imedi /  07 ოქტომბერი 2019, 12:28 / სანდო წყარო

დავით მუმლაძის მკვლელობის საქმეზე დაკავებულთა შორის ორი პოლიციელია

პოლიცია

პოლიცია

სამართალდამცველებმა რუსთავში 35 წლის კაცის მკვლელობის ფაქტი ცხელ კვალზე გახსნეს. შსს-ს ინფორმაციით, დამამძიმებელ გარემოებებში ჩადენილი განზრახ მკვლელობის საქმეზე დაკავებულთა შორის ორი ყოფილი პოლიციელია.

დამამძიმებელ გარემოებებში ჩადენილი განზრახ მკვლელობის ბრალდებით დაკავებულია 1982 წელს დაბადებული, წარსულში ნასამართლევი გ.ა. გარდა ამისა, ჯგუფურად ჩადენილი თავისუფლების უკანონოდ აღკვეთის ბრალდებით დაკავებულები არიან შინაგან საქმეთა სამინისტროს რუსთავის საქალაქო სამმართველოს თანამშრომლები - 1992 წელს დაბადებული მ.ღ. და 1981 წელს დაბადებული დ.მ. ამავე ბრალდებით, ასევე, დაკავებულია ყოფილი სამართალდამცველი - 1989 წელს დაბადებული დ.დ., ხოლო ცრუ ჩვენების მიცემის ბრალდებით დაკავებულია 1989 წელს დაბადებული გ.გ.

„გამოძიებით დგინდება, რომ განზრახ მკვლელობისთვის ბრალდებულმა გ.ა-მ და მისმა თანამზრახველმა - 1983 წელს დაბადებულმა ზ.ჯ-მ, წარსულში არსებული დაპირისპირებისა და შურისძიების მოტივით, 35 წლის მამაკაცის მკვლელობა დაგეგმეს. მსხვერპლის ქალაქიდან მოტყუებით გაყვანის მიზნით, მათ დახმარებისთვის მიმართეს ცრუ ჩვენებისთვის ბრალდებულ გ.გ.-ს, ორ პოლიციელს და ყოფილ სამართალდამცველს. მიმდინარე წლის 1 ოქტომბერს, გ.გ-მ გლდანში, თავის კუთვნილ ავტომობილში ჩაისვა 35 წლის კაცი - დ.მ. გლდანში ავტომობილით მოძრაობის დროს, ისინი ვითომ შემთხვევით შეხვდნენ პოლიციის ფორმაში მყოფ სამ პირს. მათ ავტომობილიდან გადმოიყვანეს დ.მ., უკანონოდ აღუკვეთეს მას თავისუფლება, ჩაიყვანეს რუსთავში და გადასცეს ზ.ჯ-ს და გ.ა-ს. აღნიშნულმა პირებმა დ.მ. ჩაიყვანეს მტკვრის ნაპირზე და ცივი იარაღით მიაყენეს მრავლობითი დაზიანება. კვალის დამალვის მიზნით, გარდაცვლილის ცხედარი მდინარე მტკვარში გადააგდეს. დ.მ.-ს ცხედარი 5 ოქტომბერს, რუსთავის მიმდებარე ტერიტორიაზე მტკვარმა გამორიყა.

მომხდართან დაკავშირებით ჩატარებული ინტენსიური ოპერატიულ-საგამოძიებო ღონისძიებების შედეგად, უკვე დაკავებულია 5 პირი, ხოლო განზრახ მკვლელობაში მონაწილე, წარსულში მრავალჯერ ნასამართლევი 1983 წელს დაბადებული ზ.ჯ.-ს დაკავების მიზნით ტარდება აქტიური ოპერატიულ-სამძებრო ღონისძიებები.

დამამძიმებელ გარემოებებში ჩადენილი განზრახ მკვლელობის, ჯგუფურად ჩადენილი თავისუფლების უკანონოდ აღკვეთის და ცრუ ჩვენების მიცემის ფაქტებზე გამოძიება სსკ-ის 109-ე, 143-ე და 370-ე მუხლებით მიმდინარეობს“, - აღნიშნულია შსს-ს განცხადებაში.

ყველა სიახლე

18 თებერვალი 2020, 12:00

მსოფლიო

ნენსი პელოსი: „დემოკრატები“ უნდა გავერთიანდეთ, რომ ტრამპი მეორე ვადთ არ აირჩიონ

აშშ-ს წარმომადგენელთა პალატის სპიკერი ნენსი პელოსი აცხადებს, რომ მას დონალდ ტრამპის მეორე ვადით არჩევა ვერ წარმოუდგენია, ამის შესახებ მან CNN-სთვის მიცემულ ინტერვიუში განაცხადა. მისივე თქმით, „დემოკრატები“ ამერიკას უკეთეს მომავალს სთავაზობენ, ხოლო ტრამპი კი არ იზიარებს მომავლის იმ ხედვას, რომელიც ქვეყანას გააერთიანებს. ნენსი პელოსი ასევე შეეხო იმპიჩმენტის საკითხს და აღნიშნა, რომ „სენატორებს გამბედაობა არ ეყოთ დადებული ფიცი შეესრულებინათ“.

18 თებერვალი 2020, 12:00

სპორტი

დღეს ჩემპიონთა ლიგა განახლდება

ორთვიანი პაუზის შემდეგ, დღეს, უეფას ჩემპიონთა ლიგა ფლეი-ოფის ორი შეხვედრით განახლდება. ტურნირის მოქმედი ჩემპიონი „ლივერპული“ მადრიდში „ატლეტიკოსთან“ ითამაშებს. მერსისაიდელებს განსაკუთრებული საკადრო პრობლემები არ აქვთ. „ატლეტიკოს“ კი სამი წამყვანი ფეხბურთელი, ტრიპიერი, ერერა და ჟოაო ფელიქსი ვერ დაეხმარება.

მარკ ცკერბერგი

18 თებერვალი 2020, 11:51

ტექნოლოგიები

Facebook-ი, მომხმარებელთა საჩივრების განსახილველად, დამოუკიდებელ სამეთვალყურეო საბჭოს ქმნის

Facebook-ის მფლობელის, მარკ ცუკერბერგის განცხადებით, კომპანია დამოუკიდებელ სამეთვალყურეო საბჭოს შექმნის, რომელიც მომხმარებელთა საჩივრებს განიხილავს, ამის შესახებ Financial Times-ი წერს. „ჩემს კომპანიას სჭირდება ეფექტური კონტროლი, ამიტომ ვქმნით დამოუკიდებელ სამეთვალყურეო საბჭოს იმისთვის, რომ მოხდეს Facebook-ის საჩივრების განხილვა კონტენტთან მიმართებით“, - განაცხადა მარკ ცუკერბერგმა.

დონალდ ტრამპი

18 თებერვალი 2020, 11:48

მსოფლიო

დონალდ ტრამპი: პრეზიდენტი ობამა ახლა ცდილობს ეკონომიკური ბუმი მიიწეროს - ეს შარლატანობაა

„გაიგეთ ბოლო შარლატანობაზე? პრეზიდენტი ობამა ახლა ცდილობს ეკონომიკური ბუმი მიიწეროს, რომელიც ტრამპის ადმინისტრაციის პირობებში ხდება. დიდი დეპრესიის შემდეგ მას ეკონომის ყველაზე სუსტი გამოცოცხლება ჰქონდა მიუხედავად იმისა, რომ ფედერალური სარეზერვო სისტემის საპროცენტო განაკვეთი ნული იყო“, - დაწერა აშშ-ს პრეზიდენტმა twitter გვერდზე.

18 თებერვალი 2020, 11:35

მსოფლიო

ბაქოში სავაჭრო ცენტრში ხანძრის შედეგად 10 ადამიანი დაშავდა

აზერბაიჯანის დედაქალაქში მდებარე ერთ-ერთ უდიდეს სავაჭრო ცენტრში ხანძარი გაჩნდა. შემთხვევა დილით ადრე მოხდა. დაშავებულია 10 ადამიანია. ცეცხლმა ათობით მაღაზია გაანადგურა. ამ დროისთვის ხანძარი ჩამქრალია. მომხდარის გამომწვევი მიზეზები უცნობია.

გიგა ბიკერია

18 თებერვალი 2020, 11:25

საქართველო

გიგა ბოკერია: შოთაძის დანიშვნა არის საზოგადოების აბუჩად აგდება

„ეს კაცი თავის დროზე გადადგა იმიტომ, რომ ხორავას ქუჩის ტრაგედიაზე, რომელზეც მთელი საქართველოს ყურადღება იყო მიპყრობილი, ისე მოიქცა ის და მისი უწყება, რომ ივანიშვილის მომხრე დეპუტატებიც კი აღშფოთებულები იყვნენ. მერე, საგამოძიებო კომისიამ, „ევროპული საქართველოს“ უმრავლესობით დოკუმენტურად აჩვენა, როგორ თავხედურად იმოქმედა გამოძიებამ და მოუწიათ ბრალის წაყენება მათთვის, რასაც გამოძიება ჩქმალავდა", - აღნიშნა გიგა ბოკერიამ.

ვოლოდიმი ზელინსკი დონალდ ტრამპი

18 თებერვალი 2020, 11:22

მსოფლიო

ვადიმ პრისტაიკო: ბელარუსს დამოუკიდებლობისთვის ისეთი ომი და ტანჯვა ელის, როგორიც უკრაინამ გამოიარა

„ბელარუსს მძიმე პერიოდი ელის. რამდენიმე წლის წინ ბელარუსელ ჟურნალისტებს ვესაუბრებოდი და მათ ვუთხარი, რომ თუ დამოუკიდებლად დარჩენა სურთ, მათ რუსეთთან ისეთი ომი და ისეთი ტანჯვა ელით, რომელიც ჩვენ გამოვიარეთ. ჩემი არ სჯეროდათ. შესაძლოა, ახლა უფრო ნაკლებად ეპარებათ ეჭვი“, - განაცხადა უკრაინის საგარეო საქმეთა მინისტრმა.

არჩილ თალაკვაძე

18 თებერვალი 2020, 11:21

საქართველო

არჩილ თალაკვაძე: ირაკლი შოთაძე ყველაზე საპასუხისმგებლო საქმეების დროს იყო ხელმძღვანელი

ირაკლი შოთაძეს ნამდვილად აქვს მართვის გამოცდილება. ის ერთ-ერთი პროფესიონალი პროკურორია, - ამის შესახებ საქართველოს პარლამენტის თავმჯდომარემ არჩილ თალაკვაძემ გენერალური პროკურორის პოსტზე ირაკლი შოთაძის კანდიდატურასთან დაკავშირებით განაცხადა.

18 თებერვალი 2020, 11:21

საქართველო

ჭიათურის მოსახლეობამ შუქრუთის მაღაროს შესასვლელი გადაკეტა

ჭიათურაში, სოფელ შუქრუთის მოსახლეობა საპროტესტო აქციას მართავს. მათ შუქრუთის მაღაროს შესასვლელი აქვთ გადაკეტილი და მანქანებს გადაადგილების საშუალებას არ აძლევენ. ადგილობრივები ამბობენ, რომ კომპანია ,,ჯორჯიან მანგანეზის" მძიმეწონიანმა მანქანებმა მათი საცხოვრებელი სახლები დააზიანა, დაბზარულია კედლები, ნაპრალებია გაჩენილი მიწის ნაკვეთებზე.

18 თებერვალი 2020, 11:09

საქართველო

დეპუტატების ნაწილს პარლამენტში შესვლა აქციის მონაწილეების შეძახილების ფონზე უწევს

მმართველი გუნდის ოპონენტები, მხარდამჭერებთან ერთად, დილიდან საკანონმდებლო ორგანოსთან შეიკრიბნენ და გენერალური პროკურორის პოსტზე ირაკლი შოთაძის კანდიდატურას აპროტესტებენ. ისინი აცხადებენ, რომ პროცესი ფორმალურია და უწყებაში მისი დაბრუნება უკვე გადაწყვეტილია.

ზვიად ძიძიგური

18 თებერვალი 2020, 11:07

საქართველო

ზვიად ძიძიგური: სახელმწიფო სტრუქტურების ხელმძღვანელებად ისეთი ადამიანები უნდა დაინიშნონ, რომელთა ხელისუფლებაში მოსვლაც ხმაურს არ გამოიწვევს

მისი თქმით, თანამდებობაზე ადამიანის დანიშვნა უნდა იწვევდეს საზოგადოების კმაყოფილებას და სიმშვიდეს, მათ შორის, პოლიტიკურადაც - სტაბილურობის განცდას. „მაღალი რანგის თანამდებობაზე ადამიანის დანიშვნა სტაბილურობას უნდა ქმნიდეს მმართველი გუნდისთვისაც, თუმცა შოთაძის შემთხვევაში ეს ასე არ ხდება. ამიტომ, ვფიქრობ, ხელისუფლება ამით მხოლოდ ზარალდება“, - აცხადებს ზვიად ძიძიგური.

ნათია თურნავა

18 თებერვალი 2020, 11:03

ეკონომიკა

ნათია თურნავა: მალაიზიასთან ერთობლივი ბიზნესფორუმების მოწყობას ხელს შევუწყობთ

შეხვედრაზე ჩვენ მოვისმინეთ მალაიზიის მხარის დიდი ინტერესი, საქართველოსთან ურთიერთობა განავითაროს. მნიშვნელოვანია, რომ მათ, ჩვენ მსგავსად, სურვილი აქვთ ყურადღება გაამახვილონ ისეთ პრიორიტეტულ სფეროებზე, როგორიცაა ტურიზმი, ლოგისტიკა, ტრანსპორტი, ერთობლივი ბიზნესი, განათლება, - ამის შესახებ ეკონომიკისა და მდგრადი განვითარების მინისტრმა, ნათია თურნავამ მალაიზიის საპარლამენტო დელეგაციასთან შეხვედრის შემდეგ განაცხადა.

მამუკა მდინარაძე

18 თებერვალი 2020, 11:00

საქართველო

მამუკა მდინარაძე: ერთ მომიტინგეზე ერთი ჟურნალისტი, 2 ოპერატორი, ათი პოლიციელი მოდის და ეს უკვე უხერხულია

მდინარაძის თქმით, დღეს პარლამენტში ერთ-ერთი მთავარი თემა არჩილ თალაკვაძის ანგარიშია, ირაკლი შოთაძის კენჭისყრა კი დღეს იქნება თუ ხვალ, ჯერ გადაწყვეტილი არ არის. „დღეს, ერთ-ერთი მთავარი თემა არჩილ თალაკვაძის ანგარიშია და სჯობს, მას მოუსმინოთ და გაიგოთ სინამდვილეში რას აკეთებს პარლამენტი“, - აღნიშნა მამუკა მდინარაძემ.

კორონავირუსი

18 თებერვალი 2020, 10:55

ეკონომიკა

კორონავირუსის საფრთხის მიუხედავად ჩინეთში Toyota და Mazda დაბრუნდა

იაპონელი ავტომწარმოებლები ჩინეთის ბაზარზე ბრუნდებიან. Kyodo-ს ცნობით Toyota უკვე მეორე მსოფლიო ბრენდია, რომელმაც ეს გადაწყვეტილება მიიღო. ჩინეთში, ქალაქ ტიანცზინში ამ ბრენდის საწარმო მთელი დატვირთვით ამუშავდა. ასევე კომპანიამ გახსნა საწარმოები ჩანჩუნსა და გუანჩჟოუში. 24 თებერვლიდან ჩინეთის ბაზარზე საწარმოო პროცესს განაახლებს ავტოკონცერნი Mazda.

ლიუ ჩჟიმინი

18 თებერვალი 2020, 10:49

მსოფლიო

უხანის საავადმყოფოს მთავარი ექიმი კორონავირუსს ემსხვერპლა

ინფორმაცია მისი გარდაცვალების შესახებ ჯერ სოციალურ ქსელში გაჩნდა. თუმცა, შემდეგ შესაბამისი პოსტი წაშალეს. სამშაბათ დილას კი ჟურნალისტები მის მეუღლეს დაუკავშირდნენ, რომელმაც განაცხადა, რომ ის ჯერ კიდევ ცოცხალია, თუმცა ადგილობრივი დროით 10:30 საათზე ის გარდაიცვალა.

ნათია მეზვრიშვილი

18 თებერვალი 2020, 10:42

საქართველო

ნათია მეზვრიშვილი ადამიანის უფლებათა დაცვის კომისარ დუნია მიატოვიჩს შეხვდა

ნათია მეზვრიშვილის განცხადებით, პრემიერმინისტრის ხელმძღვანელობით საბჭომ 2020 წელის პრიორიტეტულ მიმართულებებად გენდერული თანასწორობის, ბავშვთა უფლებების დაცვის, ანტიდისკრიმინაციული პოლიტიკის გატარებისა და შეზღუდული შესაძლებლობების მქონე პირთა უფლებების დაცვა განსაზღვრა.

რომან გოცირიძე

18 თებერვალი 2020, 10:39

საქართველო

რომან გოცირიძე: საერთაშორისო საზოგადოებას ვეუბნებით, რომ დარბაზში პრობლემა ვერ წყდება და პრობლემის გადამწყვეტი ერთ-ერთი მექანიზმი ქუჩა გახდა

მისი თქმით, დღეს საკანონმდებლო ორგანოში „ქართულ ოცნებას“ მარტო მოუწევს ყოფნა. „ბოიკოტი არის გაწერილი კანონში, რეგლამენტი თვითონ არის კანონი და ეს არის უკიდურესი ფორმა, რომლითაც ამომრჩეველს და საერთაშორისო საზოგადოებას ეუბნები, რომ დარბაზში პრობლემა ვერ წყდება, ამიტომ დღეს პრობლემის გადამწყვეტი ერთ-ერთი მექანიზმი ქუჩა გახდა, - განაცხადა გოცირიძემ.

ნიკ მეისონი

18 თებერვალი 2020, 10:35

კულტურა

Pink Floyd-ის ვარსკვლავ ნიკ მეისონის სახლი ხულიგნების სამიზნე გახდა

ბრიტანული როკ-ჯგუფის Pink Floyd-ის 76 წლის ვარსკვლავი ნიკ მეისონი ლონდონში საკუთარ სახლს აქირავებს. უძრავი ქონების სააგენტო Sonder-ი მომხმარებელს სახლში ხმაურიანი საღამოების გამართვას სთავაზობს. Evening Standart-ის ცნობით, ნიკ მეისონის სახლი ხულიგნების სამიზნე გახდა, რის გამოც ცნობილ როკ-ვარსკვლავს მეზობლები უჩივიან. გიფორდ-სტრიტზე მდებარე სახლში მუსიკოსი ადრე ინსტრუმენტებს ინახავდა, შემდეგ კი მოტოციკლების კოლექციას.

18 თებერვალი 2020, 10:33

საქართველო

პარლამენტთან მიმდინარე აქციაზე მცირე ინციდენტი მოხდა

ცოტა ხნის წინ პარლამენტის ერთ-ერთ შესასვლელთან მცირე ინციდენტი მოხდა.სამართალდამცველებმა აქციის მონაწილეებს გზის სავალი ნაწილის გათავისუფლება მოსთხოვეს, რასაც აქციის მონაწილეების მხრიდან კამათი მოჰყვა. ამ დროისთვის ვითარება განმუხტულია.

18 თებერვალი 2020, 10:30

საქართველო

აკაკი ბობოხიძე: „ქართულ ოცნებას“ არჩევნებამდე კომფორტულად მისვლის საშუალება არ ექნება

„ქართულ ოცნებას“ არჩევნებამდე კომფორტულად მისვლის საშუალება არ ექნება, - ამის შესახებ ჟურნალისტებს „ევროპული საქართველო-მოძრაობა თავისუფლებისთვის“ პოლიტიკური საბჭოს წევრმა, აკაკი ბობოხიძემ განუცხადა. მისივე თქმით, მათი მთავარი ამოცანა პიკეტირება არ არის, არამედ არჩევნებზე „ქართული ოცნების“ დამარცხებაა, „სწორედ არჩევნებზე უნდა გადაწყვიტოს საქართველოს მოსახლეობამ „ქართული ოცნების" ბედი“, - აღნიშნა ბობოხიძემ.