დავით სერგეენკოს ძმამ ლევან ხაბეიშვილს ყურებიანი ყ... უწოდა

ჯანდაცვის მინისტრ დავით სერგეენკოს ძმა, ნიკა სერგეენკო საკრებულოს ნაციონალი წევრის, ლევან ხაბეიშვილის განცხადებას სოციალურ ქსელში ეხმაურება. ლევან ხაბეიშვილმა დღეს პრესას განუცხადა, რომ კალაძემ ის ძმის შუამდგომლობით თითქოს მერიაში დაასაქმა და ხელფასის სახით 3 ათასი ლარი დაუნიშნა. 

ნიკა სერგეენკოს თქმით, მისმა ძმამ დღეს, სწორედ ხაბეიშვილის განცხადების შემდეგ შეიტყო, სად მუშაობს ის.

„მიმუშავია ბევრგან - დიდ, თუ პატარა კომპანიებში, სახელმწიფო სექტორშიც (ცოტა), ფრილანსზეც, უმუშევარიც ვყოფილვარ (შეკვეთების გარეშე ანუ) და მეგობრების დახმარებითაც გამიტანია თავი რაღაც პერიოდი.

დათოსთვის “დასაქმებაზე” ლაპარაკი არასოდეს მიკადრებია, საკუთარი თავისთვისაც (ისე, ზოგადად, პრინციპულად გამოუსადეგარია მსგავსი საქმეებისათვის და მათ შორის მაგიტომაც ვცემ პატივს)“, - წერს ნიკა სერგეენკო.

როგორც მინისტრის ძმის პოსტიდან ირკვევა, ის დიდი ხანია ვებდიზაინერია.

„საბოლოდ, იმის თქმა მინდა, რომ დიიდი ხანია რაც დიზაინერი ვარ და ამ ხნის განმავლობაში ბევრი რამ მოხდა გარშემო, მათ შორის ის, რომ დათო თანამდებობაზე დაინიშნა.

დათოც დიდი ხანია უკვე მინისტრია და ერთ-ერთი, რაც დროში არ შეცვლილა არის ის, რომ როგორც მანამდე ვაკეთებდი დიზაინს და ვწერდი პროექტებს ვებისათვის - ასევე ვაგრძელებ დღესაც.

სავარაუდოდ, დროში და სივრცეში არ შეიცვლება ისიც, რომ ვინმე - ლევან ხაბეიშვილი (არ ვიცნობ), როგორც არის ყურებიანი ყ..ე (იმედია მეპატიება ეს მაქსიმალურად მსუბუქი დეფინიცია - არც პოლიტიკაში მიდგას ფეხი და არც რაიმე პროტოკოლი მზღუდავს) ასთივედ დარჩება, არა იმიტომ, რომ “ნაციონალი” და “ცხრა წელი”, არამედ უბრალოდ, ადამიანურად და ზოგადად“, - წერს ნიკა სერგეენკო.