„ქარშეარინგით“ სარგებლობის ფასი განისაზღვრა

„ქარშეარინგის“ სერვისი თბილისში აპრილის დასაწყისიდან არის ხელმისაწვდომი. 

დედაქალაქის მერიის ერთ-ერთი მიზანი დამაბინძურებელი ავტოტრანსპორტის შემცირებაა. შესაბამისად, მერია მხარდამჭერია პროექტის, რომელიც ავტომანქანების გაზიარებას, „ქარშეარინგს“ გულისხმობს. 

კომპანია ,,აიქარი“ ელექტრომობილების ინფრასტრუქტურის განვითარებას მთელი ქვეყნის მასშტაბით გეგმავს. წლის ბოლომდე ქალაქში 300 დამტენს დაამატებს, თბილისს გარეთ ცენტრალურ გზებზე 500 ასეთი წერტილი გაჩნდება, საჭიროების შესაბამისად, ყველა ქალაქის მოთხოვნა დაკმაყოფილდება.

გაქირავების ქსელში წლის ბოლომდე 300 ელექტრომობილი გაჩნდება, მათ შორის - 400 კილომეტრის გამავლობის. სარგებლობის ტარიფი დროისა და კილომეტრების ჯამის მიხედვით განისაზღვრა. წუთი 8, კილომეტრი კი 45 თეთრი ღირს.

ელექტრომობილების აწყობა საქართველოში იგეგმება. ქარხანა ქუთაისში იმუშავებს, სადაც 400-მდე ადამიანი დასაქმდება. 

ელექტრომობილის შეძენისას მყიდველს განბაჟების გადახდა არ მოუწევს. დასამუხტი აპარატი სახლთან უფასოდ დამონტაჟდება. 

შარშან საქართველოში 599 ელექტრომობილი დარეგისტრირდა, რაც წინა წელთან შედარებით 28%-ით ნაკლებია.