ტერეზა მეი მთავრობას აკომპლექტებს

დიდი ბრიტანეთის პრემიერმინისტრი ტერეზა მეი მთავრობას აკომპლექტებს. 

ვადამდელ საპარლამენტო არჩევნებში ბრიტანელმა კონსერვატორებმა პარლამენტის ვადამდელ არჩევნებში 318 მანდატი მიიღეს; ლეიბორისტებმა - 262; შოტლანდიის ნაციონალურმა პარტიამ - 35; ლიბერალ-დემოკრატებმა - 12; დემოკრატიულმა იუნიონისტურმა პარტიამ - 10; უელსის პარტიამ - 3; მწვანეთა პარტიამ - 1.

ამ შედეგების თანახმად, კონსერვატიულ პარტიას ხმები არ ჰყოფნის უმრავლესობის მთავრობის ფორმირებისათვის.

უკვე ცნობილია, რომ მთავრობის ახალ კაბინეტში თავიანთ პოსტებს შეინარჩუნებენ საგარეო საქმეთა მინისტრი ბორის ჯონსონი, კანცლერი ფილიპ ჰამორი, შინაგან საქმეთა მინისტრი ამბერ რადი, Brexit-ის საქმის მინისტრი დევიდ დევისი და თავდაცვის მინისტრი მაიკლ ფელონი. ასევე, ჩრდილოეთ ირლანდიის საკითხებში მინისტრის თანამდებობას კვლავ ჯეიმს ბროკენშირი დაიკავებს, ხოლო უელსის საკითხებს ისევ ალუნ კაირნსი უხელმძღვანელებს. ბიზნესის, ენერგეტიკისა და სამრეწველო სტრატეგიის მინისტრი კი კვლავ გრეგ კლარკი იქნება. არ იცვლება ჯანდაცვის მინისტრი, სამინისტროს კვლავ ჯერემი ჰანტი უხელმძღვანელებს. ასევე არ შეცვლილა ვაჭრობის მინისტრი ლიამ ფოქსი.

პოსტს ინარჩუნებს განათლების მინისტრი ჯასტინ გრინიგიც. ასევე არ იცვლება ადგილობრივ თემებთან ურთიერთობის მინისტრი საჯიდ ჯავიდი. თანამდებობა შეინარჩუნა ტრანსპორტის მინისტრმა კრის გრეილინგმაც. არ იცვლება არც კულტურისა და სპორტის მინისტრი და ის კვლავ კარენ ბრედლი იქნება.ბრიტანეთის საერთაშორისო განვითარების მინისტრმაც შეინარჩუნა პოსტი და მას კვლავ ფრითი პატელი უხელმძღვანელებს.

თანამდებობას ინარჩუნეს დიდი ბრიტანეთის მთავარი პროკურორი ჯერემი რაიტი.

რაც შეეხება მთავრობის კაბინეტის ახალ მინისტრებს. ცნობილია, რომ შრომისა სამინისტროს დევიდ ჰოუკი უხელმძღვანელებს, რომელიც მანამდე ფინანსთა მინისტრის მოადგილე იყო. 

შრომისა და პენსიების აწ უკვე ექსმინისტრი დემიენ გრინი მთავრობის კანცელარიის ხელმძღვანელად დაინიშნა. წინა ხელმძღვანელმა მის ოლქში არჩევნები წააგო, რის გამოც მინისტრთა კაბინეტის დატოვებამ მოუწია. 

იუსტიციის მინისტრი ლიზ ტრასი, ფინანსთა მინისტრის პირველ მოადგილედ, ხოლო იუსტიციის მინისტრად დევიდ ლიდინგტონი დაინიშნა.

დიდ ბრიტანეთში გამართული ვადამდელი საპარალამენტო არჩევნების შედეგები უკმაყოფილო კონსერვატორების უმრავლესობა ტერეზა მეის გადადგომას ემხრობა. მათი აზრით პრემიერი უნდა გადადგეს, რადგან მის მიერ ინიცირებული არჩევნები კონსერვატიული პარტიისთვის კატასტროფული შედეგებით დასრულდა.ტერეზა მეიმ განაცხადა, რომ არ გადადგება და თანამშრომლობას აპირებს ჩრდილოირლანდიურ დემოკრტიულ იუნიონისტურ პარტიასთან.