იოსებ ტყემალაძე: პრემიერ-მინისტრ ირაკლი ღარიბაშვილის განსაკუთრებული მხარდაჭერით, საქართველო, 45 სხვადასხვა ადგილას, რაგბის 100 მოედნის აშენებას აპირებს

„პრემიერ-მინისტრ ირაკლი ღარიბაშვილის განსაკუთრებული მხარდაჭერით, საქართველო რაგბის 100 მოედნის აშენებას აპირებს 45 სხვადასხვა ადგილას“ - ამის შესახებ რაგბის კავშირის პრეზიდენტმა, იოსებ ტყემალაძემ ფრანგულ გამოცემა Le quipe-სთან ინტერვიუში განაცხადა.

მისი თქმით, ყოფილმა პრემიერ- მინისტრმა ბიძინა ივანიშვილმა ბოლო თხუთმეტი წლის განმავლობაში რაგბის განვითარებისთვის 100 მილიონი დოლარის ინვესტიცია განახორციელა. მან შექმნა 15 სპორტული ბაზა, რამაც ქართულ რაგბის წინსვლის საშუალება მისცა და შექმნა შესაძლებლობა, პანდემიამდე ლიცენზირებულთა რიცხვი სამჯერ გაზრდილიყო.

„ჩვენი ნაკრები მსოფლიო რეიტინგში მე-12 ადგილზეც კი ავიდა. ნაკრებმა 2015 წლის მსოფლიო ჩემპიონატზეც კარგად იასპარეზა და მე-3 ადგილით C ჯგუფში ახალ ზელანდიასა და არგენტინას ჩამორჩება. ჩვენ, პარალელურად, დავგეგმეთ მწვრთნელების, ზედამხედველების, სამედიცინო პერსონალის მომზადება- გადამზადება, რადგან დიდი გუნდებისა და დიდი მოთამაშეების შესაქმნელად მხოლოდ მოედნისა და სტადიონის მშენებლობა არ იქნება საკმარისი”, - აცხადებს იოსებ ტყემალაძე ფრანგულ გამოცემასთან ინტერვიუში.

რაგბის კავშირის პრეზიდენტის თქმით, ბოლო წლებია, რაგბისადმი მიძღვნილი ტელეარხი არსებობს და პირველი და მეორე ლიგის ყველა მატჩი, მათ შორის ახალგაზრდების ნახევარფინალები და ფინალები პირდაპირ ეთერში გადაიცემა.

„ასევე ხელმისაწვდომია ტოპ 14, მაგრამ ფასიან არხებზე. რაგბის ტელევიზიასთან კონტრაქტი გაფორმდა. ისინი შეიძენენ უდიდესი ჩემპიონატების ყველა მატჩს, კერძოდ რაგბის გაერთიანებულ ჩემპიონატს (ჩემპიონატი, რომელიც აერთიანებს 16 გუნდს უელსიდან, ირლანდიიდან, იტალიიდან, შოტლანდიიდან და სამხრეთ აფრიკის პროვინციებიდან), იქიდან გამომდინარე, რომ ჩვენი ფრენჩაიზია შავი ლომები, მათი ინტეგრირება ჩემპიონატში გარკვეულ პერიოდში უნდა მოხდეს”, - აცხადებს ტყემალაძე.

კითხვაზე, საერთაშორისო ასპრეზზე შემდგომი წინსვლისთვის ქართულ რაგბის რა ბერკეტები აქვს, ტყემალაძე პასუხობს:

„ჩვენ დავაფიქსირეთ იმ მატჩების რაოდენობა, რომელსაც ეროვნული ნაკრები ატარებდა და არასაკმარისად მივიჩნიეთ, შევქმენით ფრენჩაიზი, რომელიც ერთგვარი ეროვნული ნაკრები იქნება და ყოველწლიურად მეტ მატჩს ჩაატარებს. დღეს ჩვენ ვთამაშობთ სუპერთასს (განვითარებადი ქვეყნების ევროპული შეჯიბრი) და ვცდილობთ ევროპის ჩემპიონატში უკეთესად ინტეგრირებას. იდეალურ და გრძელვადიან პერსპექტივაში, ჩვენ გვსურს ჩავერთოთ United Rugby Championship-ში. მინდა, მადლობა გადავუხადო ევროპას და განსაკუთრებით საფრანგეთს. ბოლო 30 წლის განმავლობაში ძალიან დაგვეხმარნენ. ამან განვითარების საშუალება მისცა ქართულ რაგბის. საფრანგეთი მიესალმება და კეთილმოსურნე დამოკიდებულებით ხვდება ჩვენს ბევრ ახალგაზრდა მოთამაშეს, რომლებიც შემდეგ გახდებიან პროფესიონალები. დღეს ჩვენ ვიმედოვნებთ, რომ ჩვენი პროექტი მხარდაჭერილი იქნება საფრანგეთთან უფრო ღრმა და კონკრეტული თანამშრომლობით. რაც შეეხება დანარჩენს, მსოფლიო რაგბის მადლობას ვუხდით იმ ყველაფრისთვის, რაც აქამდე გაკეთდა ჩვენთვის. კერძოდ, ტესტ-მატჩები, რომლებიც გვქონდა და რომელიც, სამწუხაროდ, გაუქმდა კოვიდის გამო. მათ შორის იყო შოტლანდია და სამხრეთ აფრიკა (2021 წლის ივლისი). 14 ნოემბერს ვეთამაშებით საფრანგეთს. ეს მატჩები ჩვენთვის მანამდე არ არსებობდა. ახლა ველოდებით ჩვენი 100 სტადიონის პროექტის მხარდაჭერას”, - აცხადებს ტყემალაძე.

ჟურნალისტის თქმით, ორი ქვეყანა, რომლებმაც ბოლო წლებში შეიძლება ყველაზე მეტ პროგრესს მიაღწიონ, არგენტინა და იაპონიაა. კითხვაზე, რომელი სტრუქტურული მოდელის გაზიარებას შეძლებდა რაგბის კავშირი საკუთარი ძალების გამოყენებით, ტყემალაძე პასუხობს:

„როდესაც ჩამოვედი, მომდევნო 15 წლის განვითარების მოდელი განვიხილეთ. ჩვენი ძლიერი მხარეები, გენეტიკა და აშ.. და ვერ ვიტყვი, რომ არგენტინული ან იაპონური მოდელი შეგვეფერება. მეორე მხრივ, ჩვენ უნდა შევისწავლოთ ორივე მოდელი და შევქმნათ საკუთარი, რომ გავიმარჯვოთ და წინ წავიდეთ. ჩვენი პროექტი ამბიციურია. ჩვენ გვაქვს საკუთარი ძლიერი მხარეები და გვინდა ავაშენოთ სისტემა, რომელიც ჩვენთვის შესაფერისია. ეს პროცესი მიმდინარეობს სხვა ქვეყნების, მათ შორის საფრანგეთის დახმარებით. იმისათვის, რომ სხვებზე უკეთესი ვიყოთ, უნდა შევისწავლოთ სხვების გამოცდილება, მაგრამ ჩვენი გზა ვიპოვოთ. მართალია, იტალიის ნაკრების ბოლო შედეგები სამაგალითო არ არის და ეს კარგი არავისთვისაა, ჩვენ არ გვახარებს ის ფაქტი, რომ იტალიის გუნდს უჭირს. ათი წელია, რაც B ტურნირზე მაღლა ვართ, რაც წინსვლის საშუალებას ნამდვილად არ გვაძლევს. ჩვენ ვიცით, რომ უკეთ შეგვიძლია. გასულ წელს შემოდგომის ერთა თასზე ჩვენმა მოგზაურობამ დაამტკიცა, რომ დიდ ერებთან თამაში პროგრესირების საშუალებას გვაძლევს. ეს ამყარებს იმ აზრს, რომ ზედა დონის ნაკრებებთან ინტეგრირებით, ჩვენ შეგვიძლია მივაღწიოთ კიდევ უფრო უკეთეს შედეგს. ეს რვაგუნდიანი შეჯიბრიც ძალიან საინტერესო ფორმატად მივიჩნიეთ. თუ მსოფლიო რაგბიმ მოახერხა ამ ფორმატის შეჯიბრის გაგრძელება, ეს ძალიან კარგი იქნება ჩვენთვის, იტალიელებისა და მსოფლიო რაგბის განვითარებისთვის”, - აცხადებს იოსებ ტყემალაძე ფრანგულ გამოცემასთან ინტერვიუში.