მეცნიერების ხუთი რჩევა: როგორ გავხდეთ ბედნიერი

აშშ-ის ილინოისის უნივერსიტეტის ფსიქოლოგიის პროფესორი ლორი სანტოსი ადამიანებს 5 რჩევას აძლევს, იმისთვის რომ თავი  ბედნიერად იგრძნონ, -წერს BBC.

მეცნიერი ამბობს, რომ ადამიანებმა ბედნიერების მისაღწევად, მუსიკოსების და სპორტსმენების მსგავსად უნდა ივარჯიშონ.  

„ბედნიერების შეგრძნება თავისთავად არ მოდის, ეს რომ განვიცადოთ, უნდა ვისწავლოთ. მეცნიერებამ დაამტკიცა, რომ ბედნიერების მისაღწევად ძალისხმევაა საჭირო, ეს კი მარტივი არ არის და დრო სჭირდება“- ამბობს ლორი სანტოსი. 

მეცნიერი აქვე ადამიანებს, ბედნიერების მისაღწევად 5 წესს სთავაზობს:

1. შეადგინეთ ცხოვრებაში მიღწეული წარმატებების სია;

2. დაიძინეთ მეტი და ღრმად;

3. დაკავდით მედიტაციით;

4.ბევრი იკონტაქტეთ ახლობელ ადამიანებთან;

5. ცოტა დრო დაუთმეთ სოციალურ ქსელებს; 

მეცნიერი ამბობს, რომ ყველაფერი მარტივია: თუ გინდათ იყოთ ბედნიერი ადამიანი საკმარისია იყოთ ბედის მადლიერი, ბევრი გეძინოთ და მოდუნდეთ. 

გაერომ მსოფლიოს ყველაზე ბედნიერი ქვეყნების განახლებული რეიტინგი გამოაქვეყნა, რომელშიც საქართველო 156 ქვეყანას შორის, 119-ე ადგილზეა. ამ შედეგით შარშანდელთან შედარებით საქართველოს პოზიცია 9 ქულით გაუმჯობესდა. 

რეიტინგში ყველაზე ბედნიერი ქვეყანა ფინეთია, მას შემდეგ მოდიან: დანია, ნორვეგია, ისლანდია, ნიდერლანდები, შვეიცარია და ა.შ.