„ანბანი სახალხო შკოლებისათვის" - როდის გამოიცა პირველი დედა ენა

„დედა ენა ანუ ანბანი და პირველი საკითხავი წიგნი სახალხო შკოლებისათვის“ - ქართული ენის სახელმძღვანელო დაწყებითი სკოლებისათვის, რომელიც იაკობ გოგებაშვილმა შექმნა, 1876 წელს გამოიცა.

„დედა ენაში“ ორი წლის კურსის მასალაა თავმოყრილი.

სახელძღვანელოს მიხედვით, წერა-კითხვა ისწავლება ბგერითი ანალიზურ-სინთეზური მეთოდით. 1906 წლიდან „დედა ენა“ 2 წიგნად გამოიცა.

პირველში მოთავსებულია წერა-კითხვის შესასწავლი მასალა, მეორეში - საყმაწვილო მხატვრული თხზულებები, ხალხური შემოქმედების ნიმუშები და საბუნებისმეტყველო, გეოგრაფიული, ისტორიული და ეთნოგრაფიული შინაარსის მეცნიერულ-პოპულარული სტატიები.

ავტორის სიცოცხლეში (1912 წლამდე) დედა ენა 33-ჯერ გამოიცა.

1876-1925 წლებში დედა ენა 45-ჯერ გამოსცეს და უფრო გვიანდელ, ძიძიგურისა და გვახარიას დედა ენაშიც (1935-1943 წლების გამოცემებში) კვლავ გოგებაშვილის ბგერითი ანალიზურ-სინთეზური მეთოდია გამოყენებული.

გოგებაშვილის „დედა ენის“ საფუძველზეა შედგენილი და 1944 წლიდან შედგენილი სახელმძღვანელოებიც.

დღეს ეროვნული ბიბლიოთეკის დირექტორმა, გიორგი კეკელიძემ სოციალურ ქსელში დაწერა, რომ 2019 წელს საქართველოში ანბანისა და შრიფტის მუზეუმი გაიხსნება.

გასული წლის ნოემბერში თბილისში წიგნის მუზეუმი გაიხსნა.