იგი ჯილდოვდება გამშვენებული ჯვრითა და მიტრით. გილოცავთ, აქსიოს“, - აღნიშნა მეუფე შიომ.

ყველა სიახლე

გიორგი ცუცქირიძე

30 ნოემბერი 2021, 15:38

ეკონომიკა

გიორგი ცუცქირიძე: ეკონომიკური ზრდის ორნიშნა მაჩვენებელი ადასტურებს მთავრობის ანტიკრიზისული და პოსტკრიზისული ღონისძიებების პოზიტიურ შედეგებს

საქსტატის წინასწარი შეფასებით, 2021 წლის ოქტომბერში წინა წელთან შედარებით, ეკონომიკის რეალურმა ზრდამ 6.9 პროცენტი, ხოლო იანვარ-ოქტომბრის კუმულატიური ზრდის ტემპმა 10.5 პროცენტი შეადგინა, რაც ოქტომბერში ექსპორტის 31 პროცენტიანი ზრდითაც აღინიშნა და რეალურს ხდის საქართველოს მთავრობის 2021 წლის ეკონომიკური ორნიშნა ზრდის პროგნოზს, რომელიც 10%-ს შეადგენს. იგი თანხვედრაშია წამყვანი სარეიტინგო სააგენტოების და საერთსშორისო სავალუტო ფონდის გაზრდილ საპროგნოზო მაჩვენებლებთან,” – ასე შეაფასა ეკონომიკის ექსპერტმა გიორგი ცუცქირიძემ „საქსტატის“ მიერ ეკონომიკური ზრდის წინასწარი მაჩვენებელი, რომელიც დღეს ოფიციალურად გამოქვეყნდა.

გიორგი ხელაშვილი

30 ნოემბერი 2021, 15:21

პოლიტიკა

გიორგი ხელაშვილი: ქართული ოპოზიციური პარტიების საგარეო პოლიტიკური ავტორიტეტი, ფაქტობრივად, აღარ არსებობს

საგარეო ურთიერთობათა კომიტეტის თავმჯდომარის პირველი მოადგილე, გიორგი ხელაშვილი პლენარულ სხდომაზე პარლამენტის წევრის, სალომე სამადაშვილის მიერ საქართველოს საგარეო პოლიტიკასთან დაკავშირებით გაკეთებულ განცხადებას გამოეხმაურა და იგი დეზინფორმაციად შეაფასა.

30 ნოემბერი 2021, 15:19

პოლიტიკა

საგარეო ურთიერთობათა კომიტეტის წევრები ლატვიელ კოლეგებს შეხვდნენ

საგარეო ურთიერთობათა კომიტეტის წარმომადგენლები ლატვიის სეიმის საგარეო ურთიერთობათა კომიტეტის წევრებს შეხვდნენ, სადაც საგარეო ურთიერთობათა კომიტეტის პირველი მოადგილე, გიორგი ხელაშვილი, კომიტეტის თავმჯდომარის მოადგილე, მარიამ ლაშხი და კომიტეტის წევრი, ევროპასთან ინტეგრაციის კომიტეტის თავმჯდომარემ, მაკა ბოჭორიშვილი მონაწილეობდა.

30 ნოემბერი 2021, 15:18

რეგიონი

ბრიტანულ გამოცემებში აჭარის შესახებ სტატიები გამოქვეყნდება

აჭარის ტურიზმის დეპარტამენტის მოწვევით რეგიონს წამყვანი ბრიტანული გამოცემების ჟურნალისტები სტუმრობენ. Daily Mail-ის, The Travel Magazine-ის, Trip Reporter-ისა და The Cultural Voyager-ის ჟურნალისტები აჭარის მრავალფეროვანი ტურისტული პროდუქტების შესახებ სტატიებს ამზადებენ, - ამის შესახებ ინფორმაციას აჭარის ტურიზმის დეპარტამენტი ავრცელებს.

30 ნოემბერი 2021, 15:18

პოლიტიკა

ევროკომისიის წინ საქართველოს, უკრაინისა და მოლდოვის დროშები აღმართეს

ბრიუსელში აღმოსავლეთ პარტნიორობის მონაწილე ტრიოს სახელმწიფოების პრემიერების ერთობლივი ვიზიტი დაიწყო. ეს პირველი შემთხვევაა, როდესაც ტრიო ერთად ხვდება ევროპარლამენტის, ევროპული საბჭოს და ევროკომიიის პრეზიდენტებს.

30 ნოემბერი 2021, 15:08

საზოგადოება

1-ლი დეკემბრიდან, აირად საწვავზე მომუშავე მოწყობილობები, იმპორტის წინასწარი შეტყობინების გარეშე, საქართველოს ბაზარზე ვერ განთავსდება

1-ლი დეკემბრიდან, აირად საწვავზე მომუშავე მოწყობილობები, იმპორტის წინასწარი შეტყობინების გარეშე, საქართველოს ბაზარზე ვერ განთავსდება, - ამის შესახებ ინფორმაციას შემოსავლების სამსახური ავრცელებს.

ირაკლი ზარქუა

30 ნოემბერი 2021, 15:08

პოლიტიკა

ირაკლი ზარქუა ოპოზიციას: პრემიერ-მინისტრი და მთავრობა სწორ პოლიტიკას ატარებენ და ეს აისახება ქვეყნის ეკონომიკაზე

„უფრო მეტსაც გეტყვით და ეს არა მხოლოდ ჩვენი აღქმაა, სავალუტო ფონდის, მსოფლიო ბანკის კვლევებით, მათ შორის, ხუთწლიანი პროგნოზით და მოლოდინებით ყველაზე მაღალი ეკონომიკური ზრდა აქვს საქართველოს, ეს უნდა გაიგოთ, ეს უნდა მივიღოთ, მათ შორის საგარეო ვაჭრობაში. ბატონ ჰერმან საბომ თქვა და მივესალმები მის იმ განცხადებას, მეც მაქსიმალურად და ჩვენი გუნდი აქცენტირებული იქნება თანამშრომლობაზე იქ, სადაც დისკუსია იქნება სწორი, ადეკვატური, ჯანსაღი, იდეებზე და ა. შ., ოღონდ ჩასაფრებულის პოზიციიდან ერთმანეთის ხელის გადაგრეხვა არ უნდა იყოს“, - განაცხადა ირაკლი ზარქუამ.

მამუკა მდინარაძე

30 ნოემბერი 2021, 15:05

პოლიტიკა

მამუკა მდინარაძე: სულ მალე ვნახავთ, იმ საკრებულოში, რომელშიც ბიუჯეტი დამტკიცდა, რამდენად შეძლებენ კონსოლიდაციას სხვა საკითხებზე

„სხვა გადაწყვეტილებებით, სულ მალე ვნახავთ იქ, სადაც ბიუჯეტი დამტკიცდა, რამდენად შეძლებენ კონსოლიდაციას სხვა საკითხებზე“,- ასე აფასებს ფრაქცია „ქართული ოცნების“ თავმჯდომარე, მამუკა მდინარაძე ზუგდიდის საკრებულოს მიერ 2022 წლის ბიუჯეტის დამტკიცებას.

მამუკა მდინარაძე

30 ნოემბერი 2021, 15:02

პოლიტიკა

მამუკა მდინარაძე 19 აპრილის შეთანხმებაზე: ყველამ უნდა აიღოს პასუხისმგებლობა - ცალმხრივი კომპრომისის საფუძველზე კონსენსუსი წარმოუდგენელია

„ასე არ გამოვა - მოდით, ხელი მოვაწეროთ რაღაც შეთანხმებას, რომლის შემდეგაც მაინც რადიკალურ პოზიციაზე დავრჩებით, არაფერს არ შევასრულებთ და მხოლოდ „ქართულმა ოცნებამ“ შეასრულოს, თან, 100 პროცენტით“, - ამის შესახებ ფრაქცია „ქართული ოცნების“ თავმჯდომარემ პლენარულ სხდომაზე, 19 აპრილის შეთანხმებაზე საუბრისას განაცხადა.

ნათია თურნავა

30 ნოემბერი 2021, 14:59

ეკონომიკა

ნათია თურნავა: ჩვენ ვართ ერთ-ერთი ლიდერი EUROCONTROL-ის წევრებს შორის საჰაერო მიმოსვლის აღდგენის თვალსაზრისით

საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს დირექტორი ლევან კარანაძე ევროპის საჰაერო ნავიგაციის უსაფრთხოების ორგანიზაციის (EUROCONTROL) მმართველი საბჭოს ვიცე-პრეზიდენტად მეორე ვადით აირჩიეს.

30 ნოემბერი 2021, 14:58

COVID19

საბერძნეთში, 60 წლისა და უფროსი ასაკის პირებისთვის კორონავირუსის საწინააღმდეგო ვაქცინაცია სავალდებულო გახდება

საბერძნეთში, 60 წლისა და უფროსი ასაკის პირებისთვის კორონავირუსის საწინააღმდეგო ვაქცინაცია სავალდებულო გახდება. ამის შესახებ საბერძნეთის პრემიერ-მინისტრმა, კირიაკოს მიცოტაკისმა განაცხადა.

მამუკა მდინარაძე

30 ნოემბერი 2021, 14:58

პოლიტიკა

მამუკა მდინარაძე: თუ სახალხო დამცველი ფუნქციას სწორად შეასრულებს, მადლობას გადავუხდით და ობიექტურები ვიქნებით

„როდესაც სახალხო დამცველი ჩაერთვება იმ ნარატივსა და მესიჯბოქსში, რომელსაც „ნაცმოძრაობა“ ალაგებს ამ ქვეყანაში, ბუნებრივია, ჩვენ მას გავაკრიტიკებთ“, - ამის შესახებ ფრაქცია „ქართული ოცნების“ თავმჯდომარემ პლენარულ სხდომაზე განაცხადა.

გიორგი ვოლსკი

30 ნოემბერი 2021, 14:55

პოლიტიკა

გიორგი ვოლსკი: მიხეილ სააკაშვილს სადიზმის საშუალება არ აქვს და ცრუპენტელობა დარჩა ერთადერთ რესურსად, რასაც ის იყენებს

მიხეილ სააკაშვილს სადიზმის საშუალება არ აქვს და აქედან გამომდინარე, ცრუპენტელობა დარჩა ერთადერთ რესურსად, რასაც ის იყენებს, - ამის შესახებ საქართველოს პარლამენტის ვიცე-სპიკერმა, გიორგი ვოლსკიმ განაცხადა.

ნანა კაკაბაძე

30 ნოემბერი 2021, 14:50

პოლიტიკა

ნანა კაკაბაძე: სააკაშვილის გუშინდელი გამოსვლა იყო განაცხადი - რაც გავაკეთე, სწორი იყოო, თურმე, ეს ყოფილა აღმშენებლობა

გუშინდელმა დღემ აჩვენა, რომ არც თვითონ სააკაშვილს და არც მის გარემოცვას არ აქვს განცდა, რა დანაშაულები აქვთ ჩადენილი ქვეყნის წინაშე. ის გამოსვლა, რომელიც სააკაშვილმა სასამართლო პროცესზე გააკეთა, პირდაპირ იყო განაცხადი, რომ დიახაც, რაც გავაკეთე იყო სწორიო, თურმე, ეს ყოფილა აღმშენებლობა, ეს ყოფილა ქვეყნის წინსვლა, - ამის შესახებ „ყოფილი პოლიტპატიმრები ადამიანის უფლებებისთვის“ თავმჯდომარემ ნანა კაკაბაძემ განაცხადა. მისი თქმით, მიხეილ სააკაშვილის გუშინდელ სასამართლო პროცესზე გამოჩნდა, რომ ის არაფერს ნანობს.

სოსო რობაქიძე

30 ნოემბერი 2021, 14:50

საზოგადოება

ბუტა რობაქიძის მამა მიხეილ სააკაშვილს: მეგონა, რომ სასამართლოზე მოხვიდოდი, ქართველ ხალხს მუხლებზე დაუდგებოდი, ბოდიშს მოიხდიდი არა შეცდომებზე, არამედ ჩადენილ დანაშაულებზე და ერთი წუთით მაინც დახრიდი თავს

„მთავარსარდლის გარეშე, ერთი ჯარისკაცი ვერ დატოვებს ადგილს, სადაც მათი ბაზაა. მე მეგონა, რომ სასამართლოზე მოხვიდოდი, ქართველ ხალხს მუხლებზე დაუდგებოდი, ბოდიშს მოიხდიდი არა შეცდომებზე, არამედ ჩადენილ დანაშაულებზე და ერთი წუთით მაინც დახრიდი თავს, ჰიმნის მოსმენისას, მათ, ვინც იმქვეყნად გაისტუმრე, პატივს მაინც სცემდი“, - თქვა სოსო რობაქიძემ.

ბეჟან წაქაძე

30 ნოემბერი 2021, 14:49

პოლიტიკა

პარლამენტმა ტყიბულში უბედური შემთხვევის შედეგად დაღუპულთა ოჯახებს სამძიმარი გამოუცხადა

„მიუხედავად იმისა, რომ ძალიან ბევრი ღონისძიება გატარდა უკანონო მოპოვების კუთხით, იგი კვლავაც ხდება და , სამწუხაროდ, ადამიანებს იწირავს. მინდა, მოვუწოდო შესაბამის სამსახურებს, რომ კიდევ უფრო გაძლიერდეს კონტროლი ამ მიმართულებით, რათა არ მოხდეს მსგავსი ტრაგედიები“, - განაცხადა ბეჟან წაქაძემ.

30 ნოემბერი 2021, 14:41

COVID19

თიანეთში, კულტურისა და სპორტის სფეროს წარმომადგენლებთან, ვაქცინაციის შესახებ საინფორმაციო შეხვედრა გაიმართა

მცხეთა-მთიანეთის სახელმწიფო რწმუნებულმა დავით ნოზაძემ, თიანეთის მუნიციპალიტეტის მერ ლევან წიკლაურთან და მცხეთის მუნიციპალიტეტის საზოგადოებრივი ჯანდაცვის ცენტრის ხელმძღვანელ, რეგიონის კოორდინატორ ბადრი კუკულაძესთან ერთად, დაბა თიანეთის კულტურისა და სპორტის სფეროს წარმომადგენლებთან ვაქცინაციის შესახებ საინფორმაციო სახის შეხვედრა გამართა.

ალუდა ღუდუშაური

30 ნოემბერი 2021, 14:35

პოლიტიკა

ალუდა ღუდუშაური: სააკაშვილისგან ვერ მოვისმინეთ, რის გამო სცემეს უმოწყალოდ 7 ნოემბერს ჟურნალისტებს, რის გამო გააწამეს ჩვენი თანამოქალაქეები

ვერ მოვისმინეთ, 7 ნოემბერს უმოწყალოდ რის გამო სცემეს ჟურნალისტებს, რის გამო გააწამეს ჩვენი თანამოქალაქეები და მოუწყვეს პრაქტიკულად ბართლომეს ღამე - როდესაც თავშესაფარს ითხოვდნენ ისინი აფთიაქებში, სუპერმარკეტებში, ამ დროს თურმე ყოფილი პრეზიდენტი ტელევიზიით უყურებდა და როგორც ჩანს, ტკბებოდა ამ სცენით, - ამის შესახებ საპარლამენტო უმრავლესობის წევრმა ალუდა ღუდუშაურმა განაცხადა.

სოზარ სუბარი

30 ნოემბერი 2021, 14:34

პოლიტიკა

სოზარ სუბარი: სააკაშვილმა განაცხადა, რომ საერთოდ არ იცოდა რა ხდებოდა 7 ნოემბერს და ყველაფერი ვანო მერაბიშვილს გადააბრალა - შეუძლებელია, სააკაშვილის გარეშე ეს მომხდარიყო

„რას უნდა ველოდოთ მომავალ პროცესებზე?! - ველოდოთ რომ მას არ უნდოდა თვითმფრინავი გაფრენილიყო სუშის ჩამოსატანად ჰოლანდიაში და ამას აძალებდა მისი დაცვის უფროსი, რომ მას არ უნდოდა ჩამოეყვანათ გერმანიიდან მასაჟისტი ომის წაგებიდან ერთ კვირაში და ამას აკეთებდა მისი დაცვის უფროსი. მას არ უნდოდა 18 ათასი დოლარი ყოფილიყო გადახდილი მის სასტუმროში, რომელიც კერძო ვიზიტით იყო ტაილანდში და ამას აკეთებდა მის ნაცვლად მისი დაცვის უფროსი თემურ ჯანაშია“, - განაცხადა სოზარ სუბარმა.

იაგო ხვიჩია

30 ნოემბერი 2021, 14:32

პოლიტიკა

იაგო ხვიჩია: სხვისკენ თითის გაშვერა არც მიხეილ სააკაშვილს არგებს და არც ზოგადად „ნაციონალური მოძრაობის“ პოზიციას, რადგან არსებობს მომენტები, როდესაც პასუხისმგებლობის აღება გიწევს

სხვისკენ თითის გაშვერა არც მიხეილ სააკაშვილს არგებს და არც ზოგადად „ნაციონალური მოძრაობის“ პოზიციას, რადგან არსებობს მომენტები, როდესაც პასუხისმგებლობის აღება გიწევს - ეს ყველაზე სწორი გამოსავალია და არიდების მცდელობა სერიოზულად არ გამოიყურება, - ამის შესახებ საპარლამენტო- პოლიტიკური ჯგუფის „გირჩი“ წევრმა იაგო ხვიჩიამ „ქრონიკასთან“ განაცხადა.