საქართველოში თამბაქოს საერთაშორისო ბრენდები 90 და 92 მლნ ლარით დაჯარიმდნენ

საქართველოში თამბაქოს საერთაშორისო ბრენდები 90 და 92 მილიონი ლარით დააჯარიმეს. ინფორმაციას „ახალგაზრდა ფინანსისტთა და ბიზნესმენთა ასოციაცია“ ავრცელებს.

აფბას ცნობით, სიგარეტის ამერიკული მწარმოებელი Philip Morris-ი საქართველოში 92 მილიონი ლარით დაჯარიმდა.

სასამართლომ კომპანია დამნაშავედ სცნო ბაზარზე არაკეთილსინდისიერი კონკურენციისა და დენპინგური ფასებით ოპერირებაში. 

აბფა-ს ინფორმაციით, მოსარჩელე მხარეს წარმოადგენდა ქართული სიგარეტის მწარმოებელი კომპანია „თბილისის თამბაქო“ („პირველი“).

„სასამართლოს გადაწყვეტილებას საეჭვოდ ხდის კონკურენციის სააგენტოს 2016 წელს 29 დეკემბრის დასკვნა, რომლის მიხედვითაც უფილტრო და ფილტრიანი სიგარეტების ბაზარზე კონკურენტული გარემოა. მწარმოებელ/იმპორტიორ კომპანიებს შორის მიმდინარეობს მეტოქეობა და ბაზარზე არ შეინიშნება კონკურენციის შემზღუდველი პირობები. ბაზარზე ხელოვნურად შექმნილი ბარიერებია. ამ დასკვნიდან ზუსტად სამ თვეში კი სასამართლო სწორედ ამ მუხლების დარღვევაში სცნობს დამნაშავედ ამერიკულ კომპანიას და უპრეცენდენტოდ დიდ ჯარიამას აკისრებს“, - აცხადებენ აფბა-ში. 

მათი ინფორმაციით, კიდევ ერთი დავა თამბაქოს მაწარმოებელ კომპანია British American Tobacco-სა და კომპანია OGT-ის შორის მიმდინარეობდა. შედეგად, British American Tobacco 90 მილიონი ლარით დაჯარიმდა.