23 ოქტომბერი 2021, 14:55 / სანდო წყარო

ვის მიენიჭათ „საპატიო თბილისელის“ წოდება. სრული სია

დედაქალაქის საკრებულოში 2021 წლის საპატიო თბილისელების დაჯილდოების ცერემონია გაიმართა. ღონისძიება Covid-19-ის რეგულაციების გათვალისწინებით, სტუმრების შეზღუდული რაოდენობით ჩატარდა და ფართო საზოგადოებისთვის ტელევიზიის პირდაპირი ეთერით და სოციალური ქსელის ვიდეოჩართვით გადაიცა.

დაჯილდოების წინ დედაქალაქის მერმა, კახა კალაძემ შეკრებილ საზოგადოებას სიტყვით მიმართა.

„როგორც წესი, მთელი დედაქალაქი განსაკუთრებულად ელოდება თბილისობას, ზეიმსა და მხიარულებას, რომელიც თბილისში უყრის თავს მთელ საქართველოს, ჩვენს ხალხს და უცხოელ სტუმრებს. მართლაც არაფერი სჯობს შემოდგომის ამ საყოველთაო ზეიმს და მხიარულებას. თუმცა, ყველაფერი უფერულდება, როდესაც საქმე ადამიანის სიცოცხლეს ეხება! თბილისში ყოველთვის განსაკუთრებული ადგილი ეკავა სოლიდარობის ცნებას, ერთმანეთის ტკივილის გაზიარებას და როდესაც ბათუმში დატრიალებულ უმძიმეს ტრაგედიას მთელი ქვეყანა ვგლოვობთ, არ შეგვეძლო არ მიგვეღო გადაწყვეტილება თბილისობასთან დაკავშირებული საზეიმო ღონისძიებების გაუქმებასთან და ამისთვის განკუთვნილი სახსრების დაზარალებული ოჯახებისთვის გადაცემასთან დაკავშირებით. ამიტომ, წელს მხოლოდ ერთი გამორჩეული ტრადიციით შემოიფარგლება თბილისობის ღონისძიება და ეს ღვაწლმოსილი, გამორჩეული ადამიანებისთვის საპატიო თბილისელის წოდების მინიჭებაა“, - აღნიშნა თბილისის მერმა.

მისივე თქმით, საპატიო თბილისელის სტატუსის მინიჭება არის ამ ადამიანების მიერ თბილისის წინაშე გაწეული ღვაწლის მინიმალურად დაფასება.

„ამ ქალაქს, მის მრავალფეროვნებას, ღირებულებებს, ტრადიციებსა და კულტურას აქ მცხოვრები ადამიანები საუკუნეების განმავლობაში ქმნიდნენ და დღემდე ქმნიან, ზოგიერთ მათგანს კი ჩვენი ქალაქის და ჩვენი ქვეყნის წინაშე განსაკუთრებული დამსახურება და ღვაწლი აქვს. თბილისს უამრავი საზოგადო მოღვაწე, მეცნიერი, ხელოვანი, სპორტსმენი თუ ექიმი აღუზრდია, თბილისში ბევრი ისეთი პროფესიის ადამიანიც ცხოვრობს, რომლის საქმიანობაც, ერთი შეხედვით, უშუალოდ თითქოს არ უნდა იყოს დაკავშირებული ადამიანების გადარჩენასთან, დახმარებასთან, ან რაიმე სხვა განსაკუთრებული ნიშნით გამორჩევასთან, თუმცა თბილისმა ყველას გვასწავლა, რომ პროფესია კი არ გამოარჩევს ადამიანს, არამედ ადამიანი გამოარჩევს პროფესიას, თავისი გულწრფელი, უანგარო, საკუთარი ხალხის, ქვეყნის და ქალაქისადმი სიყვარულით აღსავსე ქმედებებით და ცხოვრების წესით. დღეს, გვსურს ჩვენი ქალაქისთვის საყვარელ, დასაფასებელ და საპატიო ადამიანებს ოფიციალურად მივანიჭოთ საპატიო თბილისელის წოდება, რადგან მინიმალურად მაინც დავაფასოთ თბილისის წინაშე გაწეული მათი ღვაწლი“, - განაცხადა კახა კალაძემ.

თბილისის საპატიო მოქალაქის წოდება მიენიჭა:

რისმაგ გორდეზიანი - თანამედროვეობის დიდი ქართველი მეცნიერი, ფილოლოგი, საქართველოს მეცნიერებათა ეროვნული აკადემიის წევრი, აკადემიკოსი, მრავალი თაობის აღმზრდელი. ის სხვადასხვა დროს იყო თბილისის სახელმწიფო უნივერსიტეტის კათედრის გამგე, პრორექტორი, ბიზანტიკისა და ნეოგრეცისტიკის ინსტიტუტის დამფუძნებელი. გამოქვეყნებული აქვს 200-ზე მეტი ნაშრომი, მათგან 30 წიგნი, როგორც საქართველოში, ასევე საზღვარგარეთ; რისმაგ გორდეზიანი სხვადასხვა დროს დაჯილდოებულია ღირსებისა და ბრწყინვალების ორდენებით; არის საბერძნეთის, ბრიტანეთის, გერმანიის პრესტიჟული აკადემიური ორგანიზაციების საპატიო წევრი.

აკაკი ნადარეიშვილი - ექიმი, მედიცინის მეცნიერებათა დოქტორი, პროფესორი; აკაკი ნადარეიშვილი სხვადასხვა დროს იყო კლინიკური მედიცინის სამეცნიერო კვლევითი ინსტიტუტის დირექტორის მოადგილე, ულტრაბგერითი განყოფილების ხელმძღვანელი; გამოქვეყნებული აქვს 150-მდე სამეცნიერო ნაშრომი; არის პრესტიჟული ევროპული სამედიცინო ასოციაციების წევრი და დაჯილდოებულია ღირსების ორდენით.

ირაკლი ფავლენიშვილი - ექიმი, მედიცინის მეცნიერებათა დოქტორი, პროფესორი. სხვადასხვა დროს ირაკლი ფავლენიშვილი იყო ექიმთა დახელოვნების ინსტიტუტის პედიატრიის კათედრის გამგე, თბილისის სამედიცინო უნივერსიტეტის რექტორის მოადგილე და საბჭოს წევრი, სამედიცინო აკადემიის პრორექტორი, საქართველოს პედიატრ-ქიმიოთერაპევტთა საზოგადოების პრეზიდენტი და თბილისის საკრებულოს წევრი; მას გამოქვეყნებული აქვს მრავალი სამეცნიერო ნაშრომი; არის 52 აკრედიტებული სამედიცინო პროგრამის ავტორი და განმახორციელებელი, ასევე, 15 პატენტის ავტორი. მოპოვებული აქვს სახელმწიფო პრემია, ჯანდაცვის მსოფლიო ორგანიზაციის ოქროს მედალი, სოდერბერგის ფონდის პრემია, ჰოსპიტალური ინფექციის საერთაშორისო საზოგადოების მედალი.

რამაზ ყურაშვილი - ექიმი-ენდოკრინოლოგი, მედიცინის მეცნიერებათა დოქტორი, პროფესორი. ის დიაბეტის ეროვნული ცენტრის, ენდოკრინული და გულ-ფილტვის დაავადებების ცენტრის, საქართველოს დიაბეტის და ენდოკრინული ასოციაციის დამფუძნებელია; სხვადასხვა დროს კვლევითი მიზნით მუშაობდა უცხოეთის პრესტიჟულ სამედიცინო დაწესებულებებში; გამოქვეყნებული აქვს არაერთი სამეცნიერო ნაშრომი; დაჯილდოებულია საქართველოს საპატიო ორდენით, იტალიის ექიმთა ასოციაციის საპატიო სიგელით, საუკუნის ექიმის წოდებით და მედია ვარსკვლავით მედიცინაში შეტანილი წვლილისთვის.

დავით კვაჭაძე - ფოტოგრაფი და ამავდროულად მოკრივე. ბატონი დავითი ფოტოგრაფთან ერთად კრივის სამგზის ჩემპიონი და სპორტის დამსახურებული ოსტატი გახლავთ. მას გამართული აქვს 20-ზე მეტი ადგილობრივი და საერთაშორისო პერსონალური გამოფენა; დაჯილდოებულია ღირსების ორდენით საქართველოში და საპატიო მოქალაქის წოდებით - ნიუ ორლეანში.

ლილი კინწურაშვილი - ქალაქის დასუფთავების სამსახურის ადამიანური რესურსების მართვის სამსახურის მთავარი სპეციალისტი. მას 18 სექტემბერს დასუფთავების სამსახურში მუშაობისა და ქალაქის მსახურების 49 წელი შეუსრულდა.

ელგუჯა ბურდული - ცნობილი მსახიობი, საქართველოს კინემატოგრაფისტთა კავშირის წევრი. ის დაჯილდოებულია პრესტიჟული პრემიებით მამაკაცის საუკეთესო როლის შესრულებისთვის.

პაატა კერვალიშვილი - ფიზიკოსი, ფიზიკა-მათემატიკის მეცნიერებათა დოქტორი, მსოფლიოს წამყვან სახელმწიფოებში აღიარებული მეცნიერი ატომური ენერგიის მიმართულებით. პაატა კერვალიშვილი 500-მდე სამეცნიერო ნაშრომის, 35 გამოგონებისა და პატენტის ავტორია. ხელმძღვანელობდა 40-ზე მეტ საერთაშორისო კონფერენციას, 50-ზე მეტ კონფერენციაზე კი მომხსენებლის სტატუსით იყო მიწვეული. ბატონი პაატა ნატოს სამეცნიერო საბჭოს ყოფილი წევრია, სენსორული სისტემების სამეცნიერო ტექნოლოგიური ცენტრის დაფუძნების ინიციატორი და საქართველოს საბუნებისმეტყველო მეცნიერებათა აკადემიის პრეზიდენტი.

ინგა ჯიბუტი - ენისა და ლიტერატურის სპეციალისტი, ტერმინოლოგი. ის არნოლდ ჩიქობავას სახელობის ენათმეცნიერების ინსტიტუტის უფროსი მეცნიერ თანამშრომელია, საქართველოს ტერმინოლოგთა ასოციაციის თანადამფუძნებელი, ტერმინოლოგიური ლექსიკონის, 40-ზე მეტი სამეცნიერო ნაშრომისა და წიგნის ავტორი ტექნიკური ტერმინოლოგიის მიმართულებით.

ბადრი ქუთათელაძე - მწერალი, პოეტი და მკვლევარი, ილია ჭავჭავაძის, ნიკო ნიკოლაძის, გალაკტიონ ტაბიძის პრემიების ლაურეატი. ბადრი ქუთათელაძე საქართველოს მწერალთა კავშირის წევრია, ღირსების ორდენის კავალერი, „ქართული კულტურის ამაგდარისა“ და „კულტურის რაინდის“ წოდების მფლობელი. დაჯილდოებულია რომის პაპის მედლით ქართველი მეცნიერის - მიხეილ თამარაშვილის სახელის უკვდავყოფისთვის. თბილისის ისტორიას და კულტურას ბადრი ქუთათელაძემ ოთხი ფუნდამენტური კვლევა მიუძღვნა.

გრიგოლ ჩიგოგიძე - თეატრმცოდნე და ჟურნალისტი. სხვადასხვა დროს მუშაობდა საქართველოს სახელმწიფო ტელევიზიაში რეჟისორად, ოპერატორად, ჟურნალისტად. ის არის ახალგაზრდა კინომოყვარულთა საერთაშორისო ფესტივალის „თბილისური აისი“-ს დამფუძნებელი და ჟურნალისტთა საერთაშორისო ფონდ „ოქროს ფრთის“ ლაურეატი. 1975 წლიდან არის მოსწავლე-ახალგაზრდობის ეროვნული სასახლის კინოსტუდია „პიონერფილმის“ ხელმძღვანელი. დაჯილდოებულია ღირსების მედლითა და ორდენით.

დავით მუსხელიშვილი - ისტორიკოსი, ისტორიის მეცნიერებათა დოქტორი, პროფესორი, აკადემიკოსი, 180-მდე სამეცნიერო ნაშრომის ავტორი. ის საქართველოს მეცნიერებათა ეროვნული აკადემიის ისტორიის, არქეოლოგიისა და ეთნოლოგიის კომისიის თავმჯდომარეა; სხვადასხვა დროს მუშაობდა ივანე ჯავახიშვილის სახელობის ისტორიული გეოგრაფიის განყოფილების ხელმძღვანელად, ისტორიისა და ეთნოლოგიის ინსტიტუტის დირექტორად.

გივი ღამბაშიძე - პროფესიით ზეინკალი, რომელიც სხვადასხვა დროს თბილისის მეტროპოლიტენში ზეინკლად და სამურნეო საამქროს თანამშრომლად მუშაობდა. გივი ღამბაშიძის თაოსნობით მოხდა საწარმოო ტერიტორიის განაშენიანება, გაიმართა შესაბამისი ინფრასტრუქტურა და წლების განმავლობაში ის შეუცვლელ როლს ასრულებდა თბილისის მეტროპოლიტენის გამართულად მუშაობისთვის.

ღონისძიებას მუსიკალურად აფორმებდა თბილისის მერიის ბიგ ბენდი.

წოდება ენიჭებათ საქართველოს მოქალაქეებს თბილისის წინაშე გაწეული განსაკუთრებული დამსახურებისათვის, ქვეყნის აღმშენებლობის საქმეში ხანგრძლივი და უმწიკვლო სამსახურისა და მაღალი პროფესიული ოსტატობისთვის, უცხო სახელმწიფო მოქალაქეებს — განსაკუთრებული დამსახურებისათვის საქართველოსა და თბილისის წინაშე.

პანდემიიდან გამომდინარე, „თბილისობის“ ფარგლებში სადღესასწაულო ღონისძიებები წელსაც არ იმართება. თბილისის მერიას დაგეგმილი ჰქონდა ონლაინ რეჟიმში, პირდაპირ ეთერში 2021 წლის „თბილისობის“ მუსიკალური წარმოდგენის ჩვენება, რომელიც 8 ოქტომბერს ბათუმში მომხდარი უბედური შემთხვევის გამო აღარ გაიმართა.

გასული წლების განმავლობაში დასახელებული თბილისის საპატიო მოქალაქეების სია იხილეთ ამ ბმულზე.

ყველა სიახლე

29 ნოემბერი 2021, 13:46

მსოფლიო

Axios: გერმანიის მთავრობა აშშ-ის კონგრესის წევრებს მოუწოდებს, „ჩრდილოეთის ნაკადი 2“-ს სანქციები არ დაუწესონ

გერმანიის მთავრობა აშშ-ის კონგრესის წევრებს მოუწოდებს, „ჩრდილოეთის ნაკადი 2“-ს სანქციები არ დაუწესონ. ინფორმაციას ამის შესახებ საინფორმაციო პორტალი Axios-ი ავრცელებს.

29 ნოემბერი 2021, 13:43

საზოგადოება

საქალაქო სასამართლოს მიმდებარედ, აღმაშენებლის გამზირზე ერთი მიმართულებით საავტომობილო მოძრაობა აღდგენილია

აღნიშნული სამართალდამცველების ჩარევის შედეგად გახდა შესაძლებელი. სააკაშვილის მხარდამჭერებს აღმაშენებლის ხეივანში საავტომობილო მოძრაობა ორივე მიმართულებით ჰქონდათ გადაკეტილი. სამართალდამცველებმა მოუწოდეს მოქალაქეებს, დაეტოვებინათ გზის სავალი ნაწილი, რა დროსაც მოხდა დაპირისპირება და რამდენიმე ადამიანი დააკავეს.

29 ნოემბერი 2021, 13:37

პოლიტიკა

იურიდიულ საკითხთა კომიტეტმა პირველი მოსმენისთვის მხარი დაუჭირა კანონპროექტს, რომლის მიხედვითაც ძაღლის ან კატის მიტოვება ადმინისტრაციულად დასჯადი უნდა გახდეს

„ასეთი მუხლი არის ყველა ცივილიზებული ქვეყნის სამართალდარღვევათა კოდექსში, რომელიც კრძალავს შინაური ცხოველის მიტოვებას, მათდამი სასტიკ და უდიერ მოპყრობას. აქედან გამომდინარე, მიგვაჩნია, რომ ეს ცვლილებები შეტანილი უნდა იყოს ადმინისტრაციულ სამართალდარღვევათა კოდექსში. სხვა საპარლამენტო კომიტეტებმა მხარი დაუჭირეს ჩვენს ინიციატივას კონკრეტული დათქმებით, რომლის გათვალისწინებითაც უნდა მოხდეს საბოლოოდ ამ კანონპროექტის მიღება. მთავარი დათქმა ის არის, რომ კანონი კომპანიონი ცხოველების შესახებ, რომლის მიღებაც დაგეგმილია, უნდა ამოქმედდეს ამ ცვლილებებთან ერთად იმისთვის, რომ კანონი აღსრულების ნაწილში იყოს ეფექტური“, - განაცხადა იოსელიანმა.

29 ნოემბერი 2021, 13:35

სამართალი

აღმაშენებლის ხეივანში გზის სავალ ნაწილზე აქციის მიმდინარეობისას სამართალდამცველებმა გიგი უგულავა ტერიტორიიდან განარიდეს

სააკაშვილის მხარდამჭერებს აღმაშენებლის ხეივანში საავტომობილო მოძრაობა ორივე მიმართულებით ჰქონდათ გადაკეტილი. სამართალდამცველებმა მოუწოდეს მოქალაქეებს, დაეტოვებინათ გზის სავალი ნაწილი, რა დროსაც მოხდა დაპირისპირება და რამდენიმე ადამიანი დააკავეს. ამასთან, პოლიციის წარმომადგენლებმა აღნიშნული ტერიტორიიდან გაიყვანეს გიგი უგულავაც, რომელიც გზის სავალ ნაწილზე გადადიოდა და მოძრაობის შეფერხება სურდა.

მიხეილ სააკაშვილი

29 ნოემბერი 2021, 13:15

სამართალი

მიხეილ სააკაშვილი: არ ვაღიარებ პროკურატურასა და ქართულ მართლმსაჯულებას

საქართველოს ყოფილმა პრეზიდენტმა, მიხეილ სააკაშვილმა, 7 ნოემბრის საქმეზე სასამართლო პროცესის დაწყებამდე განაცხადა, რომ პროკურატურასა და ქართულ მართლმსაჯულებას არ აღიარებს.

29 ნოემბერი 2021, 13:06

საზოგადოება

მედიალაბმა „იდეადრომის“ ხუთი გამარჯვებული დააჯილდოვა

კომუნიკაციების კომისიის “მედიალაბმა” სტარტაპიდეების კონკურსის „იდეადრომის“ 5 გამარჯვებული დააჯილდოვა.

ანრი ოხანაშვილი

29 ნოემბერი 2021, 13:06

პოლიტიკა

ანრი ონახაშვილი „ნაცმოძრაობის“ აქციაზე: თითოეულ კანონდარღვევას პროპორციული რეაგირება ექნება

„ფაქტი არის ის, რომ ეს ადამიანები ამბობდნენ, რომ არანაირ ესკალაციას არ შექმნიდნენ არცერთ ინსტიტუციასთან და აკეთებენ საპირისპიროს - ცდილობენ რადიკალიზაციასა და კანონის დარღვევას. თითოეულ კანონდარღვევას ექნება პროპორციული რეაგირება“, - განაცხადა ოხანაშვილმა.

რატი იონათამიშვილი

29 ნოემბერი 2021, 13:05

პოლიტიკა

რატი იონათამიშვილი: ერთადერთი შედეგი, რაც პროვოკაციებით დგება, არის ის, რომ „ნაციონალური მოძრაობის“ კიდევ უფრო მარგინალიზაცია ხდება

„ნაციონალური მოძრაობა“ აქციებს იყენებს, რათა პროვოკაციები მოაწყოს. თუმცა, ამ პროვოკაციებით ერთადერთი შედეგი რაც მაათთვის დგება, არის ის, რომ „ნაციონალური მოძრაობის“ კიდევ უფრო მარგინალიზაცია ხდება, - ამის შესახებ საპარლამენტო უმრავლესობის წევრმა, რატი იონათამიშვილმა ჟურნალისტებს თბილისის საქალაქო სასამართლოსთან განვითარებულ მოვლენებზე განუცხადა.

თამთა მეგრელიშვილი

29 ნოემბერი 2021, 12:56

პოლიტიკა

თამთა მეგრელიშვილი: სასამართლოს ეზოში შეკრებილი ხალხის დიდი ნაწილი მობილიზებულია გარკვეული ფულის სანაცვლოდ, რაც, კიდევ ერთხელ, მიხეილ სააკაშვილის სირცხვილი და პოლიტიკური იმიჯის დასამარების ტოლფასია

„მართლმსაჯულების განხორციელებისთვის ხელის შეშლის მიზნით, სასამართლოსთან, არამშვიდობიანი პროტესტი პირველი, ვის უფლებებსაც ლახავს და ვისაც ხელს უშლის, თავად მიხეილ სააკაშვილია“, - ასე აფასებს საჯარო მმართველობის დოქტორი თამთა მეგრელიშვილი მიხეილ სააკაშვილის პროცესთან დაკავშირებით საქალაქო სასამართლოსთან მისი მხარდამჭერების აქციას.

ლევან ნიკოლეიშვილი

29 ნოემბერი 2021, 12:54

პოლიტიკა

ლევან ნიკოლეიშვილი: რადიკალებმა და პროვოკატორებმა, მიუხედავად იმისა დიდის ამბით აცხადებდნენ, რომ აქციებსა და პროვოკაციებს არ მოაწყობდნენ-მაინც მოაწყვეს

ექსპერტი ლევან ნიკოლეიშვილი მიხეილ სააკაშვილის მხარდამჭერ აქციას ეხმიანება, რომელიც თბილისის საქალაქო სასამართლოსთან მიმდინარეობს და წერს -„ რაც არ უნდა იყვირონ და იწივლონ, კანონი რასაც ითვალისწინებს ის უნდა მოხდეს. ყოვლად დაუშვებელია, რადიკალურ დაჯგუფების გადასაწყვეტი იყოს თუ როგორ უნდა წარიმართოს პოლიტიკური ცხოვრება“

ალეკო ელისაშვილი

29 ნოემბერი 2021, 12:54

პოლიტიკა

ალეკო ელისაშვილი: „ნაციონალური მოძრაობის“ მხარდამჭერებს სურთ სააკაშვილის თავს რაღაც დრამატული მოხდეს, ვინაიდან ჭამს და მკურნალობს, ახლა უჩხიკინებენ, გასხივებენო

„ნაციონალურ მოძრაობაში“ ადამიანები იყვნენ, რომელთაც ერთი სული ჰქონდათ, სააკაშვილს რამე დამართნოდა და რევოლუციის შანსი ჰქონოდათ. როგორც ჩანს, ეს განცდა მხოლოდ მე არ მქონდა, რადგან მის შვილსაც იგივე განცდა ჰქონდა. „ნაციონალურ მოძრაობაში“ ძალიან ბევრს ერთი სული ჰქონდა, მომკვდარიყო. მგონი, მარტო მე ვგულშემატკივრობდი, შიმშილობა შეეწყვიტა. ადამიანურად მეცოდებოდა, პოლიტიკურად - არა. უჩხიკინებდნენ და აქეზებდნენ. ახლაც იგივე გრძელდება, „ნაციონალური მოძრაობის“ მხარდამჭერებს უნდათ, რამე დაემართოს და სააკაშვილის თავს რაღაც დრამატული მოხდეს. ვინაიდან, გორის ჰოსპიტალში გადაიყვანეს, ჭამს და მკურნალობს, ახლა უჩხიკინებენ გასხივებენო“, - განაცხადა ელისაშვილმა.

ვლადიმერ ბოჟაძე

29 ნოემბერი 2021, 12:51

პოლიტიკა

ვლადიმერ ბოჟაძე: რაც ახლა სასამართლოს შენობასთან ხდება ან მოხდება, პირადად სააკაშვილის და ,,ნაციონალური მოძრაობის" პასუხისმგებლობაა

ქაოსს, დესტაბილიზაციას და არეულობას საქართველოში არავინ დაუშვებს, არც ქვეყნის შიგნით და არც ქვეყნის გარეთ - წერს სოციალურ ქსელში ექსპერტი ვლადიმერ ბოჟაძე.

29 ნოემბერი 2021, 12:51

ეკონომიკა

საგარეო ურთიერთობათა კომიტეტმა სარატიფიკაციოდ წარმოდგენილ დოკუმენტებს მხარი დაუჭირა

„საფრანგეთის განვითარების სააგენტოსა და საქართველოს შორის საკრედიტო შეთანხმება (საქართველოს ენერგეტიკის სექტორის რეფორმა)“ განიხილა საგარეო ურთიერთობათა კომიტეტმა, რომელიც 150 მლნ ევროს 20 წლის ვადით გამოყოფას ითვალისწინებს, საიდანაც 5 წელი საშეღავათო პერიოდია, ხოლო საპროცენტო განაკვეთი ფიქსირებულია და შეადგენს წლიურ 0,81%-ს.

29 ნოემბერი 2021, 12:38

COVID19

G7-ის ჯანდაცვის მინისტრები „ომიკრონ“ შტამთან დაკავშირებით შექმნილი ვითარების განსახილველად საგანგებო შეხვედრას გამართავენ

„დიდი შვიდეულის“ (G7) ჯანდაცვის მინისტრები „ომიკრონ“ შტამთან დაკავშირებით შექმნილი ვითარების განსახილველად საგანგებო შეხვედრას გამართავენ. ინფორმაციას ამის შესახებ სააგენტო Reuters-ი ავრცელებს.

ედიშერ გვენეტაძე

29 ნოემბერი 2021, 12:36

პოლიტიკა

ედიშერ გვენეტაძე: ეს ფულის დამრიგებელნი არიან კოლექტიური მეგის ქარდავები!

ნახეთ, როგორ ურიგებენ სასამართლოს ეზოში ფულს ნაცების მიერ მოყვანილ ადამიანებს! - ასე ეხმიანება facebook-ზე ექსპერტი ედიშერ გვენეტაძე თბილისის საქალაქო სასამართლოს მიმდებარე ტერიტორიაზე მიხეილ სააკაშვილის მხარდამჭერ აქციას.

ლაშა ხუციშვილი

29 ნოემბერი 2021, 12:35

ეკონომიკა

ლაშა ხუციშვილმა სათამაშო ბიზნესის ახალი რეგულაციები წარადგინა

პრემიერ-მინისტრ ირაკლი ღარიბაშვილის დავალების შესაბამისად, საქართველოს ფინანსთა სამინისტრომ ონლაინ სათამაშო ბიზნესისათვის ახალი საგადასახადო დაბეგვრის მექანიზმების შესახებ ცვლილებების პროექტი მოამზადა. როგორც ფინანსთა მინისტრმა, ლაშა ხუციშვილმა მთავრობის სხდომაზე აღნიშნა, ახალი რეგულაციებით განაწილებული მოგების ნაცვლად დაბეგვრას დაექვემდებარება ე.წ GGR (მიღებულ ფსონებსა და გაცემულ მოგებებს შორის სხვაობა) 10%-იანი მოგების გადასახადით.

ზაალ ანჯაფარიძე

29 ნოემბერი 2021, 12:34

პოლიტიკა

ზაალ ანჯაფარიძე: სააკაშვილის ხელისუფლებამ გააუქმა სასამართლო სხდომებიდან პირდაპირ ეთერი, მხოლოდ 2013 წელს დაბრუნდა ვიდეო გადაღება სხდომათა დარბაზში

„ცნობისთვის, სააკაშვილის ხელისუფლებამ გააუქმა სასამართლო სხდომებიდან პირდაპირ ეთერი. უფრო მეტიც, მათ აკრძალეს კამერის შეტანაც კი სხდომაზე. მხოლოდ 2013 წელს დაბრუნდა ვიდეო გადაღება სხდომათა დარბაზში“, - წერს ანჯაფარიძე Facebook-ზე.

29 ნოემბერი 2021, 12:30

პოლიტიკა

ევროპის საბჭოს წამებისა და არაადამიანური ან დამამცირებელი მოპყრობის ან დასჯის აღკვეთის ევროპული კომიტეტის წევრობის კანდიდატებთან გასაუბრება 13 დეკემბერს გაიმართება

პარლამენტში საქართველოს კვოტით ევროპის საბჭოს წამებისა და არაადამიანური ან დამამცირებელი მოპყრობის ან დასჯის აღკვეთის ევროპული კომიტეტის წევრობის კანდიდატთა შესარჩევი საკონკურსო კომისიის მორიგი სხდომა გაიმართა.

ანდრია გვიდიანი

29 ნოემბერი 2021, 12:29

პოლიტიკა

ანდრია გვიდიანი: ეს ხალხი ყველაფერზე წამსვლელია, ყველანაირ არეულობასა თუ ანტისახელმწიფოებრივ ქმედებაზე ხელისმომწერები

„როგორ ფიქრობთ, რატომ ითხოვდნენ დაჟინებით სასამართლოში გადაყვანას?! რატომ ითხოვდნენ შეურაცხადებივით სამოქალაქო საავადმყოფოში გადაყვანას?! რატომ არის მათთვის თვითმიზანი სააკაშვილის მიერ ციხის ტერიტორიის დატოვება?! ეს ხალხი ყველაფერზე წამსვლელია, ყველანაირ არეულობასა თუ ანტისახელმწიფოებრივ ქმედებაზე ხელისმომწერები. ეს მათ დაამტკიცეს ხელისუფლებაში ყოფნის დროს და წარმატებით აგრძელებენ ოპოზიციიდანაც“, - წერს გვიდიანი Facebook-ზე.

დავით ქართველიშვილი

29 ნოემბერი 2021, 12:25

პოლიტიკა

დავით ქართველიშვილი: სასამართლოსთან მიმდინარეობს ვითარების ხელოვნურად დაძაბვის და არეულობის დაგეგმილი და მიზანმიმართული პროცესები

ექსპერტი დავით ქართველიშვილი Facebook-ზე თბილისის საქალაქო სასამართლოს მიმდებარე ტერიტორიაზე მიხეილ სააკაშვილის მხარდამჭერ აქციას ეხმიანება და ამბობს, რომ მიზანმიმართულად ხორციელდება პროცესის დაძაბვა.