გერმანიის შს მინისტრი საქართველოს უსაფრთხო ქვეყნების სიაში შეყვანის ინიციატივით გამოდის

გერმანიის შინაგან საქმეთა მინისტრი ჰორტს ზეეჰოფერი აპირებს მაროკოსთან, ტუნისთან და ალჟირთან ერთად საქართველოს და სომხეთის უსაფრთხო ქვეყნების სიაში შეყვანას მიაღწიოს, რათა თავშესაფრის მინიჭებაზე განაცხადების დამუშავების პროცესი დაჩქარდეს. ამის შესახებ Deutsche Welle წერს. 

შინაგან საქმეთა სამინისტროში სახელმწიფო მდივნის შტეფაინ მაიერის განცხადებით, საქართველოდან და სომხეთიდან თავშესაფრის მაძიებელთა რიცხვი მაღალია, თუმცა დადებით გადაწყვეტილებას მათგან მხოლოდ ძალიან მცირე ნაწილი იღებს.

„საქართველოს „უსაფრთხო ქვეყნად“ აღიარებას სავსებით მისაღებად მივიჩნევ, მით უმეტეს, რომ საქართველოს მთავრობა ამას უპირობოდ უჭერს მხარს“, – აღნიშნა მეიერმა.

გერმანიის მიგრაციისა და ლტოლვილთა ფედერალური უწყების მონაცემებით, 2017 წელს გერმანიაში თავშესაფარი საქართველოს 3462-მა, ხოლო სომხეთის 3857-მა მოქალაქემ მოითხოვა.