მედია: ლიონელ მესი „ბარსელონას“ ვარჯიშს არ დაესწრო

ლიონელ მესი „ბარსელონას“ ვარჯიშს არ დაესწრო. ესპანური მედია წერს, რომ რონალდ კუმანის მენეჯერობის პირობებში, 31 აგვისტოს, ფეხბურთელმა არც სამედიცინო შემოწმება გაიარა.

ესპანური მედია იმასაც იტყობინება, რომ არგენტინელ ვარსკვლავს ხელფასი დაექვითება, როგორც ამას კონტრაქტი ითვალისწინებს.

მედიაში გუშინ გავრცელდა ცნობა, რომ კატალონიის „ბარსელონა“ ლიონელ მესის „მანჩესტერ სიტისთვის“ მიყიდვას დათანხმდა.

არგენტინელი ფეხბურთელი „ბარსაში“ 2004 წლიდან თამაშობს. გუნდთან ერთად ის ესპანეთის ჩემპიონი 10-ჯერ გახდა, ესპანეთის თასი 6-ჯერ მოიპოვა, ჩემიონთა ლიგის გამარჯვებული კი 4-ჯერ გახდა. გარდა ამისა, მესიმ „ოქროს ბურთი“ 5-ჯერ მიიღო.