„ევროპაბეთის“ შემდეგ აზარტული თამაშების ბიზნესი გარე რეკლამაზე უარს ამბობს

აზარტული თამაშების კომპანიებმა საქართველოში უპრეცედენტო გადაწყვეტილება მიიღეს, რომელიც 1-ლი მარტიდან ყველა კომპანიის მიერ გარე რეკლამაზე უარის თქმას ითვალიწინებს. ბანერების ჩამოხსნა მთელი საქართველოს მასშტაბით უკვე დაწყებულია.

პირველად საქართველოში გარე რეკლამა „ევროპაბეთმა“ ჩამოხსნა, როდესაც 2019 წლის ბოლოს პასუხისმგებლიანი თამაშის, responsible.ge-ს პროექტის შესახებ დააანონსა. ამ ეტაპზე „ევროპაბეთმა“ ქვეყნის მასშტაბით ჩამოხსნა ყველა გარე ბანერი, ხოლო სხვა მედიასაშუალებებში რეკლამის თვითრეგულირება კომპანიის მიერ უკვე დაწყებულია.

რეკლამის თვითრეგულირება იყო პირველი ნაბიჯი, რომელიც კომპანიამ კორპორატიული სოციალური პასუხისმგებლობის კუთხით გადადგა.

გარდა თვითრეგულირებისა, „ევროპაბეთმა“ უკვე აამოქმედა მასშტაბური CSR პროექტები: მათ შორისაა, ჭადრაკის ფედერაციის პარტნიორობა და ამ კუთხით სხვადასხვა თამაშის, შეჯიბრებისა და ჩემპიონატის დაფინანსება, მათ შორის, რეგიონალური ჭადრაკის ჩემპიონატების და ახალი თაობის ამ ინტელექტუალურ სპორტში აქტიურად ჩაბმა; პარასპორტის განვითარება საქართველოში, კულტურისა და სხვადასხვა სოციალური პროექტის დაფინანსება და სხვა.

პასუხისმგებლიანი თამაშის ეტაპობრივი დანერგვით ევროპაბეთი უზრუნველყოფს მთელი რიგი პროცედურების გატარებას, რომელსაც პასუხისმგებლიანი თამაშის პრინციპი გულისხმობს.

(R)