11 ფაქტი ძაღლების შესახებ, რომელიც შეიძლება არ იცოდეთ

ანთროზოოლოგი ჯონ ბრედშოუ ადამიანებსა და ცხოველებს შორის ურთიერთობებს იკვლევს. ამ საკითხთან ერთად, მან გამოიკვლია ძაღლების ხასიათი და ამის შესახებ ინფორმაცია BBC-ს გაუზიარა. წარმოგიდგენთ ძაღლების ხასიათის შესახებ 11 ფაქტს, რომელიც აქამდე შესაძლოა არ იცოდით.

1. ძაღლების თანამედროვე მგლებისგან წარმოშობის ისტორია სიმართლეს არ შეესაბამება. პირიქით, ძაღლები იმ მგლების შთამომავლები არიან, რომლებიც ველურ ბუნებაში 1000 წლის წინ გადაშენდნენ. 

2. ძაღლები, მათი მრავალფეროვანი ფორმისა და ზომიდან გამომდინარე, ჩემპიონები არიან. ძაღლების სელექციის პროცესში ადამიანის ხელოვნური ჩარევის წყალობით, დღეს მსოფლიოში ძაღლის უამრავი ჯიში არსებობს. ძუძუმწოვრებს შორის ძაღლებს ყველაზე მეტი სახეობა აქვთ.

3. ძაღლებს მეორე ცხვირიც აქვთ, იგივე ვომერონასალური ორგანო. სპეციალისტები ფიქრობენ, რომ ამ ორგანოს ძაღლები სხვა ძაღლების მიერ დატოვებული ნიშნების ამოსაცნობად იყენებენ. ამ ორგანოს ფუნქციონირება ბოლომდე შესწავლილი არ არის, თუმცა ცნობილია, რომ ის მნიშვნელოვან როლს ასრულებს ცხოველთა სექსუალური ქცევის ფორმირებაში.

4. ძაღლებს ფერების გარჩევა შეუძლიათ. ისინი ისევე ხედავენ და აღიქვამენ მწვანე, ყვითელ და ლურჯ ფერებს, როგორც ადამიანები. თუმცა ძაღლის თვალს არ შეუძლია წითელი ფერის აღქმა, რომელსაც ისინი მუქ ნაცრისფრად ხედავენ. 

5. ძაღლებს სიცილიც შეუძლიათ. ისინი ხშირად იცინიან, თუმცა არა იმ მიზეზით, რომლითაც ჩვენ. ჯონ ბრედშოუს თქმით, ძაღლები იმიტომ იცინიან, რომ პატრონები დაარწმუნონ უწილადონ მათ თავიანთი სითბო. ამასთან, განა ყოველთვის ბედნიერები არიან სიცილის დროს - მათი სიცილი შეიძლება იყოს ნერვიულობის ან დახმარების თხოვნის ნიშანი.

6. არსებობენ პესიმისტი და ოპტიმისტი ძაღლები. 

7. ძაღლებს დანაშაულის შეგრძნების განცდის უნარი არ აქვთ. არა და ბევრი ადამიანი, ვისაც ძაღლი ჰყავს, ფიქრობს, რომ მისი საყვარელი ცხოველი ამ გრძნობით არის დაჯილდოებული. თუმცა მეცნიერები ამბობენ, რომ "დამნაშვის სახე" მხოლოდ და მხოლოდ რეაქციაა მისი პატრონის ჟესტებსა და ქმედებაზე.

8. ძაღლები ადამიანებისკენ ინსტინქტურად მიილტვიან. როგორც კი ძაღლი იგრძნობს, რომ ადამიანი მისი მეგობარია, ინსტინტქტი იღვიძებს, რომელიც ეუბნება - თუ სურს გადარჩეს, ადამიანის გვერდზე უნდა დარჩეს. სწორედ ამიტომ, როდესაც ისინი სახლში მარტო რჩებიან, ფიქრობენ, რომ პატრონმა მიატოვა და მათზე აღარავინ იზრუნებს.

9. ადამიანებმა ძაღლის განვითარებას ხელი შეუშალეს. როგორც National Geographic-ი წერს, ადამიანებმა უნებლიედ ჩაუნერგეს ძაღლებს ე.წ. ვილიამსის სინდრომი. 

10. ძაღლები ადამიანებზე ძალიან არიან დამოკიდებულები. ბევრი ძუძუმწოვარი განიცდის ისეთ ემოციას როგორიც არის სიყვარული, შიში, შფოთვა და სიამოვნება. მაგრამ ძაღლებს ადამიანების მხრიდან გამოხატული ყურადღებისა და მოფერების სანაცვლოდ, გაცილებით მეტი ემოციის გამოხატვა შეუძლიათ. უკვე მეცნიერული დასკვნაც არსებობს იმის, რომ ძაღლებს თავიანთი პატრონები ძალიან უყვართ.

11. ... მაგრამ თუ ძაღლი თავის პატრონს ვერ შეხვდება ცხოვრებაში, ის შეიძლება ძალიან საშიში გახდეს. თუ ძაღლი სამ თვემდე ადამიანურ გარემოს მოკლებულია, ის შეიძლება მთელი დარჩენილი სიცოცხლე ველური დარჩეს.