სოციალურ ქსელებზე დამოკიდებულების შესახებ ახალი თეორია გაჩნდა

სოციალურ ქსელებზე დამოკიდებულებასთან დაკავშირებით ახალი თეორია გაჩნდა, რომლის თანახმადაც, სოცქსელებს ადამიანებში საკუთარ "მე"-ზე პათოლოგიური დამოკიდებულების გამოწვევა შეუძლიათ. ინფორმაციას Daily Mail-ი ავრცელებს.

ახალი თეორიის ავტორი დერბის უნივერსიტეტის პროფესორი უილიამ ვან გორდონია. ის განმარტავს, რომ მეცნიერულ წრეებში პათოლოგიური დამოკიდებულების ორი სახეს გამოყოფენ: ქიმიური - მაგალითად, ნარკოტიკებსა და ალკოჰოლზე დამოკიდებულება; ქცევითი - მაგალითად, კომპიუტერულ და აზარტულ თამაშებზე დამოკიდებულება.

პროფესორის განმარტებით, მესამე თეორია არის ონტოლოგიური დამოკიდებულება - ჩვენი არსებობის შესახებ ჩვენ რწმენაზე დამოკიდებულება. ამ თეორიის თანახმად, ასეთი დამოკიდებულების დროს ადამიანი კარგავს რეალობის აღქმას. პროფესორის თქმით, ადამიანები, რომლებიც ონტოლოგიური დამოკიდებულებისგან განკურნებას ცდილობენ მათ ხშირად ნარკოტიკების მოთხოვნილებისმაგვარი შეგრძნება უჩნდებათ (ე.წ. "ლომკა"). 

პროფესორის თქმით, სოციალური ქსელების დახმარებით, ადამიანს შეუძლია შექმნას კიდევ ერთი "მე", რომელიც იკვებება ქსელებში პოსტების ლაიქებით, რეპოსტებით (share, repost), მიმდევრებით (followers), ცხოვრებაში კი ასეთი "მე" მისი ნამდვილი ბუნების გამომსახველი არ არის. 

სოციალურმა ქსელებმა იმხელა გავლენა მოიპოვეს ადამიანებზე, რომ ორგანიზაცია iPass-ის კვლევის თანახმად (რომელშიც ამერიკელები და ევროპელები გამოკითხეს), გამოკითხულთა 7% ფიქრობს, რომ სექსამდე ტელეფონში აუცილებლად უნდა ჩაიხედოს; 72%-ს მიაჩნია, რომ ეს საჭიროა ტუალეტში ბუნებრივი მოთხოვნილებების დაკმაყოფილების დროს; 11% კი ფიქრობს, რომ მობილურში ჩახედვა დაკრძალვაზეც აუცილებელია. 61% აღიარებს, რომ Wi-Fi-ზე უარის თქმა უჭირს მაშინ, როდესაც სექსზე უარის თქმა 59%-ს უჭირს).