თანამედროვე ადამიანს უძველესი ხალხის გენომი აღმოაჩნდა

მეცნიერებმა უკვე დიდი ხანია იციან, რომ ნეანდერტალები თანამედროვე ადამიანების ადრეულ წარმომადგენლებთან ამყარებდნენ კავშირს, - ჩვენ მათგან გენომის 4-7% მემკვიდრეობით მივიღეთ.  თუმცა ახლახანს დადგინდა, რომ დღევანდელ ადამიანში არსებობს ასევე სხვა სახეობის დნმ-იც, - დენისოველი ადამიანი, იგივე Home altaensis.

სამეცნიერო ჟურნალ Cell-ში გამოქვეყნებული კვლევა მოწმობს იმის შესახებ, რომ კაცობრიობის ისტორიაში დენისოველებთან გენომის აღრევის რამდენიმე ეპიზოდი არსებობდა. 

დენისოველი ადამიანი წარმოადგენს ადამიანის ტიპს ან ქვეტიპს, რომელთა ნაშთები პირველად 1984 წელს ალტაის მთებში დენისოვის მღვიმეში აღმოაჩინეს. ამ დროისთვის, ტერიტორიაზე აღმოჩენილი ფრაგმენტებიდან მეცნიერებმა წარმოადგინეს ნეკა თითი და რამდენიმე კბილი. დნმ-ის ანალიზმა აჩვენა, რომ დენისოველები ნეანდერტალელების ნათესავები არიან, რომლებიც მათ დაახლოებით 500 ათასი წლის წინ გამოეყვნენ. 

მანამდე უკვე იყო ცნობილი, რომ დენისოველები და ნეანდერტალები არაერთგზის ცვლიდნენ ერთმანეთში გენებს და ეს ორი სახეობა ერთმანეთს დაახლოებით 100 ათასი წლის წინ გამოეყო.

დღეს ვაშინგტონის უნივერსიტეტის მეცნიერებმა ევროპისა და აზიის ტერიტორიაზე მცხოვრები ადამიანების 5500-მდე გენომი შეისწავლეს, რათა უძველესი დნმ ეპოვათ. აღმოჩნდა, რომ თანამედროვე გენომის ყველა ჯგუფს ევროპიდან დაწყებული, პერუმდე დამთავრებული, დენისოველი ადამიანების თანმხვედრი გენომი ჰქონდათ. 

მეცნიერები ვარაუდობენ, რომ ჩვენი წინაპრები, რომლებიც აფრიკიდან წავიდნენ, სამხრეთ აღმოსავლეთ აზიაში დენისოველებში აირივნენ, რომლებიც თავის მხრივ ჩრდილოეთ და სამხრეთ დენისოველებად იყოფოდნენ. პირველი ჯგუფის დნმ დღეს აქვთ თანამედროვე ჩინელებს, იაპონელებს, და ვიეტნამელებს.