კობახიძე: შეიძლება გენერალური აუდიტორის კანდიდატურა ივლისში წარვადგინოთ

პარლამენტის თავმჯდომარემ ახალი გენერალური აუდიტორის კანდიდატურა შესაძლოა ივლისში წარადგინოს. ამის შესახებ საქართველოს ირაკლი კობახიძემ სტრასბურგში ჟურნალისტებთან განაცხადა. კანდიდატურასთან დაკავშირებით მმართველ გუნდში კონსულტაციები მიმდინარეობს.  

“თუ პარლამენტის რიგგარეშე სხდომა ჩატარდება, კანდიდატს ივლისში წარვადგენთ, ან კანდიდატი წარდგენილი იქნება სექტემბერში - მორიგ სესიაზე. ანუ, ორი ალტერნატიული ვარიანტი შეგვიძლია განვიხილოთ. რაც შეეხება კანდიდატებს, ჯერჯერობით ვერავის დავაზუსტებთ, კონსულტაციები გაგრძელდება და კანდიდატზე ამის საფუძველზე შევჯერდებით“, - განაცხადა პარლამენტის თავმჯდომარემ.

რეგლამენტით, გენერალური აუდიტორის წარდგენის უფლებამოსილება პარლამენტის თავმჯდომარეს აქვს. საკანონმდებლო ორგანო კი, სახელმწიფო აუდიტის სამსახურის ხელმძღვანელს სიითი შემადგენლობის უმრავლესობით, 5 წლის ვადით ირჩევს. ერთი და იმავე კანდიდატურის წარდგენა ორჯერ შეიძლება.

გენერალური აუდიტორი თანამდებობაზე ყოფნის პერიოდში არ უნდა იყოს პოლიტიკური პარტიის წევრი, არ უნდა ეწეოდეს პოლიტიკურ საქმიანობას.

ლაშა თორდიას უფლებამოსილების ვადა 25 ივლისს ეწურება. ის 2012 წლის 25 ივლისს დაინიშნა. მან ლევან ბეჟაშვილი შეცვალა.

რაც შეეხება გენერალური აუდიტორის საქმიანობას, „სახელმწიფო აუდიტის სამსახურის შესახებ“ კანონით, არ შეიძლება, გენერალური აუდიტორი თანამდებობაზე ყოფნის მთელი პერიოდის განმავლობაში იყოს პოლიტიკური პარტიის წევრი, ან სხვა პოლიტიკურ საქმიანობას ეწეოდეს.

ლაშა თორდიას უფლებამოსილება მიმდინარე წლის 25 ივლისს ეწურება, ის აღნიშნულ თანამდებობაზე 2012 წლის 25 ივლისს დაინიშნა და ამ პოსტზე ლევან ბეჟაშვილი შეცვალა.

მაისში გავრცელდა ინფორმაცია, რომ გენერალური აუდიტორის თანამდებობაზე ხელისუფლების კანდიდტურა თბილისის მერი დავით ნარმანია იყო, რომელსაც მოქმედ პოზიციაზე ვადა ოქტომბერში ეწურება. 22 მაისს, ნარმანიამ ფაქტობრივად დაადასტურა, რომ მასთან გენერალურ აუდიტორად დანიშნის თაობაზე კონსულტაციები მიმდინარეობს, თუმცა პარლამენტის თავმჯდომარემ მოლაპარაკების ფაქტი უარყო.