არაოლიმპიური სპორტის სახეობებში საუკეთესო სპორტსმენები დააჯილდოვეს

არაოლიმპიურ სპორტის სახეობებში 10 საუკეთესო სპორტსმენი დააჯილდოვეს. ღონისძიებას სასტუმრო „ბილტმორი“ მასპინძლობდა. 

2018 წლის საუკეთესო სპორტსმენის ტიტული უძლიერეს კაცთა ფედერაციიდან კოტე ჯანაშიამ მოიპოვა. პრიზი მას ძალოსანმა ლაშა ტალახაძემ გადასცა. 

მეორე და მესამე პოზიციები სუმოისტმა ლევან გორგოძემ, იგივე ტოჩინოშინმა და ლევან საგინაშვილმა, მკლავჭიდის ეროვნული ფედერაციიდან გადაინაწილეს. 

გასული წლის არაოლიმპიური სპორტის სახეობებში საუკეთესო სპორტსმენების დაჯილდოებას სპორტული ფედერაციის წარმომადგენლები, ვეტერანი და მოქმედი სპორტსმენები, ასევე სახელმწიფო უწყების წარმომადგენლები ესწრებოდნენ. 

არაოლიმპიურ სახეობებში საუკეთესო ფედერაციები სპორტულმა ჟურნალისტებმა გამოავლინეს, შემდეგ კი ფედერაციებმა საუკეთესო სპორტსმენები დაასახელეს. ღონისძიება წელს მესამედ, JAKO FM-ის ორგანიზებით გაიმართა.

არაოლიმპიურ სპორტის სახეობებში 2018 წლის საუკეთესო სპორტსმენების ათეული ასე გამოიყურება: 

10. თამაზ ბოჭორიშვილი (საქართველოს ეროვნული ბოდიბილდინგის, ფიტნესისა და ბოდიფიტნესის ფედერაცია)

9. გივი მარგველაშვილი (ძალისმიერი სპორტის საერთაშორისო გაერთიანება)

8. ანდრეი ზინჩენკო (საქართველოს სეიბუკაი კიოკუშინ კარატეს ფედერაცია)

7. ბექა ბერძენიშვილი (ქართული ჭიდაობის ეროვნული ფედერაცია)

6. ნანა ძაგნიძე (საქართველოს ჭადრაკის ფედერაცია)

5. ვახტანგ ჩიდრაშვილი (საქართველოს სამბოს ეროვნული ფედერაცია)

4. გიორგი შკინინი (საქართველოს რაგბის კავშირი)

3. ლევან საგინაშვილი (საქართველოს მკლავჭიდის ერთიანი ეროვნული ფედერაცია)

2. ლევან გორგაძე (ტოჩინოშინი) საქართველოს სუმოს ეროვნული ფედერაცია

1. კოტე ჯანაშია (საქართველოს უძლიერეს მამაკაცთა ეროვნული ფედერაცია)