მასკმა ტაილანდელი ბიჭების გადარჩენის ოპერაციაში მონაწილე მყვინთავს „პედოფილი“ უწოდა

Tesla-სა და SpaceX-ის დამფუძნებელმა ილონ მასკმა, ტაილანდის გამოქვაბულიდან ბიჭების გადარჩენის ოპერაციაში მონაწილე მყვინთავს, "პედოფილი" უწოდა. ამის შესახებ მან Twitter-ზე დაწერა და შემდეგ წაშალა. 

ბიზნესმენმა ვერნონ ანსვორტს "პედოფილი" მას შემდეგ უწოდა, რაც ანსვორტმა მასკის მიერ მოგონილი მინი წყალქვეშა ნავი გააკრიტიკა. მყვინთავმა თქვა, რომ ტექნოლოგია აბსოლუტურად გამოუსადეგარი იყო და "მასკს  შეუძლია თავისი წყალქვეშა ნავი უკან გაიკეთოს". 

ბრიტანელი მყვინთავი, რომელიც ტაილანდელი ბავშვების მღვიმიდან გმაოსაყვანად სამაშველო ოპერაციაში მონაწილეობდა ილონ მასკს უჩივის. ამის მიზეზი კი ისაა, რომ მასკმა მას პედოფილი უწოდა. ამის შესახებ ბრიტანული გამოცემა Guardian-ი წერს. 

CNN-ის ცნობით, მასკი და მისი კომპანია ამაზე კომენტარს არ აკეთებს. 

ტაილანდის გამოქვაბული 23 ივნისის შემდეგ მსოფლიო მედიის ყურადღების ცენტრში იყო. 11-დან 16 წლამდე ფეხბურთელები და მათი 25 წლის მწვრთნელი მღვიმეში შევიდნენ, თუმცა იქ ყოფნის დროს ძლიერი წვიმა მოვიდა, წყლის დონემ აიწია და გასასვლელი ჩაკეტა, რის გამოც ბავშვები გამოქვაბულის სიღრმეში აღმოჩდნენ. 

2 ივნისს ისინი აშშ-ისა და ბრიტანეთის მაშველთა დახმარებით ცოცხლები იპოვეს.

ილონ მასკმა ბავშვებისა და მწვრთნელის გამოსაყვანად მათ წყალქვეშა ნავი შესთავაზა, თუმცა სამაშველო კოორდინირებულმა ცენტრმა მის გამოყენებაზე უარი თქვა. 

10 ივლისს, გამოქვაბულში ჩარჩენილი 12 მოზარდისა და მათი მწვრთნელის სამაშველო ოპერაცია წარმატებით დასრულდა.