სამებაში გაფართოებული საეკლესიო კრება მიმდინარეობს, სადაც ახალ პატრიარქს აირჩევენ
ფოტო: IMEDI/კადრი
სამების ტაძარში საქართველოს ახალი პატრიარქის ასარჩევი გაფართოებული საეკლესიო კრება მიმდინარეობს. მანამდე სამებაში ილია მეორის სულის მოსახსენებელი პანაშვიდი აღევლინა.
კრების ოფიციალურად გახსნამდე მონაწილეებს მისასალმებელი სიტყვით მიმართა საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი). ამის შემდეგ კი საქართველოს მართლმადიდებელი ეკლესიის გაფართოებული კრება დახურულ რეჟიმში გაგრძელდა.
გაფართოებულ საეკლესიო კრებაზე დღეს ახალ კათოლიკოსს გამოარჩევენ. მღვდელმთავრებმა არჩევანი სამ კანდიდატს - საპატრიარქო ტახტის მოსაყდრე, მიტროპოლიტ შიოს, მროველ-ურბნელ მიტროპოლიტ იობსა და ფოთისა და ხობის მიტროპოლიტ გრიგოლს შორის უნდა გააკეთონ.
საპატრიარქო ტახტის მოსაყდრე, მიტროპოლიტი შიო - სენაკისა და ჩხოროწყუს მიტროპოლიტი, ერისკაცობაში ელიზბარ მუჯირი, ილია II-ის გადაწყვეტილებით, უკვე 9 წელია, საპატრიარქო ტახტის მოსაყდრეა. ის არის ქორეპისკოპოსი, განსაკუთრებული დამსახურებების გამო სკუფიაზე ბრილიანტის ჯვრის ტარების უფლებით. დამთავრებული აქვს ბათუმის სასულიერო სემინარია და მოსკოვის სასულიერო აკადემია.
ფოთისა და ხობის მიტროპოლიტ გრიგოლი - ერისკაცობაში გურამ ბერბიჭაშვილი, სკოლის დამთავრების შემდეგ ის უკრაინაში სამოქალაქო ავიაციის სასწავლებელში სწავლობდა. 1988-1991 წლებში სწავლა თბილისის სასულიერო სემინარიაში გააგრძელა, შემდეგ კი თბილისის სასულიერო აკადემიაში. 1996 წლის 24 მარტს საქართველოს კათოლიკოს-პატრიარქმა ილია II-მ არქიმანდრიტი გრიგოლი ფოთისა და ხობის ეპისკოპოსად აკურთხა.
მროველ-ურბნელი მიტროპოლიტი იობი აქიაშვილი - ერისკაცობაში ელგუჯა აქიაშვილი, 1960 წელს ყაზბეგის რაიონის სოფელ სნოში დაიბადა. სნოს საშუალო სკოლის დამთავრების შემდეგ ჩაირიცხა საქართველოს სასოფლო-სამეურნეო ინსტიტუტის ეკონომიკის ფაკულტეტზე. სტუდენტობის წლებში იყო სიონის საპატრიარქო ტაძრის სტიქაროსანი. დაამთავრა სასულიერო სემინარია. მისი სასულიერო გზა ინსტიტუტის დამთავრების შემდეგ დაიწყო, როცა საპატრიარქოში ეკონომისტად დაინიშნა.
ყველა სიახლე
11 მაისი 2026, 13:58
მსოფლიო
ესპანეთის საგარეო საქმეთა მინისტრის განცხადებით, ევროკავშირს საკუთარი არმია სჭირდება
ესპანეთის საგარეო საქმეთა მინისტრის განცხადებით, ევროკავშირს საკუთარი არმია სჭირდება ისეთი მტრების შესაკავებლად, როგორიც რუსეთია. ხოსე მანუელ ალბარესმა Politico-ს განუცხადა, რომ დაუშვებელია ყოველ დილით იმაზე ფიქრით გაღვიძება, თუ რა იქნება შეერთებული შტატების მომდევნო ნაბიჯი და დაეხმარება თუ არა ის ევროპას.
11 მაისი 2026, 13:58
პოლიტიკა
შალვა პაპუაშვილი სლოვაკეთის პარლამენტის თავმჯდომარეს შეხვდა
საქართველოს პარლამენტის თავმჯდომარე შალვა პაპუაშვილი სლოვაკეთის პარლამენტის - ეროვნული საბჭოს თავმჯდომარე რიხარდ რაშის შეხვდა.
11 მაისი 2026, 13:49
პოლიტიკა
შალვა პაპუაშვილი: საქართველოს ხელისუფლება არ აპირებს ჩაერთოს ხელოვნურ ან საზოგადოების გახლეჩისკენ მიმართულ იდეოლოგიურ დაპირისპირებებში, მადლიერებას გამოვთქვამ სლოვაკეთის მიმართ საქართველოს ურყევი მხარდაჭერისთვის
შალვა პაპუაშვილმა ყურადღება გაამახვილა საპარლამენტო კავშირების გაძლიერებასა და მეგობრობის ჯგუფებს შორის თანამშრომლობის გაღრმავებაზე.
11 მაისი 2026, 13:25
საზოგადოება
მეუფე შიო: მრავალჯერ გვიფიქრია, როგორ გაუმკლავდეს ეკლესია თანამედროვე გამოწვევებს, დაიცვას სამწყსო და მომავალი, ამაზე პასუხები ილია მეორის მიერ ბრძნულად გადადგმულ ნაბიჯებსა და გაკვალულ გზაშია
მრავალჯერ გვიფიქრია, როგორ გაუმკლავდეს ეკლესია თანამედროვე გამოწვევებს, დაიცვას სამწყსო და მომავალი, ამაზე პასუხები ილია მეორის მიერ ბრძნულად გადადგმულ ნაბიჯებსა და გაკვალულ გზაშია,-განაცხადა კათოლიკოს-პატრიარქის ტახტის მოსაყდრემ, სენაკისა და ჩხოროწყუს მიტროპოლიტმა, პატრიარქობის კანდიდატმა, მეუფე შიომ გაფართოებული საეკლესიო კრების გახსნისას
11 მაისი 2026, 13:22
საზოგადოება
მეუფე შიო: დღეს ისტორიული მოვლენის წინაშე ვდგავართ. ყოვლადწმინდა სამების ამ დიდებულ ტაძარში შეკრებილნი სრულად ვართ მინდობილნი ღვთის განგებულებას, რათა ერთობით და თანხმობით ავირჩიოთ საქართველოს ეკლესიის ახალი მწყემსმთავარი
დღეს ისტორიული მოვლენის წინაშე ვდგავართ. ყოვლადწმინდა სამების ამ დიდებულ ტაძარში შეკრებილნი სრულად ვართ მინდობილნი ღვთის განგებულებას, რათა ერთობით და თანხმობით ავირჩიოთ საქართველოს მართლმადიდებელი სამოციქულო, ავტოკეფალიური ეკლესიის ახალი მწყემსმთავარი, - განაცხადა საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ.
11 მაისი 2026, 13:07
კულტურა
ვენაში „ევროვიზიის“ გახსნის ცერემონია გაიმართა
ვენის მერიაში „ევროვიზიის“ რიგით 70-ე კონკურსის გახსნის ცერემონია გაიმართა. მონაწილეებმა შენობაში ათასობით მაყურებლის თვალწინ შეაბიჯეს. ცერემონიაში მონაწილეობა საქართველოს წარმომადგენლებმაც მიიღეს - ჯგუფი „ბზიკები“ ვენაში სიმღერით On Replay გაემგზავრა, რომელსაც საკონკურსო სცენაზე უკვე ხვალ წარადგენს.
11 მაისი 2026, 13:06
საზოგადოება
გარემოს ეროვნული სააგენტო უახლოეს დღეებში მოსალოდნელი ამინდის შესახებ ინფორმაციას აქვეყნებს
გარემოს ეროვნული სააგენტოს ინფორმაციით, 11-13 მაისს საქართველოს უმეტეს ტერიტორიაზე სითბოს ფონზე მოსალოდნელია ხანმოკლე წვიმა ელჭექით, შესაძლებელია სეტყვა და ელჭექის დროს ქარის გაძლიერება.
11 მაისი 2026, 12:57
მსოფლიო
ჰანტავირუსი საკრუიზო ლაინერიდან ევაკუირებულ საფრანგეთის მოქალაქესაც დაუდასტურდა
საფრანგეთის ჯანდაცვის მინისტრმა, სტეფანი რისტმა განაცხადა, რომ ჰანტავირუსზე ტესტმა დადებითი პასუხი აჩვენა ერთ-ერთი მგზავრის შემთხვევაში, რომელიც წინა დღით პარიზში კუნძულ ტენერიფედან გადაიყვანეს. მანამდე ვრცელდებოდა ცნობები, რომ ქალს ვირუსის სიმპტომები გამოუვლინდა. რისტის თქმით, პარიზის ერთ-ერთ საავადმყოფოში ჰოსპიტალიზებული პაციენტის მდგომარეობა ღამის განმავლობაში გაუარესდა.
11 მაისი 2026, 12:47
პოლიტიკა
ზაზა ლომინაძემ დემოგრაფიული მდგრადობის საკითხებზე ჩრდილოეთ მაკედონიაში გამართულ საერთაშორისო მინისტერიალში მიიღო მონაწილეობა
პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ ზაზა ლომინაძემ, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ მიხეილ სარჯველაძესთან ერთად, ჩრდილოეთ მაკედონიაში დემოგრაფიული მდგრადობის საკითხებზე გამართულ საერთაშორისო მინისტერიალში მიიღო მონაწილეობა.
11 მაისი 2026, 12:46
პოლიტიკა
პარლამენტის ბიურომ მიმდინარე სასესიო კვირის დღის წესრიგი შეიმუშავა
პარლამენტის პლენარული სხდომები მიმდინარე სასესიო კვირაში 13 და 14 მაისს გაიმართება. პარლამენტის თავმჯდომარის პირველმა მოადგილემ გიორგი ვოლსკიმ ბიუროს წევრებს განსახილველი საკითხები გააცნო, - ინფორმაციას საქართველოს პარლამენტი ავრცელებს.
11 მაისი 2026, 12:39
ტექნოლოგიები
იტალიაში ხელოვნურ ინტელექტზე დამოკიდებულების პირველი შემთხვევა დაფიქსირდა
„ტოქსიკური მეგობრობა დროთა განმავლობაში დამოკიდებულებაში გადაიზარდა: ეს არის ხელოვნურ ინტელექტზე დამოკიდებულების პირველი შემთხვევა, რომელიც დამოკიდებულებათა მკურნალობის სამსახურის მეთვალყურეობის ქვეშ მოექცა“, - ნათქვამია განცხადებაში.
11 მაისი 2026, 12:35
საზოგადოება
სამების საკათედრო ტაძარში ილია მეორის სულის მოსახსენებელი პანაშვიდი აღევლინა
სამების საკათედრო ტაძარში ილია მეორის სულის მოსახსენებელი პანაშვიდი აღევლინა.
11 მაისი 2026, 11:52
პოლიტიკა
შარმანაშვილი: პოლონეთის მოქმედი ხელისუფლება იმეორებს ევრო ბიუროკრატიის ნარატივს, რევოლუციური პროპაგანდის ავანგარდობასაც აპირებენ
პოლონეთი მთლიანად გადაეშვა გლობალური რადიკალური დღის წესრიგის დამკვიდრების საქმეში. არც ერთხელ არ უცდია გაეგო, რა არგუმენტები გვქონდა ჩვენი სუვერენიტეტისა და იდენტობის დაცვისათვის. პოლონეთის მოქმედი ხელისუფლება ერთი ერთზე იმეორებს ევრო ბიუროკრატიის ნარატივს და არც კი მოსვლია აზრად, მოდი გავარკვიოთ, რა ხდება, რა ადარდებს ამ ხალხს, - წერს საპარლამენტო უმრავლესობის წევრი, თენგიზ შარმანაშვილი, სოციალურ ქსელში.
11 მაისი 2026, 11:47
რეგიონი
ზუგდიდში საგზაო ინფრასტრუქტურის სამუშაოებს სახელმწიფო რწმუნებული და მერი გაეცნენ
ზუგდიდის მუნიციპალიტეტში საგზაო ინფრასტრუქტურის მოწყობა აქტიურად მიმდინარეობს, - ინფორმაციას ზუგდიდის მუნიციპალიტეტის მერია ავრცელებს.
11 მაისი 2026, 11:44
პოლიტიკა
ნაცმოძრაობის პროპაგანდისტი გურამ როგავა ევროპულ ქვეყნებს მოუწოდებს, რომ დაასანქცირონ „იმედი“, „პოს ტვ“ და „რუსთავი 2“
„ნაციონალური მოძრაობის“ პროპაგანდისტი გურამ როგავა უკვე ღიად ითხოვს ქართული მედიის ნაწილის დასჯას და დასანქცირებას.
11 მაისი 2026, 11:43
პოლიტიკა
მარიამ ლაშხი: სლოვაკეთმა ერთ-ერთი ყველაზე მასშტაბური განათლების რეფორმა განახორციელა და ჩვენთვის მათი გამოცდილების გაზიარება მნიშვნელოვანია
განათლების, მეცნიერებისა და ახალგაზრდობის საკითხთა საპარლამენტო კომიტეტის თავმჯდომარე მარიამ ლაშხი სლოვაკეთში საპარლამენტო დელეგაციის ვიზიტს გამოეხმაურა. მისი თქმით, სლოვაკეთში გამართული შეხვედრები ძალიან დატვირთული იქნება.
11 მაისი 2026, 11:33
მსოფლიო
საკრუიზო ლაინერიდან ევაკუირებულ ერთ-ერთ ამერიკელს ჰანტავირუსი დაუდასტურდა
შეერთებული შტატების ჯანმრთელობისა და სოციალური დაცვის სამსახურის ცნობით, ორივე მგზავრი იზოლირებულია. ოფიციალურად, საერთო ჯამში, გემზე ვირუსით ინფიცირების 8 შემთხვევა და გარდაცვალების ერთი ფაქტია დადასტურებული. ჯანმრთელობის მსოფლიო ორგანიზაციის ინფრომაციით, ვირუსის ხმელეთზე გავრცელების რისკი ძალიან დაბალია.
11 მაისი 2026, 11:27
საზოგადოება
ვეტერანების საქმეთა სახელმწიფო სამსახურის წარმომადგენლები მაუთჰაუზენის საკონცენტრაციო ბანაკის გათავისუფლებიდან 81 წლისადმი მიძღვნილ ღონისძიებას დაესწრნენ
მიმდინარე წლის 10 მაისს, ავსტრიის რესპუბლიკაში, მაუთჰაუზენის საერთაშორისო კომიტეტის მიწვევით, ვეტერანების საქმეთა სახელმწიფო სამსახურის საერთაშორისო თანამშრომლობის, პროტოკოლისა და საზოგადოებასთან ურთიერთობის სამმართველოს უფროსი ეკატერინე ფაჩულია, სამსახურის წარმომადგენლებთან ერთად, მაუთჰაუზენის საკონცენტრაციო ბანაკის მსხვერპლთა ხსოვნისადმი მიძღვნილ ღონისძიებას დაესწრო, რომელიც ბანაკის გათავისუფლებიდან 81 წლისთავს ეძღვნებოდა, - ინფორმაციას ვეტერანების საქმეთა სახელმწიფო სამსახური ავრცელებს.
11 მაისი 2026, 11:25
საზოგადოება
მეუფე იოანე პატრიარქის არჩევაზე: უფალი როგორც განაგებს, ის იქნება. მეუფე შიო პატრიარქის გვერდით იყო, მისი კურთხევით მოქმედებდა
უფალი როგორც განაგებს, ის იქნება, - განუცხადა ჟურნალისტებს ქუთათელ-გაენათელმა მიტროპოლიტმა, მეუფე იოანემ.