ცნობილი ადამიანები, რომლებმაც ბოლო დღეებში Facebook-ი წაშალეს

#DeleteFacebook-ის კამპანია მას შემდეგ დაიწყო, რაც კემბრიჯ ანალიტიკას სკანდალის შესახებ გახდა ცნობილი. ირკვევა, რომ Facebook-ის მილიონობით მომხმარებლის პერსონალური მონაცემი უკანონოდ გამოიყენეს აშშ-ის საარჩევნო კამპანიაში ტრამპის სასარგებლოდ. ამის შესახებ ნეტგაზეთი წერს.

#DeleteFacebook კამპანიის მონაწილეები სწორედ ამას აპროტესტებენ Facebook-ის ანგარიშის წაშლით. კამპანიას საზოგადოებისთვის კარგად ცნობილი ადამიანებიც შეუერთდნენ.

ილონ მასკი:- კემბრიჯ ანალიტიკას სკანდალის აგორების შემდეგ twitter-ის ერთ-ერთმა მომხმარებელმა ილონ მასკს მისი კომპანიების, Tesla-ს და SpaceX-ის Facebook-ის ანგარიშების წაშლისაკენ მოუწოდა. რაზეც მასკმა უპასუხა, რომ მან არც კი იცოდა, თუ მისი კომპანიები Facebook-ზე ოფიციალურად არსებობდნენ. მასკის ორივე კომპანია Facebook-დან გაქრა.

 Facebook-ი წაშალა ცნობილმა მომღერალმა შერიმაც. 

Finding since deleting Facebook I’ve deleted MANY APPS I DONT NEED

— Cher (@cher) March 23, 2018

ბრაიან ექტონი:- ექტონი WhatsApp-ის ერთ-ერთი დამფუძნებელია. ეს კომპანია 2014 წელს Facebook-მა 16 მილიარდ დოლარად იყიდა. კემბრიჯ ანალიტიკას სკანდალის შემდეგ Facebook-ის წაშლის კამპანიას ექტონიც შეუერთდა.

It is time. #deletefacebook

— Brian Acton (@brianacton) March 20, 2018

ტეა ლეონი:- Facebook-ს შლის მსახიობი ტეა ლეონიც. მიზეზად პერსონალური ინფორმაციასთან დაკავშირებულ სკანდალსა და დეზინფორმაციას ასახელებს, რომელიც მსახიობის ინფორმაციით, აშშ-ის საპრეზიდენტო არჩევნების კამპანიის დროს და მის შემდგომ ვრცელდებოდა ქსელში.

“იმედი მაქვს, რომ Facebook-ი უკეთეს გზას იპოვის”, – წერს ლეონი.

ჯიმ ქერი:- ცნობილმა მსახიობმა Facebook-ი თებერვალში წაშალა. მეტიც, ჯიმ ქერის ცნობით, ის Facebook-ის აქციებსაც ფლობდა, თუმცა გაყიდა. მიზეზად ქერიც აშშ-ის საარჩევნო კამპანიის დროს განვითარებულ მოვლენებს ასახელებს.

I’m dumping my @facebook stock and deleting my page because @facebook profited from Russian interference in our elections and they’re still not doing enough to stop it. I encourage all other investors who care about our future to do the same. #unfriendfacebook pic.twitter.com/KHWgZzhhmp

— Jim Carrey (@JimCarrey) February 6, 2018

20 მარტს, Channel 4-მა გამოაქვეყნა Cambridge Analytica-ს შესახებ გამოძიების მესამე ნაწილი. მასში ნაჩვენებია კადრები, რომელზეც ალექსანდრ ნიქსი პოტენციურ კლიენტს ეუბნება, რომ კომპანიამ დონალდ ტრამპის შტაბისთვის გააკეთა „მთელი კამპანია ინტერნეტსა და ტელევიზიაში“ და რომ „მთელი სტრატეგია ეწყობოდა“ კომპანიის მონაცემებზე.

მანამდე, ტელეკომპანიამ აჩვენა კადრები, რომელზეც ნიქსი არჩევნებში გამარჯვებისათვის პროვოკაციების გამოყენებას უშვებს.

Facebook-ის განცხადებაში წერია, რომ სოცქსელმა კოგანის მიერ Cambridge Analytica-სა და Strategic Communication Laboratories-სთვის ინფორმაციის მიწოდების შესახებ, ჯერ კიდევ 2015 წელს იცოდა. მესამე პირისთვის კონფიდენციალური ინფორმაციის გადაცემა Facebook-ის პოლიტიკის ერთ-ერთი დარღვევაა.

კოგანის მიერ წარმოდგენილი აპლიკაცია, Facebook-ის პოსტების მიხედვით, მოხმარებლის პორტრეტებს ქმნიდა. გარდა ამისა, აპლიკაციას ჰქონდა წვდომა პირად მონაცემებზე და კონკრეტული ადამიანების ვირტუალურ სამეგობრო წრეზე. 

18 მარტს, მასაჩუსეტსის შტატის გენერალურმა პროკურორმა მარა ჰელეიმ Facebook-ისა და კომპანია Cambridge Analytica-ს წინააღმდეგ გამოძიება დაიწყო. მსოფლიოს მედია საშუალებებში გამოქვეყნდა რამდენიმე გამოძიება Cambridge Analytica-ს საქმიანობაზე, რომელიც დონალდ ტრამპის კამპანიაზე მუშაობდა. ამ მასალების თანახმად, კომპანიამ უკანონოდ მიიღო Facebook-ის 50 მილიონ მომხმარებელზე მონაცემები, რათა ეფექტიანი პოლიტიკური რეკლამა შეექმნა. გარდა ამისა, ის პოლიტიკურ რეკლამასთან დაკავშირებულ საქმიანობას ეწეოდა აშშ-ის კანონების დარღვევით, რადგან მის კომპანიაში ბევრი უცხოეთის მოქალაქე მუშაობდა.

Facebook-ის დამაფუძნებელმა მარკ ცუკერბერგმა მომხდარის გამო საჯარო ბოდიში მოიხადა.