პირველი ქართული ელექტრომობილი 2020 წელს შეიქმნება

თბილისში, აბანოთუბანში, ამიერკავკასიაში ეკო მიმართულებით მომუშავე პირველი ინდუსტრიული ბიზნესჯგუფ aigroup-ის პრეზენტაცია გაიმართა.

დედაქალაქში ამოქმედდება პროექტი „საზიარო ავტომობილი“, რომელიც ელექტრომობილით სარგებლობის სერვისს მოიცავს. 2020 წელს კი ქართული ბრენდის ქვეშ, პირველი ელექტრომობილი შეიქმნება. 

საქართველოს ბაზარზე ოპერირებას იწყებს ჰოლდინგი, რომელიც აერთიანებს ისეთ კომპანიებს, როგორებიცაა: aienergy-ს, aicar-ი aipower-სა და aiproduction.

ჰოლდინგი არა მხოლოდ საქართველოში, არამედ ამიერკავკასიაში პირველი ინდუსტრიული ბიზნეს ჯგუფია, რომელიც ეკოლოგიური მიმართულებების პროექტებში კომპლექსურად იწყებს ინვესტიციეის განხორციელებას.

აღსანიშნავია, რომ ჰოლდინგი მოიცავს "ქარშეარინგის", ელექტროდამტენების და მზის პანელების დამონტაჟების სერვისს და კომპანიის ერთ-ერთი მთავარი მიმართულება საქართველოში ელექტრომობილების წარმოების დაწყებაა.

სულ რამოდენიმე დღის წინ აღნიშნულ საკითხზე გაფორმდა მემორანდუმი კომაპნია Aigroup-სა და უმსხივლეს 157 წლიანი ინდუსტრიული ისტორიის მქონე, ჩინურ კომპანია Changan-ს შორის. მემორანდუმის საფუძველზე, ქართული ბრენდით ელექტრომობილი პირველად შეიქმნება, რომლის გამოშვებაც წლის ბოლოსთვის იგეგმება.

„რაც შეეხება aigroup-ში შემავალ კიდევ ერთ კომპანია "aicar“-ს, „aicar“-ის მუშაობის მთავარი პრინციპია დაზოგო დრო და ფინანსები, ამ კუთხით ის მომხმარებელს მოქნილ სერვისს ე.წ საზიარო ავტომობილს სთავაზობს. მომხმარებელს შეუძლია, დღის ნებისმიერ მონაკვეთში, სპეციალური აპლიკაციის საშუალებით, იპოვოს უახლეს წერტილში aicar-ის მანქანა და გადაადგილდეს სასურველი მიმართულებით. ავტომანქანით სარგებლობის შემდეგ, ავტომობილის დატოვება მომხმარებელს თბილისის მასშტაბით ნებისმიერ პარკინგზე შეეძლება. აღსანიშნავია, რომ aicar-ის ავტოპარკის ყველა ავტომობილი ელექტრონულია“ -განაცხადა პრეზენტაციაზე თბილისის მერმა კახა კალაძემ. 

aiproduction-ი კი ითვალისწინებს პირველი ქართული ელექტრომობილების წარმოებას საქართველოში. შეიქმნება მანქანების ქართული ბრენდი, რომელიც ელექტრო მანქანებით მოამარაგებს არა მხოლოდ ქართულ ბაზარს არამედ კავკასიის რეგიონს, ცენტრალურ აზიასა და ევროპას.პირველი ქართული ელექტრომობილის წარმოება, წლის ბოლომდე იგეგმება.

საქართველოს პრემიერმინისტრის მამუკა ბახტაძის ინფორმაცით, კი საქართველოში პირველი ექლექტრომობილების ქარხანა 2020 წელს გაიხსნება. ქარხანა ქუთაისში აშენდება და რეგიონს ელექტრომობილებით მოამარაგებს: 

„უკვე 2020 წლიდან ჩვენ შევძლებთ ბაზარს მივაწოდოთ ელექტრომობილები. ჩვენ შევარჩიეთ ქალაქიც, რომელსაც აქვს დიდი ინდუსტრიული გამოცდილება. ქალაქი, რომელიც თითოეულ ქართველს უყვარს. ელექტრომობილების ქარხანა ქუთაისში აშენდება. მე მინდა ქუთაისელებს მივულოცო. ქარხნის წარმადობა იქნება 40 000 ავტომობილი, საიდანაც 50 % განკუთვნილი იქნება შიდა ბაზრისთვის, ხოლო 20 000 ავტომობილი ევროკავშირში ექსპორტზე იქნება გატანილი. ეს არის უდიდესი წარმატება“,- განაცხადა მამუკა ბახტაძემ.

პრემიერმინისტრის თქმით, ქარხანაში დამზადდება ოთხი მოდელის ავტომობილი და საქართველოში წარმოებული ელექტრომობილები წარწერით - Made in Georgia - იქნება მთავარი საექსპორტო პროდუქტი ევროპულ ბაზარზე საქართველოდან. 

პრეზენტაციას საქართველოს პრეზიდენტი, პრემიერ-მინისტრი, დედაქალაქის მერი, მთავრობის წევრები და საქართველოში აკრედიტირებული დიპლომატიური მისიის წარმომადგენლები დაესწრნენ.