ცნობილია სიახლეები, რომლებსაც Apple-ი დღეს ჩიკაგოში წარადგენს

ცნობილია სიახლეები, რომელსაც დღეს ჩიკაგოში დაგეგმილ ღონისძიებზე Apple-ი მომხმარებელს შესთავაზებს. ამის შესახებ The Sun-ი წერს. 

iPhone-ის განახლებულ iOS-ში მომხმარებელი ახალ emoji-ს მიიღებს. საუბარი იქნება iPhone-ის აკუმულატორის გაუმჯობესებაზე და იმაზე, თუ როგორ გაუმკლავდება ის ახალ ფუნქციებს. გაჟღერდება iOS 11.3-ის გამოსვლის თარიღიც. iOS 11.3 ხელმისაწვდომი იქნება ყველასთვის ვისაც iPhone 5S-ი ან მას შემდეგ გამოსული მოდელი აქვს.



iOS 11.3 ვერსია ახალი iPhone-ზე, iPad-ზე და iPod Touch-ზე იქნება ხელმისაწვდომი, რომლის პრეზენტაციაც დღეს, 27 მარტს გაიმართება. ღონისძიება თბილისის დროით 21:00 საათზე დაიწყება.

ახალი AR ტექნოლოგია შესაძლებელს ხდის მომხმარებლისთვის ობიექტები დაასკანეროს და მათზე მას დამატებითი ინფორმაცია მისცეს. 

iOS-ის ახალ ვერსიაში გაჯეტი 2D ობიექტებსაც ამოიცნობს (პოსტერი, საინფორმაციო დაფა), რაც იმას ნიშნავს, რომ მუზეუმში სურათის დასკანირებისას ტექნოლოგია მომხმარებელს სურათის ღირებულების შესახებ მიაწვდის ინფორმაციას. 

მესიჯები: განახლდება ტექსტური შეტყობინებებიც. 

iPhone X-ს მფლობელები ახალი, ანიმაციური emoji-ს მიღებას და გაგზავნას შეძლებენ. 

ემატება ბიზნეს ჩატი, რომელიც საშუალებას აძლევს მომხმარებელს ბიზნესთან პირდაპირ დაამყაროს კომუნიკაცია და აწარმოოს სასურველი მიმოწერა.

ბიზნეს ჩატით მომხმარებელი შეძლებს დანიშნოს შეხვედრები და გადაიხადოს სასურველი პროდუქტის ფასი. აპლიკაციით სარგებლობისას თქვენი პირადი ინფორმაციის გაზიარება საჭირო არ იქნება და საუბრის დასრულებას ნებისმიერ დროს შეძლებთ.

ახალ მოდელებზე, iOS 11.3-ის აკუმულატორი გაუმჯობესდება და მომხმარებელს რეკომენდაციებს მისცემს იმის თაობაზე, სჭირდება თუ არა მას შეკეთება Apple Store-ში.

Apple iOS 11.3 შემდეგ მოდელებზე იმუშავებს:

• iPhone 5S და ნებისმიერი შემდეგი მოდელი
• iPad Air-ის ყველა მოდელი
• iPad Pro-ს ყველა მოდელი
• მე-5 თაობის iPad-ი
• iPad Mini 2 და ნებისმიერი შემდეგი მოდელი
• მე-6 თაობის iPod Touch-ი