GORBI: საზოგადოების ნდობის რეიტინგში კვლავ „იმედი“ ლიდერობს

საქართველოში სატელევიზიო რეიტინგის ლიდერი ისევ ტელეკომპანია „იმედია“. ყველაზე სანდო ტელევიზიების პირველ ადგილს სწორედ „იმედი“ იკავებს. გამოკითხვა კომაპნია GORBI-მ ჩაატარა.

კითხვაზე „რომელ სატელევიზიო არხს ენდობით ყველაზე მეტად, როდესაც საქმე ეხება ახალ ამბებსა და ინფორმაციას?“ პასუხები ასე გადანაწილდა.

გამოკითხულთა 32% ამბობს, რომ ენდობა „იმედს“. „რუსთავი 2“-ს ენდობა 12,7%. „მთავარს“ 11%, „ტვ პირველს“ -7,8%, საქართველოს საზოგადოებრივ მაუწყებელს - 4,5%, „პოსტივის“ - 3,5%, „ფორმულას“ -1,9%, „მაესტროს“ - 1,8%, „პალიტრას“ - 1,6%. სხვა ტელევიზიებს 8,2% და არცერთს არ ენდობა გამოკითხულთა 15%.

შეკითხვაზე „რომელ წყაროს იყენებთ კვირაში რამდენიმეჯერ ახალი ამბებისა და ინფორმაციის მისაღებად საქართველოში მიმდინარე მოვლენების შესახებ? დაასახელეთ ყველა წყარო, რომელსაც იყენებთ“ შედეგები ასე გადანაწილდა: ტელევიზია - 41,4%, სოციალური მედია - 41,4%, ინტერნეტგაზეთები და ბლოგები - 11,1%, მეგობრები და ოჯახი - 6,3%. ბეჭდური გაზეთები და ჟურნალები - 3%, რადიო - 1,4

აღსანიშნავია, რომ ამ კითხვაზე დასაშვები იყო რამდენიმე პასუხი და, შესაბამისად, ამ შედეგების დაჯამებით არ და ვერ მიიღება 100%.

კვლევა ტელეიმედის დაკვეთით საქართველოს საზოგადოებრივი აზრისა და ბიზნესის კვლევის საერთაშორისო ცენტრმა გორბიმ 10-16 მარტს ჩაატარა. საქართველოს მასშტაბით, სატელეფონო პანელით გამოიკითხა 1008 რესპონდენტი. ცდომილების ზღვარია +/- 3 %