NASA-მ ტელესკოპ „ჯეიმს ვების“ მიერ გადაღებული ახალი ფოტოები გამოაქვეყნა🌌 გალერეა

NASA-მ ტელესკოპ „ჯეიმს ვების“ მიერ გადაღებული კიდევ 4 ახალი ფოტო გამოაქვეყნა. ამის შესახებ CNN-ი იტყობინება.

მეცნიერების თქმით, ახალი ფოტოები ადამიანების მიერ კოსმოსის აღქმას შეცვლიან.

სამხრეთის ბეჭდისებრი ნისლეული (NGC 3132)

გალაქტიკათა ჯგუფი „სტეფანის კვინტეტი“

გემის ხერხემლის ნისლეული

ეგზოპლანეტა WASP-96b

მანამდე, ტელესკოპის გადაღებულ პირველი სრულყოფილი ფოტო თეთრ სახლში გამართულ სპეციალურ ბრიფინგზე ამერიკის შეერთებული შტატების პრეზიდენტმა, ჯო ბაიდენმა, ვიცე-პრეზიდენტმა კამალა ჰარისმა და NASA-ს ხელმძღვანელმა ბილ ნელსონმა წარადგინეს.

„ჯეიმს ვები“ კოსმოსში 25 დეკემბერს გაუშვეს. ის ეკზოპლანეტებს და მზის სისტემაში არსებულ ობიექტებს შეისწავლის.

ახალი ტელესკოპის ორბიტაზე გაყვანის იდეა NASA-ში ჯერ კიდევ 1997 წელს გაჩნდა. მისიას, რომელსაც სახელი NASA-ს მეორე დირექტორის, ჯეიმს უების პატივსაცემად დაარქვეს, სტარტი 2007 წელს უნდა აეღო, თუმცა ის 20-ჯერ გადაიტანეს. პროექტის ღირებულება 10 მილიარდი დოლარია. მასზე 17 ქვეყნის სპეციალისტი მუშაობდა. „ჯეიმს ვები“ ისტორიაში უმძლავრესი ტელესკოპია.