მარიამ ქვრივიშვილი: ძალიან მოხარული ვარ, რომ ჩვენი მუშაობის შედეგად ქვეყანაში იმყოფებიან მსოფლიოში ყველაზე გავლენიანი გამოცემების წარმომადგენლები, მათ შორის არიან: The New York Times-ი, Forbes-ი, BBC-ი, Independent-ი და ა.შ

მარიამ ქვრივიშვილმა „ქრონიკაში“ საერთაშორისო მედიატურზე ისაუბრა, რომელშიც 7 ჟურნალისტი და ბლოგერი მონაწილეობს. ეკონომიკისა და მდგრადი განვითარების მინისტრის მოადგილემ აღნიშნა, რომ ეს ქვეყნის სწორ პოზიციონირებისა და პოპულარიზაციისთვის ერთ-ერთი მნიშვნელოვანი ინსტრუმენტია.

„ჩვენთვის ყოველთვის მნიშვნელოვანია, ჩამოვიყვანოთ ისეთი ჟურნალისტები და ბლოგერები, რომლებიც გავლენიანები არიან, ჰყავთ ბევრი გამომწერი, მაგრამ მეორე მხრივ, ის გამოცემები, რომლებშიც ჩვენი ქვეყნის შესახებ სტატიები მოხვდება, მილიონობით ადამიანისთვის იყოს ხელმისაწვდომი. ძალიან მოხარული ვარ, რომ ჩვენი მუშაობის შედეგად ქვეყანაში იმყოფებიან მსოფლიოში ყველაზე გავლენიანი გამოცემების წარმომადგენლები, მათ შორის არიან: The New York Times-ი, Forbes-ი, BBC-ი, Independent-ი და ა.შ. ასეთი ცნობილი გამოცემები პრესტურის შედეგად გამოაქვეყნებენ სტატიებს ჩვენი ქვეყნის ღირსშესანიშნაობების შესახებ და ეს ყველაფერი პირველ რიგში დაგვეხმარება იმაში, რომ ჩვენი ქვეყნის პოპულარიზაცია სხვადასხვა მიმართულებით მოხდეს და მილიონობით ადამიანმა ჩვენთვის მნიშვნელოვან ქვეყნებში გაიცნოს საქართველო კიდევ უფრო კარგად და ამან მეტ მოგზაურს გაუჩინოს სურვილი და მოტივაცია, რომ აირჩიონ საქართველოში მოგზაურობა“, - განაცხადა ქვრივიშვილმა.