დღეიდან თბილსერვისი ვაკის რაიონის 32 ქუჩაზე ნაგვის ურნებს 22:00 საათიდან დაცლის

1 მარტიდან თბილისის მერია მოძრაობის განტვირთვისა და სისუფთავის დაცვის მიზნით, საპილოტე პროექტს იწყებს. პროექტის თანახმად, ვაკის რაიონის 32 ქუჩაზე ნაგვის ურნებს თბილსერვისი 22:00 საათიდან დაცლის. 

საპილოტე რეჟიმში ერთვება ჭავჭავაძის გამზირი, აბაშიძის ქუჩა, ფალიაშვილის ქუჩა, ბერძენიშვილის ქუჩა, მუხაძის ქუჩა, კავსაძის ქუჩა, ბაზალეთის ქუჩა, ერისთავის ქუჩა, ნაფარეულის ქუჩა, ბარნოვის ქუჩა, არაყიშვილის ქუჩა, ტაბიძის ქუჩა, რადიანის ქუჩა, მცხეთის ქუჩა, შატბერაშვილის ქუჩა, ჯანაშვილის ქუჩა, ქუთათელაძის ქუჩა, ატენის ქუჩა, რაზმაძის ქუჩა, ელიავას ქუჩა, ცხვედაძის ქუჩა, მარუხის გმირების ქუჩა, ქობულეთის ქუჩა, ჩოლოყაშვილის ქუჩა, რამიშვილის ქუჩა, გაბაშვილის ქუჩა, ყიფშიძის ქუჩა, აბულაძის ქუჩა, მარაბდის ქუჩა, მოსეშვილის ქუჩა, დარიალის ქუჩა და კეკელიძის ქუჩა.

"იმისათვის, რომ საპილოტე პროექტმა გაამართლოს და მოძრაობის განტვირთვა შევძლოთ, მნიშვნელოვანია, საზოგადოების მაქსიმალური ჩართულობა და მოსახლეობის მხრიდან გათვალისწინება, რომ კონტეინერების ავსება საღამოს საათებში მოხდეს და არა დღის განმავლობაში. რა თქმა უნდა, ეს კონკრეტული მიმართულება საცობების პრობლემას ვერ მოაგვარებს და ამას კომპლექსური მიდგომა სჭირდება, თუმცა ეს ერთ-ერთი შემადგენელი ნაწილია იმისა, რომ გარკვეულწილად, ქალაქის ცენტრალურ ქუჩებზე მოძრაობის განტვირთვა შევძლოთ“, – განაცხადა კახა კალაძემ.

"ახალი გრაფიკი ქალაქის ცენტრალურ ქუჩებზე გარკვეულწილად, მოძრაობის განტვირთვას უზრუნველყოფს, პილოტის წარმატებით დასრულების შემთხვევაში კი, ეს მიდგომა მთელი ქალაქის მასშტაბით დაინერგება“, – ნათქვამია თბილისის მერიის განცხადებაში.