ლადო ბოჟაძე: ბიომეტრიულად დამუშავებული მონაცემები სხვის მაგივრად ხმის მიცემას გამორიცხავს

ექსპერტმა ლადო ბოჟაძემ გადაცეაში „იმედი Live“ დაწვრილებით განმარტა ყველა ის არგუმენტი, რითაც ფაქტობრივად გამორიცხა არჩევნების გაყალბება, მათ შორის ბოლო დროს აქტუალური თემა -ყალბი პირადობის მოწმობების და ბიულეტენების ბეჭდვა.

ბოჟაძე აცხადებს, რომ გრიგოლ ვაშაძის შტაბის უფროსი გიორგი ვაშაძე როცა გაყალბებაზე საუბრობს, სწორედ იმ მეთოდოლოგიას აღწერს, რასაც ნაციონალური მოძრაობა იყენებდა ხელისუფლებაში ყოფნის დროს და როცა სახელმწიფო სერვისების განვითარების სააგენტოს თავად კურირებდა. ექსპერტის განმარტებით, დღევანდელი კანონმდებლობითა და მეთოდოლოგიით, მსგავსი სახის გაყალბება გამორიცხულია.

20 ნოემბერს „საერთაშორისო გამჭირვალობა - საქართველომ“, „ახალგაზრდა იურისტთა ასოციაციამ“ და „სამართლიანი არჩევნებმა“ არჩევნების შესაძლო გაყალბების ფაქტებზე განაცხადეს. სახელმწიფო სერვისების განვითარების სააგენტოს თავმჯდომარემ, სოსო გიორგაძემ გავრცელებულ ინფორმაციას ჭორი უწოდა. 

პროკურატურაში დაკითხვისას მესამე სექტორის წარმომადგენლებმა წყარო ვერ დაასახელეს.

არასამთავრობო ორგანიზაციების ლიდერები პროკურატურამ გუშინ გამოკითხა. როგორც საგამოძიებო უწყებაში განმარტავენ, მათ ინფორმაციის წყაროს ვინაობა არ დაასახელეს.

საპრეზიდენტო არჩევნების მეორე ტური დღეს, 28 ნოემბერს გაიმართება.

პირველი ტური 28 ოქტომბერს გაიმართა. ცესკოს მონაცემების თანახმად, „ქართული ოცნების“ მიერ მხარდაჭერილმა დამოუკიდებელმა კანდიდატმა სალომე ზურაბიშვილმა ხმების 38.64% მიიღო, „ნაციონალური მოძრაობის“ კანდიდატმა გრიგოლ ვაშაძემ - 37,74%.

2018 წლის საპრეზიდენტო არჩევნების პირველი ტურის საბოლოო შედეგებს სრულად შეგიძლიათ გაეცნოთ ამ ბმულზე.