გერმანიის საგარეო საქმეთა მინისტრის თქმით, გერმანია ირანის კონფლიქტში მონაწილეობას არ მიიღებს და ჰორმუზის სრუტის დასაცავად ხომალდებს არ გაგზავნის

გერმანიის საგარეო საქმეთა მინისტრმა, იოჰან ვადეფულმა კვირას განაცხადა, რომ გერმანია არ მიიღებს მონაწილეობას ჰორმუზის სრუტის ირგვლივ არსებულ ბოლოდროინდელ კონფლიქტებში.

გერმანულ საზოგადოებრივ მაუწყებელთან ინტერვიუში მან სკეპტიციზმი გამოხატა ევროკავშირის საზღვაო მისიის ჰორმუზის სრუტეში შესაძლო გაფართოების მიმართ.

მან აღნიშნა, რომ მიუხედავად იმისა, რომ ევროპა ყოველთვის უწევდა კონსტრუქციულ მხარდაჭერას საზღვაო მარშრუტების უსაფრთხოებას, ის „ვერ ხედავს ვერც გადაუდებელ აუცილებლობას და, რაც მთავარია, ვერც იმას, რომ ამაში გერმანია უნდა მონაწილეობდეს“.

წამყვანის კითხვას: „მალე ამ კონფლიქტის აქტიური ნაწილი გავხდებით?“ მინისტრმა ასე უპასუხა:

„არა. ჩვენ არ მივიღებთ მონაწილეობას ამ კონფლიქტში. ჩვენი მოთხოვნა ამერიკასა და ისრაელის მიმართ არის ის, რომ ვიყოთ ინფორმირებულები და გვითხრან, რა კონკრეტული მიზნები აქვთ დასახული, შემდეგ კი ჩვენთან ერთად იმსჯელონ იმაზე, თუ როგორ შეიძლება ამ ომის დასრულება“.