დონალდ ტრამპმა CNN-ს მორიგი თვითი მიუძღვნა

ამერიკის პრეზიდენტმა დონალდ ტრამპმა ტელეკომპანია CNN -ის მიმართ ახალი მოსაზრება Twitter-ის საკუთარ გვერდზე გამოაქვეყნა. ტრამპი წერს, რომ ამიერიდან იგი CNN-ს არა როგორც „ყალბ“, არამედ „თაღლითურ“ ახალ ამბად მოიხსენიებს.

ტრამპი აცხადებს, რომ მედია მუშაობს რესპუბლიკელების დარწმუნებაზე, რომ ქვეყნის პირველი პირი სოციალური ქსელებით არ უნდა სარგებლობდეს. „გახსოვდეთ, რომ მე 2016 წელს გავიმარჯვე იმ ინტერვიუების და გამოსვლების წყალობით, რომელიც სოციალურ ქსელებში გამოქვეყნდა. მე უნდა მებრძოლა ყალბი ნიუსების წინააღმდეგ და მე გავიმარჯვე. ჩვენ ისევ გავაგრძელებთ გამარჯვებას“, - დაწერა ტრამპმა Twitter-ზე.

დონალდ ტრამპმა ამერიკული მედიის წინააღმდეგ ბრძოლა არჩევნების პერიოდში დაიწყო, როცა მედიის დიდი ნაწილი, მხარს მის კონკურენტ კანდიდატს ჰილარი კლინტონს უჭერდა.

ამერიკული მედიის უმეტესობა, მათ შორის ტელეკომპანია CNN, ტრამპს რუსეთთან კავშირში ადანაშაულებდა. მედიის ვარაუდით, რუსული აგენტურა ამერიკულ არჩევნებზე ტრამპის სასარგებლოდ მუშაობდა.

27 ივნისს, გავრცელდა ინფორმაცია, CNN-ის სამმა ჟურნალისტმა, მათ შორის ჟურნალისტურ გამოძიებებზე პასუხისმგებელმა რედაქტორმა, არხიდან წასვლის შესახებ განცხადებები მას შემდეგ დაწერეს, რაც პრეზიდენტ დონალდ ტრამპის მრჩევლის, ენტონი სკარამუჩის რუსულ ფონდთან კავშირებზე სტატია გამოქვეყნდა.

შიდა გამოძიებამ აჩვენა, რომ რეპორტაჟის მომზადების დროს ჟურნალისტებმა დაარღვიეს ზოგიერთი სარედაქციო პროცედურა და მასალაში მხოლოდ ერთ ანონიმურ წყაროს დაეყრდნენ. არხს არ მიაჩნია, რომ მასალაში მოყვანილი ფაქტები ტყუილი იყო, თუმცა რეპორტაჟში არასაკმარისი მონაცემები იყო მისი „ამ სახით“ გამოქვეყნებისათვის.

CNN-მა განცხადა, რომ ახალი წესები შემოაქვს ტრამპის რუსეთთან შესაძლო კავშირებზე მომზადებული მასალების გამოქვეყნებაზე და ყველა სტატია ტელეკომპანიის ხელმძღვანელობასთან უნდა შეთანხმდეს.

I am thinking about changing the name #FakeNews CNN to #FraudNewsCNN!

— Donald J. Trump (@realDonaldTrump) July 1, 2017