სობოტკა: საქართველო კარიბჭეა სამხრეთ კავკასიისა და ცენტრალური აზიის რეგიონში

ავსტრიის ეროვნული საბჭოს (პარლამენტის პირველი პალატა) პირველი პრეზიდენტი ვოლფგანგ სობოტკა საქართველოსა და ევროკავშირს შორის ურთიერთობების კიდევ უფრო გაღრმავების სურვილს გამოთქვამს. ინფორმაციას საქართველოს პარლამენტი ავრცელებს. 

„ევროკავშირთან ურთიერთობების გაღრმავება ხელს შეუწყობს  სტაბილურობას სამეზობლოში, რაც ორივე  მხარისთვის სასიცოცხლო ინტერესს წარმოადგენს“.  განაცხადა სობოტკამ ორშაბათს,   ვენაში თავის  კოლეგასთან გამართული შეხვედრის შემდგომ. საქართველო აღმოსავლეთ პარტნიორობის მნიშვნელოვან  ნაწილს წარმოადგენს.

სობოტკამ განსაკუთრებული ყურადღება  ყოფილი საბჭოთა რესპუბლიკის მდებარეობაზე გაამახვილა  „შესასვლელი  კარიბჭე სამხრეთ კავკასიისა და ცენტრალური აზიის რეგიონში“ და დაახასიათა საქართველო, როგორც ევროკავშირის აღმოსავლეთ პარტნიორობის „მოწინავე“ ქვეყანა. ასევე დასძინა,  რომ მნიშვნელოვანია ქვეყანამ შეინარჩუნოს რეფორმების პროგრესი.

ავსტრიის ეროვნული საბჭოს ადმინისტრაციის ინფორმაციით, საქართველოსა და ავსტრიის რესპუბლიკას  ტრადიციულად მჭიდრო  საპარლამენტო ურთიერთობები  და ფართო ორმხრივი თანამშრომლობა  აკავშირებთ, რის დასტურიც 2016 წელს თბილისში ავსტრიის რესპუბლიკის საელჩოს გახსნა გახლავთ.

სავაჭრო ურთიერთობები, წინა წელთან შედარებით 60%-ით  გაიზარდა, ასევე არსებობს ქვეყნებს შორის თანამშრომლობის პოტენციალი, განსაკუთრებით ტურიზმისა და განათლების სფეროში.

დღეს საქართველოში ავსტრიის განვითარების სააგენტო (ADA), რომელიც 2011 წლიდან საქართველოში  საქმიანობს და რომლის ერთ-ერთ სამიზნე ქვეყანა სწორედ საქართველოა, ოთხი ეკონომიკური მისია აქვს.

ირაკლი კობახიძის და ქართული დელეგაციის ვიზიტი ავსტრიაში 26 თებერვალს დასრულდება.  დელეგაციის შემადგენლობაში შედიან საქართველოს პარლამენტის წევრები: სოფო კილაძე, ანრი ოხანაშვილი, რატი იონათამიშვილი, ლელა ქებურია და საქართველოს პარლამენტის თავმჯდომარის კაბინეტის უფროსი, ნიკოლოზ სამხარაძე.