მასწავლებელთა პროფესიული განვითარების ეროვნული ცენტრის ორგანიზებით, თემაზე „როგორ დავეხმაროთ ბავშვებს მოტივაციისა და თვითრეგულირების უნარის ჩამოყალიბებაში“, ვებინარი გაიმართება

მასწავლებელთა პროფესიული განვითარების ეროვნული ცენტრის „ინკლუზიური განათლების ხელშეწყობის“ პროგრამის ფარგლებში, 7 მაისს, 17:00 საათზე გაიმართება ონლაინ ვებინარი თემაზე: „როგორ დავეხმაროთ ბავშვებს მოტივაციისა და თვითრეგულირების უნარის ჩამოყალიბებაში“.

„ვებინარში მონაწილეობის მიღება შეუძლია ნებისმიერ მსურველს Microsoft TEAMS-ის პლატფორმის ბმულის გამოყენებით: https://teams.microsoft.com/meet/46821969173674?p=LAF3F0KOUKVPo6Miae

ვებინარის ფარგლებში განხილული იქნება სკოლაში სწავლა-სწავლების პროცესში მოსწავლეთა მოტივაციისა და თვითრეგულირების უნარის ჩამოყალიბებისთვის მნიშვნელოვანი თემები: თვით-აღქმა, ემოციური თვითრეგულირება, მოტივაციის გაღვივება, პასუხისმგებლობისა და თვითკონტროლის განვითარება, მხარდამჭერი გარემოს შექმნა და პრაქტიკული აქტივობების გამოყენება.

მონაწილეებს ექნებათ შესაძლებლობა გამოცდილი პროფესიონალების დახმარებით გაიღრმაონ ცოდნა მოსწავლეთა შინაგანი მოტივაციის გაძლიერების, თვითრეგულირების სტრატეგიების განვითარების, ეფექტური სასწავლო აქტივობების დაგეგმვისა და განხორციელების მიმართულებით და მიღებული ცოდნა და გამოცდილება სამუშაო პრაქტიკაში გამოიყენონ.

ვებინარის მომხსენებელია - ფსიქოლოგი ნინო გოგიჩაძე, ფასილიტატორი - „ინკლუზიური განათლების ხელშეწყობის“ პროგრამის კონსულტანტი ნათია შერბაკოვა“, - აცხადებენ მასწავლებელთა პროფესიული განვითარების ეროვნული ცენტრში.