უზენაესი სასამართლოს მოსამართლე ენტონი კენედი შესაძლოა ემი ქონი ბერეტმა შეცვალოს

აშშ-ის უზენაესი სასამართლოს მოსამართლეობის კანდიდატებს შორის ერთ-ერთი სამართლის ყოფილი პროფესორი და 7 შვილის დედა, 46 წლის ემი ქონი ბერეტია. ამის შესახებ BBC წერს. 

დონალდ ტრამპმა განაცხადა, რომ ენტონი კენედის შემცვლელს 9 ივლისს დაასახელებს. ტრამპს დაახლოებით 5 კანდიდატზე აქვს შეჩერებული არჩევანი, აქედან 2 ქალია. ამ ეტაპზე სხვა კანდიდატების ვინაობა უცნობია. 

სენატის უმცირესობის ლიდერმა ჩაკ შუმერმა მიკრობლოგ Twitter-ზე დაწერა, რომ ემი ქონი ბერეტი შესაძლოა ის „აქტივისტი მოსამართლე“ იყოს, რომელიც საშიშროების ქვეშ დააყენებს აბორტისა და სამთავრობო ჯანდაცვის პროგრამებს. 

Amy Coney Barrett is a judge on the Court of Appeals for the 7th Circuit & on @realDonaldTrump’s pre-approved list for SCOTUS. She passed his “litmus test” on overturning Roe v. Wade & striking down the ACA.  Here’s where she stands on Americans' big issues:

— Chuck Schumer (@SenSchumer) July 2, 2018

ამ თემაზე Fox & Freands-ში ისაუბრა თეთრი სახლის პრესსპიკერმაც და განმარტა, რომ პრეზიდენტი 4 კანდიდატს უკვე შეხვდა. მისი თქმით, ტრამპს ისეთი მოსამართლე სურს, რომელიც კანონის უზენაესობას პატივს სცემს. 

.@PressSec: President Trump is looking for a Supreme Court justice with tremendous intellect & great judicial temperament, who will uphold the Constitution pic.twitter.com/dv32NGAsyW

— FOX & friends (@foxandfriends) July 3, 2018

აშშ-ის უზენაესი სასამართლოს მოსამართლის პოზიციაზე ვაკანსია მას შემდეგ გამოჩნდა, რაც მოსამართლე ენტონი კენედიმ მისი წასვლის შესახებ განაცხადა. 

81 წლის მოსამართლე კენედი 31 ივლისს გადადგება. ის მეორე უხუცესია იმ 9 მოსამართლიდან, რომელიც უზენაეს სასამართლოში მსახურობს. ენტონი კენედიმ გადადგომის მიზეზად პირადი მოტივი დაასახელა და განმარტა, რომ სურს მეტი დრო ოჯახს დაუთმოს. მოსამართლე ამ პოზიციას უკვე 30 წელია იკავებს.

აშშ-ის უზენაესი სასამართლო აშშ-ის უმაღლესი სასამართლო ინსტანციაა. სასამართლოს შემადგენლობაში შედის 9 მოსამართლე, რომელთაგან ერთ-ერთი თავჯდომარეა. მოსამართლეებს სამუდამო ვადით ნიშნავს პრეზიდენტი სენატის თანხმობით. უზენაეს სასამართლოს აქვს გადამწყვეტი ხმა ბევრ ისეთ მგრძნობიარე საკითხში, როგორიცაა მაგალითად აბორტი, გენდერული თანასწორობა, ერთნაირსქესიანთა ქორწინებები და სხვ. ამიტომ ის თუ რა შეხედულებების (კონსერვატორი თუ ლიბერალი) მოსამართლეები სჭარბობენ ამ სასამართლოს შემადგენლობაში პოლიტიკურად ძალიან მნიშვნელოვანია.